२ तिमोथि 1:8 - माझी

⁸ होइहुदान हाम्‍रो पर्‌भुकर साछि देइलाइ र मुइ कइदि हक्‍लनाइ लाजउनो जुनमान, बुरु परमेसोरकर सक्‍तिनाइ सुसमचारकर लागि दुख भोगइलाइ तुइ पुनि तयार हक।

२ तिमोथि 1:8 Iomraidhean Croise

मर्‌कुस 8:38

अनि ह्‍य बेभिचारि र पापि पुस्‍तानाइ जुन मुइ र मोर बचनदेखि लाजाइछइ, मानुसकर बेटाक पुनि ब्‍वाककर महिमानाइ र पबित्‍र स्‍वर्‌गदुतकोसिन आइतिन ह्‍व देखि लाजाइनारआछ।”

लुका 9:26

जुन मानुस मुइसिन र मोर बचनसिन लाजाइछइ, मानुसकर बेटाक पुनि आफ्‍ने र आफ्‍ने ब्‍वाककर र पबित्‍र स्‍वर्‌गदुतकर महिमानाइ आइतिन होलाइ आफ्‍ने बलइलाइ लाजाइनारआछ।

पेरित 5:41

पेरितलत येसुकर नाउँनाइ दुख र अपमान सइनाराइ योग्‍यकराइ ठहरिले बल्‍ल कुरोनाइ आनन्‍द मानाइतिन महासभाबान निस्‍किके जाइला।

१ थेसलोनिकि 3:4

किनारइभने हाइनिन कस्‍ट भोगइपर्‌छइ बाजिके पइला ने तोराल्‍कोसिन हक्‍तिन हाइनिन तोराल्‍काइ बल्‍लाइ रइले। हाइनिन बल्‍ल जिन्‍खाए हकल्‍ते, ह्‍य ता तोराल्‍काइ था रोइस्‍या।

१ तिमोथि 2:6

सेब्‍बाइ मान्‍छेल्‍को लागि पापकर मोल तिरिकइ छुट्‌कारा देइकर लागि येसु आफि बलि हक्‍ले। ह्‍य कुरोकर पर्‌मान परमेसोरिन ठिक समयनाइ दिलाछ।

२ तिमोथि 1:10

ह्‍य अनुगरह अखन हाम्‍रो मुक्‍तिदाता खिरिस्‍ट येसु आइलपछि देखाइलाछ। होइनिन ने मिर्‌त्‍युकर सक्‍तिलाइ नास गर्‌ले र सुसमचारबान अजम्‍बरि जिबन देखाइले।

२ तिमोथि 1:12

होइहुदान मुइ ह्‍य कुरोनाइ दुख भोग्‍लाछु। तर मुइ बइलाजाउ, किनारइभने मुइनिन कुनलाइ बिस्‍वास गर्‌लाछु, ह्‍व मुइलाइ था आछ। मुइनिन परमेसोरलाइ जुन्‍टो कुरोकर जिम्‍मा लाइलाछु, ह्‍व आफ्‍ने आइनार दिनसम्‍म सुरछित धर्‌नारआछ बाजिके मुइ ढुक्‍क आछु।

२ तिमोथि 1:16

पर्‌भुन ओनेसिफरसकर परिवारलाइ किर्‌पा गर्‌दिक, किनारइभने होइनिन मुइलाइ धेरे फेरा भेट्‌टाइके होउसला दिले, र मुइ झ्‍यालखन्‍डनाइ हक्‍तिन पुनि ह्‍व बइलाजाइले।

२ तिमोथि 2:3

खिरिस्‍ट येसुकर असल सिपाइ जिन्‍खाए हाइसिन दुख सइ तयार हक।

२ तिमोथि 2:8

मर्‌लबान जिउँते हक्‍ल येसु खिरिस्‍टलाइ सम्‍जि, ह्‍व राजा दाउद बङ्‌सकर रइल। मुइनिन पर्‌चार गर्‌ल सुसमचार हेइ हो।

२ तिमोथि 2:9

हेइ सुसमचार पर्‌चार गर्‌ल हुदान मुइ दुख भोगि धर्‌लाछु, र अपराधि जिन्‍खाए साङ्‌लान बाँदिलाछु। तर परमेसोरकर बचन ता साङ्‌लान बइबाँदि।

२ तिमोथि 4:17

तर पर्‌भु मोर साथनाइ हकिके आने जातिल्‍किन सुसमचार सुनइ सक्‍दिखन बाजिके पर्‌चार गरइकर लागि सक्‍ति दिले। अनि पर्‌भुन मुइलाइ सिहकर मुखबान बाचाइले।

२ तिमोथि 4:5

तर तुइ चाइ सेब्‍बे कुरोनाइ होसियार हक। दुख भोग्‍नार गर, पर्‌चार गर्‌नार कामनाइ लागिधर र आफ्‍ने सेवाकर काम पुरा गर।