२ तिमोथि 1:3 - माझी

³ मुइ सदइ पार्‌थना गर्‌तिन तुइलाइ सम्‍जिकइ परमेसोरलाइ धन्‍नेबाद दिछिन, र मोर पुर्‌खाल्‍किन परमेसोरकर सेवा गर्‌लठि सुद्‌द बिबेकिन मुइ होक्‍र सेवा गर्‌छु।

२ तिमोथि 1:3 Iomraidhean Croise

लुका 2:37

र होइ चोउरासि बर्‌स जत्‍ता हक्‍लि रइलि। होइनिन मन्‍दिर बइछाड्‍तेलि, उपबास बस्‍तेलि र परमेसोरलाइ पुकार्‌तिन र पर्‌सन्‍सा गर्‌तिन रात-दिन बिताइतेलि।

पेरित 22:3

अनि पावलिन बाज्‍ले, “मुइ किलिकियाकर टार्‌सस सहरनाइ जन्‍मिल एक यहुदि हो, तर मुइ हेइ यरुसलेम सहरनाइ धर्‌म-गुरु गमलिएलकर चेला हकिके हुर्‌किनाइ। हाम्‍रो पुर्‌खादेखि चल्‍तिन आइल बिधि र परमेसोरकर नियम मुइनिन मजसिन सिक्‍नाइ। आज तोरा परमेसोरनाइ जत्‍ता जोसिलाइ आछो, मुइ पुनि ओत्‍ता ने जोसिलो रइनाइ।

पेरित 23:1

पावलिन महासभानाइ हक्‍लाइ सेब्‍बाल्‍काइ मजसिन हेर्‌तिन बाज्‍ले, “दाजि-भाइ हो, आजकर दिनसम्‍म मुइनिन परमेसोरकर अगि सुद्‌द बिबेकिन जिबन बिताइ धर्‌लाछु।”

पेरित 24:14

तर ह्‍य कुरो मुइ तोर अगाडि ने सुइकार गर्‌छु, जुन्‍टो मुक्‍ति पाइनार बाटलाइ हेल्‍किन झुटो बाज्‍छत, होइ अन्‍सार मोसान लेख्‍ल परमेसोरकर नियम र अगमबक्‍ताल्‍किन लेख्‍ल किताबकर सेब्‍बे कुरो बिस्‍वास गर्‌छु, अनि मुइ हाम्‍रो पुर्‌खाल्‍किन मान्‍तिन आइल परमेसोरकर आराधना गर्‌छु।

पेरित 24:16

होइहुदान मानुस र परमेसोरकर अगाडि मुइ सदइ आफ्‍ने बिबेकलाइ सुद्‌द धर्‌नार कोसिस गर्‌छु।

पेरित 26:4

“मुइ आफ्‍ने देसनाइ अनि यरुसलेमनाइ स्‍यान्‍खोसिन ने किन्‍खा जिबन बिताइल रइनाइ बाजिके सेब्‍बाइ यहुदिल्‍काइ मजसिन था रोइस्‍याक।

पेरित 27:23

किनारइभने मुइ परमेसोरकर हो, र मुइ होक्‍रे सेवा गर्‌छु। आज राति परमेसोरकर एउटो स्‍वर्‌गदुत मोर छेउनाइ ठडाइके बाज्‍ले,

१ थेसलोनिकि 3:10

तोराल्‍काइ फेरि भेट्‌टाइके बिस्‍वासनाइ अजइ दरो बानाइ सकउ बाजिके हाइ रात-दिन जोसिलो हकिके पार्‌थना गरिधर्‌लाछे।

१ तिमोथि 1:19

ह्‍व बेला आफ्‍ने बिस्‍वास र सुद्‌द बिबेकलाइ जोगाइ धर। कत्‍ताल्‍किन आफ्‍ने बिबेकिन बल्‍ल बइमान्‍तिन होल्‍को बिस्‍वास ने नाठ्‌लाछि।

१ तिमोथि 1:5

ह्‍य आग्‍याकर उदेस्‍यचाइ साँचो मया हो, ह्‍य मया सुद्‌द हिर्‌दय, असल बिबेक र साँचो बिस्‍वासबान आइछइ।

१ तिमोथि 5:5

तर जुन बिद्‌दुइकर कोइ बइने र अस्‍करे आछि, होइनिन आफ्‍ने भरोसा परमेसोरनाइ ने धर्‌लि हक्‍छइ। अनि होइनिन रात-दिन परमेसोरलाइ आफ्‍ने बिन्‍ति चाढाइ धर्‌छइ।

२ तिमोथि 1:5

मुइ तोर साँचो बिस्‍वासलाइ सम्‍जिछु। ह्‍व बिस्‍वास पइला तोरि बुडेर लोइस र आमेर युनिसनाइ रल्‍ति। मुइ ढुक्‍क आछु, ह्‍व बिस्‍वास तुइनाइ पुनि आछि।

२ तिमोथि 3:15

तुइनिन स्‍यान्‍खोसिन ने पबित्‍र धर्‌मसास्‍तरकर बचन जान्‍लाछस। हेइ बचनिन खिरिस्‍ट येसुनाइ गर्‌ल बिस्‍वासबान मुक्‍ति पाइकर लागि तुइलाइ बुद्‌दि दिस्‍यास।