7 होल्काइ निर्दोस हकिधरइकर लागि, ह्य सिछ्या दिखन।
मुइ माकेडोनिया जाइतिन तुइलाइ बिन्ति गर्ल जिन्खाए एफिससनाइ ने बस र गलत सिछ्या सिकाइनारकाइ कडा आग्या दिखन।
तुइनिन हेइ कुरो बिस्वासिल्काइ आग्या दिखन र सिकाखन।
अखन ह्य सन्सारनाइ धनि हक्नाल्काइ घमन्ड जुनगरो बाजिके आग्या दिखन, र नस्ट हकिके जाइनार धननाइ बया तर हाइलाइ सेब्बे थोक पर्सस्त परयोग गरइ दिनार परमेसोरनाइ होल्किन आसा धर्दिखन।
मर्लाइ र जिउँताइ सेब्बाल्को न्याय गरइ आइनार खिरिस्ट येसु र परमेसोरकर अगाडि, अनि होक्र आगमन र राज्यलाइ ध्याननाइ धरिके मुइ तुइलाइ ह्य आग्या दिछु,
ह्य कुरो सत्य हो। होइहुदान होल्काइ ब्यासिकिन हप्काखन, ताकि होलत बिस्वासनाइ बल्-ल्यो हक्दिखन।
तुइनिन ह्य सिछ्या दितिन पुरा अधिकारसहित अर्ति-उपदेस दिखन र हप्काखन। कुन्नुल्किन पुनि तुइलाइ हेला जुनगर्दिखन।
