१ तिमोथि 5:10 - माझी

¹⁰ अनि होइनिन मजार काम गर्‌लि, आफ्‍ने बेटाक-बेटेककाइ मजसिन हुर्‌काइलि, पाउनाल्‍काइ आफ्‍ने घरनाइ सेवा-सत्‍कार गर्‌लि, पर्‌भुकराइ जनको गोड धोइदिलि, दुखनाइ पर्‌लाल्‍काइ सयोग गर्‌लि र जुनसुके मजार कामनाइ ध्‍यान दिलि हकइ पर्‌छइ।

१ तिमोथि 5:10 Iomraidhean Croise

लुका 7:38

ह्‍व पछाडिबान आइके येसुकर गोडछेउनाइ ठडाइके कान्‍तिन येसुकर गोड आँसुन भिजाइदिल्‍ते र आफ्‍ने कापालकर बारिन पुछ्तिन गोडनाइ मइँ खाइके अत्‍तर लाइ लाग्‍लि।

लुका 7:44

अनि येसुन बेटिदिस फर्‌किके सिमोनलाइ बलल्‍ते, “ह्‍य बेटिलाइ हेरि ते। मुइ तोर घरनाइ आइनाइ, तर तुइनिन मुइलाइ गोड धोइलाइ पानिसम्‍म बइदिलइ, तर हेइनिन ता मोर गोड आँसुन भिजाइदिलि र आफ्‍ने बारिन पुछ्‌लि।

पेरित 10:22

होल्‍किन बाज्‍ला, “हाइलाइ रोमि कप्‍तान कर्‌नेलियसिन पाठाइल हो। ह्‍व इमान्‍दार र परमेसोरकर डर मान्‍नार मानुस हो। होलाइ सेब्‍बाइ यहुदिल्‍किन पुनि मान गर्‌छत। परमेसोरकर एउटो पबित्‍र स्‍वर्‌गदुत कर्‌नेलियस हक्‍लनाइ देखा परिके तुइलाइ होक्‍र घरनाइ बालाइके तुइबान सन्‍देस सुनइ बाजिके होइनिन स्‍वर्‌गदुतबान आदेस पाइलाछ।”

पेरित 22:12

“ह्‍व सहरनाइ मोसान लेख्‍ल परमेसोरकर नियम पालन गर्‌नार हननिया नाउँकर एउटो धर्‌मि मानुस रइल। उछिराइ सेब्‍बाइ यहुदिल्‍किन होलाइ आदर गर्‌तेला।

पेरित 6:3

होइहुदान दाजि-भाइ हो, तोराल्‍को माजबान पबित्‍र आत्‍मा र बुद्‌दिन भरिलाइ र सेब्‍बाल्‍को आदर पाइलाइ सात जनकाइ छानो। हाइ ह्‍य कामकर जिम्‍मा होल्‍काइ दिनारआछे।

पेरित 9:36

योप्‍पा सहरनाइ तबिता नाउँ हक्‍लि पर्‌भुलाइ बिस्‍वास गर्‌नारि बेटि रइलि। गिरिक भासानाइ होलाइ डोरकास बल्‍तेला। हेइनिन जइले पुनि आनेल्‍काइ भलाइ गर्‌तेलि र गरिबकाइ सायता गर्‌तेलि।

पेरित 9:39

ह्‍य सुन्‍लपछि पत्‍रुस उठिके होल्‍कोसिन जाइले। उछि पुग्‍लपछि होल्‍किन पत्‍रुसलाइ उपल्‍चो तालाकर कोठानाइ लाकाइला। बिद्‌दुइलत चाइ पत्‍रुसकर वरिपोरि ठडाइके कान्‍तिन तबितान बानाइदिल लुगालत देखाइला।

१ तिमोथि 2:10

तर आफिन असल काम गरिके देखाइदिखन। इन्‍खा गर्‌ल परमेसोरकर सेवा गर्‌नाराइ बेटिल्‍काइ स्‍वाइछइ।

१ तिमोथि 3:2

होइहुदान बिसप चाइ निर्‌दोस, एउटि मात्‍र बोहेक हक्‍ल, हरेक परिस्‍थितिनाइ आफिलाइ अधिन गरइसक्‍नार, सेब्‍बाल्‍कोसिन खुसि हकइसक्‍नार, सेब्‍बाल्‍किन आदर गर्‌ल, पाउनाल्‍काइ आदर गर्‌नार र परमेसोरकर बचन मजसिन सिकाइ सक्‍नार हकइपर्‌छइ।

१ तिमोथि 3:7

बिसप मन्‍डलि बाइरकराइ मान्‍छेल्‍को अगाडि पुनि असल मानुस हकइ पर्‌छइ, नत्‍र भने मान्‍छेल्‍किन होलाइ निन्‍दा गर्‌नारआछत र दियाबलसकर पासोनाइ पर्‌नारआछ।

१ तिमोथि 5:16

यदि कुनइ बिस्‍वासि बेटिल्‍को आफन्‍तनाइ बिद्‌दुइलत आछत भने होल्‍किन बिद्‌दुइकाइ सयोग गर्‌दिखन। इन्‍खा गर्‌ला भने मन्‍डलिलाइ कुनइ भार पर्‌नार बइने, होइहुदान मन्‍डलिन कोइ बइहक्‍लाइ बिद्‌दुइकाइ सयोग गरइ सक्‍दिक।

१ तिमोथि 5:25

उन्‍खाए ने मजार कामलत अगाडि ने छर्‌लङ्‌ग देख्‍छे र जुन्‍टो मजार काम बइदेखे, ह्‍व पुनि नुकिधरइ बइसकि।

१ तिमोथि 6:18

भलाइकर काम गरइ, मजार कामनाइ धनि हकइ, खाँचोनाइ पर्‌लाल्‍काइ खुल्‍ला मनिन र आफिसिन हक्‍ल कुरो आनेल्‍काइ देइ बाजिके होल्‍काइ बलइ।

२ तिमोथि 1:5

मुइ तोर साँचो बिस्‍वासलाइ सम्‍जिछु। ह्‍व बिस्‍वास पइला तोरि बुडेर लोइस र आमेर युनिसनाइ रल्‍ति। मुइ ढुक्‍क आछु, ह्‍व बिस्‍वास तुइनाइ पुनि आछि।

२ तिमोथि 2:21

यदि कुनइ मानुसिन खराब कामलाइ छाडिके ह्‍वबान बद्‌दुर बस्‍छइ भने ह्‍व आदरकर कामनाइ चालाइनार भाडा जिन्‍खाए हक्‍नारआछ। र घरकर मालिककर लागि चोखो, असल र मन पर्‌नार भाडा हक्‍नारआछ।

२ तिमोथि 3:15

तुइनिन स्‍यान्‍खोसिन ने पबित्‍र धर्‌मसास्‍तरकर बचन जान्‍लाछस। हेइ बचनिन खिरिस्‍ट येसुनाइ गर्‌ल बिस्‍वासबान मुक्‍ति पाइकर लागि तुइलाइ बुद्‌दि दिस्‍यास।

२ तिमोथि 3:17

ताकि परमेसोरकर जन सेब्‍बे असल काम गरइ सक्‍नार हक्‍दिक बाजिके ने धर्‌मसास्‍तर दिल हो।

तितस 2:14

खिरिस्‍टनिन हाम्‍रो सेब्‍बे पापबान हाइलाइ छुट्‌कारा देइकर लागि आफ्‍ने परान दिले। होइनिन आफ्‍ने लागि हाइलाइ सुद्‌द पारिके आफ्‍ने मान्‍छे बानाइले र असल काम गरइ जोसिलो मन दिले।

तितस 2:7

तुइनिन सेब्‍बे कुरोनाइ असल कामकर नमुना हकिके आफिलाइ देखाउ र तोर सिछ्‌यानाइ इमान्‍दार, गम्‍भिर

तितस 3:1

सासकको र सरकारि हाकिमको अधिननाइ बसइ, आग्‍याकारि हकइ र हरेक मजार काम गरइलाइ तयार हकइ बाजिके उछिराइ मान्‍छेल्‍काइ सम्‍जाखन।

तितस 3:14

हाम्‍राइ मान्‍छेल्‍किन एकदम खाँचोनाइ पर्‌लाल्‍काइ सयोग गरिके असल काम गरइ सिक्‍दिखन। अनि होलत काम लाग्‍नाराइ मान्‍छेलत हक्‍दिखन।

तितस 3:8

ह्‍य कुरो साँच्‍चि हो। परमेसोरनाइ बिस्‍वास गर्‌नाराइ सेब्‍बाल्‍किन होसियारिसाथ असल काम गरो बाजिके तुइनिन जोड दिल मुइ चाइछु। किनारइभने ह्‍य कुरो मान्‍छेल्‍को लागि मजार र फाइदा आछि।