१ तिमोथि 3:2 - माझी

² होइहुदान बिसप चाइ निर्‌दोस, एउटि मात्‍र बोहेक हक्‍ल, हरेक परिस्‍थितिनाइ आफिलाइ अधिन गरइसक्‍नार, सेब्‍बाल्‍कोसिन खुसि हकइसक्‍नार, सेब्‍बाल्‍किन आदर गर्‌ल, पाउनाल्‍काइ आदर गर्‌नार र परमेसोरकर बचन मजसिन सिकाइ सक्‍नार हकइपर्‌छइ।

१ तिमोथि 3:2 Iomraidhean Croise

लुका 1:6

होलत धेजन परमेसोरकर हेराइनाइ धर्‌माति रइला, र होल्‍किन परमपर्‌भुन बल्‍ल सेब्‍बे आग्‍या मान्‍तेला।

लुका 2:36

मन्‍दिरनाइ हन्‍ना नाउँ गर्‌लि एउटि अगमबादिनि रइलि। होइ आसेर कुलकर फनुएलकरि बेटेक रइलि। ब्‍याहा हक्‍ल सात बर्‌सपछि ने हेइ बिद्‍दुइ हक्‍लि रइलि।

१ तिमोथि 3:12

डिकन एउटि मात्‍र बोहेक हक्‍ल र आफ्‍ने घर-परिवार र बेटाक-बेटेककाइ मजसिन हेरचाह गरइ सक्‍नार हकइपर्‌छइ।

१ तिमोथि 3:8

उन्‍खाए ने डिकनलत पुनि सेब्‍बाल्‍किन आदर गर्‌नाराइ हकइपर्‌छइ, होलत दुइ जिब्‍रे, मातिकइ बइहिन्‍नार र पइसाकर लागि जे पुनि गरइ तयार हक्‍नार हकइबइहक।

१ तिमोथि 4:3

इन्‍खा मान्‍छेल्‍किन ब्‍याहा गरइ बइहक र कत्‍ता कुरो चाइ खाइ बइहक बाजिके सिकाइछत। तर बिस्‍वास गर्‌नारकिन र सत्‍यलाइ चिन्‍नारकिन धन्‍नेबाद दिके परमेसोरिन सिस्‍टि गर्‌ल थोक खाइ सक्‍छत।

१ तिमोथि 5:10

अनि होइनिन मजार काम गर्‌लि, आफ्‍ने बेटाक-बेटेककाइ मजसिन हुर्‌काइलि, पाउनाल्‍काइ आफ्‍ने घरनाइ सेवा-सत्‍कार गर्‌लि, पर्‌भुकराइ जनको गोड धोइदिलि, दुखनाइ पर्‌लाल्‍काइ सयोग गर्‌लि र जुनसुके मजार कामनाइ ध्‍यान दिलि हकइ पर्‌छइ।

१ तिमोथि 5:22

कुनु उप्‍रान हात धरिके मन्‍डलिकर अगुवा छान्‍नार कामनाइ हतार जुनगर। आनेल्‍को पापनाइ सहभागि जुनहक। आफ्‍ने जिबनलाइ सदइ पबित्‍र धर।

१ तिमोथि 5:9

जुन बिद्‌दुइनिन एउटो अडेसिन मात्‍र ब्‍याहा गर्‌छइ र साठ्‌ठि बर्‌स भन्‍दा बढ्‌ता उमेर हक्‍लाछि, होक्‍र नाउँ मात्‍र खातानाइ लेख।

२ तिमोथि 2:24

पर्‌भुकर सेबक झगडा गर्‌नार हकइ बइहक। तर सेब्‍बाल्‍कोसिन मिल्‍नार, मजसिन सिकाइ सक्‍नार, सेब्‍बे कुरो सइ सक्‍नार,

तितस 2:2

बुर्‌राल्‍काइ आफिन आफिलाइ अधिननाइ धर्‌नार, गम्‍भिर, समझदार, बिस्‍वास, मया र धइरेनाइ पक्‍का हकइलाइ सिकाखन।