१ तिमोथि 3:16 - माझी

¹⁶ हाइलाइ था आछ, हाइनिन गर्‌ल बिस्‍वासकर रहस्‍य एकदम बड्‌खो आछि, ह्‍व मानुसकर सरिरनाइ देखा पर्‌ले, पबित्‍र आत्‍माबान धर्‌मि ठहरिले, अनि होलाइ स्‍वर्‌गदुतकिन देख्‍ला, जाति-जातिल्‍को माजनाइ पर्‌चारिले, सन्‍सारनाइ होलाइ बिस्‍वास गर्‌ला, सम्‍मानसाथ होलाइ स्‍वर्‌गनाइ लाकाल्‍ते।

१ तिमोथि 3:16 Iomraidhean Croise

मर्‌कुस 1:13

सइतानिन उछिका येसुलाइ चालिस दिनसम्‍म परिछ्‌या गरल्‍ते। उछिका बनकराइ जनाबरलत पुनि रइला र स्‍वर्‌गदुतकिन होक्‍र सेवा-टहल गर्‌ला।

मर्‌कुस 16:19

चेलाल्‍कोसिन इत्‍तिके कुरो गरिसक्‍ल पछि पर्‌भु येसुलाइ स्‍वर्‌ग उठाइ लाकाल्‍ते, र परमेसोरकर दाइने हातपटि बस्‍ले।

मर्‌कुस 16:5

अनि चिहानभित्‍र पसिके हेर्‌तिन होल्‍किन गोरो लुगा लाइल एउटो छोडारिलाइ दाइनेपटि ठडाइधर्‌ल देख्‍ला। ह्‍य देखिके होलत अचम्‍म मान्‍ला।

लुका 2:32

ह्‍य आने जातिल्‍को लागि बाट देखाइनार जोति र तोर आफ्‍ने इज्‍राएलि जातिको लागि सम्‍मान हक्‍नारआछ।”

लुका 20:44

इत्‍तिके दाउद आफिन खिरिस्‍टलाइ पर्‌भु बल्‍ल पछि, फेरि किनिखे खिरिस्‍ट दाउदकर बेटाक हक्‍ले?”

लुका 22:43

अनि स्‍वर्‌गबान एउटो स्‍वर्‌गदुत आइके येसुलाइ सक्‍ति दिल्‍ते।

लुका 24:4

होलत उछि अलमल परिके ठडाइधर्‌ल बेलानाइ एक्‍कासि चहकिलो लुगा लाइलाइ दुइटाइ मान्‍छेलत होल्को छेउनाइ ठडाइल देख्‍ला।

लुका 24:51

होल्‍काइ आसिर्‌बाद दिधर्‌तिन येसु होल्‍कोबान छुट्‌टिले र स्‍वर्‌गनाइ उठाइ लाकाल्‍ते।

पेरित 1:19

ह्‍य कुरो यरुसलेमनाइ बस्‍नाराइ सेब्‍बाल्‍किन था पाइला। होल्‍किन ह्‍व खेतकर नाउँ आफ्‍ने भासानाइ “आखेल्‍दामा” धर्‌ला। हेक्‍र अर्‌थ “रकतकर खेत” हो।

पेरित 10:34

तब पत्‍रुस बाजइ थाल्‍ले, “अब मुइलाइ पक्‍का था हक्‍ले, कि परमेसोरिन कुनुल्‍काइ पछ्‌यपात बइगर।

पेरित 14:27

एन्‍टिओखियानाइ आइपुग्‍लपछि पावल र बारनाबासिन मन्‍डलिकराइ सेब्‍बाल्‍काइ बालाइला, अनि परमेसोरिन होलत मार्‌फत गर्‌ल सेब्‍बे कामकर बयान गर्‌ला, र किनिखे परमेसोरिन आने जातिल्‍को लागि बिस्‍वासकर ढोका खोल्‍दिले ह्‍व सुनाइला।

पेरित 20:28

होइहुदान तोराल्‍किन आफ्‍ने र पबित्‍र आत्‍मान तोराल्‍काइ जुन बिस्‍वासिलत दिलाछ, होल्‍को मजसिन हेरचाह गरो। परमेसोरकर मन्‍डलिकराइ मान्‍छेल्‍को मजार गोठ्‌ला हको, किनारइभने पर्‌भु येसुन ह्‍व मान्‍छेल्‍काइ आफ्‍ने रकतिन किन्‍ल हो।

२ थेसलोनिकि 1:10

ह्‍य कुरो पर्‌भु येसु आइनार दिननाइ हक्‍नारआछि। ह्‍व दिन पर्‌भु येसुन आफ्‍ने पबित्‍र जनकोबान महिमा पाइनारआछ र बिस्‍वास गर्‌नाराइ सेब्‍बाल्‍काइ छक्‍क पार्‌नारआछ, तोरा पुनि उछि हक्‍नारआछो, किनारइभने तोराल्‍किन हाइनिन पर्‌चार गर्‌ल सुसमचारनाइ बिस्‍वास गर्‌लो।

२ थेसलोनिकि 2:7

पाप गर्‌नार मानुसिन आफ्‍ने काम भित्‍र-भित्‍रे सुरु गरिसक्‍लाछ। तर होलाइ रोकिधर्‌नारिन नछाडुन्‍जेलसम्‍म होक्‍र काम देखिनार बइने।

१ तिमोथि 3:9

होल्‍किन आफिन गर्‌ल साँचो बिस्‍वासलाइ आफ्‍ने सुद्‌द बिबेकिन जोगाइ धरइपर्‌छइ।