१ तिमोथि 1:4 - माझी

⁴ र होलत पइलाकराइ मान्‍छेल्‍किन बानाइल दन्‍त्‍य कथालत र कइले बइटुङ्‌गिनार बङ्‌सावलिलाइ छाड्‌दिखन, किनारइभने इन्‍खा कुरोन बाद-बिबाद मात्‍र हक्‍छइ र परमेसोरनाइ बिस्‍वासकर जिबन बिताइनारकाइ केइ सायता बइगर।

१ तिमोथि 1:4 Iomraidhean Croise

१ तिमोथि 3:16

हाइलाइ था आछ, हाइनिन गर्‌ल बिस्‍वासकर रहस्‍य एकदम बड्‌खो आछि, ह्‍व मानुसकर सरिरनाइ देखा पर्‌ले, पबित्‍र आत्‍माबान धर्‌मि ठहरिले, अनि होलाइ स्‍वर्‌गदुतकिन देख्‍ला, जाति-जातिल्‍को माजनाइ पर्‌चारिले, सन्‍सारनाइ होलाइ बिस्‍वास गर्‌ला, सम्‍मानसाथ होलाइ स्‍वर्‌गनाइ लाकाल्‍ते।

१ तिमोथि 4:7

परमेसोरकर अपमान गर्‌नार र अर्‌थ बइहक्‍ल कथाबान बद्‌दुर बस, बुरु परमेसोरकर बचन अन्‍सार हिन्‍नार कोसिस गर।

१ तिमोथि 6:11

तर तुइ परमेसोरकर जन हक्‍ल हुदान ह्‍य कुरोबान बद्‌दुर बस, धार्‌मिकतानाइ, परमेसोरकर डरनाइ, बिस्‍वासनाइ, मयानाइ, इस्‍थिरतानाइ र नम्‍र हक्‍नार कुरोनाइ आफ्‍ने मन लाउ।

१ तिमोथि 6:20

तिमोथि, परमेसोरिन तुइलाइ जिम्‍मा दिल कुरोलाइ मजसिन हेरचाह गर। अनि तुइ परमेसोरलाइ निन्‍दा गर्‌नार मुर्‌ख कुरोबान र नचाइदो फटा कुरो, जुन्‍टोचाइ बिना कामकर ग्‍यान हो, ह्‍य कुरोबान बद्‌दुर बस।

२ तिमोथि 2:14

ह्‍य कुरो होल्‍काइ सम्‍जाइदिखन र सब्‍द-सब्‍दनाइ बाद-बिबाद बइगरइ बाजिके पर्‌भुकर अगाडि आराइ, ह्‍य कुरोन मजार बइगर। तर हेइनिन ता सुन्‍नाराइ मान्‍छेल्‍काइ पुनि बिगार्‌छइ।

२ तिमोथि 2:22

इन्‍खाए ने छोडारि हक्‍तिन आइनार बइमजार कुरोलाइ छाड, र सुद्‌द मनिन पर्‌भुकर नाउँ लिनारकोसिन धार्‌मिकता, बिस्‍वास, मया र सान्‍तिनाइ हिन।

२ तिमोथि 2:23

तर तुइ मुर्‌ख र बिना कामकर बाद-बिबादबान बद्‌दुरे बस। तुइलाइ था रोइस्‍यास, इन्‍खा कुरोन झगडा मात्‍र हक्‍छि।

२ तिमोथि 4:4

अनि होल्‍किन सत्‍य कुरो सुनइ इन्‍कार गर्‌नारआछत र दन्‍त्‍य कथादिस मन लाइनारआछत।

तितस 1:1

परमेसोरकर दास र येसु खिरिस्‍टकर पेरित मुइ पावलकर तर्‌फबान सेवाढोग। परमेसोरिन छान्‍लाइ मान्‍छेल्‍काइ बिस्‍वासनाइ बल्‌-ल्‍यो बानाइलाइ र परमेसोरलाइ मन पर्‌नार जिबन किनिखे बिताइनार बाजिके सत्‍यकर ग्‍यान सिकाइलाइ होइनिन मुइलाइ छानिकइ पाठाइलाछ।

तितस 1:14

होल्‍किन यहुदिल्‍को दन्‍त्‍य कथा जुनसुन्‍दिखन र सत्‍यलाइ इन्‍कार गर्‌नाराइ मान्‍छेल्‍को आग्‍या जुनमान्‍दिखन।

तितस 3:9

तर मुर्‌ख कुरो, बङ्‌सावलिकर कुरो, परमेसोरकर नियम सम्‍बन्‍धि बाद-बिबाद र झगडाबान बद्‌दुर बस। किनारइभने ह्‍व काम बइलाग्‍नार र बेर्‌थेकर कुरो हो।