१ थेसलोनिकि 1:5 - माझी

⁵ किनारइभने हाइनिन तोराल्‍कोनाइ आन्‍ल सुसमचार सब्‍दनाइ मात्‍र बया, तर सक्‍तिनाइ, पबित्‍र आत्‍मानाइ र पुरा बिस्‍वाससाथ आइल हो। हाइ तोराल्‍कोसिन हक्‍तिन तोराल्‍को लागि हाइनिन किन्‍खा जिबन बिताइलाइ रइले, ह्‍व तोराल्‍काइ था रोइस्‍या।

१ थेसलोनिकि 1:5 Iomraidhean Croise

मर्‌कुस 16:20

अनि चेलालत चारेदिस जाइके पर्‌चार गर्‌ला। पर्‌भु होल्‍कोसिन हकिके काम गर्‌ले र चेलाकिन पर्‌चार गर्‌ल कुरो सत्‍य हो बाजिके पर्‌मान अचम्‍मकर कामबान देखाइले।]

लुका 1:1

माननिय थियोफिलस, हाम्‍रो माजनाइ घटिके पुरा हक्ल घटनाकर बारेनाइ लेख्‍नार काम धेराकिन गर्‌लाछत।

पेरित 11:21

पर्‌भुकर सक्‍ति होल्‍कोसिन हक्‍ल हुदान धेराइ मान्‍छेलत बिस्‍वास गरिके पर्‌भुनाइ फर्‌किला।

पेरित 16:14

हाम्‍रो कुरो सुन्‍नाराइ मद्‌दे लिडिया नाउँ हक्‍लि परमेसोरकर आराधना गर्‌नारि बेटि रइलि। ह्‍व थिआटिरा सहरबान आइके फिलिप्‍पिनाइ बइजनि रङकर लुगा बेच्‍तेलि। पावलिन बाज्‍ल कुरो मजसिन बुजइकर लागि पर्‌भुन होक्‍र मन खोल्‍दिल्‍ते।

पेरित 2:33

परमेसोर ब्‍वान येसुलाइ उच्‍च पारिके आफ्‍ने दाइने हातपटि धरल्‍ते, र आफ्‍ने पर्‌तिग्‍या अन्‍सार येसुलाइ पबित्‍र आत्‍मा दिल्‍ते, अनि होइ पबित्‍र आत्‍मा येसुन हाइ उप्‍रान खन्‍याइदिलाछ, होइ कुरो अखन तोराल्‍किन सुन्‍तिन र देख्‍तिन आछो।

१ थेसलोनिकि 2:13

हाइनिन तोराल्‍काइ परमेसोरकर बचन सुनाइतिन तोराल्‍किन ह्‍व बचननाइ मान्‍छेल्‍को बचन बया तर ह्‍व बास्‍तबनाइ परमेसोरकरे बचन हो बाजिके सुइकार गर्‌लो। ह्‍व बचनिन तोरा बिस्‍वासिल्‍को जिबननाइ काम गर्‌तिनआछि। होइहुदान हेक्‍र लागि हाइ परमेसोरलाइ सदइ धन्‍नेबाद दिछे।

२ थेसलोनिकि 2:14

हेक्‍र लागि हाइनिन सुनाइल सुसमचारबान हाम्‍रो पर्‌भु येसु खिरिस्‍टकर महिमा पाइ परमेसोरिन तोराल्‍काइ बालाइले।

२ तिमोथि 2:10

होइहुदान मुइ परमेसोरिन छान्‍लाइ मान्‍छेल्‍को लागि सेब्‍बे दुख सइछु। ताकि होल्‍किन पुनि खिरिस्‍ट येसुनाइ मुक्‍ति र अनन्‍त महिमा पाइ सक्‍दिखन।

२ तिमोथि 2:8

मर्‌लबान जिउँते हक्‍ल येसु खिरिस्‍टलाइ सम्‍जि, ह्‍व राजा दाउद बङ्‌सकर रइल। मुइनिन पर्‌चार गर्‌ल सुसमचार हेइ हो।