Xo̱jo̱n Salmoo̱ 1:1 - Xo̱jo̱n eén Néná

¹ Achichíra̱tsjaa̱ kui xi ki̱a̱jín ndyi̱fítji̱ngi kjo̱a̱botíxomaa̱ xota̱ xi ndajiín, ko̱jo xi ki̱a̱jín katsꞌénkamajo̱ ndi̱yà xí tjimá xota̱ xi ndyi̱tsꞌènjeé, ko̱jo xi ki̱a̱jín nijan ndyi̱tsꞌénkamajo̱ xota̱ xi ndyi̱mojnókie Néná.

Xo̱jo̱n Salmoo̱ 1:1 Iomraidhean Croise

Jenesii̱s 49:6

Mejénjínna ki̱a̱ kotíjña̱jojnúꞌun ko̱jo tsi ki̱a̱ kjótsoꞌbájo̱jnúꞌun, ngatꞌa̱ kjiꞌanga katsꞌénxchán, katsꞌénkꞌién xota̱ ko̱jo katsꞌénxi̱ nga katsꞌénkꞌién cho̱yojo toro̱.

Joo̱b 10:3

A ndakjíꞌí nga tiniꞌínꞌínní, ko̱jo nga tiniꞌínchꞌí ji ni xi ndse̱ ji katsꞌénda, ko̱jo nga tsja maa̱ ni xi tsꞌén xota̱ xi ꞌniú ndajiín.

Joo̱b 21:16

Ta̱nga jmí tsi ngi̱ya tsja tikón ni nda xi kjimaa̱ kui. Kjin ngatꞌíjñána an, ni ndajín xi tsꞌénkjó xota̱ xi ꞌniú ndajiín.

Joo̱b 31:5

»Tsi ni xi bo̱a̱jín kjiꞌi katsꞌen an, ko̱jo tsi tjín xí índiso an,

Xo̱jo̱n Salmoo̱ 1:6

Ngatꞌa̱ Néná jè be ndi̱yà nínga ndyi̱fí xota̱ xi kixi̱i̱, ta̱nga ndi̱yà nínga ndyi̱fí xota̱ xi ndajiín, ki̱a̱ boá nínga xcha̱ja.

Xo̱jo̱n Salmoo̱ 106:3

¡Néná tsꞌénchíkonñé kui xota̱ xi kixi̱i̱, ko̱jo xi tsꞌéntjó kjo̱a̱kixi̱i̱!

Xo̱jo̱n Salmoo̱ 112:1

¡Si̱ꞌantsjàa̱ Néná! ¡Néná tsꞌénchíkonñé xota̱ xi tsꞌéntsjaà kui, ko̱jo xi tsja maa̱ nga tsꞌénkjátjosón kjo̱a̱botíxomaa̱!

Xo̱jo̱n Salmoo̱ 144:15

¡Jí boá xi niꞌínchikonñí nangi nínga kjifotjosón ngayeje kui nii̱! ¡Jí boá xi niꞌínchikonñí nangi xi bendikoón nga ji xi Nee̱ ji!

Xo̱jo̱n Salmoo̱ 146:5

¡Nee̱ xota̱ Israee̱l, tsꞌénchíkonñé xota̱ xi Néná kjimaꞌniátakón!

Xo̱jo̱n Salmoo̱ 146:9

Néná boá xi koo̱n xota̱ xi xín nangi chji̱a̱ni, kó tsꞌénxki̱ xota̱ xi xꞌi̱a̱n, ko̱jo ínchjín kꞌán xi je kꞌien xi̱ꞌii̱n. Néná boá xi tsꞌenkjié kjo̱a̱ ni xi mejeén sa̱ꞌín xota̱ xi ꞌniú ndajiín.

Xo̱jo̱n Salmoo̱ 2:12

¡Ti̱ꞌantsjàjnúu̱ Néná, tatíndsoꞌájnú sé ndií, ngatꞌa̱ tsita̱ sa̱ꞌínxchán, kó sa̱ꞌínkꞌiénjnú ngi̱ya ndi̱ya̱à, ngatꞌa̱ ta̱niján má ꞌniú tsꞌénxchán! ¡Achichíra̱tsjaa̱ ngayeje xota̱ xi kui mongase nga kui xi skoón!

Xo̱jo̱n Salmoo̱ 26:12

Tꞌanangi xi ꞌniú tikón boá, nínga síndosón ndsa̱ko án, kuíni nga nínga matikó xota̱ na̱xi̱ńdáa̱, ki̱a̱ ndatsꞌèn kuichjiá an kjo̱a̱a̱ ji.

Xo̱jo̱n Salmoo̱ 34:8

Chítꞌachi̱bo̱a̱yajnú, tsi̱ꞌe̱ nga xcha̱jnú nga ndaxota̱ Néná. ¡Achichíra̱tsjaa̱ kui nda̱ xi Néná ꞌniákón!

Xo̱jo̱n Salmoo̱ 36:4

Ndeskande ndatsi to̱kó kjiꞌijña ngase, nga ta̱soboá ni xi ndajiín boá xi tsꞌénkjó, jmí tsi ndi̱yà xí ndaa̱ xi tsoꞌbá, ngatꞌa̱ ma chꞌójiín ni xi ndajín xi tsꞌén.

Xo̱jo̱n Salmoo̱ 64:2

Tꞌíjñiꞌmíní kjo̱a̱a̱ kui ni ꞌma xi ndyi̱ꞌbínda xota̱ xi ꞌniú ndajiín, ko̱jo kjo̱a̱a̱ kui xtín xota̱ xi achichí nga ndajiín,

Xo̱jo̱n Salmoo̱ 81:12

Kuíni nga ta̱sá katsjandièe̱ nga katsꞌén ni xi kamámejeén ini̱ma̱a̱, tsi̱ꞌe̱ nga ki̱a̱ kijítji̱ngi ni xi ndajín xi kamámejeén katsꞌén.

Xo̱jo̱n Salmoo̱ 84:12

¡Ji Ne xi tsi̱ꞌe̱ jájuún, achichíra̱tsjaa̱ kui nda̱ xi ji kjimaꞌniátakoón!

Énkjínkón 1:15

¡Ta̱nga, ji ndí, ngata̱ ki̱a̱jín niꞌínkamaje̱ ji! ¡Ti̱ꞌinkjìi̱n yojòo̱ kui ndi̱ya̱à!

Énkjínkón 1:22

«Jún ndí jákjíndí xi kji̱e̱ jmí ni yàjínjnú kjo̱a̱a̱ kjo̱a̱mindyioo̱n, ko̱jo xi mojnóchàjnú, ngaskande kjiꞌání nga to̱kó si̱ꞌantjójnú ni xi jmí ni chjíjiín. Ngaskande kjiꞌání nga to̱kó ko̱jno̱chajnú, ngaskande kjiꞌání nga to̱kó si̱ꞌanchꞌójnú kjo̱a̱kjíntakoón.

Énkjínkón 13:15

Xota̱ xi tsjá ngo kjo̱a̱botíxoma xi nda, niꞌántjó, ta̱nga xota̱ xi kixi̱jiín, tsꞌénchájá soboá yojoo̱.

Énkjínkón 13:20

Xota̱ xi ki̱a̱ tsꞌénkámajo̱ xota̱ xi kjínkoón, kjínkón ka̱ma, ta̱nga xota̱ xi ki̱a̱ tsꞌénkámajo̱ xota̱ xi kitikjo̱a̱a̱, ndajín ka̱maa̱.

Énkjínkón 19:29

Jè tikónnda kjo̱a̱botíjé tsi̱ꞌe̱ xota̱ xi mojnókiee̱, kó ti̱ jè tikónnda ńꞌniú xí kjónié nga̱xto̱n xota̱ xi kitikjo̱a̱a̱.

Énkjínkón 2:12

tsi̱ꞌe̱ nga ni xi ndajiín xín sa̱ꞌínkjaꞌaa̱, ko̱jo xota̱ xi ꞌniú ndajiín jmí ni sa̱ꞌínjo̱jiín.

Énkjínkón 3:34

Néná mojnókie xota̱ xi mojnókiee̱, ta̱nga xota̱ xi ni̱ma̱kjo̱a̱a̱ tsjaá kjo̱a̱ndaa̱.

Énkjínkón 4:19

Kó ndi̱ya̱à xota̱ xi ꞌniú ndajiín, xikónií tsi ngo ngi̱ndie nínga jñó, ngaskande nde bejín mí nii̱ bo̱a̱ xi stingí.

Énkjínkón 9:12

Tsi xota̱ xi kjínkón ji, jí boá xi nda ka̱maa̱, ta̱nga tsi xota̱ xi kitikjo̱a̱a̱ ji, jí boá xi tsie kjo̱a̱ni̱ma̱ ku̱i̱tja̱tí ji».

Matioo̱ 16:17

Kó Kjisoo̱, bi̱ katsó: –Achichíra̱tsjaa̱ ji Ximo̱, ndií Jonaa̱, ngatꞌa̱ jmí tsi jín ko̱jo tsi yojo xi katsóyaà kui nii̱, Na̱ꞌmina xi tikón ndiꞌakꞌajmii̱ boá xi katsóyaà.

Rkaa̱ 11:28

Kó Kjisoo̱, bi̱ katsoó: –¡Ta̱sá tjón mára achichíra̱tsjaa̱ xota̱ xi ntꞌié eén Néná, kó tsꞌénkjátjosón ni xi tsó!

Rkaa̱ 23:51

kui nda̱a̱, ti̱ tsꞌénkoyaa̱ nga ko̱tíxoma Néná nga, kó ndse̱je̱njín kamá kui jaá kjo̱a̱a̱ ni xi katsꞌén,

Juaa̱ 13:17

Tsi yàjnú kui nii̱, achichíra̱ tsjajnú tsi si̱ꞌánjnú.

Juaa̱ 20:29

Sꞌe̱ Kjisoo̱, bi̱ katsó: –A ngatꞌa̱ kamáyèní Toma̱, a kuíni nga kisꞌijinnii̱. Achichíra̱tsjaa̱ xota̱ xi kamábejínna, kó kisꞌijii̱n.

Xota̱ Roma̱ 5:2

Ta̱ngatꞌanii̱ nga sꞌijinná Jesukristoo̱, kuíni nga ndyi̱bitjasꞌi̱e̱njin kuí kjo̱a̱nda xi̱ꞌbi̱, ꞌniú ku̱i̱ndyión kó tsja ngatamaná kjo̱a̱a̱ kjo̱a̱jee̱ Néná xi ndyi̱chiyáa̱ nga sa̱kóná.

Xota̱ Éfeso̱ 6:13

Kuíni nga, tꞌíndajnú yojojnú xikoó jájún xi Néná je katsjaá ngayeje ni, tsi̱ꞌe̱ nga skoón yojoo̱, tsi̱ꞌe̱ nga kjo̱chíkjo̱a̱jnú nga kjo̱chó ni̱xtjin xindajiín. Kó ngije tjíndajnú yojojnú ꞌniú ti̱ndyiónjnú.

Ndeuteronomio̱ 14:6

»Ka̱ma xi̱ni̱e̱jnú ngayeje cho̱ xi kjinieya kixꞌi kixꞌi ni xi kjinie, ko̱jo xi tji̱ ningoo̱.

Ndeuteronomio̱ 33:29

¡Achichíra̱ tsjajnú jún xota̱ Israee̱l, ngatꞌa̱ Néná boá xi tsꞌaxiéꞌájnú! Néná boá xi tsꞌénkónjnú, kó tsꞌénbosikójojnú. ¡Jmíjín xi bo̱a̱ tsꞌén ka̱maa̱ ko̱síko̱jójnú! ¡Jún boá xi ni̱ma̱kjo̱a̱ kꞌuijñájnú kondraa̱, kó ngindie ndsa̱kojnú kꞌuíndojnú!»

1 Xo̱jo̱o̱n Peé 4:3

Jè jaꞌa ni̱xtjin xikótsꞌèn kixindyionjnú ngasꞌe̱, kjiꞌanga kiniꞌánjnú ni xi tsja máa xota̱ xi sꞌijinjiín Néná, nga kiniꞌánjnú ni xi ndajín, ko̱jo ni xi ndajín xi mejeén yojojnú, ko̱jo kjo̱a̱chꞌi̱, ko̱jo nga chꞌo kiniꞌánjo̱xtínjnú yojo ndikónjnú, ko̱jo nga ikitjatjónjnúu̱ nga kiniꞌánjnú sꞌué, ko̱jo nga kiniꞌántsjájnúu̱ a̱sie̱én ne xi tsꞌénda xotaa̱, kui xi achichí chꞌokoón.

Ni xi akakoo̱ 22:14

Achichíra̱tsjaa̱ xi ndyi̱moniè ńjñoo̱ tsi̱ꞌe̱ nga kꞌuieé kjo̱a̱nda nga ka̱ma skji̱ni̱e̱ too̱ yaá kjo̱a̱mindyioo̱n, kó ka̱maa̱ kꞌo̱sꞌienni nga̱ntjo̱a̱a̱ na̱xi̱ńdáꞌniuú.