Titoo̱ 3:8 - Xo̱jo̱n eén Néná

⁸ Én xí ꞌniátakón boá xi̱ꞌbi̱, kó mejénna nga ꞌniú ko̱ndókjo̱a̱ kjo̱a̱a̱ kui nii̱, tsi̱ꞌe̱ nga kui xota̱ xi sꞌijii̱n Néná ta̱soboá ni xi nda xí sa̱ꞌín. Achichí nga nda kui eén, kó machjieén ngayeje xotaa̱.

Titoo̱ 3:8 Iomraidhean Croise

Joo̱b 22:2

«Kó tsꞌén chjiénnií Néná xota̱ nga̱sondiee̱. Xota̱ xi kjínkoón ti̱kuíní xi nda maá yojoo̱ ni xi tsꞌén.

Xo̱jo̱n Salmoo̱ 78:22

Ta̱ngatꞌanii̱ nga kisꞌijinjiín Néná, ti̱nde kamáꞌniátakónjín nga Néná ka̱maa̱ kꞌo̱xiéꞌá.

Énkjínkón 21:28

Xi ntꞌieé chistiko̱ ndisoo̱, si̱ꞌankjie, ta̱nga xi ntꞌieé kjo̱a̱botíxoma xi ndaa̱, ngatsjéni̱xtjin kꞌuijñá.

Matioo̱ 20:4

kó bi̱ katsoó: «Tangínni̱ꞌanxájnú ngi̱ndiena nínga maxchá tostsi̱je̱è, kó nda tsꞌén kꞌuichjíjnúꞌun.» Jo̱ꞌo katsó kui jaá, sꞌe̱ kijítsꞌénxá.

Juaa̱ 12:44

Ta̱nga Kjisoo̱ askjandáyà má, nga bi̱ katsó: –Xi sꞌi̱jii̱n an, ánjín xi tsꞌensíjinna, kuí xí katsangiyana xi tsꞌensíjin,

Juaa̱ 5:24

Ja̱koxi̱, ja̱koxi̱ ni xi xiánjnúꞌun: Xi ku̱i̱ntꞌiè énna, kó sꞌijii̱n xi katsangiyana, kꞌuieé kjo̱a̱mindyion ngatsjéni̱xtjii̱n, kó ka̱majéjiín, ngatꞌa̱ xín je katsꞌénkjaꞌa kjo̱a̱bo̱yaa̱, kó je katseꞌeé kjo̱a̱mindyioo̱n.

Ni xi kamá 12:15

Ta̱nga kui jaá, bi̱ katsoó kui tsa̱kji̱ín: –¡A tsobeéri! Ta̱nga ja̱koxi̱ nga Peé, katsó. Kó kui jaá bi̱ katsó: –Kuijín bo̱a̱, ta̱ ndítsjiee̱ boá.

Xota̱ Roma̱ 4:5

Ta̱nga xota̱ xi ma ꞌniákónjín ni nda xi katsꞌén, kó nga ta̱sá sꞌijii̱n kui Néná xi tsꞌénkixi̱ xota̱ xi ndajiín, kuí kjo̱a̱sꞌijii̱n xi boaꞌaxki̱ Néná nga tsꞌénjóꞌo xikoó ngo xota̱ xi kixi̱.

2 Xota̱ Korinto̱ 4:13

Bi̱ tsꞌén je kjitꞌa xo̱jo̱n eén Néná: “Kisꞌijinna, kuíni nga tsíchji̱a̱ an.” Kó ji̱n ti̱ bo̱a̱ ti̱ tsꞌén tjíjinjne̱. Sꞌijinjne̱ kó kuíni nga kandokjo̱a̱jne̱.

Xota̱ Éfeso̱ 4:28

Kui xota̱ xi katsꞌénchejé ngasꞌe̱, ngiti̱ bo̱a̱jín nga tsꞌén, ta̱sá ngatsꞌénxá, ngo xá xí nda nga tsꞌén nga sa̱ꞌínkjién tsja, tsi̱ꞌe̱ nga kꞌuieé ngo ni xi tsja̱á xota̱ xi ka̱machjieén ngo ni.

1 Timoo̱ 1:15

Én xí ma niꞌánsꞌijin boá xi̱ꞌbi̱, kó chjiéngá ngayeje xota̱ xi sa̱ꞌínsꞌijin: Nga Kristo̱ Kjisoo̱ jeꞌe kui nga̱sondiee̱, tsi̱ꞌe̱ nga kꞌo̱xiéꞌá xota̱ jé. Kó án boá xi tjón an ngi̱jii̱n kui xota̱jeé.

1 Timoo̱ 2:8

Mejénna nga já xíꞌiín, nga ta̱jñàní nga ku̱i̱chji̱a̱a̱ Néná nga skjinínkꞌá tsja nga tsjietsꞌén kꞌuijñá ini̱ma̱a̱, kó nga sa̱ꞌínxchánjín, ti̱nde nga ku̱i̱chji̱a̱tijín nga bo̱a̱ sa̱ꞌín.

1 Timoo̱ 5:10

Chjiéngá xcha̱ kjo̱a̱a̱ ni nda xi katsꞌén, ko̱jo tsi je nda katsꞌénxchá ndií, ko̱jo tsi je nda katsꞌénseén xota̱ xi jachó ndiꞌaa̱, ko̱jo tsi je aniéjón sé xota̱ tsjiee̱ Néná, ko̱jo tsi je asíko̱jo xota̱ xi ndyi̱foaꞌatio kjo̱a̱ni̱ma̱, ko̱jo tsi je katsꞌén ngayeje ni xi ndaa̱.

2 Timoo̱ 1:12

Kuíni nga tsie kjo̱a̱ni̱ma̱ xi tsꞌénfoaꞌatio an kjo̱a̱a̱ ngayeje kui nii̱, ta̱nga soboájín mana, ngatꞌa̱ jè be an ꞌyání xi je kisꞌijinna, kó be án nga ja̱koxi̱ nga kui tjiín ngaꞌniú, nga ta̱kó sꞌi̱ni̱jmì kui én xi katseꞌéna ngaskande ni̱xtjin nga Néná skotsíjee̱n mí ni xi katsꞌén nga ngo nga ngo xotaa̱.

Titoo̱ 1:9

Én xi ꞌniátakón xí akakoyaá, kó kuí xí chjiéngá ko̱kóyá, tsi̱ꞌe̱ nga ka̱maa̱ tsja̱angaꞌniuú kje̱ꞌe xota̱ nga sa̱ꞌínkjién kuí kjo̱a̱bokoyá ndaa̱, ko̱jo tsi̱ꞌe̱ nga sa̱ꞌínkie nga sa̱ꞌínkꞌoyà yojoo̱ kui xota̱ xi kondra̱ síndonii̱ kui kjo̱a̱bokoyaá.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

Titoo̱ 2:7

Ti̱ jii te̱ꞌée̱ ngo chi̱bo̱a̱ nga ni xi nda tiniꞌín ji. Nga ko̱ko̱yée̱, ngatamaya nga kixi̱ tiniꞌín ji, ko̱jo nga tiyendikín jí yojòo̱.

Titoo̱ 3:1

Ti̱ꞌinkjaꞌátsjìi̱n xota̱ na̱ngo̱xi̱i̱ nga sku̱i̱e̱ndikón xota̱ xi botixómaá, ko̱jo jáxaá, ngatintꞌièꞌeén, kó ngatꞌíndonda nga sa̱ꞌín ngayeje ni xi nda.

Titoo̱ 3:14

Kó xota̱ tsa̱ñá ngatamakjiín nga sa̱ꞌín ni xi ndaa̱, ko̱jo nga ko̱síko̱jo tsi ngo xota̱ xi chjieén tsja, tsi̱ꞌe̱ nga kꞌuíndo xikoó xota̱ xi ka̱ma ngasee̱ nda tsꞌén kꞌuíndo ngindyi̱ko̱n Néná.

Filemoo̱ 1:11

Kui nda̱ xi kje̱ꞌe ni̱xtjin kamáchjiénjiín ji, ta̱nga ngotꞌe̱ ꞌne̱, nga jó ñá boá xi kjima chjiénná.

Xota̱ Ebreo̱ 10:24

Kó ku̱i̱ndyi̱sé ndi̱yàa̱ kótsꞌèn ko̱si̱ko̱jó ja̱kꞌi̱e̱ ja̱ngaján xingi̱ nga kꞌuié ngasená kjo̱a̱tjó, ko̱jo nga ni xi nda xi si̱ꞌán.

1 Xo̱jo̱o̱n Peé 1:21

Kó ta̱ngatꞌanii̱ Kristoo̱ nga jún sꞌijinjnú Néná, kui Néná xi katsꞌénkjaꞌáꞌyaá Kristoo̱ ngi̱jii̱n xota̱ xi je jesoón kó katsjaá kjo̱a̱je, tsi̱ꞌe̱ nga sꞌi̱jinjnú ko̱jo ka̱maꞌniátakónjnú Néná.