Titoo̱ 3:7 - Xo̱jo̱n eén Néná

⁷ Néná katsꞌénkixi̱ná kjo̱a̱a̱ kjo̱a̱ndaa̱, bo̱a̱ katsꞌén tsi̱ꞌe̱ nga kꞌuiéná ngo kjo̱a̱chiyá nga sa̱kóná kuí kjo̱a̱mindyion ngatsjéni̱xtjii̱n.

Titoo̱ 3:7 Iomraidhean Croise

Matioo̱ 25:34

Kósꞌe̱ nda̱ Ree̱, bi̱ ka̱tso̱o̱ ngayeje xi síndo nga kixi̱i̱: «Ja̱bíjnúꞌun, jún xi je katsꞌénchikonñéjnú Na̱ꞌmina, chjábéjnú ngi̱ndie nínga botíxoma xi je tikónndajnú ndeskande koó nga ítsꞌi̱yanii̱ nga kamánda nga̱sondiee̱.

Markoo̱ 10:17

Kó nga tsꞌénfí Kjisoo̱ ngi̱ya ndi̱ya̱à, ngo nda̱ jachókón monga mongaa̱, asiéntꞌaa̱tikoó, kó bi̱ katsoó nga asíyaá: –Ji Mostro̱ nda, mí ni xi sa̱ꞌin an tsi̱ꞌe̱ nga sa̱kóna kjo̱a̱mindyion ngatsjéni̱xtjii̱n.

Xota̱ Roma̱ 11:6

Kó kjo̱a̱a̱ kjo̱a̱ndaa̱ Néná boá, jmí tsi kjo̱a̱a̱ ni xi katsꞌén, ngatꞌa̱ tsi kje̱ꞌe tsꞌén kjo̱a̱ndaa̱, ta̱ kjo̱a̱ndajín bo̱a̱. Kó tsi kjo̱a̱a̱ ni xi niꞌán, kjo̱a̱ndajín bo̱a̱, tsi kje̱ꞌe tsꞌén, ni xi niꞌaán, ni xi niꞌánjín bo̱a̱.

Xota̱ Roma̱ 3:24

Ta̱nga Néná ta̱ngatꞌanii̱ nga achichí tjoó ñá, kuíni nga ta̱ katsjáná nga kixi̱ tindyión ngindyi̱ko̱n kui, ngatꞌaa̱ nga kꞌien Kristo̱ Kjisoo̱ jè tsꞌaxiéꞌáná.

Xota̱ Roma̱ 3:28

Kuíni nga makjínná, nga Néná tsꞌénkixi̱ná ta̱nga ta̱ngatꞌanií nga sꞌijinná Kristoo̱, jmí tsi kjo̱a̱a̱ nga si̱ꞌankjatjosón ni xi tjítꞌa kjo̱a̱kitii̱.

Xota̱ Roma̱ 4:16

Kó kuíni nga, ni xi katsóyàtjón Néná nga tsja̱á, ta̱ngatꞌanií kjo̱a̱sꞌijii̱n nga ta̱ sakóná. Kó ta̱ngatꞌanii̱ kui nii̱ nga ya nga sa̱ko̱ó ngayeje xi xota̱ tji̱e̱e̱ nda̱ xi ꞌmí Abraa̱n, jmí tsi ta̱kuítsí xota̱ xi ngi̱yaa̱ kjo̱a̱kitii̱ síndo, ko̱jo kuí tsi̱ꞌe̱ xota̱ xi sꞌijii̱n xikoó Abraa̱n, kui xi na̱ꞌminá ngayeje ñá,

Xota̱ Roma̱ 4:4

Xikoó kjiꞌanga ngo xi tsꞌénxá, to̱n xi machjií jmí tsi ta̱ boeꞌérií, kuí boá ngo to̱n xi boeꞌeé kjo̱a̱a̱ xá xi je katsꞌén.

Xota̱ Roma̱ 8:17

Kó tsi ñá xí ndií Néná, ja̱ ti̱ sa̱kóná ni xi tsi̱ꞌe̱, kó nijan sa̱kóná kui nii̱ ko̱jo Kristoo̱, ta̱nga chjiéngá ku̱i̱tja̱tiójo̱ kjo̱a̱ni̱ma̱a̱ Kristoo̱, tsi̱ꞌe̱ nga nijan sa̱kóná kjo̱a̱jee̱ Néná.

1 Xota̱ Korinto̱ 6:11

Kó tjín jún xi kui nii̱ kiniꞌánjnú ngasꞌe̱, ta̱nga ngotꞌe̱ ꞌne̱ je kiniꞌántsjiejónjnú yojojnú, kó je tsjiejnú ko̱jo je xota̱ kixi̱jnú ngindyi̱ko̱n Néná, kó ngaꞌniuú Ndi̱a̱ná Jesukristoo̱ ko̱jo A̱si̱énni̱xtjii̱n Néná xí katsꞌén kui nii̱.

Xota̱ Ngalasia̱ 2:16

Kó jè ya ji̱n nga ngojín xota̱ xi kixi̱ ka̱ma ngindyi̱ko̱n Néná kjo̱a̱a̱ ni xi tjítsꞌén nga sa̱ꞌínkjatjosón kjo̱a̱kitii̱, ta̱sá kixi̱ ka̱ma ta̱ngatꞌanii̱ nga sꞌijii̱n Jesukristoo̱. Kuíni nga ko̱jo ji̱n xi jundío̱ ji̱n kiniꞌánsꞌijinjne̱ Jesukristoo̱, tsi̱ꞌe̱ nga kixi̱ ka̱ma ji̱n ta̱ngatꞌanii̱ kjo̱a̱sꞌijii̱n Kristoo̱, kó jmí tsi kjo̱a̱a̱ nga si̱ꞌankjatjosón ji̱n ni xi tjítꞌa kjo̱a̱kitii̱, ngatꞌa̱ kjo̱a̱a̱ kjo̱a̱kitii̱ nde ngojín xota̱ xi ka̱ma kixi̱ ngindyi̱ko̱n Néná.

Xota̱ Ngalasia̱ 3:29

Tsi Kristoo̱ ndokjo̱a̱nijnú, ja̱ xota̱ tji̱e̱e̱ Abraa̱n boá jún, kó jún xí sa̱kójnú kui ni xi Néná katsóyàtjón nga tsja̱á Abraa̱n.

Xota̱ Ngalasia̱ 4:7

Kó bo̱a̱ tsꞌén nga ji ngiti̱ moso̱ xi kastiñájín ji ngotꞌe̱, ndií Néná jí, kó tsi ndí jí, ja̱ ti̱ sa̱ko̱ó kui ni xi tsja̱á Néná ngayeje xi ndií kuí nga.

2 Xota̱ Tesalónika̱ 2:16

Kó kuí má Ndi̱a̱ná Jesukristoo̱, ko̱jo Néná xí Na̱ꞌminá, kui xi tsꞌéntjóná, ko̱jo xi tsjáná ngaꞌniú ngatsjéni̱xtjin, ko̱jo xi tsjáná kjo̱a̱chiyá ngatꞌaa̱ kjo̱a̱ndaa̱,

Titoo̱ 1:2

kuíni nga ndyi̱chiyáa̱ kjo̱a̱mindyion ngatsjéni̱xtjii̱n, kui ni xi ndeskande ngindiee̱ nga kamánda nga̱sondiee̱ katsóyàtjón nga tsja̱aná kui Néná xi májiín ꞌbíndisoo̱.

Titoo̱ 2:11

Ngatꞌa̱ Néná je akoó kjo̱a̱ndaa̱ ngayeje xotaa̱, kó kuí boá xi ꞌboxiéꞌáná,

Titoo̱ 2:13

Xchiyàráa̱ kui kjo̱a̱chiyá xi tsjáná kjo̱a̱tsjaa̱: Nga ko̱kó yojoo̱ Jesukristoo̱ kui Néná xí tjiín kjo̱a̱jee̱, ko̱jo kui xi tsꞌaxiéꞌáná,

Xota̱ Ebreo̱ 1:14

A mí tsí ngayeje ndítsjiee̱ nga kui xi ndyi̱tsꞌèn xaá Néná, kó nga kuí xí kanangiya tsi̱ꞌe̱ nga kui xi sa̱ꞌiín kjo̱a̱nda kui xota̱ xi sa̱ko̱ó kjo̱a̱ꞌnaxiéꞌaá.

Xota̱ Ebreo̱ 11:7

Ta̱ngatꞌanii̱ kjo̱a̱sꞌijii̱n Noee̱ nga kjiꞌanga Néná katsóyaà ni xi sꞌe̱ ka̱ma xi nde kji̱e̱ yàjín, Noee̱ kamándikoón, kó katsꞌénkjatjosón nga katsꞌénda ngo tjotso xi je, tsi̱ꞌe̱ nga jatjoꞌa xota̱ ndiꞌaa̱, kó ta̱ngatꞌanii̱ kui kjo̱a̱sꞌijii̱n nga Noee̱, akó nga Néná sa̱ꞌínkjié xota̱ xi ngasee̱, kó Noee̱ kasakoo̱ kjo̱a̱kixi̱i̱, kui kjo̱a̱kixi̱ xi ndibánií nga sꞌijinná Néná.

Xota̱ Ebreo̱ 11:9

Ta̱ngatꞌanii̱ kjo̱a̱sꞌijii̱n nga kisꞌijña xikoó ngo xota̱ xi xín nangi ki̱a̱ nangi xi ja̱bo̱a̱ je katsóyaà Néná nga tsja̱á, ndiꞌańjño ndichjon kisꞌijña, ko̱jo Isaa̱, ko̱jo Jako̱b, kui já xí ti̱ bo̱a̱ ti̱ tsꞌén katseꞌeé kui ni xi katsóyàtjoón Néná nga tsja̱á.

Xota̱ Ebreo̱ 6:17

Kó kuíni nga Néná kamámejeén nga akó cha̱n cha̱a̱n xota̱ xi sa̱ko̱ó kui ni katsóyàtjón nga tsja̱a, kó kuíni nga katsjá tsꞌoa nga tsja̱a ni xi katsóyàtjón nga tsja̱a.

Xo̱jo̱o̱n Sandiyaá 2:5

Jún ndí ntsꞌie xi tjóna, ndaꞌyájnú kui nii̱: A mí tsi Néná je jaꞌájin xota̱ ni̱ma̱a̱ kui nga̱sondiee̱, tsi̱ꞌe̱ nga ka̱macho̱nni ngi̱jii̱n kjo̱a̱sꞌijii̱n Néná, kó nga Néná jè katsóyàtjón nga kuí boá xi ko̱tíxomaa̱, xota̱ xi tsꞌéntjó Néná.

1 Xo̱jo̱o̱n Peé 3:7

Kó jún xi xi̱ꞌinjnú, ti̱ bo̱a̱ ti̱ tsꞌén ngatꞌiéjnú kjo̱a̱kjíntakón nga nda tsꞌén ku̱i̱ndyionjo̱jnú chjo̱ónjnú, cha̱ndikónjnú, ngatꞌa̱ ínchjiín jmí tsi bo̱a̱ tsꞌén ꞌniú xikoó jún, ngatꞌa̱ ngo chjo̱on ngo xi̱ꞌin xi je síndojo̱ xkjín, nijan sa̱kórií kjo̱a̱ndaa̱ kjo̱a̱mindyion xi tsjá Néná, tsi̱ꞌe̱ nga jmí ni sa̱ꞌínniꞌínjiín nga ku̱i̱chji̱a̱a̱ Néná.