Titoo̱ 3:6 - Xo̱jo̱n eén Néná

⁶ Néná achichí tsie A̱si̱énni̱xtjii̱n íjñajinná ngatꞌaa̱ kui Jesukristo̱ xi tsꞌaxiéꞌáná.

Titoo̱ 3:6 Iomraidhean Croise

Énkjínkón 1:23

¡Tasiénijónjnúꞌun kjiꞌanga sa̱ꞌinchji̱ni̱e̱jnúꞌun! Án boá xi tsjajnúꞌun a̱si̱énni̱xtjinna, kó xiyàjnúꞌun ni xi tsꞌenkjó án ko̱jo énna.

Juaa̱ 1:16

Ngatꞌa̱ kjo̱a̱nda tsiee̱ Néná jatjoni ngayeje ni xi katsjáná. Katsjáná ngo kjo̱a̱nda sꞌe̱ katsjá nginíná ingo kjo̱a̱ndaa̱,

Juaa̱ 16:7

Ta̱nga ni ja̱koxi̱ xí tꞌíxiánjnúꞌun: Ta̱sá nda ka̱majnú nga kjuín án, ngatꞌa̱ tsi kjuínjín an, kui xi sa̱ꞌíndajonjnú kjo̱e̱ꞌekónjínjnú, ta̱nga tsi kjuín án, án xí sangiya an.

Juaa̱ 4:10

Sꞌe̱ Kjisoo̱, bi̱ katsó: –Tsi yera ji kjo̱a̱ndaa̱ Néná, ko̱jo tsi yera ji ꞌyání xi bi̱ tjítsoó: “Chií ndáfoa te̱ꞌéní”, jira̱ xi chji̱e̱ꞌèe̱, kó kuí xí tsja̱á ndáfoa xi tsjaá kjo̱a̱mindyion xotaa̱.

Juaa̱ 7:37

Kó ni̱xtjin nga kjifetꞌa sꞌué xí ꞌboxié kui xotaa̱, Kjisoo̱ kasasienkixi̱, sꞌe̱ ꞌniú tsíchji̱a̱, nga bi̱ katsó: –Tsi tjín xí xíndaá, ngatjandibakónna tsi̱ꞌe̱ nga ngiti̱ ka̱ma xíndájiín.

Ni xi kamá 10:45

Kó kui xota̱ jundío̱ xi sꞌijii̱n Néná xi nijan jachójo̱ Peé achichí kijíndikoón nga ko̱jo kui xota̱ xi jundío̱jiín kisꞌijñajii̱n A̱si̱énni̱xtjii̱n Néná nga,

Ni xi kamá 2:33

Kuíni nga kiniꞌándikón nga ki̱a̱ tsja fojnií Néná tikón, kó ngije Na̱ꞌmii̱ katsjaá A̱si̱énni̱xtjii̱n Néná xi katsóyàtjón nga tsja̱á, kó kui nii̱ xi ndyi̱yajnú ko̱jo xi ndyi̱ndaꞌyájnú.

Xota̱ Roma̱ 2:4

Axa̱ niꞌínchꞌí jí kjo̱a̱cho̱o̱n kjo̱a̱ndaa̱, kjo̱a̱chiyákjo̱a̱a̱ ko̱jo kjo̱a̱ndaxota̱a̱ Néná, kó niꞌínkiejín ji yojòo̱ kjo̱a̱a̱ kjo̱a̱nda xi tsꞌénbokoó ndi̱yà tsi̱ꞌe̱ nga si̱ꞌinkꞌoyé ji yojòo̱.

Xota̱ Roma̱ 5:5

Kó kjo̱a̱chiyaá tsja̱ajínná kjo̱a̱soboá, ngatꞌa̱ kjo̱a̱tjoó Néná íjñá ngi̱jii̱n ini̱ma̱ná ta̱ngatꞌanii̱ kui A̱si̱énni̱xtjii̱n xi katsjáná ñá.

Xota̱ Roma̱ 8:2

Ngatꞌa̱ ngije kiniꞌángojo̱ yojoná Kristo̱ Kjisoo̱, A̱si̱énni̱xtjii̱n Néná xi tsjáná kjo̱a̱mindyioo̱n, katsjáná ngo kjo̱a̱kiti xi sa̱ꞌíndéná kjo̱a̱a̱ kjo̱a̱kitii̱ jeé ko̱jo kjo̱a̱bo̱yaa̱.

Xota̱ Éfeso̱ 3:8

An xí achichí chichí ngase an ngi̱jii̱n xota̱ tsjiee̱ Néná, ta̱nga an katseꞌéna kui kjo̱a̱ndaa̱ nga kꞌuini̱jmìi̱ xota̱ xi jundío̱jiín, éntjatsi̱e̱e̱ kjo̱a̱cho̱n tsiee̱ Kristoo̱ xi jmíjín xi makjín yejee̱.

Xota̱ Éfeso̱ 4:2

Nga xota̱ xi ni̱ma̱kjo̱a̱, ko̱jo xi ntꞌiéꞌén ka̱majnú, tsie takón ngatamajnú, kó ja̱kꞌi̱e̱ ja̱ngaján ti̱ꞌanchíkjo̱a̱jnúu̱ xingi̱jnú nga kꞌuiéjnú kjo̱a̱tjó.

1 Timoo̱ 6:17

Xota̱ cho̱o̱n kui nga̱sondiee̱ tatíxomée̱ nga jejín ꞌboxié yojoo̱, ti̱nde nga kjo̱a̱cho̱o̱njín xi ka̱maꞌniátakón, ngatꞌa̱ kjo̱a̱cho̱o̱n jmí tsi ngatsjéni̱xtjii̱n nga sꞌi̱jña, ta̱sá kui Néná xi tikoón xi ngatamaꞌniátakón, ngatꞌa̱ kuí boá xi tsjáná ngayeje ni xi machjiénná, tsi̱ꞌe̱ nga tsjatsꞌèn si̱ꞌankjién kuí nii̱.

Titoo̱ 1:4

Ji tsꞌéntsangiyaa kui xo̱jo̱o̱n Titoo̱, ngatꞌa̱ ja̱koxi̱ boá nga ji xi ndína kjo̱a̱a̱ kjo̱a̱sꞌijinná. Néná xí Na̱ꞌminá, ko̱jo Ndi̱a̱ná Jesukristoo̱ kui xi tsꞌaxiéꞌáná nga tsjaá kjo̱a̱ndaa̱, ko̱jo kjo̱a̱ni̱ma̱takoón, ko̱jo kjo̱a̱xioó.