Titoo̱ 3:5 - Xo̱jo̱n eén Néná

⁵ tsꞌaxiéꞌáná, ta̱nga jmí tsi kjo̱a̱a̱ ni xi kiniꞌán, tsi kjo̱a̱a̱ ngo ni xi kixi̱ xi kiniꞌán, ta̱sá ta̱ngatꞌanii̱ nga kamáni̱ma̱a̱ ñá. Katsꞌéntsjiená kjiꞌanga katsꞌéntsen nginíná, kó A̱si̱énni̱xtjii̱n xí katsꞌéntja̱tsi̱e̱yaniná.

Titoo̱ 3:5 Iomraidhean Croise

Joo̱b 15:14

ꞌYání bo̱a̱ xota̱ nga̱sondiee̱ tsi̱ꞌe̱ nga tsjie kꞌo̱xié yojoo̱, ko̱jo nga bo̱a̱ ka̱tso̱ nga jmí jéjiín.

Joo̱b 25:4

¡Ngindyi̱ko̱n Néná nde ngojín xi ka̱maa̱ ko̱kó nga jmíjéjiín! Nde ngojín xota̱ nga̱sondiee̱ xi tsjie.

Joo̱b 9:20

¡Ndatsi jmí tsi ni xi ndajín je katsꞌen an, ndso̱ꞌba án boá xi botíjéna, kó tsi kixi̱ án tsi xián án, kuí nii̱ xi ko̱kó nga tjínna jé!

Xo̱jo̱n Salmoo̱ 130:7

kó jí, na̱xi̱ńdá Israee̱l, tichiyée̱ nga kjo̱e̱ꞌe Néná, ngatꞌa̱ kuí boá xi tjoó ñá, kó tsjáná kjo̱a̱ndéná.

Xo̱jo̱n Salmoo̱ 143:2

Ngata̱ niꞌínje̱jínní xki̱ ngindyikin ji, ngatꞌa̱ kui nga̱sondiee̱ jmíjín xi ndaxota̱ kꞌo̱xié yojoo̱.

Xo̱jo̱n Salmoo̱ 51:10

Ji Ne, ngo ini̱ma̱ xi tsjie ti̱ꞌindení, kó ngo a̱siénni̱xtjin xi kixi̱ tꞌíjñijìnní.

Xo̱jo̱n Salmoo̱ 62:12

Jí boá xi tjiín kjo̱a̱ni̱ma̱takón ji Ne, ngatꞌa̱ jí boá xi boeꞌée̱ chjí xí tsoboaá nga ngo nga ngo xotaa̱, kjo̱a̱a̱ ni xi katsꞌén.

Xo̱jo̱n Salmoo̱ 86:15

Ta̱nga ji Ne, jí boá ngo Ne xi tjiín kjo̱a̱tsiekon ko̱jo kjo̱a̱ni̱ma̱takón, tsájín niꞌínxchín jí, kó tsie kjo̱a̱ni̱ma̱takón ko̱jo kjo̱a̱kixi̱ tjiín.

Xo̱jo̱n Salmoo̱ 86:5

Ngatꞌa̱ ji Ne, nda jí xota̱, kó maá niꞌínjetakín ji, ¡kó achichí kjo̱a̱ni̱ma̱takón tjiín kjo̱a̱a̱ xota̱ xi tsꞌénkáxoma jaꞌée̱n!

Matioo̱ 3:11

An, nga ja̱koxi̱, ndáfoa xí botindá án tsi̱ꞌe̱ nga si̱ꞌankꞌoyájnú yojojnú kjo̱a̱a̱ xikótsꞌèn tindyiónjnú, ta̱nga xi jaskan an ndibá, tjín ngasee̱ ngaꞌniú, kó nde tsoboájínna nga an kjuínjòo̱ tji̱xíndieé, kó kuí boá xi A̱si̱énni̱xtjii̱n Néná ko̱jo ndiꞌí xí ko̱tíndánijnú.

Rkaa̱ 1:50

Néná tsjaá kjo̱a̱ni̱ma̱takón ngayeje tji̱e̱e̱ xota̱ xi sku̱i̱e̱ndikón kuí.

Rkaa̱ 1:54

Asíko̱jo xota̱ Israee̱l, kui xi moso̱ tsi̱ꞌe̱, tsi̱ꞌe̱ nga kjo̱a̱ꞌátsjiee̱n kjo̱a̱ni̱ma̱takoón.

Rkaa̱ 1:72

tsi̱ꞌe̱ nga ni̱ma̱ ka̱maa̱ xota̱ tji̱e̱ xcháná, ko̱jo nga kjo̱a̱ꞌátsjiee̱n ni nda xi índajo̱.

Rkaa̱ 1:78

Ngatꞌa̱ Néná kamáni̱ma̱a̱ ñá, nga kui xi jeꞌekónná ndeskande nkꞌa jàn,

Xota̱ Roma̱ 11:14

Tsi tjítsꞌen onkon an xota̱ na̱xi̱ńdaá nangina, bo̱a̱ tjítsꞌen an, tsi̱ꞌe̱ nga kjo̱tjoꞌa chiboa kui xotaa̱.

Xota̱ Roma̱ 11:6

Kó kjo̱a̱a̱ kjo̱a̱ndaa̱ Néná boá, jmí tsi kjo̱a̱a̱ ni xi katsꞌén, ngatꞌa̱ tsi kje̱ꞌe tsꞌén kjo̱a̱ndaa̱, ta̱ kjo̱a̱ndajín bo̱a̱. Kó tsi kjo̱a̱a̱ ni xi niꞌán, kjo̱a̱ndajín bo̱a̱, tsi kje̱ꞌe tsꞌén, ni xi niꞌaán, ni xi niꞌánjín bo̱a̱.

Xota̱ Roma̱ 12:2

Kó ngata̱ bo̱a̱jín tsꞌén mindyiónjnú xikótsꞌèn síndo xotaa̱ kui nga̱sondiee̱, ta̱sá te̱ꞌéndièjnúu̱ nga ka̱matja̱tsi̱e̱ya kjo̱a̱kjíntakónjnú, tsi̱ꞌe̱ nga bo̱a̱ tsꞌén xcha̱jnú ni xi nda, ko̱jo xi tsjakjiꞌi, ko̱jo xi ndo̱jò kjin kjin xi mejeén Néná.

Xota̱ Roma̱ 3:20

Ngatꞌa̱ jmí tsi kjo̱a̱a̱ ngo ni xi katsꞌén ngi̱yaa̱ kjo̱a̱kitii̱ nga ngo xota̱ xi kixi̱ ka̱ma ngindyi̱ko̱n Néná, ngatꞌa̱ kjo̱a̱kitii̱ ta̱kuítsí xi bokó nga xota̱ boá jé ñá.

Xota̱ Roma̱ 3:28

Kuíni nga makjínná, nga Néná tsꞌénkixi̱ná ta̱nga ta̱ngatꞌanií nga sꞌijinná Kristoo̱, jmí tsi kjo̱a̱a̱ nga si̱ꞌankjatjosón ni xi tjítꞌa kjo̱a̱kitii̱.

Xota̱ Roma̱ 4:5

Ta̱nga xota̱ xi ma ꞌniákónjín ni nda xi katsꞌén, kó nga ta̱sá sꞌijii̱n kui Néná xi tsꞌénkixi̱ xota̱ xi ndajiín, kuí kjo̱a̱sꞌijii̱n xi boaꞌaxki̱ Néná nga tsꞌénjóꞌo xikoó ngo xota̱ xi kixi̱.

Xota̱ Roma̱ 9:11

Néná tsíchji̱a̱jo na̱ Rebekaa̱ kjiꞌanga nde kji̱e̱ tsenjín kui jákjíndií, kjiꞌanga nde kji̱e̱ jmí ni xi nda ko̱jo tsi ni xi ndajín xi je katsꞌén, ngatꞌa̱ Néná foaꞌájin xota̱ xi mejeén kui, jmí tsi kjo̱a̱a̱ ni nda xi tsꞌén.

Xota̱ Roma̱ 9:16

Ja̱ kuíni nga jmí tsi kjo̱a̱a̱ ni xi mejénná, ti̱nde jmí tsi kjo̱a̱a̱ ni xi nda ndyi̱niꞌán, tsi kui kjo̱a̱a̱ nga Néná nda sa̱ꞌínjo̱na, nda tsꞌénjo̱na kjo̱a̱a̱ nga ma ni̱ma̱a̱ ñá.

Xota̱ Roma̱ 9:30

Ja̱ kó mí ni xi kꞌuín. A nga kui xi xota̱ xi jundío̱jín xi kijítji̱ngijín kjo̱a̱kixi̱i̱, kasakoo̱ kjo̱a̱kixi̱i̱, kui kjo̱a̱kixi̱ xi sa̱kó ta̱ngatꞌanii̱ kjo̱a̱niꞌánsꞌijii̱n.

1 Xota̱ Korinto̱ 6:11

Kó tjín jún xi kui nii̱ kiniꞌánjnú ngasꞌe̱, ta̱nga ngotꞌe̱ ꞌne̱ je kiniꞌántsjiejónjnú yojojnú, kó je tsjiejnú ko̱jo je xota̱ kixi̱jnú ngindyi̱ko̱n Néná, kó ngaꞌniuú Ndi̱a̱ná Jesukristoo̱ ko̱jo A̱si̱énni̱xtjii̱n Néná xí katsꞌén kui nii̱.

Xota̱ Ngalasia̱ 2:16

Kó jè ya ji̱n nga ngojín xota̱ xi kixi̱ ka̱ma ngindyi̱ko̱n Néná kjo̱a̱a̱ ni xi tjítsꞌén nga sa̱ꞌínkjatjosón kjo̱a̱kitii̱, ta̱sá kixi̱ ka̱ma ta̱ngatꞌanii̱ nga sꞌijii̱n Jesukristoo̱. Kuíni nga ko̱jo ji̱n xi jundío̱ ji̱n kiniꞌánsꞌijinjne̱ Jesukristoo̱, tsi̱ꞌe̱ nga kixi̱ ka̱ma ji̱n ta̱ngatꞌanii̱ kjo̱a̱sꞌijii̱n Kristoo̱, kó jmí tsi kjo̱a̱a̱ nga si̱ꞌankjatjosón ji̱n ni xi tjítꞌa kjo̱a̱kitii̱, ngatꞌa̱ kjo̱a̱a̱ kjo̱a̱kitii̱ nde ngojín xota̱ xi ka̱ma kixi̱ ngindyi̱ko̱n Néná.

Xota̱ Éfeso̱ 2:4

Ta̱nga Néná achichí ꞌniú ni̱ma̱ máa xotaa̱, kó katsꞌénkjién kjo̱a̱tjó jee̱ nga katsꞌéntjóná,

Xota̱ Éfeso̱ 4:23

kó ngatamatja̱tsi̱e̱ya a̱si̱énni̱xtjinjnú, ko̱jo kjo̱a̱kjíntakónjnú.

Xota̱ Éfeso̱ 5:26

kui nii̱ xi katsꞌén nga katsꞌéntsi̱ꞌe̱. Eén katsꞌéntsjieni, kó ndáfoa aniéjónni,

Xota̱ Kolosa̱ 3:10

Kó ngotꞌe̱ ꞌne̱ xikoó tsi je kichajájnú ngo ńjño xi tja̱tsi̱e̱, nga Néná tjítsꞌéntja̱tsi̱e̱yajnú xi kókón kui, ko̱jo nga nda ngase xcha̱jnú kókón Néná.

2 Timoo̱ 1:9

Kui Néná xí tsꞌaxiéꞌáná, ko̱jo xi tsíchji̱a̱ná tsi̱ꞌe̱ nga ngo na̱xi̱ńdá tsjie ka̱ma, jmí tsi kjo̱a̱a̱ ni xi kiniꞌán, ta̱sá kjo̱a̱a̱ ni xi je tjíndaa̱, ko̱jo kjo̱a̱a̱ kjo̱a̱nda xi katseꞌéná ñá nga kui Kristo̱ Kjisoo̱ xi ko̱ndókjo̱a̱ ñá ndeskande ni̱xtjin nga katsꞌénda nga̱sondiee̱.

Titoo̱ 3:4

Ta̱nga kjiꞌanga akó kjo̱a̱ndaa̱ Néná kui xi tsꞌaxiéꞌáná, ko̱jo kjo̱a̱tjó xi tjiín kjo̱a̱a̱ ngayeje xotaa̱,

Xota̱ Ebreo̱ 10:22

Kuíni chjiéngá nga ngayeje ini̱ma̱ná nga kongínchon tiñáa̱ Néná, nga kꞌuiéná ngo kjo̱a̱sꞌijin xi ja̱koxi̱, nga tsjie ka̱ma ini̱ma̱ná kjo̱a̱a̱ ni xi ndajínkjiꞌi xi tikoón kjo̱a̱kjíntakónná ko̱jo nga ko̱niéjón ñá yojoná ndáfoa xi tsjie.

Xota̱ Ebreo̱ 4:16

Si̱ꞌantiñáa̱ yojoná tsobo̱a̱, kó si̱ꞌanꞌniátakón Néná xi botixómáná, ko̱jo xi tsjáná kjo̱a̱ndaa̱, tsi̱ꞌe̱ nga sa̱kóná kjo̱a̱ni̱ma̱takoón, kó sa̱kóná kjo̱a̱ndaa̱ kjiꞌá má nga ka̱machjiénná kuí.

Xota̱ Ebreo̱ 6:6

tsi kui xota̱ xi je kasakoo̱ kui nii̱, kó tsi ku̱i̱ꞌíjñámasien ni xi tsi̱ꞌe̱ Néná, ngiti̱ ka̱májín nga ingo ndi̱yà ka̱matja̱tsi̱e̱ya nginí tsi̱ꞌe̱ nga sa̱ꞌínkꞌoyà yojoo̱, ngatꞌa̱ kui xotaa̱, kuí boá xi ndyi̱bótꞌa nginí kro ndií Néná, kó ndyi̱tsjà ngindie nga ngayeje xotaa̱ ko̱jno̱kie.

1 Xo̱jo̱o̱n Peé 1:3

Nganiꞌántsjaá Néná, kui xi Na̱ꞌmii̱ Ndi̱a̱ná Jesukristoo̱, kui xi ta̱ngatꞌanii̱ kjo̱a̱ni̱ma̱takón jee̱ nga katsꞌéntsen nginíná nga ndyi̱chiyáa̱ nga ko̱jo ñá kꞌuiéná ngo kjo̱a̱mindyion, ta̱ngatꞌanii̱ nga jaꞌáꞌyaá Jesukristoo̱ ngi̱jii̱n xota̱ xi je jesoón.

1 Xo̱jo̱o̱n Peé 2:10

Jún xi kje̱ꞌe ni̱xtjin nde ngo xota̱ na̱xi̱ńdá kamájínjnú, ta̱nga ngotꞌe̱ ꞌne̱, xota̱ na̱xi̱ńdaá Néná boá jún. Néná ni̱ma̱jín kamaá jún ngasꞌe̱, ta̱nga ngotꞌe̱ ꞌne̱ Néná ni̱ma̱ máa jún.

1 Xo̱jo̱o̱n Peé 3:21

Kuí ndáfoaa̱ xi akó tjón tjón xikótsꞌèn tsꞌaxiéꞌájnú ndáfoaa̱, ngatꞌa̱ kjiꞌanga satíndá ngi̱jin ndáfoaa̱, fotjoꞌa ñá ta̱ngatꞌanií nga jaꞌáꞌyaá Jesukristoo̱. Kjo̱a̱botíndaá jmí tsi kui xi tsꞌéntsjie yojoná, ta̱sá tsi̱ꞌe̱ nga ndyi̱mindyisé nga nda kꞌuijñá kjo̱a̱kjíntakónná ngindyi̱ko̱n Néná.