Titoo̱ 3:3 - Xo̱jo̱n eén Néná

³ Ngatꞌa̱ ngasꞌe̱ ti̱ bo̱a̱ ti̱ tsꞌén ñá, xota̱ chi̱ni kamá ko̱jo kandaꞌyáꞌénjín ñá, kisꞌiṉtso̱ma kichajá, kó mosoo̱ ngayeje to̱ko̱ya kjo̱a̱tsjaa̱ yojoná xi mejeén ini̱ma̱ná kamá, kó ngi̱jii̱n ni xi ndajiín, ko̱jo ngi̱jii̱n kjo̱a̱ꞌontakoón kixindyionjìn, kó ñá kiniꞌánchꞌó, kó ti̱ kiniꞌánchꞌóná ñá.

Titoo̱ 3:3 Iomraidhean Croise

Jenesii̱s 38:9

Kó nga kamábe Onaa̱n nga kuijín tsi̱ꞌe̱ ka̱ma ndí xí kꞌuieé xo̱ngo̱ò, kjiꞌanga kisꞌiejo̱ kui xota̱chjo̱on, katsjandièjiín yojoo̱ nga ndí ko̱a̱ꞌa̱ kui naa̱, ngatꞌa̱ kamámejénjiín nga ngatꞌaa̱ kui nga kꞌuieé xota̱ tji̱e̱ ntsꞌi̱e̱ xi kꞌiee̱n.

Jenesii̱s 39:16

Kó kui naa̱ ki̱a̱ jaꞌátjó ńjñoo̱ Kosiee̱ ngaskande nga jachó xi̱ꞌii̱n.

Xo̱jo̱n Salmoo̱ 36:2

Tsꞌénkjiín kon nga jé xí katsꞌén jmíjín xi sku̱i̱e̱, ko̱jo jmíjín xi chꞌo ka̱maa̱ kui nii̱.

Énkjínkón 8:5

Jún ndí já xo̱ngò xi jmí ni bejín, ndí jákjíndí xi kji̱e̱ jmí ni májiín, ¡nda má ti̱ꞌankjójnú ni xi ndyi̱niꞌánjnú!

Énkjínkón 9:6

Tꞌíjñámasiénjnú kjo̱a̱chi̱nii̱, tsi mejénjnú nga ku̱i̱ndyionjnú, kó ki̱a̱ tangíntji̱ngíjnú ndi̱ya̱à kjo̱a̱kjíntakoón.

Matioo̱ 21:29

Ta̱nga kui ndií, bi̱ katsó: «¡Jmí, mejénjínna kjuín án!» Ta̱nga ngi̱chí sájín katsꞌénkꞌoyá yojoo̱ kui ndií, kó kijí nínga katsangiya na̱ꞌmii̱.

Rkaa̱ 21:8

Kósꞌe̱ Kjisoo̱, bi̱ katsó: –Tsitsíjenjnúu̱ nga jmíjín xi kꞌo̱ṉcha̱jojnú, ngatꞌa̱ achichí má xota̱ xi kjo̱e̱ꞌe ngajona xi bi̱ ka̱tso̱: “Án boá xi Kristoo̱”, ko̱jo bi̱ ka̱tso̱: “Jè kjimatiña ni̱xtjii̱n”, ta̱nga nga kuijín xi mongíntjíngíjnú.

Juaa̱ 8:34

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiánjnúꞌun, nga ngayeje xota̱ xi tsꞌénjé, moso̱ xi kastiñaá jeé boá.

Xota̱ Roma̱ 11:30

Ngasꞌe̱ jún kamámejénjínjnú nga kiniꞌánkjatjosónjnúu̱ Néná, ta̱nga ngotꞌe̱ ꞌne̱ tjisákójnú kjo̱a̱ni̱ma̱takoón Néná, ngatꞌa̱ xota̱ Israee̱l kamámejénjiín katsꞌénkjatjosón.

Xota̱ Roma̱ 6:12

Ja̱ kuíni nga ngata̱ boeꞌéndièjínjnú nga jeé ko̱tíxomaa̱ yojojnú xi ꞌmee̱, ti̱nde ngata̱ niꞌánsénjínjnúu̱ ni xi ndajín xi mejeén sa̱ꞌín yojojnú.

Xota̱ Roma̱ 6:17

Ta̱nga ndokꞌóchji̱raá Néná, ndatsi moso̱ xi kastiñaá jeé kamájnú ngasꞌe̱, ta̱nga ngotꞌe̱ ꞌne̱ jè kandaꞌyáꞌénjnú ngayeje ini̱ma̱jnú kui kjo̱a̱bokoyá xi kiniꞌánkꞌasꞌienjnú.

Xota̱ Roma̱ 6:22

Ta̱nga ngotꞌe̱ ꞌne̱ ngije xín kiniꞌánkjaꞌajnúu̱ yojojnú jeé, kó ngije mosoo̱ Néná jè kamájnú, tikónjnú ngo ni xi tsi̱ꞌe̱ kjo̱a̱tsjiee̱, kó nga kju̱i̱e̱tꞌa sa̱kójnú kjo̱a̱mindyion ngatsjéni̱xtjii̱n.

Xota̱ Roma̱ 6:6

Ja̱ jè ya ñá nga kjo̱a̱mindyion xi kisꞌiená ngasꞌe̱ jè nijan kꞌienjo̱ Kristoo̱ ki̱a̱ tꞌa kroo̱. Tsi̱ꞌe̱ nga yojo jeé si̱ꞌankjie. Kuíni nga ngiti̱ kuijín jeé xi ko̱tíxománá.

2 Xota̱ Korinto̱ 12:20

Ngatꞌa̱ nda̱ kjimana tsi kjiꞌanga kjuínkátsijenjnúꞌun bo̱a̱jín tsꞌén sa̱kóna jún xikótsꞌèn mejénna an, kó nga bo̱a̱jín tsꞌén sa̱kójnú an xikótsꞌèn mejénjnú jún. Nda̱ kjimana tsi ndyi̱bokjángájnú yojojnú, tsi tjínjnú kjo̱a̱ꞌontakón, ko̱jo tsi tjínjnú kjo̱a̱xti, ko̱jo tsi tjínjnú kjo̱a̱ndikonkón, ko̱jo tsi tjínjnú kjo̱a̱ndokjo̱a̱taꞌin, ko̱jo tsi tjínjnú ényà, ko̱jo tsi tjínjnú kjo̱a̱nkꞌatakón, ko̱jo tsi tjínjnú kjo̱a̱xchán.

Xota̱ Ngalasia̱ 6:3

Tsi tjín xí je maa̱ yojoo̱, kó ya nga bo̱a̱jín kjiꞌi ni xi bokó, ta̱ tsꞌénꞌboṉcha̱jo soboá tsí yojoo̱.

Xota̱ Kolosa̱ 1:21

Jún ngasꞌe̱ kixindyiontꞌaxínjnúu̱ Néná, kó ngi̱jin ini̱ma̱jnú kondraa̱ kui kamájnú, kjo̱a̱a̱ ni xi ndajín xi kiniꞌánjnú,

Xota̱ Kolosa̱ 3:7

Kui nii̱ xi kiniꞌánjnú ngasꞌe̱ nga bo̱a̱ tsꞌén kixindyionjnú.

2 Timoo̱ 3:13

Ta̱nga kui xota̱ xi ndajiín, ko̱jo xi ndyi̱ꞌbindísoó, ꞌniú ngase ndajín ka̱maa̱, nga kꞌo̱ṉcha̱ ko̱jo nga xꞌi̱ṉcha̱jo.

2 Timoo̱ 3:6

Ngatꞌa̱ kuí boá kui xotaa̱ xi ꞌbosꞌien xki̱ ndiꞌa, kó ꞌbindísojo̱ ínchjín xi inda tjimá xi májiín ꞌbíꞌniuú yojoo̱ nga ndyi̱tsꞌèn jé, kui xi ndyi̱tsꞌènkjátjosón ta̱jmì niní xi mejeén ini̱ma̱a̱.

Titoo̱ 1:16

Be xò Néná ti̱xꞌi̱a̱n ndyi̱tsó, ta̱nga ni xi ndyi̱tsꞌèn, bokó nga jmí tsi sꞌijin ja̱koxi̱i̱ Néná. Kuí boá kui xotaa̱ xi ndajín, ko̱jo xi ntꞌiéꞌénjín, kó nde chiíjín maá tsꞌén ni xi nda.

Titoo̱ 2:12

nga tsꞌén bokoyáná nga ngiti̱ si̱ꞌánjín ñá ni xi ndajín, ko̱jo ni nga̱sondie xi mejeén ini̱ma̱ná, ko̱jo nga nda si̱ꞌankjíi̱n takón ni xi si̱ꞌán, ko̱jo nga kixi̱ si̱ꞌán, ko̱jo nga xcha̱ndikón Néná, tji̱e̱nga tindyión kuí nga̱sondiee̱.

Xo̱jo̱o̱n Sandiyaá 1:26

Tsi tjín xí sꞌijii̱n nga ꞌniú bendikón Néná, ta̱nga tsi májiín ꞌbíꞌniuú na̱je̱n nga chji̱a̱, ti̱kuíní xi tsꞌénꞌboṉcha̱jo ini̱ma̱a̱, kó kjo̱a̱a̱ nga ꞌniú bendikón Néná tjítsoó yojoo̱, nde jmí ni chjíjiín kui nii̱.

1 Xo̱jo̱o̱n Peé 1:14

Ngatamajnú xikoó ndí xí ntꞌiéꞌeén na̱ꞌmii̱, jmí tsi bo̱a̱ tsꞌén ku̱i̱ndyionjnú, xikoó ngasꞌe̱ kjiꞌanga kji̱e̱ yàjínjnú Néná, nga ta̱xkiya kiniꞌánkjatjosónjnúu̱ ni xi kamámejénjnú kiniꞌánjnú.

Ni xi akakoo̱ 12:9

Kó bo̱a̱ tsꞌén ikiyotji̱ngii̱ kui cho̱ tamá xí yito to̱koo̱ ki̱a̱ ndiꞌakꞌajmii̱, kui ye̱ xchaá xi ꞌmí xindajín ndiabloo̱ ko̱jo Satanaa̱, kui xi ꞌboṉcha̱jo ngayeje xotaa̱, kui cho̱o̱ ko̱jo ndítsjiee̱ ki̱a̱ akatítsojosón nga̱són tꞌanangii̱.

Ni xi akakoo̱ 13:14

Kó tsꞌenṉcha̱jo xotaa̱ tꞌanangii̱ kjo̱a̱a̱ kui chi̱bo̱a̱ xi katseꞌeé nga sa̱ꞌín ngindyi̱ko̱n kui cho̱ chꞌokjiꞌi xi tjoón, nga bo̱a̱ katsoó xotaa̱ tsi̱ꞌe̱ nga sa̱ꞌínda ngo a̱sie̱én kui cho̱ chꞌokjiꞌi xi ta̱kó tikoón ndatsi je kiniꞌánꞌónnii̱ ngo ki̱cha̱yojó.

Ni xi akakoo̱ 18:2

Kó ꞌniú askjandáyà nga bi̱ katsó: –Jè kiniꞌánkjatsón, jè kiniꞌánkjatsón na̱xi̱ńdáꞌniú Babilonia̱, kui xi ndiꞌaa̱ xindajín je kamá, ko̱jo ngi̱ndie nínga síndo ngayeje to̱ko̱ya a̱siénni̱xtjin xi ndándí, ndo̱bo̱a̱a̱ ngayeje to̱ko̱ya cho̱ xi tjiín nga̱, ko̱jo ti̱xa̱a̱ cho̱ tamá xi chꞌo xi ka̱májín xi̱ni̱e̱,