Titoo̱ 3:2 - Xo̱jo̱n eén Néná

² Ngata̱ jmí xota̱ chji̱a̱taꞌinjín, ko̱jo ngata̱ jmí kjo̱a̱xchán ꞌboxiéjín, ta̱sá ndaxota̱ ngatama, kó ngatamabe xota̱ xi ngasee̱ nga tjiín kjo̱a̱ni̱ma̱kjo̱a̱.

Titoo̱ 3:2 Iomraidhean Croise

Xo̱jo̱n Salmoo̱ 140:11

¡Nginijánjín ꞌbé ngase kui nga̱sondiee̱ xota̱ xi ndiso! ¡Ngatjie ni xi ꞌniú ndajiín, ko̱jo kui xota̱ xi ꞌniú ndajiín nga!

Énkjínkón 19:19

Xota̱ xi ꞌniú tsꞌénxchaán, ku̱i̱ꞌíchjí kuí nii̱, ka̱májín si̱ꞌankjaꞌajenda, ngatꞌa̱ ta̱sá má ꞌniú ngase sa̱ꞌínxchán.

Énkjínkón 25:24

Ndakjiꞌi ngase nga ngo ngi̱ndyióngi̱nijoo̱n ndi̱tsee̱n ku̱i̱ndyión, ta̱bo̱a̱jiín tsi ngo chjo̱on xí tamá ku̱i̱ndyionjo̱ ngo ngi̱ya ndiꞌa xi tiyá.

Énkjínkón 6:19

xota̱ xi chistiko̱ ndiso ma, ko̱jo xota̱ xi kjo̱a̱xti ꞌboxié ngi̱jii̱n xota̱ xkjín.

Matioo̱ 11:29

Chꞌi̱a̱jnú kui yá é xí tsꞌéntsjájnúꞌun, kó ngatamajnú ni xi tsꞌénbokoyájnúꞌun, ngatꞌa̱ ntꞌiéꞌén án ko̱jo nda ini̱ma̱na, kó bo̱a̱ tsꞌén ka̱ma sa̱ꞌínkjaꞌyá ini̱ma̱jnú.

Ni xi kamá 23:5

Kó Pabloo̱ bi̱ katsó: –Jún ntsꞌie, bejín an tsi chináꞌmi xi ꞌniú nkꞌa xaá kui nda̱a̱, ngatꞌa̱ jè kjitꞌa xo̱jo̱n eén Néná nínga bi̱ tsoó: “Ngata̱ chꞌójín sée̱ xota̱xá xí botixómaá nangi tse̱.”

1 Xota̱ Korinto̱ 6:10

ko̱jo xota̱ xi chejé, xota̱ xi xki̱ꞌá ni, xota̱ xi chꞌi̱, xota̱ xi chꞌo a ko̱jo xota̱ xi ꞌboṉcha̱jo xotaa̱ sꞌe̱ foaꞌáxiín to̱o̱n, ngayeje xota̱ xi bo̱a̱ ndyi̱tsꞌe̱én sa̱kójiín nga Néná xí ko̱tíxomaa̱.

1 Xota̱ Korinto̱ 9:19

Ndatsi ndéna yojona, jè moso̱ xi kastiñaá ngayeje xotaa̱ je katsꞌen an yojona, tsi̱ꞌe̱ nga kjín ngase xota̱ xi sa̱ꞌin an, tsi̱ꞌe̱ nga kui xotaa̱ sꞌi̱jii̱n Kristoo̱.

2 Xota̱ Korinto̱ 10:1

Ngindyi̱ko̱n Kristo̱ xi tjoó, ko̱jo xi nda tsꞌénjo̱ xotaa̱, an Pabloo̱, ngo ni kuichjiájojnúꞌun ngatꞌa̱ tjín xota̱ xi tsó nga chi̱ni xò án nga ki̱a̱ tikónjinjnúꞌun, ta̱nga tajá xò chji̱a̱ an nga ki̱a̱jín tikónjinjnúꞌun.

2 Xota̱ Korinto̱ 12:20

Ngatꞌa̱ nda̱ kjimana tsi kjiꞌanga kjuínkátsijenjnúꞌun bo̱a̱jín tsꞌén sa̱kóna jún xikótsꞌèn mejénna an, kó nga bo̱a̱jín tsꞌén sa̱kójnú an xikótsꞌèn mejénjnú jún. Nda̱ kjimana tsi ndyi̱bokjángájnú yojojnú, tsi tjínjnú kjo̱a̱ꞌontakón, ko̱jo tsi tjínjnú kjo̱a̱xti, ko̱jo tsi tjínjnú kjo̱a̱ndikonkón, ko̱jo tsi tjínjnú kjo̱a̱ndokjo̱a̱taꞌin, ko̱jo tsi tjínjnú ényà, ko̱jo tsi tjínjnú kjo̱a̱nkꞌatakón, ko̱jo tsi tjínjnú kjo̱a̱xchán.

Xota̱ Ngalasia̱ 5:22

Ta̱nga ni xi ꞌbítji̱e̱jinná A̱si̱énni̱xtjii̱n Néná, kuí ni xi̱ꞌbi̱: kjo̱a̱tjó, ko̱jo kjo̱a̱tsja, ko̱jo kjo̱a̱xió, ko̱jo kjo̱a̱jekon, ko̱jo kjo̱a̱ni̱ma̱takón, ko̱jo kjo̱a̱ndaxota̱, ko̱jo kjo̱a̱sꞌijin,

Xota̱ Ngalasia̱ 6:1

Jún ntsꞌie, tsi ngo xi kamáyà nga ngo jé tjítsꞌén, jún xi je tindyiónjnú xikótsꞌèn mejeén A̱si̱énni̱xtjii̱n Néná, chjiéngá ni̱ma̱takón ka̱majnú nga ko̱si̱ko̱jójnú, tsi̱ꞌe̱ nga sa̱ꞌíndaya yojoo̱ kui xi tjítsꞌénjeé, ta̱nga chónjnú yojojnú nga ngo nga ngojnú, tsi̱ꞌe̱ nga jmí tsi ko̱jo jún chjátꞌayákónjnú.

Xota̱ Ngalasia̱ 6:10

Kó kuíni nga, ngatsjéni̱xtjin nga ka̱ma xi si̱ꞌán, si̱ꞌáa̱n ni xi nda ngayeje xotaa̱, kó ngase má kui xota̱ xi ti̱ Néná sꞌijii̱n kui nga.

Xota̱ Éfeso̱ 4:2

Nga xota̱ xi ni̱ma̱kjo̱a̱, ko̱jo xi ntꞌiéꞌén ka̱majnú, tsie takón ngatamajnú, kó ja̱kꞌi̱e̱ ja̱ngaján ti̱ꞌanchíkjo̱a̱jnúu̱ xingi̱jnú nga kꞌuiéjnú kjo̱a̱tjó.

Xota̱ Éfeso̱ 4:31

Ti̱ꞌanchꞌójnúu̱ yojojnú kjo̱a̱ndasee̱n, ko̱jo kjo̱a̱xtindaa̱, ko̱jo kjo̱a̱tamaá, ko̱jo kjo̱a̱chaꞌayaá, ko̱jo kjo̱a̱chꞌotsoó, ko̱jo ngayeje ni xi ndajiín.

Xota̱ Filipo̱ 4:5

Ngayeje xota̱ xi ngatamabejnú nga xota̱ xi ndaxota̱jnú. Ndi̱a̱ná je tikón tiña.

1 Xota̱ Tesalónika̱ 2:7

Ta̱nga ta̱sá tjó kiniꞌánjo̱jne̱ jún, xikó maá ngo na̱an xi tsꞌénxchá, ko̱jo xi koo̱n ndií.

1 Timoo̱ 3:11

Ti̱ bo̱a̱ ti̱ tsꞌén ínchjiín kui jaá, chjiéngá xcha̱ndikón, ko̱jo nga ku̱i̱ꞌíndisotaꞌinjín xota̱, ko̱jo nga nda tsꞌén kꞌuijñá kon, ko̱jo nga kui xi ka̱ma ka̱maꞌniátakón kjo̱a̱a̱ ngayeje nii̱.

1 Timoo̱ 3:3

ko̱jo chjiénjín nga tsꞌatio kꞌuí bino̱, ko̱jo ka̱májín tamá ka̱ma, ko̱jo chjiéngá nda ini̱ma̱ ka̱ma, ko̱jo chjiéngá xió kjótsoꞌbá, ko̱jo jmí tsi xke̱éto̱n ka̱ma.

Xo̱jo̱o̱n Sandiyaá 3:17

Ta̱nga kui xota̱ xi Néná tsjaá kjo̱a̱kjínkoón, kuí boá xi tsjietsꞌén síndo ngindyi̱ko̱n Néná, kó tjiín kjo̱a̱xió, kó ndaxota̱ ma, kó ntꞌiéꞌén, kó tsie kjo̱a̱ni̱ma̱takón tjiín, kó nda ni xi tsꞌén, kó ta̱ són tsꞌénjo̱ ngayeje xotaa̱, kó jmíjiín kjo̱a̱jókje̱n.

Xo̱jo̱o̱n Sandiyaá 4:11

Jún ntsꞌie, ngata̱ ja̱kꞌi̱e̱ ja̱ngajánjín ndokjo̱a̱taꞌínjnú xingi̱jnú. Xi chji̱a̱taꞌin ko̱jo xi ꞌbítꞌajé ntsꞌi̱e̱, ti̱ chꞌo tsꞌén tsꞌénchji̱a̱ kjo̱a̱a̱ kjo̱a̱kitii̱, ko̱jo ti̱ tsꞌénchji̱a̱taꞌin tsi nda ko̱jo tsi ndajín tsó kjo̱a̱kitii̱ nga. Kó tsi ji bo̱a̱ tꞌísé ji nga nda ko̱jo tsi ndajín kui kjo̱a̱kitii̱, tindaꞌyéꞌínjíi̱n, ta̱sá ta̱ bo̱a̱ tsí tꞌísé tsi nda ko̱jo tsi ndajín tsó kjo̱a̱kitii̱.

1 Xo̱jo̱o̱n Peé 2:1

Kuíni nga chjiéngá chja̱ꞌáxínjnúu̱ yojojnú ngayeje to̱ko̱ya ni xi ndajín, ngayeje kjo̱a̱maña, ko̱jo kjo̱a̱jókje̱n, ko̱jo kjo̱a̱ꞌontakón, ko̱jo ngayeje to̱ko̱ya ényà.

1 Xo̱jo̱o̱n Peé 3:10

Ngatꞌa̱ bi̱ tsó xo̱jo̱n eén Néná: Xi mejeén tjó sa̱ꞌín kjo̱a̱mindyioo̱n, kó mejeén sku̱i̱e̱ ni̱xtjin xi nda, nga koo̱n na̱je̱n, nga chꞌójín tsꞌén ku̱i̱chji̱a̱, kó nga koo̱n tsꞌoa nga jmí éndísó ku̱i̱chji̱a̱jín.

1 Xo̱jo̱o̱n Peé 3:8

Kó nga fetꞌa, ngayejejnú tsjatsꞌèn tindyionjinjnúu̱ xingi̱jnú, tasíko̱jojnú xingi̱jnú, tjó ti̱ꞌánjnú xingi̱jnú xikoó tsi ngo ntsꞌiejnú, ndaxota̱ ko̱jo ni̱ma̱kjo̱a̱ ngatamajnú.

1 Xo̱jo̱o̱n Peé 4:4

Ta̱nga ngotꞌe̱ ꞌne̱ nga ngiti̱ ndyi̱niꞌánkamajo̱jínjnú kui xota̱ xi ndyi̱tsꞌèn ni xi ndajiín, kuíni nga ta̱ bi̱ ta̱ máa, kó chꞌo tsójnú,

2 Xo̱jo̱o̱n Peé 2:10

Ngase má ni xi ka̱maa̱ xota̱ xi ni xi mejeén yojoo̱ ndyi̱tsꞌèn, ko̱jo xi ni xi ndándí xi mejeén ini̱ma̱a̱ ndyi̱tsꞌèn, ko̱jo xi ndyi̱tsꞌènchꞌó xi tjiín xá ndiꞌakꞌajmi jàn. Ndasénjiín, kó ta̱ ni xi mejénrií xi ndyi̱tsꞌèn, kó tsakjónjín má nga chꞌo ndyi̱tsoó ngaꞌniú xí ꞌniú nkꞌaá.

Xo̱jo̱o̱n Jundaa̱ 1:10

Ta̱nga kui já xí tsꞌasꞌienjin maña̱jnú ta̱xkiya chꞌo tsꞌén chji̱a̱ kjo̱a̱a̱ ni xi kji̱e̱ makjínjiín. Kó ni xi makjiín xikótsꞌèn bee̱ko̱n, ta̱xkiya kjíbé. Kui jaá xikónií cho̱ xi tsꞌénkjójín. Kó ta̱ngatꞌanii̱ kui nii̱, nga ti̱ kuii̱ ndyi̱tsꞌènkjátsón yojoo̱.

Xo̱jo̱o̱n Jundaa̱ 1:8

Ti̱ bo̱a̱ ti̱ ka̱maa̱ kui já xí tsꞌasꞌienjin maña̱jnú, ngatꞌa̱ xota̱ xi ndyi̱fítji̱ngi chi̱nii̱ boá nga ndyi̱tsꞌènndándí yojoo̱ ngindyi̱ko̱n Néná, kó ndyi̱tsꞌènchꞌó xi tjiín xá, ko̱jo chꞌo ndyi̱tsoó ngaꞌniú xi ta̱nisién nkꞌaá.