Titoo̱ 3:1 - Xo̱jo̱n eén Néná

¹ Ti̱ꞌinkjaꞌátsjìi̱n xota̱ na̱ngo̱xi̱i̱ nga sku̱i̱e̱ndikón xota̱ xi botixómaá, ko̱jo jáxaá, ngatintꞌièꞌeén, kó ngatꞌíndonda nga sa̱ꞌín ngayeje ni xi nda.

Titoo̱ 3:1 Iomraidhean Croise

Énkjínkón 24:21

Ji ndí, che̱ndikín jí Néná ko̱jo ree̱, kó ngata̱ ki̱a̱jín niꞌínkamaje̱ ji xota̱ xi kitikjo̱a̱a̱,

Eklesiastee̱ 10:4

Tsi nda̱ xi botixómaá sa̱ꞌínxchánjo̱o̱, ngata̱ ꞌbíjñímasínjín ji xáa̱. Kjo̱a̱chiyákjo̱a̱a̱ boá xi tsꞌénkjáꞌajenda ni xi ndajín xi niꞌaán.

Matioo̱ 22:21

Sꞌe̱ bi̱ katsó kui jaá: –Tsi̱ꞌe̱ nda̱ xtitjón xi ꞌmí Sesaa̱ boá. Kó Kjisoo̱, bi̱ katsó: –Ja̱ te̱ꞌéjnúu̱ nda̱ xtitjón xi ꞌmí Sesaa̱ ni xi tsi̱ꞌe̱ nda̱ xtitjoón, kó ni xi tsi̱ꞌe̱ Néná, Néná te̱ꞌéjnúu̱.

1 Xota̱ Korinto̱ 15:58

Kó kuíni jún bo̱a̱ ndí ntsꞌie xi tjóna, ꞌniú ti̱ndyiàjnú, kó ndyiojón ndyiojón, ko̱jo saꞌniú sáꞌniú ti̱ꞌánjnú xaá Ndi̱a̱ná, ngatꞌa̱ jún jè yàjnú nga ta̱ kjo̱a̱ndajiín xaá Ndi̱a̱ná xí ndyi̱niꞌánjnú.

Xota̱ Éfeso̱ 2:10

Ngatꞌa̱ Néná boá xi katsꞌéndaná, ngatꞌaa̱ Kristo̱ Kjisoo̱, tsi̱ꞌe̱ nga ni xi nda si̱ꞌán, kui ni xi Néná índa tjón tjón tsi̱ꞌe̱ nga ki̱a̱ ku̱i̱ṉtsomajin ni xi ndaa̱.

Ndeuteronomio̱ 17:12

»Chjiéngá si̱ꞌankꞌien tsi tjín jún xi ta̱ngatꞌanii̱ kjo̱a̱nkꞌatakoón nga sa̱ꞌínjo̱ꞌojín ni xi ka̱tso̱ nendiꞌamasiee̱n, ko̱jo tsi chináꞌmi xi mosoo̱ Néná. »Tsi si̱ꞌankjatjosónjnú kui kjo̱a̱botíxomaa̱, jmí ni xi ndajín kꞌuiéjín ki̱a̱ na̱xi̱ńdá Israee̱l,

Xota̱ Filipo̱ 1:11

Kui ni̱xtjii̱n ko̱kójnú jún kjín to̱ko̱ya ni xi kixi̱ xi kiniꞌánjnú, ni xi katsjájnú Jesukristoo̱ nga si̱ꞌánjnú, tsi̱ꞌe̱ nga xotaa̱ tsja̱á kjo̱a̱je, kó sa̱ꞌíntsjaá Néná.

Xota̱ Kolosa̱ 1:10

Bo̱a̱ ngatama tsi̱ꞌe̱ nga nda si̱ꞌánjnú xikó tsꞌén xota̱ xi tsi̱ꞌe̱ Ndi̱a̱ná, ko̱jo nga si̱ꞌánjnú ni xi tsja maa̱ Néná, ko̱jo nga si̱ꞌánjnú ngayeje to̱ko̱ya ni xi nda, ko̱jo nga nda ngase xcha̱jnú kókón Néná.

1 Timoo̱ 2:2

Chji̱a̱ꞌatjejnú nganda tsi̱ꞌe̱ já ree̱, ko̱jo ngayeje xota̱xá, tsi̱ꞌe̱ nga tsjatsꞌèn ko̱jo xió ku̱i̱ndyión, kó bo̱a̱ tsꞌén ka̱ma xcha̱ndikón Néná, kó ka̱ma xcha̱ndikónná ñá nga.

1 Timoo̱ 4:6

Tsi kui nii̱ xi ko̱ko̱yée̱ ntsꞌié, ngo nda̱ xi nda tsꞌénxátꞌaa̱ Jesukristoo̱ ka̱ma ji, kó tsja̱á ngaꞌniú kui eén kjo̱a̱sꞌijinná ko̱jo kjo̱a̱bokoyá xi tiꞌmitji̱ngi ji.

1 Timoo̱ 5:10

Chjiéngá xcha̱ kjo̱a̱a̱ ni nda xi katsꞌén, ko̱jo tsi je nda katsꞌénxchá ndií, ko̱jo tsi je nda katsꞌénseén xota̱ xi jachó ndiꞌaa̱, ko̱jo tsi je aniéjón sé xota̱ tsjiee̱ Néná, ko̱jo tsi je asíko̱jo xota̱ xi ndyi̱foaꞌatio kjo̱a̱ni̱ma̱, ko̱jo tsi je katsꞌén ngayeje ni xi ndaa̱.

2 Timoo̱ 1:6

Kó kuíni nga tsꞌénbotixomaa̱ tsi̱ꞌe̱ nga si̱ꞌinkjìn jí kui kjo̱a̱nda xi katsjaá Néná kjiꞌanga íjñasoón ndsa̱ an.

2 Timoo̱ 2:14

Ti̱ꞌinkjaꞌátsjìi̱n xota̱ na̱ngo̱xi̱i̱ ngindyi̱ko̱n Ndi̱a̱ná, kó bo̱a̱ tꞌíi̱n nga chjiénjín nga ta̱jmì énní xi ku̱i̱chji̱a̱ti, ngatꞌa̱ jmí ni chjíjiín nga bo̱a̱ niꞌaán, kó ta̱sá ndajíntsꞌeén, kó tsꞌénchájá xota̱ xi ntꞌieé kui kjo̱a̱ndokjo̱a̱tii̱.

2 Timoo̱ 2:21

Kuíni nga tsi tjín xí sa̱ꞌíntsjie yojoo̱ kjo̱a̱a̱ kui ni xi ndajiín, xikónií tsi ngo ni xi niꞌánkjién nga ma sꞌué ka̱ma. Kuí xí tsjie ka̱ma, kó Ndi̱a̱ná ka̱ma sa̱ꞌínkjién, kó kꞌuijñánda tsi̱ꞌe̱ nga sa̱ꞌin ngayeje ni xi ndaa̱.

Titoo̱ 1:16

Be xò Néná ti̱xꞌi̱a̱n ndyi̱tsó, ta̱nga ni xi ndyi̱tsꞌèn, bokó nga jmí tsi sꞌijin ja̱koxi̱i̱ Néná. Kuí boá kui xotaa̱ xi ndajín, ko̱jo xi ntꞌiéꞌénjín, kó nde chiíjín maá tsꞌén ni xi nda.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

Titoo̱ 3:14

Kó xota̱ tsa̱ñá ngatamakjiín nga sa̱ꞌín ni xi ndaa̱, ko̱jo nga ko̱síko̱jo tsi ngo xota̱ xi chjieén tsja, tsi̱ꞌe̱ nga kꞌuíndo xikoó xota̱ xi ka̱ma ngasee̱ nda tsꞌén kꞌuíndo ngindyi̱ko̱n Néná.

Titoo̱ 3:8

Én xí ꞌniátakón boá xi̱ꞌbi̱, kó mejénna nga ꞌniú ko̱ndókjo̱a̱ kjo̱a̱a̱ kui nii̱, tsi̱ꞌe̱ nga kui xota̱ xi sꞌijii̱n Néná ta̱soboá ni xi nda xí sa̱ꞌín. Achichí nga nda kui eén, kó machjieén ngayeje xotaa̱.

Xota̱ Ebreo̱ 13:21

míꞌáa̱ kui Néná xi tsjáná kjo̱a̱xioó nga kui xi sa̱ꞌín nga xota̱ xi nda ka̱majnú, ko̱jo nga si̱ꞌánjnú ni xi mejeén kui nga ka̱ma, kó nga ngatꞌaa̱ Jesukristoo̱ nga ko̱síko̱jójnú nga ni xi tsja maa̱ ngindyi̱ko̱n kui xi si̱ꞌánjnú. ¡Ngatꞌieé kjo̱a̱je Jesukristoo̱ ngatsjéni̱xtjin! Bo̱a̱ kjiꞌi.

2 Xo̱jo̱o̱n Peé 1:12

Kuíni nga ngatsjéni̱xtjin sa̱ꞌinkjaꞌátsjienjnúꞌun ni xi tjítsꞌenꞌindójnúꞌun, ndatsi je yàjnú, kó ndatsi ꞌniú tindyiàjnú ngi̱yaa̱ ja̱koxi̱ xi je akakoyájnú.

Xo̱jo̱o̱n Jundaa̱ 1:5

Ta̱nga ndatsi je yàjnú kui nii̱, mejénna nga sa̱ꞌinkjaꞌátsjienjnúꞌun nga Néná ngije tsꞌaxiéꞌá xota̱ na̱xi̱ńdaá nga tsꞌaxiéni nangi Ejipto̱, jaskan katsꞌénkjié xota̱ xi kisꞌijinjiín.