Titoo̱ 2:3 - Xo̱jo̱n eén Néná

³ Ti̱ bo̱a̱ ti̱ tsꞌén ínchjín xi xchaá, chjiéngá sku̱i̱e̱ndikón Néná, ko̱jo chjiénjín nga éndísó kꞌuitsómajo̱, ko̱jo ka̱májín tsꞌatio kꞌuí bino̱, ko̱jo chjiéngá na̱ mostraa̱ ni xi ndaa̱ ka̱ma,

Titoo̱ 2:3 Iomraidhean Croise

Xota̱ Roma̱ 1:29

Katsꞌén ngayeje to̱ko̱ya ni xi kixi̱jín, katsꞌén kjo̱a̱tondo̱, kamámejeén ni xi tsi̱ꞌe̱jín, kisꞌiee̱ kjo̱a̱ton, kisꞌiee̱ kjo̱a̱ꞌontakón, katsꞌénkꞌién xkjín, kisꞌiee̱ kjo̱a̱xti, tsꞌenṉcha̱jo xkjín, katsꞌén ni xi ndajín.

Xota̱ Roma̱ 16:2

nda ti̱ꞌansénjnúu̱ ngi̱yaa̱ jaꞌeén Ndi̱a̱ná, xikótsꞌèn niꞌánseén xota̱ tsjiee̱ Néná, kó tasíko̱jojnú ngayeje ni xi chjieén, ngatꞌa̱ achichí xota̱ xi je asíko̱jo kui naa̱, ngaskande an asíko̱jona.

Xota̱ Éfeso̱ 5:3

Ta̱nga kjo̱a̱tondo̱, ko̱jo ngayeje ni xi ndándí, ko̱jo kjo̱a̱xki̱ꞌá, nde chjiénjín nga ko̱ndókjo̱a̱ kjo̱a̱a̱ kui nii̱ ngi̱jinjnú, ngatꞌa̱ kui nii̱ jmí tsi tsi̱ꞌe̱ xota̱ xi tsjiee̱ Néná.

1 Timoo̱ 3:11

Ti̱ bo̱a̱ ti̱ tsꞌén ínchjiín kui jaá, chjiéngá xcha̱ndikón, ko̱jo nga ku̱i̱ꞌíndisotaꞌinjín xota̱, ko̱jo nga nda tsꞌén kꞌuijñá kon, ko̱jo nga kui xi ka̱ma ka̱maꞌniátakón kjo̱a̱a̱ ngayeje nii̱.

1 Timoo̱ 3:8

Kó ti̱ bo̱a̱ tsꞌén já xí bosikójo já ngito̱ko̱o̱ na̱ngo̱xi̱i̱ chjiéngá já xí yandikón ka̱ma, ko̱jo xí ku̱i̱ꞌíndisojín, ko̱jo xi kꞌo̱tiójiín nga kꞌuí bino̱, ko̱jo xi jmí tsi ka̱mamejeén to̱n xi ndajín tsꞌén kasako.

1 Timoo̱ 5:23

Ngiti̱ ta̱soboá ndáfoajín xi ꞌyí, ta̱sá chií bino̱ tꞌi̱ ji nganda tsi̱ꞌe̱ nga̱ntsꞌoe, ko̱jo kjo̱a̱a̱ chiꞌin xi ngotjón ngotjón tsoboánii̱.

Titoo̱ 1:7

Ngatꞌa̱ chjiéngá, nga kui xota̱ xi ngito̱ko̱o̱ na̱ngo̱xi̱i̱ ka̱ma, nga jmíjín xi chꞌo tsꞌén ku̱i̱chji̱a̱taꞌin nga tjítsꞌén xaá Néná, nga nkꞌakonjín kꞌo̱xié yojoo̱, nga ka̱májín xtinda ka̱ma, nga chjiénjín nga tsꞌatio kꞌuí bino̱, ti̱nde nga ka̱májín xota̱ xi kján ka̱ma, ti̱nde nga ka̱májín sa̱ꞌínmején ndyi̱ko̱n to̱o̱n ni xi ndajín tsꞌén kasakoni.

Titoo̱ 2:4

tsi̱ꞌe̱ nga ko̱kóyaá ínchjín xí kjindií nga sa̱ꞌíntjó xi̱ꞌii̱n, ko̱jo ndií,

Xota̱ Ebreo̱ 5:12

Chjiéngá je mostro̱ ka̱majnú katsaki, nga je tsienii̱ nga kandaꞌyájnú éntjatsi̱e̱e̱, ta̱nga ta̱sá chjiénjnú nga ingo ndi̱yà kꞌuiyá nginíjnuú kjo̱a̱bokoyaá Néná kui xi tjón bokoyaá. Jè ja̱ kon ndínda kjimajnú jún ngatꞌa̱ xikoó tsi ntsjén chjiéngá sꞌi̱o̱jnú, jmí tsi nichinie.

Ni xi akakoo̱ 2:20

Ta̱nga tikónna ngo ni kjo̱a̱a̱ kondra̱ tse̱: nga tiniꞌínchíkjoée̱ kui xota̱chjo̱on xí ꞌmí na̱ Jesabee̱, kui xi na̱ chji̱ni̱e̱ꞌe̱én Néná tjítsoó yojoo̱, ta̱nga tsꞌénꞌboṉcha̱jo moso̱na tsi̱ꞌe̱ nga sa̱ꞌín kjo̱a̱tondo̱, ko̱jo nga skji̱ni̱e̱ nichinie xi je kiniꞌánkꞌasꞌiee̱n a̱sie̱én ngo ne xi tsꞌénda xotaa̱.