Titoo̱ 2:2 - Xo̱jo̱n eén Néná

² Bo̱a̱ tꞌíi̱n xota̱ xi xchaá nga nda sa̱ꞌínkjó, ko̱jo nga xcha̱ndikón, ko̱jo nga nda sa̱ꞌínkjiín kon ni xi sa̱ꞌín, ko̱jo nga nda tsꞌén kꞌuíndojo̱ kjo̱a̱sꞌijii̱n, ko̱jo nga kꞌuieé kjo̱a̱tjó, ko̱jo nga kꞌuieé ngaꞌniú tsi̱ꞌe̱ nga sa̱ꞌínchíkjo̱a̱ ngayeje kjo̱a̱ni̱ma̱.

Titoo̱ 2:2 Iomraidhean Croise

Joo̱b 12:12

xota̱ xi je kjín nónií nga síndo ma kjínkón, ko̱jo makjiín ngayeje nii̱.

Xo̱jo̱n Salmoo̱ 92:14

Kó ndatsi je xchá ka̱ma, ti̱ kuí xí ko̱a̱ja̱a̱ to.

Énkjínkón 16:31

Tsja̱kichjií xota̱ xi je xchaá, xikó maá tsi ngo korona̱ ma kjo̱a̱a̱ nga kixi̱ tsꞌén tikón.

Lebitiko̱ 19:32

»Kjiꞌanga ngindyi̱ko̱n ngo xota̱ xi xchaá tindyiónjnú, ko̱jo tsi ngindyi̱ko̱n ngo xota̱ xi xchá ngase ta̱bo̱a̱jiín jún, cha̱ndikónjnú, kó ti̱ndyiakixi̱jnú.

Markoo̱ 5:15

Kó ngije jachó kui xota̱ kjiín nínga tikón Kjisoo̱, kó nga kamábe nga ki̱a̱ tikóntꞌaa̱ kui nda̱ xi kisꞌijñajii̱n xindajiín, nga je tsꞌényajá ńjñoo̱, kó nga je nda tikón, achichí katsakjónní kui xotaa̱.

Rkaa̱ 8:35

Kó xotaa̱ kijíkatsijen mí ni xi kamaá, kó nga jachó nínga tikón Kjisoo̱, kamábe kui nda̱ xi kjín a̱si̱énni̱xtjii̱n xindajín kisꞌińdojin yojoo̱ nga je xió tikóntꞌa se Kjisoo̱, je tsꞌényajá ńjñoo̱, kó je nda tikón, kó kui xotaa̱ achichí katsakjónní.

Ni xi kamá 24:25

Ta̱nga kjiꞌanga tsíchji̱a̱ Pabloo̱ kjo̱a̱a̱ nga chjiéngá kixi̱ ku̱i̱ndyión nga jmí ni chꞌokjiꞌi si̱ꞌán jàn, ko̱jo nga si̱ꞌanchji̱ni̱e̱ so̱bo̱a̱ yojoná nga ndakjiꞌi ni xi si̱ꞌán, ngatꞌa̱ nga sꞌe̱ kjo̱chó ni̱xtjin nga Néná ka̱tso̱yà tsi nda ko̱jo tsi ndajín kiniꞌán, sꞌe̱ Firii̱ achichí katsakjónní nga tsintꞌié kuí nii̱, kósꞌe̱ bi̱ katsó: –Ta̱sá tꞌen ji ngotꞌe̱, jaskan kuichjiá ngiñaá kjiꞌanga ka̱maꞌana.

Xota̱ Roma̱ 12:3

Kuí nii̱ xi xian an kjo̱a̱a̱ ngayeje kjo̱a̱nda xi katseꞌéna, míꞌájnúꞌun nga jejín ꞌnaxié ngasejnú yojojnú, ta̱sá ti̱ juún ti̱ꞌankjó cha̱n cha̱njnú xikó kjiꞌi kjo̱a̱sꞌijin xi katsjájnú Néná nga ngo nga ngojnú.

1 Xota̱ Korinto̱ 15:34

Chjáxꞌájnú ndyikonjnú, kó ngata̱ niꞌánjéjínjnú, ngatꞌa̱ tjín ngi̱jinjnú xota̱ xi bejín ni xi tsi̱ꞌe̱ Néná, xiyà án kui nii̱ tsi̱ꞌe̱ nga soboá ka̱majnú.

1 Xota̱ Korinto̱ 9:25

Ngayeje xota̱ xi stsáton ngo kjo̱a̱ńton, ꞌbíꞌniuú yojoo̱ ni xi ndajín sa̱ꞌiín, kó ja̱koxi̱ nga tsꞌén kuí nii̱ tsi̱ꞌe̱ nga sa̱ko̱ó ngo chjí xí fotson, ta̱nga ñá ndyi̱niꞌán ngo kjo̱a̱ꞌniú tsi̱ꞌe̱ nga sa̱kóná ngo chjí xí kjo̱tsònjín.

2 Xota̱ Korinto̱ 5:13

Ngatꞌa̱ tsi tsobéjne̱ tsó xotaa̱, tsobéjne̱ kjo̱a̱a̱ nga xaá Néná boá xi ndyi̱niꞌánjne̱, kó tsi nda tsꞌén tikón kjo̱a̱kjíntakónjne̱, nganda tsa̱jún boá.

Xota̱ Ngalasia̱ 5:23

ko̱jo kjo̱a̱ndaꞌyáꞌén, ko̱jo kjo̱a̱a̱ nga ka̱máná kꞌuíꞌniúu̱ yojoná ni xi chꞌokjiꞌii̱, tsi kui nii̱ xi si̱ꞌán, jmíjín ngo kjo̱a̱kiti xi ku̱i̱ꞌíchjáná.

Xota̱ Filipo̱ 4:8

Kó nga fetꞌaa̱ já ntsꞌie, kuí nii̱ xi ti̱ꞌankjójnú: ngayeje ni xi ja̱koxi̱, ngayeje ni xi yandikón ngindyi̱ko̱n Néná, ngayeje ni xi kixi̱, ngayeje ni xi tsjie, ngayeje ni xi ꞌniú nda, ko̱jo ngayeje ni xi tjiín jaꞌén xi nda. Tsi tjín ni xi nda ko̱jo ni xi tsoboaá nga niꞌántsjá, kuí nii̱ xi ti̱ꞌankjójnú.

1 Xota̱ Tesalónika̱ 5:6

Kuíni nga chjiénjín nga tsjayójofé xikoó xota̱ xi ngasee̱, ta̱sá tsjayójoféján ko̱jo nda tsꞌén ku̱i̱ndyión.

1 Xota̱ Tesalónika̱ 5:8

Ta̱nga ñá xí nga ni̱xtjii̱n ndokjo̱a̱ ñá, chjiéngá nda tsꞌén ku̱i̱ndyión ngatsjéni̱xtjin. Si̱ꞌansꞌijin Néná, kó kui nii̱ xi ngatamaná ngo ńjño ki̱cha̱ xi boꞌmá ni̱se̱e̱n ngo nda̱jun. Ngasꞌiená kjo̱a̱tjó. Xchiyàa̱ nga kjo̱tjoꞌa ñá, kó kui nii̱ xi ngatamaná xikoó ngo ki̱cha̱ xi ꞌbijñaá to̱ko̱ ngo nda̱jun.

1 Timoo̱ 1:10

ko̱jo xota̱ xi tondo̱, ko̱jo xota̱ xi xonda, ko̱jo xota̱ xi ndyi̱botiñá moso̱, ko̱jo xota̱ xi ndiso xi ngaskande ngiboanéná ndyi̱tsó nga ndyi̱chji̱a̱, ko̱jo ngayeje xota̱ xi kondra̱ síndonii̱ kjo̱a̱bokoyá xi ndaa̱.

1 Timoo̱ 1:14

Achichí tsie kjo̱a̱nda xi katsjána Ndi̱a̱ná, kó katsjána kjo̱a̱sꞌijin, ko̱jo kjo̱a̱tjó xi tjiín Kristo̱ Kjisoo̱.

1 Timoo̱ 1:2

Tjítsꞌentindee ji Timo̱, ji xi ndína kjo̱a̱a̱ ngi̱yaa̱ kjo̱a̱sꞌijinná. Néná xí Na̱ꞌminá ko̱jo Ndi̱a̱ná Kristo̱ Kjisoo̱ nga tsjaá kjo̱a̱ndaa̱, ko̱jo kjo̱a̱ni̱ma̱takoón, ko̱jo kjo̱a̱xioó.

1 Timoo̱ 1:5

Kuíni nga bo̱a̱ kixianñaa ngatꞌa̱ mejénna nga si̱ꞌantjó xingi̱, nga kꞌuiéná ngo kjo̱a̱tjó xi ndibánií ngi̱jin ini̱ma̱ tsjiená, ko̱jo ngi̱jii̱n kjo̱a̱kjíntakón ndaná, ko̱jo ngi̱jii̱n kjo̱a̱sꞌijin ja̱koxi̱ná.

1 Timoo̱ 3:11

Ti̱ bo̱a̱ ti̱ tsꞌén ínchjiín kui jaá, chjiéngá xcha̱ndikón, ko̱jo nga ku̱i̱ꞌíndisotaꞌinjín xota̱, ko̱jo nga nda tsꞌén kꞌuijñá kon, ko̱jo nga kui xi ka̱ma ka̱maꞌniátakón kjo̱a̱a̱ ngayeje nii̱.

1 Timoo̱ 3:2

Ta̱nga chjiéngá bi̱ kon ka̱ma xi mejeén nga xota̱ xi ngito̱ko̱o̱ na̱ngo̱xi̱i̱ ka̱ma: Nga jmíjín xi chꞌo tsꞌén ku̱i̱chji̱a̱taꞌin, ko̱jo nga ta̱ ngo tsi chjo̱on tjiín, ko̱jo nga nda kjótsoꞌbájo̱ yojoo̱, ko̱jo nga nda sa̱ꞌínkjiín kon ni xi sa̱ꞌín, ko̱jo nga xcha̱ndikón, ko̱jo nga chjiéngá sa̱ꞌíntiee̱ xotaa̱ nga ki̱a̱ kꞌuíndo ndiꞌaa̱, ko̱jo nga chjiéngá ka̱maa̱ ko̱kóyá,

1 Timoo̱ 3:4

Chjiéngá nda ko̱tíxoma ndiꞌaa̱, ko̱jo nga ka̱maa̱ sa̱ꞌín chji̱ni̱e̱ ndií nga ku̱i̱ntꞌiéꞌén ko̱jo nga sku̱i̱e̱ndikón.

1 Timoo̱ 3:8

Kó ti̱ bo̱a̱ tsꞌén já xí bosikójo já ngito̱ko̱o̱ na̱ngo̱xi̱i̱ chjiéngá já xí yandikón ka̱ma, ko̱jo xí ku̱i̱ꞌíndisojín, ko̱jo xi kꞌo̱tiójiín nga kꞌuí bino̱, ko̱jo xi jmí tsi ka̱mamejeén to̱n xi ndajín tsꞌén kasako.

1 Timoo̱ 5:1

Ngata̱ niꞌínxchínje̱jín ji ngo xota̱ xi xchá, ta̱sá tatíxomée̱ xikoó tsi na̱ꞌmíi̱ ma, kó já xo̱ngo̱ò tatíxomée̱ xikoó tsi ntsꞌie ma.

Titoo̱ 1:13

Ja̱koxi̱ kuí ni xi katsó kui ndaa̱, kuíni nga ꞌniú ndókjo̱e̱je ji, tsi̱ꞌe̱ nga kixi̱ kjo̱jo kjo̱a̱sꞌijii̱n Néná,

Titoo̱ 1:8

Ta̱sá chjiéngá nga tsja ka̱maa̱ nga kꞌuíndo xota̱ ndiꞌaa̱, chjiéngá sa̱ꞌíntjó ni xi ndaa̱, ngo nda̱ xi nda sa̱ꞌínkjiín kon ni xi sa̱ꞌín, ngo nda̱ xi kixi̱, ngo nda̱ xi tsjie, ko̱jo ngo nda̱ xi ti̱ kuii̱ botixómaá yojoo̱.

Titoo̱ 2:7

Ti̱ jii te̱ꞌée̱ ngo chi̱bo̱a̱ nga ni xi nda tiniꞌín ji. Nga ko̱ko̱yée̱, ngatamaya nga kixi̱ tiniꞌín ji, ko̱jo nga tiyendikín jí yojòo̱.

Filemoo̱ 1:9

ta̱nga ta̱sá mejénna nga ꞌniú kuíꞌaá ta̱ngatꞌanii̱ kjo̱a̱tjoó. An, Pabloo̱, nga je kamáxchá án, kó nga ta̱ngatꞌanii̱ nga tsꞌénꞌbini̱jmì án Jesukristoo̱ nga tikón ꞌniú an ngotꞌe̱,

1 Xo̱jo̱o̱n Peé 1:13

Kuíni nga ti̱ndyiondajnú nga kꞌuiéjnú kjo̱a̱kjínkón, kó nda ti̱ꞌankjójnú ni xi si̱ꞌánjnú, kó chiyá ndo̱jò ndójo̱jnúu̱ kjo̱a̱nda xi kjo̱e̱ꞌéjo̱jnú kjiꞌanga ko̱kó yojoo̱ Jesukristoo̱.

1 Xo̱jo̱o̱n Peé 4:7

Jè kjimatiñaa̱ nga kju̱i̱e̱ ngayeje ni xi tjiín, kuíni nga nda tsꞌén ti̱ꞌankjójnú nga ndókjo̱a̱jnúu̱ Néná, kó nda chónjnúu̱ nga si̱ꞌánjnú kui nii̱.

1 Xo̱jo̱o̱n Peé 5:8

Nda ti̱ꞌankjójnú ni xi si̱ꞌánjnú, kó ti̱ndyiondajnú, ngatꞌa̱ kondra̱jnú kui xi xindajín ndiabloo̱, tsoꞌbá xikó maá ngo xandi̱je̱ xi tamá, nga tsꞌénmongase ꞌyání xi sa̱ꞌínkꞌién nga skji̱ni̱e̱.

2 Xo̱jo̱o̱n Peé 1:6

Kó kui kjo̱a̱kjíntakoón, tjasónjnúu̱ nga kamáꞌniújnú yojojnú. Kó kui kjo̱a̱a̱ nga maꞌniújnú yojojnú, tjasónjnúu̱ kjo̱a̱chiyákjo̱a̱. Kó kui kjo̱a̱chiyákjo̱a̱a̱, tjasónjnúu̱ nga si̱ꞌandikónjnú Néná.