Titoo̱ 2:12 - Xo̱jo̱n eén Néná

¹² nga tsꞌén bokoyáná nga ngiti̱ si̱ꞌánjín ñá ni xi ndajín, ko̱jo ni nga̱sondie xi mejeén ini̱ma̱ná, ko̱jo nga nda si̱ꞌankjíi̱n takón ni xi si̱ꞌán, ko̱jo nga kixi̱ si̱ꞌán, ko̱jo nga xcha̱ndikón Néná, tji̱e̱nga tindyión kuí nga̱sondiee̱.

Titoo̱ 2:12 Iomraidhean Croise

Xo̱jo̱n Salmoo̱ 105:45

Ta̱nga Néná íjñaá nga sa̱ꞌínkjatjosón ngo ni, nga chjiéngá sku̱i̱e̱ndikón, ko̱jo nga sa̱ꞌínkjatjosón kjo̱a̱botíxomaa̱ ko̱jo kjo̱a̱kitii̱. ¡Si̱ꞌantsjàa̱ Néná!

Xo̱jo̱n Salmoo̱ 4:3

Ta̱ ngo ndi̱yà ngatamayajnú, nga Néná jè jaꞌájin xota̱ xi kixi̱i̱, kuíni nga: ¡Néná ntꞌiéna kjiꞌanga chjiáa̱!

Matioo̱ 12:32

Kó ta̱ ꞌyání xi chꞌo ka̱tso̱o̱ ndií nda̱ xi̱ꞌii̱n, si̱ꞌanjetakoón, ta̱nga xi chꞌo ka̱tso̱ kondra̱a̱ A̱si̱énni̱xtjii̱n Néná si̱ꞌanjetakónjiín, ti̱nde kui nga̱sondiee̱ xi̱ꞌbi̱, ti̱nde nga̱sondie xi sꞌe̱ ndibaá.

Matioo̱ 16:24

Kósꞌe̱ Kjisoo̱, bi̱ katsoó xota̱ tsi̱ꞌe̱: –Tsi tjín káꞌá xota̱ xi mejeén tsjiengína, ngatsꞌénchíyá yojoo̱, nga kjíbé kroo̱, kósꞌe̱ ngatjandibátjingína.

Matioo̱ 28:20

kó takoyajnúu̱ nga sa̱ꞌínkjatjosón ngayeje ni xi akoyájnúꞌun, kó an ngatsjéni̱xtjin kotíjña̱jojnúꞌun, ngaskande nga kju̱i̱e̱ nga̱sondiee̱. Bo̱a̱ kjiꞌi.

Rkaa̱ 1:6

Nga joó nga kixi̱ kisꞌiṉtso̱ma ngindyi̱ko̱n Néná, kó jmíjín xi chꞌo tsꞌén tsíchji̱a̱taꞌin, ngatꞌa̱ katsꞌénkjatjosón kjo̱a̱botíxomaa̱ ko̱jo kjo̱a̱kitii̱ Néná.

Rkaa̱ 1:75

Nga ngatsjéni̱xtjin nga tsjie ko̱jo nga kixi̱ ku̱i̱ndyión ngindyi̱ko̱n Néná.

Juaa̱ 14:30

Ngiti̱ tsiejín ngase ni kuichjiájojnúꞌun, ngatꞌa̱ jè tsꞌéndibá tiña xi botixómaá kui nga̱sondiee̱, kó kuí, ta̱ jmíjín ni xi tjiín kjo̱a̱a̱ an,

Juaa̱ 6:25

Kó nga kasakoo̱ Kjisoo̱ xi ingoboaá ndáchíkoón, bi̱ katsoó: –Mostro̱, kjiꞌání jéꞌe̱ ji kꞌi̱e̱e̱.

Ni xi kamá 24:16

Kó kuíni nga ta̱ ngatsjéni̱xtjin nga nda tikón kjo̱a̱kjíntakónna, nga chꞌójín tjítsꞌen an ngindyi̱ko̱n Néná ko̱jo ngindyi̱ko̱n xotaa̱.

Ni xi kamá 24:25

Ta̱nga kjiꞌanga tsíchji̱a̱ Pabloo̱ kjo̱a̱a̱ nga chjiéngá kixi̱ ku̱i̱ndyión nga jmí ni chꞌokjiꞌi si̱ꞌán jàn, ko̱jo nga si̱ꞌanchji̱ni̱e̱ so̱bo̱a̱ yojoná nga ndakjiꞌi ni xi si̱ꞌán, ngatꞌa̱ nga sꞌe̱ kjo̱chó ni̱xtjin nga Néná ka̱tso̱yà tsi nda ko̱jo tsi ndajín kiniꞌán, sꞌe̱ Firii̱ achichí katsakjónní nga tsintꞌié kuí nii̱, kósꞌe̱ bi̱ katsó: –Ta̱sá tꞌen ji ngotꞌe̱, jaskan kuichjiá ngiñaá kjiꞌanga ka̱maꞌana.

Xota̱ Roma̱ 12:2

Kó ngata̱ bo̱a̱jín tsꞌén mindyiónjnú xikótsꞌèn síndo xotaa̱ kui nga̱sondiee̱, ta̱sá te̱ꞌéndièjnúu̱ nga ka̱matja̱tsi̱e̱ya kjo̱a̱kjíntakónjnú, tsi̱ꞌe̱ nga bo̱a̱ tsꞌén xcha̱jnú ni xi nda, ko̱jo xi tsjakjiꞌi, ko̱jo xi ndo̱jò kjin kjin xi mejeén Néná.

Xota̱ Roma̱ 6:12

Ja̱ kuíni nga ngata̱ boeꞌéndièjínjnú nga jeé ko̱tíxomaa̱ yojojnú xi ꞌmee̱, ti̱nde ngata̱ niꞌánsénjínjnúu̱ ni xi ndajín xi mejeén sa̱ꞌín yojojnú.

Xota̱ Roma̱ 6:19

Chjiájojnúꞌun xikoó xota̱ ta̱ chiboa, ngatꞌa̱ indajnú kó sꞌe̱ tsí kjimakjínjnú kui nii̱. Ngatꞌa̱ xikótsꞌèn ngasꞌe̱ kiniꞌánkꞌasꞌienjnúu̱ yojojnú ni xi ndándií ko̱jo ni xi ndajiín, tsi̱ꞌe̱ nga kiniꞌánjnú ni xi ndajínkjiꞌi, ngotꞌe̱ ꞌne̱ ti̱ꞌankꞌasꞌiénjnúu̱ yojojnú xaá ni xi kixi̱i̱, tsi̱ꞌe̱ nga tsjietsꞌén ku̱i̱ndyionjnú.

Xota̱ Roma̱ 8:13

Ngatꞌa̱ tsi tindyiónjnú xikótsꞌèn tsꞌénkjó ngo xotaa̱ kui nga̱sondiee̱, ko̱yàjnú. Ta̱nga tsi si̱ꞌankjiénjnú A̱si̱énni̱xtjii̱n tsi̱ꞌe̱ nga ngiti̱ si̱ꞌánjínjnú ni xi ndajiín, ku̱i̱ndyionjnú.

2 Xota̱ Korinto̱ 1:12

Tsjá májne̱ nga nda tikón kjo̱a̱kjíntakónjne̱, kó yàjne̱ nga tsjie, ko̱jo nga kixi̱ kisꞌiṉtso̱majne̱ ngi̱jinjnú, ko̱jo ngi̱jii̱n ngayeje xotaa̱, kjiꞌanga bo̱a̱ kiniꞌánjne̱, kjo̱a̱ndaa̱ Néná boá xi tsangíntjingijne̱, jmí tsi xikótsꞌèn tjíjinkon xotaa̱ kui nga̱sondiee̱.

2 Xota̱ Korinto̱ 7:1

Jún xota̱ xi tjóna, ñá tsa̱ñá ni xi katsóyàtjón Néná nga tsja̱á xota̱ xi tsi̱ꞌe̱. Kuíni nga tsjietsꞌén ku̱i̱ndyión ngindyi̱ko̱n Néná, nga xín kꞌuijñá ni xi tsꞌénndándí yojoná, ko̱jo ini̱ma̱ná. Si̱ꞌando̱jò kjin kjin kui kjo̱a̱tsjiee̱ nga xcha̱ndikón Néná.

Xota̱ Ngalasia̱ 1:4

kui xi katsjá yojoo̱ nga kiniꞌánkꞌién ta̱ngatꞌanii̱ jéná, tsi̱ꞌe̱ nga kꞌo̱xiéꞌáná kui nga̱sondie xi ndajín xi tindyión kuí ni̱xtjii̱n, xikótsꞌèn kamámejeén Néná xí Na̱ꞌmii̱.

Xota̱ Ngalasia̱ 5:24

Xota̱ xi je tsi̱ꞌe̱ Kristo̱ Kjisoo̱, jè nijan yítꞌa kro yojoo̱, kui yojo jé xí mejeén sa̱ꞌín ni xi ndajín xi tjín kuí nga̱sondiee̱.

Xota̱ Éfeso̱ 1:4

Kristoo̱ katsꞌénkjién Néná nga jaꞌájinná ndeskande ngindiee̱ nga kamánda nga̱sondiee̱, tsi̱ꞌe̱ nga tsjietsꞌén ku̱i̱ndyión, kó jmí jé kꞌuiéjínná ngindyi̱ko̱n kui.

Xota̱ Éfeso̱ 2:2

kui ni xi kixindyionjinjnú kje̱ꞌe ni̱xtjin, ngatꞌa̱ ki̱a̱ tsangíntji̱ngijnúu̱ nii̱ kui nga̱sondiee̱, kó kiniꞌánjnú ni xi mejeén ngito̱ko̱o̱ a̱siénni̱xtjin xi ndajín, kui xi botixómá ngi̱jin tjo̱o̱, ko̱jo xi tsꞌénxá ngi̱jii̱n xota̱ xi ntꞌiéꞌénjiín Néná.

Xota̱ Kolosa̱ 1:22

ta̱nga ngotꞌe̱ ꞌne̱, Néná boá xi katsꞌén nga kjoéꞌe̱chon nginíjnúu̱, ta̱ngatꞌanii̱ nga Kristoo̱ katsꞌénkꞌasꞌien yojoo̱ nga kiniꞌánkꞌién, tsi̱ꞌe̱ nga ka̱ma ku̱i̱ndyiajnú ngindyi̱ko̱n Néná, xikoó xota̱ xi tsjie, xi jmíjiín ni xi ndándí, ko̱jo nga jmíjín xi ka̱maa̱ chꞌo tsꞌén ku̱i̱chji̱a̱taꞌin.

1 Xota̱ Tesalónika̱ 4:7

Ngatꞌa̱ Néná jmí tsi tsíchji̱a̱ná tsi̱ꞌe̱ nga ni xi ndándí ku̱i̱ndyionjin, tsíchji̱a̱na tsi̱ꞌe̱ nga ni xi tsjiee̱ xi ku̱i̱ndyionjin.

1 Xota̱ Tesalónika̱ 4:9

Kó kjo̱a̱a̱ nga kꞌuiéjnú kjo̱a̱tjó xi ꞌbéná xikoó tsi ngo ntsꞌié, nde chjiénjín nga xo̱jo̱n kuitꞌajnúꞌun kui nii̱, ngatꞌa̱ ti̱kuíní Néná xi je akóyájnú nga chjiéngá ja̱kꞌi̱e̱ ja̱ngaján si̱ꞌantjójnú xingi̱jnú.

1 Timoo̱ 4:12

Ngata̱ boeꞌéndièjín ji nga ta̱ ton xchaa̱, ngatꞌa̱ xo̱ngò ji. Ta̱sá chjiéngá chi̱bo̱a̱ ka̱maa̱ ji xota̱ xi sꞌijii̱n Néná kjo̱a̱a̱ xikótsꞌèn ndokjo̱e̱, ko̱jo xikótsꞌèn tindyin, ko̱jo xikótsꞌèn tjiín kjo̱a̱tjó, ko̱jo xikótsꞌèn sꞌijii̱n Néná, ko̱jo xikótsꞌèn tsjie tindyin ji ngindyi̱ko̱n Néná.

1 Timoo̱ 6:17

Xota̱ cho̱o̱n kui nga̱sondiee̱ tatíxomée̱ nga jejín ꞌboxié yojoo̱, ti̱nde nga kjo̱a̱cho̱o̱njín xi ka̱maꞌniátakón, ngatꞌa̱ kjo̱a̱cho̱o̱n jmí tsi ngatsjéni̱xtjii̱n nga sꞌi̱jña, ta̱sá kui Néná xi tikoón xi ngatamaꞌniátakón, ngatꞌa̱ kuí boá xi tsjáná ngayeje ni xi machjiénná, tsi̱ꞌe̱ nga tsjatsꞌèn si̱ꞌankjién kuí nii̱.

1 Timoo̱ 6:9

Ngatꞌa̱ kui xota̱ xi mejeén nga ka̱ma cho̱o̱n, tsꞌenseén ni xi ꞌboṉcha̱jo, ngatꞌa̱ ta̱ chiboa ma mejénrií ni xi jmí ni chjíjiín ko̱jo ni xi ndajíntsꞌeén, kó kui nii̱ xi tsꞌenkjié ko̱jo xi tsꞌénchájá kui xotaa̱.

2 Timoo̱ 3:12

Kó ja̱koxi̱ boá nga ngayeje xota̱ xi mejeén sku̱i̱e̱ndikón Néná, kó sꞌijii̱n Kristo̱ Kjisoo̱, tsie kjo̱a̱miyotji̱ngi kjo̱a̱ꞌatio.

2 Timoo̱ 4:10

ngatꞌa̱ Ndemaa̱, tjó ngase kamaá nii̱ kui nga̱sondiee̱, kó jè íjñámasienna nga kijí na̱xi̱ńdáꞌniú Tesalónika̱. Kresentee̱ je kijí nangi Ngalasia̱, kó Titoo̱ nangi Ndalmasia̱ kijí.

Titoo̱ 3:3

Ngatꞌa̱ ngasꞌe̱ ti̱ bo̱a̱ ti̱ tsꞌén ñá, xota̱ chi̱ni kamá ko̱jo kandaꞌyáꞌénjín ñá, kisꞌiṉtso̱ma kichajá, kó mosoo̱ ngayeje to̱ko̱ya kjo̱a̱tsjaa̱ yojoná xi mejeén ini̱ma̱ná kamá, kó ngi̱jii̱n ni xi ndajiín, ko̱jo ngi̱jii̱n kjo̱a̱ꞌontakoón kixindyionjìn, kó ñá kiniꞌánchꞌó, kó ti̱ kiniꞌánchꞌóná ñá.

Xota̱ Ebreo̱ 8:11

Kó nde ngojín xi ko̱kóyaá xota̱a̱, ti̱nde ngojín xi bi̱ ka̱tso̱o̱ ntsꞌi̱e̱: Chjiéngá xchi̱e̱ ji Ndi̱a̱ná, ngatꞌa̱ ngayejee̱ nga sku̱i̱e̱na, ndeskande xi ꞌniú chichií, ngaskande xi ꞌniú xchaá.

Xo̱jo̱o̱n Sandiyaá 1:27

Kjo̱a̱yandikoón Néná xi tsjie ko̱jo xi jmíjiín ni xi ndándí ngindyi̱ko̱n Néná xí Na̱ꞌmii̱, kuí boá xi̱ꞌbi̱: Nga ko̱si̱ko̱jó kjiꞌanga kjo̱a̱ꞌatio kjo̱a̱ni̱ma̱ xota̱ xi xꞌi̱a̱a̱n, ko̱jo ínchjín kꞌán xi je kꞌien xi̱ꞌii̱n, ko̱jo nga ki̱a̱jín nijan si̱ꞌandándí yojoná kjo̱a̱a̱ ni xi ndajín xi tjiín kui nga̱sondiee̱.

2 Xo̱jo̱o̱n Peé 2:9

Ngayeje kui nii̱ xi bokó nga Ndi̱a̱ná márií ꞌboxiéjin ngi̱jii̱n kjo̱a̱chjatꞌayákón xi ꞌbeé xota̱ xi bendikón Néná, kó ti̱ tjínrií ngaꞌniú nga ko̱tíjeé xota̱ xi kixi̱jín, nga kjo̱chó ni̱xtjin nga Néná ka̱tso̱yà tsi nda ko̱jo tsi ndajínkjiꞌi ni xi katsꞌén xotaa̱.

2 Xo̱jo̱o̱n Peé 3:11

Kó nga ngayeje kui nii̱ bo̱a̱ tsꞌén kju̱i̱e̱, a chjiénjín nga tsjie tsꞌén ku̱i̱ndyionjnú ko̱jo nga xcha̱ndikónjnú Néná,

1 Xo̱jo̱o̱n Juaa̱ 2:27

Ta̱nga kui A̱si̱énni̱xtjii̱n Néná xi katsjájnú Jesukristoo̱ jè tikónjinjnú, kó nde chjiénjín nga tjín xí ko̱kóyájnú, ngatꞌa̱ kui A̱si̱énni̱xtjii̱n, kuí boá xi bokoyá kjo̱a̱a̱ ngayeje nii̱, kó ja̱koxi̱ boá ni xi bokoyá, jmí tsi kjo̱a̱ndiso. Xikó tsꞌén je akóyájnú kui A̱si̱énni̱xtjii̱n Néná, bo̱a̱ tsꞌén tindyionjinjnúu̱ Jesukristoo̱ ngatsjéni̱xtjin.

1 Xo̱jo̱o̱n Juaa̱ 2:6

Kui xota̱ xi tsó nga je tikónjii̱n Néná, chjiéngá bo̱a̱ tsꞌén ko̱e̱je̱tji̱ngi xikó katsꞌén Jesukristoo̱.

1 Xo̱jo̱o̱n Juaa̱ 5:19

Jè ya nga Néná ndokjo̱a̱ ñá, kó nga xota̱ xi ngasee̱ xindajín boá xi tsꞌénbotixómaá.

Xo̱jo̱o̱n Jundaa̱ 1:18

nga bi̱ katsó: “Nga kju̱i̱e̱tꞌa ni̱xtjii̱n, kꞌuié xota̱ xi ko̱jno̱kie ni xi tsi̱ꞌe̱ Néná, kó ki̱a̱ kꞌuíndojin ni xi ndajín xi mejeén sa̱ꞌín.”

Ni xi akakoo̱ 14:12

Kꞌi̱e̱ bí nínga xcha̱ kjo̱a̱chiyákoón xota̱ na̱xi̱ńdá tsjiee̱, kui xi tsꞌénkjátjosón kjo̱a̱botíxomaa̱ Néná, ko̱jo xi sꞌijii̱n Kjisoo̱.