Titoo̱ 2:11 - Xo̱jo̱n eén Néná

¹¹ Ngatꞌa̱ Néná je akoó kjo̱a̱ndaa̱ ngayeje xotaa̱, kó kuí boá xi ꞌboxiéꞌáná,

Titoo̱ 2:11 Iomraidhean Croise

Xo̱jo̱n Salmoo̱ 67:2

Tsi̱ꞌe̱ nga ngayeje tꞌanangii̱ xcha̱ ndi̱yàa̱, ko̱jo nga xcha̱ kjo̱a̱ꞌnaxiéꞌáa̱ ngi̱jii̱n ngayeje na̱xi̱ńdá.

Xo̱jo̱n Salmoo̱ 84:11

Ngatꞌa̱ jí boá xi tsꞌué jí, ko̱jo jí boá xi ꞌbíchjaá ni xi ndajín, jí boá xi tiboeꞌéjne̱ kjo̱a̱nda ko̱jo kjo̱a̱yandikón. Kó Néná kjo̱a̱ꞌáxínjiín kjo̱a̱ndaa̱ xota̱ xi ngatsjéni̱xtjin nga nda ndyi̱tsꞌe̱én.

Xo̱jo̱n Salmoo̱ 96:10

Bi̱ nga tsó xota̱ na̱xi̱ńdaá: «¡Néná boá xi tsꞌénbotixómá!» Kuí boá xi ꞌniú íjñá kui nga̱sondiee̱, kó ka̱matíyájiín. ¡Kuí boá xi kixi̱ ko̱tíxomaa̱ ngayeje na̱xi̱ńdaá!

Matioo̱ 28:19

Kó kuíni nga, tangínjnú kó xota̱ tsa̱ꞌa̱n ti̱ꞌánjnú ngayeje xota̱ na̱xi̱ńdá, tatíndánijnú nga si̱ꞌankaxomájnú jaꞌeén Na̱ꞌmii̱, ko̱jo jaꞌeén ndií, ko̱jo jaꞌeén A̱si̱énni̱xtjii̱n,

Markoo̱ 16:15

Kó bi̱ katsoó: –Tangínjnú ngayeje són nga̱sondiee̱ kó tꞌíni̱jmìjnúu̱ éntjatsi̱e̱e̱ Néná ngayeje xota̱ xi tjiín.

Rkaa̱ 24:47

ko̱jo nga chjiéngá jaꞌeén Kjisoo̱ kꞌuini̱jmi̱ì xotaa̱ nga sa̱ꞌínkꞌoyà yojoo̱ kjo̱a̱a̱ jé xí ndyi̱tsꞌèn, ko̱jo tsi̱ꞌe̱ nga si̱ꞌanjetakoón jeé ngayeje xota̱ na̱xi̱ńdaá, kó nga na̱xi̱ńdáꞌniú Jerusale̱n ku̱i̱ꞌítsꞌi̱yani kui nii̱.

Rkaa̱ 3:6

Kó ngayeje xotaa̱ xi sku̱i̱e̱ kui kjo̱a̱ꞌnaxiéꞌá xi katsangiya Néná.”

Juaa̱ 1:14

Kó kuí Eén xi yojo kamá, kó kꞌi̱e̱ kisꞌijñajinná, kó kamáyà kjo̱a̱jee̱, kjo̱a̱jee̱ nga Ndí ngototoo̱ Na̱ꞌmii̱, xi kisꞌikitsiee̱ kjo̱a̱nda ko̱jo ja̱koxi̱.

Juaa̱ 1:9

Kui ndiꞌí ja̱koxi̱ xi tsꞌentsíjee̱n ngayeje xotaa̱, jeꞌe kui nga̱sondiee̱.

Ni xi kamá 11:23

kó nga jachó, kamábe kjo̱a̱ndaa̱ Néná kó tsja kamaá, kó ꞌniú atíxomaa̱ ngayeje xotaa̱ tsi̱ꞌe̱ nga ngayeje ini̱ma̱a̱ nga ꞌniú ka̱maꞌniátakón Ndi̱a̱ná,

Ni xi kamá 13:43

Kó ngije kijí xota̱ xi síndo ndiꞌa nínga ndokjo̱a̱ eén Néná, achichí má xota̱ jundío̱, ko̱jo xota̱ xi jundío̱jín ta̱nga xi bendikón Néná xi kijítji̱ngii̱ Pabloo̱ ko̱jo Bernabee̱, kó kui jaá ꞌniú atíxomaa̱ kui xotaa̱ tsi̱ꞌe̱ nga jmíni̱xtjin ku̱i̱ꞌíjñámasien kjo̱a̱ndaa̱ Néná xí je kasakoo̱.

Ni xi kamá 13:47

Ngatꞌa̱ bo̱a̱ tsꞌén katsangiyajne̱ Ndi̱a̱ná, nga bi̱ katsó: Ijñáñaá xikoó ngo ndiꞌí tsi̱ꞌe̱ ngayeje xota̱ xi tjín nga̱sondiee̱, tsi̱ꞌe̱ nga kꞌuiyée̱ kótsꞌèn kꞌoxiéꞌá an xota̱ xi síndo ngayeje són tꞌanangii̱.

Ni xi kamá 17:30

Kuíni nga Néná katsꞌénjetakoón kje̱ꞌe ni̱xtjin ngayeje kjo̱a̱jñótokoó xotaa̱, ta̱nga ngotꞌe̱ ꞌne̱ ta̱jñà ngi̱ndiení tsꞌénbotixómáná tsi̱ꞌe̱ nga si̱ꞌankꞌoyá yojoná kó xcha̱ndikón kuí,

Ni xi kamá 20:24

Ta̱nga an, jmí ndasénjínna yojona, ti̱nde jmí ni tsjakjiꞌi míꞌájáa̱n kjo̱a̱mindyioo̱n, ngatꞌa̱ tsjákjiꞌina ngaskande nga kjóchotꞌáa̱ xá xí sa̱ꞌinkjatjosón an xi katsjána Ndi̱a̱ná Kjisoo̱, nga xiyà an éntjatsi̱e̱e̱ tsi̱ꞌe̱ kjo̱a̱ndaa̱ Néná.

Xota̱ Roma̱ 10:18

Ta̱nga an bosíyá an: A tsintꞌiéjín. ¡Ja̱koxi̱ nga jè tsintꞌié! Bi̱ tsó xo̱jo̱o̱n Néná: Nda̱a̱ je kandaꞌyá ngayeje nga̱sondiee̱, kó eén je jachó ngaskande nínga fetꞌanii̱ nga̱sondiee̱.

Xota̱ Roma̱ 5:15

Ta̱nga jeé Andaa̱n bo̱a̱jín ti̱ kjiꞌini xikoó kjo̱a̱ndaa̱ Néná. Ngatꞌa̱ tsi ta̱ngatꞌanii̱ jeé ngo nda̱ nga kjín xota̱ xi kꞌien, ta̱nga ta̱ngatꞌaa̱ kjo̱a̱ndaa̱ ngo nda̱, kui xi Jesukristoo̱, nga kjín xota̱ kasakoo̱ kjo̱a̱ndaa̱ Néná xi ta̱ katsjárií.

Xota̱ Roma̱ 5:2

Ta̱ngatꞌanii̱ nga sꞌijinná Jesukristoo̱, kuíni nga ndyi̱bitjasꞌi̱e̱njin kuí kjo̱a̱nda xi̱ꞌbi̱, ꞌniú ku̱i̱ndyión kó tsja ngatamaná kjo̱a̱a̱ kjo̱a̱jee̱ Néná xi ndyi̱chiyáa̱ nga sa̱kóná.

2 Xota̱ Korinto̱ 6:1

Kó kuíni nga ji̱n xi xaá Néná ndyi̱niꞌánjne̱, ꞌniú chjiáꞌájne̱ jún tsi̱ꞌe̱ nga ngata̱ tonjín májnú kjo̱a̱ndaa̱ Néná.

Xota̱ Ngalasia̱ 2:21

Xínjín tsꞌenkjaꞌa an kjo̱a̱ndaa̱ Néná. Ngatꞌa̱ tsi kjo̱a̱kitii̱ xi sa̱ꞌínkixi̱ xotaa̱ ngindyi̱ko̱n Néná, ja̱ ta̱ kjo̱a̱ndaraa̱ nga kꞌien Kristoo̱ tsobo̱a̱.

Xota̱ Éfeso̱ 2:5

kó ndatsi je akayà ngi̱jii̱n jéná, nijan katsjáná kjo̱a̱mindyion ko̱jo Kristoo̱. Ta̱ngatꞌaa̱ kjo̱a̱ndaa̱ Néná nga jún je ta̱ jatjoꞌa kjo̱a̱nda tsíjnú.

Xota̱ Éfeso̱ 2:8

Ngatꞌa̱ ta̱ngatꞌanii̱ kjo̱a̱ndaa̱ Néná nga jún je jatjoꞌajnú ngatꞌa̱ kisꞌijinjnú, kó kui nii̱ jmí tsi ngo ni xi jún kasako so̱bo̱a̱jnú, kjo̱a̱nda xi tsi̱ꞌe̱ Néná boá.

Xota̱ Kolosa̱ 1:23

Bo̱a̱ ka̱ma tsi ja̱koxi̱ nga ꞌniú tindyiàjnú ko̱jo tsi ꞌniú tikón kjo̱a̱sꞌijinjnú, ko̱jo nga jmíni̱xtjin kju̱i̱e̱ kjo̱a̱chiyá xi tikónjnú, kjo̱a̱a̱ kui éntjatsi̱e̱e̱ Kristoo̱ xi je kandaꞌyájnú, kuí eén xi je tjíꞌbíni̱jmì ngayeje són nga̱sondiee̱, kó an Pabloo̱ katseꞌéxána nga kꞌuini̱jmì án kui eén.

Xota̱ Kolosa̱ 1:6

Kui éntjatsi̱e̱ xi kandaꞌyájnú, jè tjíꞌbíni̱jmì ngayeje són nga̱sondiee̱, kó nda tjítsꞌeén xotaa̱, xikó kamá ngi̱jinjnú ni̱xtjin nga kamáyà ja̱koxi̱jnú kjo̱a̱ndaa̱ Néná.

2 Xota̱ Tesalónika̱ 2:16

Kó kuí má Ndi̱a̱ná Jesukristoo̱, ko̱jo Néná xí Na̱ꞌminá, kui xi tsꞌéntjóná, ko̱jo xi tsjáná ngaꞌniú ngatsjéni̱xtjin, ko̱jo xi tsjáná kjo̱a̱chiyá ngatꞌaa̱ kjo̱a̱ndaa̱,

1 Timoo̱ 1:14

Achichí tsie kjo̱a̱nda xi katsjána Ndi̱a̱ná, kó katsjána kjo̱a̱sꞌijin, ko̱jo kjo̱a̱tjó xi tjiín Kristo̱ Kjisoo̱.

1 Timoo̱ 2:4

Néná mejeén nga kjo̱tjoꞌa ngayeje xotaa̱, ko̱jo nga sku̱i̱e̱ ni xi ja̱koxi̱i̱.

2 Timoo̱ 1:10

Kó ngotꞌe̱ ꞌne̱, Néná akó kjo̱a̱ndaa̱ nga jeꞌe Kristo̱ Kjisoo̱, kui xi tsꞌaxiéꞌáná, kó kuí boá xi katsꞌénkjié ngaꞌniuú kjo̱a̱bo̱yaa̱, kó akó nga ka̱ma kꞌuiéná ngo kjo̱a̱mindyion nínga ngiti̱ ko̱yàján ñá, ta̱ngatꞌanii̱ ni xi tsó éntjatsi̱e̱e̱.

2 Timoo̱ 4:17

Ta̱nga Ndi̱a̱ná kisꞌijñajo̱na, kó katsjána ngaꞌniú, tsi̱ꞌe̱ nga kamána nga íni̱jmì án eén Néná, kó tsintꞌié ngayeje xota̱ xi jundío̱jiín. Bo̱a̱ tsꞌén nga Néná tsꞌaxiéꞌána nga kiniꞌánkꞌiénjínna.

Xota̱ Ebreo̱ 12:15

Chindajnú nga ngojín xi sa̱ꞌínchꞌó kjo̱a̱ndaa̱ Néná, nga tsi ngo xi ndajín tjíjin ini̱ma̱a̱ tsja̱á kjo̱a̱xti, kuí nii̱ xi sa̱ꞌínniꞌii̱n xotaa̱, kó ka̱ma tsie kui ni xi ndajiín,

Xota̱ Ebreo̱ 2:9

Ta̱nga yàjne̱ xikótsꞌèn Kjisoo̱ chiboa ngase kiniꞌán ngotjón, ta̱bo̱a̱jiín ndítsjiee̱, kó nga kuí xí tikoón kjo̱a̱jee̱, ko̱jo kjo̱a̱yandikoón kjo̱a̱a̱ kui kjo̱a̱ni̱ma̱a̱ xi jaꞌatio nga kiniꞌánkꞌién. Jaꞌajin kjo̱a̱bo̱yaa̱ ta̱ngatꞌanii̱ nga kꞌientjé ngayeje xotaa̱, kó bo̱a̱ tsꞌén katsꞌénkjatjosón kjo̱a̱ndaa̱ Néná.