Titoo̱ 2:10 - Xo̱jo̱n eén Néná

¹⁰ ko̱jo ngata̱ tsꞌénchéjéjiín, ta̱sá ngo xota̱ xi ꞌniákón ngayeje nii̱ ngatama, tsi̱ꞌe̱ nga ko̱kó ngayeje kjo̱a̱tsjakjiꞌii̱ kjo̱a̱bokoyá xi tsi̱ꞌe̱ kui Néná xí tsꞌaxiéꞌáná.

Titoo̱ 2:10 Iomraidhean Croise

Xo̱jo̱n Salmoo̱ 101:6

Ta̱nga ki̱a̱ skotsijèe̱n xota̱ xi maꞌniátakón xi tjín kuí tꞌanangii̱, tsi̱ꞌe̱ nga nijan ku̱i̱ndyionjne̱. Kó kui xota̱ xi ndi̱yà xí kixi̱i̱ síndo, kuí boá xi ka̱ma sa̱ꞌínxátꞌana.

Matioo̱ 24:45

ꞌYá moso̱ xi kixi̱ ko̱jo xi ꞌniátakón xi ka̱maa̱ si̱ꞌankjatjosón, nga ndi̱a̱a̱ sa̱ꞌínkonda ndiꞌaa̱ tsi̱ꞌe̱ nga chi̱bo̱a̱a̱ má tsja̱á nichinie xotaa̱.

Matioo̱ 5:16

Bo̱a̱ tsꞌén ngatí ndiꞌíjnú ngindyi̱ko̱n xotaa̱, tsi̱ꞌe̱ nga sku̱i̱e̱ ni nda xi ndyi̱niꞌánjnú, kó ngayejejnú te̱ꞌéjnúu̱ kjo̱a̱je Na̱ꞌmijnú xi tikón ndiꞌakꞌajmi jàn.

Rkaa̱ 1:47

Kó a̱si̱énni̱xtjinna iskjínkꞌá má nga tsja kamaá kjo̱a̱a̱ Néná xí ꞌboxiéꞌána.

Rkaa̱ 1:80

Kó kui ndií nga kjimaxchá kisꞌiee̱ ngaꞌniuú A̱si̱énni̱xtjii̱n Néná, kó ki̱a̱ kisꞌijña nangi kixií ngaskande nga akoó yojoo̱ xota̱ na̱xi̱ńdá xí chji̱a̱ni Israee̱l.

Rkaa̱ 16:10

Xota̱ xi nda maꞌniátakón nga skoón ni xi chiboa, ti̱ ka̱maꞌniátakón nga skoón ni xi tsie, kó xota̱ xi kixi̱jín tsꞌénkjátjosón ni xi chiboaa̱, ti̱ bo̱a̱ ti̱ tsꞌén ni xi tsiee̱ kixi̱jín ka̱ma nga.

Juaa̱ 12:6

Jundaa̱ katsó kui nii̱, jmí tsi kjo̱a̱a̱ nga tjoó xota̱ ni̱ma̱a̱, katsó kuí nii̱ kjo̱a̱a̱ nga nda̱ chejé boá, kó kuí kisꞌijñaa̱ stsatoo̱n, kó iskjíbéchéjé to̱n xi ikindyia.

1 Xota̱ Korinto̱ 4:2

Kjiꞌanga ngo xi tjiín ngo xá, xi tsi̱ꞌe̱ xaá míꞌaá nga kixi̱ tsꞌén ko̱e̱je̱jo xaá.

Xota̱ Éfeso̱ 4:1

Kuíni nga an, nga ndo̱bo̱a̱yà tikòn an ta̱ngatꞌanii̱ Ndi̱a̱ná, ꞌniú míꞌájnúꞌun tsi̱ꞌe̱ nga kixi̱ ku̱i̱ndyionjnú xikótsꞌèn chjiéngá kꞌuíndo xota̱ xi Ndi̱a̱ná tsíchji̱a̱a̱.

Xota̱ Filipo̱ 1:27

Ta̱ kuí tsí nii̱ xi míꞌájnúꞌun: Ti̱ndyiónjnú xikótsꞌèn tsoboaá nga kꞌuíndo xota̱ je sꞌijii̱n éntjatsi̱e̱e̱ Kristoo̱. Kuíni nga tsi kjuínkátsijenjnúꞌun skuie an, kó tsi ki̱a̱jín kotíjña̱ an kuintꞌie an én xikótsꞌèn tindyiónjnú. ꞌNiú ti̱ndyiónjnú. Ngo tsí ni xi tjajintakónjnú. Ngo ndséje̱n ti̱ꞌangaꞌniújnú nga ku̱i̱xkántjéjnú kjo̱a̱sꞌijii̱n éntjatsi̱e̱e̱ Kristoo̱.

Xota̱ Filipo̱ 4:8

Kó nga fetꞌaa̱ já ntsꞌie, kuí nii̱ xi ti̱ꞌankjójnú: ngayeje ni xi ja̱koxi̱, ngayeje ni xi yandikón ngindyi̱ko̱n Néná, ngayeje ni xi kixi̱, ngayeje ni xi tsjie, ngayeje ni xi ꞌniú nda, ko̱jo ngayeje ni xi tjiín jaꞌén xi nda. Tsi tjín ni xi nda ko̱jo ni xi tsoboaá nga niꞌántsjá, kuí nii̱ xi ti̱ꞌankjójnú.

1 Timoo̱ 1:1

Án boá xi ꞌmína Pabloo̱, nda̱ apostroo̱ Jesukristoo̱, xikótsꞌèn katsjákjo̱a̱ kui Néná xí tsꞌaxiéꞌáná, ko̱jo Ndi̱a̱ná Jesukristoo̱ kui xi ndyi̱chiyáa̱ nga kjo̱e̱ꞌe nginí.

1 Timoo̱ 5:17

Xota̱ xi xchá xi síndotjoón na̱ngo̱xi̱i̱ xi nda tsꞌén ndyi̱fíjo̱ xaá, chjiéngá ꞌniú ngase ngatamayandikón, ngase má kui xi ndyi̱ꞌbini̱jmì, ko̱jo xi ndyi̱bokoyá eén Néná.

1 Timoo̱ 6:1

Xota̱ xi moso̱ xi kastiñaá chjiéngá ko̱ójinkon nga ꞌniú sku̱i̱e̱ndikón ndi̱a̱a̱, tsi̱ꞌe̱ nga chꞌójín tsꞌén ko̱ndókjo̱a̱ kjo̱a̱a̱ Néná, ti̱nde chꞌójín tsꞌén ko̱ndókjo̱a̱ kjo̱a̱a̱ ni xi tjibókoyaá.

1 Timoo̱ 6:3

Tsi tjín káꞌá xota̱ xi ko̱kóyá kje̱ꞌe ni, kó tsi sasiénjiín én nda xi tsi̱ꞌe̱ Ndi̱a̱ná Jesukristoo̱, ko̱jo tsi bokoyájiín xotaa̱ nga xcha̱ndikón Néná,

Titoo̱ 1:3

Nga jachó ni̱xtjin, Néná xi ꞌboxiéꞌáná, akó cha̱n cha̱n eén kó án katsjáxána nga tsꞌénꞌbini̱jmì án.

Titoo̱ 3:4

Ta̱nga kjiꞌanga akó kjo̱a̱ndaa̱ Néná kui xi tsꞌaxiéꞌáná, ko̱jo kjo̱a̱tjó xi tjiín kjo̱a̱a̱ ngayeje xotaa̱,

1 Xo̱jo̱o̱n Peé 2:12

nda ti̱ꞌánjnú xikótsꞌèn tindyiónjnú ngi̱jii̱n xota̱ xi bejín Néná, bo̱a̱ ti̱ꞌánjnú ndatsi kui xotaa̱ ngotꞌe̱ ndajín tsꞌén chji̱a̱ kjo̱a̱a̱ jún, ta̱nga nga sku̱i̱e̱ ni nda xi ndyi̱niꞌánjnú, sa̱ꞌíntsjaá Néná ni̱xtjin nga Néná sa̱ꞌínjo̱ xki̱ ngayeje xotaa̱.

1 Xo̱jo̱o̱n Peé 3:16

Ta̱nga ngatꞌiéjnú kjo̱a̱ni̱ma̱kjo̱a̱, ko̱jo kjo̱a̱yandikón nga bo̱a̱ si̱ꞌánjnú. Ti̱ꞌánjnú kui nii̱ nga nda tsꞌén kꞌuijñá kjo̱a̱kjíntakónjnú ngindyi̱ko̱n Néná, ki̱a̱ ka̱maa̱ nga kui xota̱ xi ndyi̱chji̱a̱taꞌinjnú, kui xi ndyi̱tsó nga ndajínjnú xota̱, soboá ka̱maa̱ nga sku̱i̱e̱ nga nda ndyi̱niꞌánjnú ngatꞌa̱ sꞌijinjnú Kristoo̱.

2 Xo̱jo̱o̱n Juaa̱ 1:9

Ta̱ꞌyaní xi kjo̱a̱ꞌatjoón ni xi akóyá Kristoo̱, kó ki̱a̱jín kꞌuijñájin kui nii̱, tikónjinjiín Néná ngi̱jin ini̱ma̱a̱. Ta̱nga kui xota̱ xi ta̱kuítsí kjo̱a̱bokoyaá Kristoo̱ xi tsꞌénbokoyá, kuí boá xi̱ꞌba̱ xi tikónjii̱n ngi̱jin ini̱ma̱a̱ Néná xí Na̱ꞌmii̱ ko̱jo Ndií.