Titoo̱ 1:6 - Xo̱jo̱n eén Néná

⁶ Xi ka̱ma xota̱ xi xchaá, kuí boá xi jmíjín xi chꞌo tsꞌén ku̱i̱chji̱a̱taꞌin, kui xi ta̱ ngo tsi chjo̱on tjiín, kui xi ndií sꞌijin ka̱maa̱ Néná, ko̱jo xi ndií kixi̱ kꞌuíndo, nga jmíjín xi chꞌo tsꞌén ku̱i̱chji̱a̱taꞌin, ko̱jo nga ku̱i̱ntꞌiéꞌén.

Titoo̱ 1:6 Iomraidhean Croise

Jenesii̱s 18:19

Kuí xá jaꞌajin an kui nga ko̱tíxomaa̱ ndií ko̱jo xota̱ xi síndo ndiꞌaa̱ nga ku̱i̱ntꞌiéꞌénna ko̱jo nga ni xi nda ko̱jo ni xi kixi̱ sa̱ꞌín. Tsi bo̱a̱ sa̱ꞌín Abraa̱n, sa̱ꞌinkjatjosón an ngayeje ni xi je kixiyatjóo̱n nga sa̱ꞌin an».

Énkjínkón 28:7

Xota̱ xi tsꞌénkjátjosón kjo̱a̱kitii̱ Néná, kuí boá xi ngo ndí xí kjínkón, ta̱nga xota̱ xi nijanma xota̱ xi xki̱ꞌaá, ta̱ kjo̱a̱soboá tsí xi tsjaá na̱ꞌmii̱.

Lebitiko̱ 21:7

»Ka̱májín ku̱i̱xanjo̱jnú ngo na̱masien, ti̱nde ka̱májín tsi ngo na̱ xi je íjñá xi̱ꞌii̱n, ko̱jo tsi ngo na̱ xi chꞌo kiniꞌánjo̱ kjo̱a̱ꞌniú. Ngatjaꞌátsjienjnú nga jún jè ta̱ xá tsa̱ꞌa̱n tsí xi si̱ꞌánjnú.

Rkaa̱ 1:5

Kui ni̱xtjin jàn nga kamá Erondee̱ nda̱ ree̱ nangi Jundea̱, kisꞌijña ngo chináꞌmi xi ꞌmí Sakariya̱ xi tsíchji̱a̱ni já chináꞌmii̱ nda̱ xi ꞌmí Abiyaa̱. Chjo̱on kamánii̱ Sakariya̱ na̱ xi ꞌmí na̱ Sabee̱, na̱ xi chji̱a̱ni xota̱ tji̱e̱e̱ nda̱ xi ꞌmí Aaroo̱n.

Xota̱ Éfeso̱ 5:18

Ngata̱ niꞌánchꞌi̱jínjnú yojojnú, ngatꞌa̱ xaán xí tsꞌén nga niꞌán ta̱jmì niní, ta̱sá ngasꞌikitsienijnú A̱si̱énni̱xtjii̱n Néná,

1 Xota̱ Tesalónika̱ 5:14

Jún ntsꞌie, ti̱ bo̱a̱ ti̱ tsꞌén ꞌniú chjiáꞌájne̱ jún, tsi̱ꞌe̱ nga ꞌniú ko̱ndókjo̱a̱jojnú kui xota̱ xi tsiꞌeé, ko̱jo nga ko̱e̱ꞌéngaꞌniújnúu̱ kui xota̱ xi je katsꞌénkjié kjo̱a̱a̱, ko̱jo nga ko̱si̱ko̱jójnú xi ꞌniújín sꞌijii̱n, ko̱jo nga tsiekon ka̱majnú kjo̱a̱a̱ ngayeje xotaa̱.

1 Timoo̱ 1:9

Kó ti̱ ya nga kjo̱a̱kitii̱ kuijín xota̱ xi kixi̱i̱ xi katseꞌeé tsi̱ꞌe̱ nga ka̱machji̱ni̱e̱. Kjo̱a̱kitii̱, kuí xota̱ xi̱ꞌbi̱ xi katseꞌeé tsi̱ꞌe̱ nga ka̱machji̱ni̱e̱: Xota̱ xi ndyi̱tsꞌèn ni xi ndajín, ko̱jo xota̱ xi ntꞌiéꞌénjín, ko̱jo xota̱ xi ndajín, ko̱jo xota̱ xi ndyi̱tsꞌèn jé, ko̱jo xota̱ xi ndyi̱bendikónjín Néná, ko̱jo xota̱ xi ndyi̱bendikónjín ni tsjie xi tsi̱ꞌe̱ Néná, ko̱jo xota̱ xi ndyi̱tsꞌènkꞌién na̱ꞌmii̱ ko̱jo na̱aa̱n, ko̱jo xota̱ xi ndyi̱tsꞌènkꞌién ini̱ma̱,

1 Timoo̱ 3:12

Nda̱ xi ko̱síko̱jo já ngito̱ko̱o̱ na̱ngo̱xi̱i̱, chjiéngá ta̱ ngo tsi chjo̱on kꞌuieé, kó chjiéngá nda ko̱tíxomaa̱ ndií, ko̱jo xota̱ xi síndo ndiꞌaa̱.

Titoo̱ 1:10

Ngatꞌa̱ achichí má xota̱ xi to̱kó tjín xi ntꞌiéꞌénjiín kjo̱a̱bokoyá xi ndaa̱, kui xota̱ xi chji̱a̱ én xi jmí ni chjíjiín, kó ꞌboṉcha̱jo xotaa̱, ngase má kui xota̱ jundío̱ xi bokoyá nga si̱ꞌan sirkunsisioo̱n.