Titoo̱ 1:5 - Xo̱jo̱n eén Néná

⁵ Ki̱a̱ katsꞌenkꞌíjñaá jí tji̱ngi̱ Kreta̱, tsi̱ꞌe̱ nga si̱ꞌindaye ni xi chajaa̱ nga ka̱mandaya, ko̱jo tsi̱ꞌe̱ nga xki̱ nangi ko̱e̱ꞌéxée̱ xota̱ xi xchaá na̱ngo̱xi̱i̱, xikótsꞌèn atixomaa an nga si̱ꞌin ji.

Titoo̱ 1:5 Iomraidhean Croise

Eklesiastee̱ 12:9

Kó kui Nda̱ xi Tsáyà Eén, achichí kjínkón kamá, nga ngaskande akóyaá xota̱ na̱xi̱ńdaá tsi̱ꞌe̱ nga kjínkón kamá nga, kó akóyaá tsi̱ꞌe̱ nga ko̱siénnijon, ko̱jo nga skjítꞌoyà, kó achichí énkjínkón xi katsꞌénda ko̱jo índonda.

Lebitiko̱ 14:42

Jaskan ndi̱jo̱ xi tja̱tsi̱e̱ kꞌuíndoo̱ nínga kaꞌnaxié kui ndi̱jo̱ xi je kachjeꞌéxiín, kó kui xoó kjojòn nginí kje̱ꞌe ndáse xí tja̱tsi̱e̱.

Ni xi kamá 11:30

kó kui nii̱ katsꞌén kui xotaa̱, kó Bernabee̱ ko̱jo Sauloo̱ katsangiyajo̱ kui chji̱e̱e̱, tsi̱ꞌe̱ xota̱ xi xchá xí chji̱a̱ni nangi Jundea̱.

Ni xi kamá 14:23

Kó Pabloo̱ ko̱jo Bernabee̱ xki̱ na̱ngo̱xi̱ katsjaá xá xota̱ xi xchá xí kꞌuíndotjoón na̱ngo̱xi̱i̱, kó ngije tsíchji̱a̱a̱ Néná, ko̱jo ngije jaꞌa nga katsꞌénkjindiá, Ndi̱a̱ná katsꞌéngatꞌaa̱ kui xota̱ xi je kisꞌijii̱n.

Ni xi kamá 2:11

ti̱ bo̱a̱ ti̱ tsꞌén tjín xota̱ xi chji̱a̱ni Kreta̱, ko̱jo xota̱ xi chji̱a̱ni Arabia̱. Ngayejee̱ nga kandaꞌyáa̱ ñá nga ndyi̱chji̱a̱ én tsa̱ñá, kjo̱a̱a̱ kókjiꞌi kjo̱a̱ndikón xí tsꞌén Néná.

Ni xi kamá 27:12

Kó nga kui ngi̱ndie jàn ndajín má kjiꞌi nga ki̱a̱ kjo̱a̱ꞌaa̱ cho̱nchꞌaàn, kó ta̱ mején ngayejee̱ nga katsꞌénkjó nga ta̱sá ndatsi kjo̱tjo ki̱a̱a̱ sꞌe̱ sa̱ꞌín kjo̱a̱ꞌniú tsi̱ꞌe̱ nga kjo̱chó na̱xi̱ńdáꞌniú Fenise̱, ngo na̱xi̱ńdáꞌniú xi tikóntꞌa ndáchíkón xi chji̱a̱ni Kreta̱, xi kisꞌijñaa̱ ngo ngi̱ndie nínga ka̱maa̱ nda tsꞌén kjo̱a̱ꞌaa̱ cho̱nchꞌaàn.

Ni xi kamá 27:13

Kó katsꞌénkjó kui jaá nga ta̱kó ka̱ma ko̱e̱je̱ ndojóra, ngatꞌa̱ je ítsꞌi̱yanii̱ ngo ndí tjo̱ inda xi kitsjien xtji̱e̱e̱n na̱ngi, jatjo kó ki̱a̱ kijí xi ingoboaá tji̱ngi̱ Kreta̱.

Ni xi kamá 27:21

Kó nga je kjín ni̱xtjin nga ngiti̱ ndyi̱chiniéjín ji̱n ṉño̱, ti̱chaa̱n jastjíe̱n Pabloo̱ kósꞌe̱ bi̱ katsó: –Jún já, tsi jún xi kiniꞌánjnúꞌun xki̱ nga jatjo jàn tji̱ngi̱ Kreta̱, ta̱sara̱ bo̱a̱jín kamáná ñá ko̱jo tjotso je xi timayá.

Ni xi kamá 27:7

Achichí kjín ni̱xtjin nga inda inda kijí tjotso je xi timayajne̱, kó ta̱ꞌya jáchójne̱ kje̱n na̱xi̱ńdáꞌniú Jnindo̱, ngatꞌa̱ ta̱kó ꞌniú tji̱e̱n tjo̱o̱ ndáchíkoón, kó ki̱a̱ ikitjajne̱ kje̱n tꞌa na̱xi̱ńdáꞌniú Salmo̱n nga ikitjatjíyajonjne̱ tji̱ngi̱ Kreta̱,

1 Xota̱ Korinto̱ 11:34

tsi tjín xi bojoó, ndiꞌaa̱ nga kjinie ṉño̱, tsi̱ꞌe̱ nga Néná ko̱tíjéjiín kjo̱a̱a̱ nga bo̱a̱ tsꞌén kamátikó. Kó kjo̱a̱a̱ ngayeje ni xi ngasee̱ an kꞌuijñánda an nga kjóchó an.

1 Xota̱ Korinto̱ 14:40

Ta̱nga ngayeje ni xi si̱ꞌánjnú, ńgó tji̱e̱n ńgó tji̱e̱n ti̱ꞌánjnú.

1 Xota̱ Korinto̱ 4:17

Kuíni nga katsangiyajnúꞌun nda̱ xi ꞌmí Timoo̱, nga kui xi xikoó tsi ndí tjóna, ngo nda̱ xi kixi̱ tsoꞌbájo̱ Ndi̱a̱ná, kuí xí sa̱ꞌínkjaꞌátsjienjnú xikó tjítsꞌen an nga tjítsꞌenxátꞌáa̱ Kristo̱ Kjisoo̱, xikótsꞌèn bokoyá an ngayeje na̱ngo̱xi̱ nínga foaꞌa an.

Xota̱ Kolosa̱ 2:5

Ngatꞌa̱ ndatsi ki̱a̱jín tikónjinjnúꞌun nga án má, ki̱a̱ tikónjo̱jnú ini̱ma̱na, kó tsja mana nga kixi̱ tindyiónjnú, ko̱jo nga ta̱kó ꞌniú tindyiónjnú nga sꞌijinjnú Kristoo̱.

1 Timoo̱ 1:3

Kjiꞌanga kijí an nangi Masendonia̱, ꞌniú tsíꞌaá tsi̱ꞌe̱ nga ki̱a̱ ku̱i̱ndyin ji na̱xi̱ńdáꞌniú Éfeso̱, kó ti̱ kuíꞌá ngiñaá tsi̱ꞌe̱ nga kꞌuíchjée̱ xota̱ xi kje̱ꞌe ni xi ndyi̱bokoyá,

2 Timoo̱ 2:2

Ni xi je kandaꞌyéní nga kixiya an ngindyi̱ko̱n kjín chistiko̱, mejénna nga ko̱ko̱yée̱ já xí ma ꞌniátakoón, tsi̱ꞌe̱ nga ka̱maa̱ ko̱kóyaá kje̱ꞌe xota̱.

Titoo̱ 1:12

Ngo nda̱ chji̱ni̱e̱ꞌén xí tsi̱ꞌe̱ kui jaá xi bi̱ katsó: “Xota̱ xi chji̱a̱ni tji̱ngi̱ Kretaa̱, ngatsjéni̱xtjin nga xota̱ ndiso, ko̱jo xota̱ xi ndajín, xota̱ xki̱ꞌá, ko̱jo xota̱ tsiꞌé boá.”