Titoo̱ 1:1 - Xo̱jo̱n eén Néná

¹ Án boá xi ꞌmína Pabloo̱, mosoo̱ Néná ko̱jo apostroo̱ Jesukristoo̱, xikótsꞌèn sꞌijii̱n xota̱ xi je jaꞌájin Néná, ko̱jo xikó kjiꞌi kjo̱a̱kjíntakón xi ja̱koxi̱i̱ nga bendikón Néná, bo̱a̱ kjíꞌí xána,

Titoo̱ 1:1 Iomraidhean Croise

Rkaa̱ 18:7

Kó Néná a kixi̱jín tsꞌén sa̱ꞌínseén xota̱ xi je jaꞌájin xi nga jñó ko̱jo nga ni̱xtji̱e̱n ndyi̱chji̱a̱a̱ kui. A sa̱ꞌínkꞌandíyárií nga ko̱síko̱jo kui xotaa̱.

Ni xi kamá 13:48

Nga tsintꞌié kuí eén xota̱ xi jundío̱jiín, achichí tsja kamaá, kó katsjaá kjo̱a̱je eén Néná, kó kisꞌijin yejee̱ xota̱ xi je katjoꞌójii̱n nga sa̱ko̱ó kjo̱a̱mindyion ngatsjéni̱xtjii̱n,

Xota̱ Roma̱ 1:1

Tsꞌentíndejnú Pabloo̱, nda̱ xi Néná tsíchji̱a̱a̱ nga katsjáxaá tsi̱ꞌe̱ nga apostro̱ ka̱ma an, kó íjñátꞌaxínna, tsi̱ꞌe̱ nga kꞌuini̱jmì án éntjatsi̱e̱e̱ Néná.

2 Xota̱ Korinto̱ 1:1

Án boá xi ꞌmína Pabloo̱, an xí kamá an ngo nda̱ apostroo̱ Jesukristoo̱, ngatꞌa̱ bo̱a̱ tsꞌén kamámejeén Néná. An ko̱jo nda̱ ntsꞌié xi ꞌmí Timoo̱ niꞌántindejne̱ xota̱ na̱ngo̱xi̱i̱ Néná xí síndo na̱xi̱ńdáꞌniú Korinto̱, ko̱jo ngayeje xota̱ tsjiee̱ Néná xí síndo ngayeje nangi Akaya̱.

Xota̱ Éfeso̱ 2:8

Ngatꞌa̱ ta̱ngatꞌanii̱ kjo̱a̱ndaa̱ Néná nga jún je jatjoꞌajnú ngatꞌa̱ kisꞌijinjnú, kó kui nii̱ jmí tsi ngo ni xi jún kasako so̱bo̱a̱jnú, kjo̱a̱nda xi tsi̱ꞌe̱ Néná boá.

Xota̱ Filipo̱ 1:1

An Pabloo̱, ko̱jo Timoo̱, ji̱n xi mosoo̱ Jesukristoo̱, niꞌántindejne̱ ngayeje jún, xi xota̱ tsjiee̱ Kristo̱ Kjisoo̱ xi tindyiónjnú na̱xi̱ńdáꞌniú Filipo̱, kó ti̱ niꞌántindejne̱ já xí ngito̱ko̱o̱ na̱ngo̱xi̱i̱, ko̱jo já xí bosikójo kui jaá.

Xota̱ Kolosa̱ 2:2

Tsjàa̱ kjo̱a̱ni̱ma̱ yojona, tsi̱ꞌe̱ nga sa̱kó ngaꞌniuú ini̱ma̱a̱ xota̱ na̱ngo̱xi̱i̱, nga ta̱ ngo tjín ko̱a̱ꞌa̱ xkjín nga kꞌuieé kjo̱a̱tjó, ko̱jo nga kꞌuieé kjo̱a̱cho̱o̱n kjo̱a̱kjíntakón xi ndaa̱, tsi̱ꞌe̱ nga ka̱makjiín ni xi íjña ꞌma Néná ngasꞌe̱, kui xi Kristoo̱ ngotꞌe̱.

1 Timoo̱ 2:4

Néná mejeén nga kjo̱tjoꞌa ngayeje xotaa̱, ko̱jo nga sku̱i̱e̱ ni xi ja̱koxi̱i̱.

1 Timoo̱ 3:16

Kó tikón tsijen tsijen nga ta̱nisién je ni xi sꞌijinná, ni xi kisꞌijña ꞌma ngasꞌe̱, kó Néná je tsꞌénbokóná ngotꞌe̱, kuí ni xi̱ꞌbi̱: Néná akó yojoo̱ nga xota̱ kamá, A̱si̱énni̱xtjii̱n akó nga kui xi kixi̱, ndítsjiee̱ kamábe. Ikꞌíni̱jmi̱ì xota̱ na̱xi̱ńdá xí tjiín, kiniꞌánsꞌijin kui nga̱sondiee̱, kó kisꞌiee̱ kjo̱a̱je nga kijí ndiꞌakꞌajmii̱.

1 Timoo̱ 6:3

Tsi tjín káꞌá xota̱ xi ko̱kóyá kje̱ꞌe ni, kó tsi sasiénjiín én nda xi tsi̱ꞌe̱ Ndi̱a̱ná Jesukristoo̱, ko̱jo tsi bokoyájiín xotaa̱ nga xcha̱ndikón Néná,

2 Timoo̱ 2:10

Kuíni nga tsꞌenchíkjo̱a̱ an ngayeje nii̱, ta̱ngatꞌanii̱ ngandaa̱ xota̱ xi je jaꞌájin Néná, tsi̱ꞌe̱ nga ko̱jo kui sa̱ko̱ó kjo̱a̱ꞌnaxiéꞌaá, ko̱jo kui kjo̱a̱je xi májiín fe xi tsja̱aná Kristo̱ Kjisoo̱.

2 Timoo̱ 2:23

Ta̱nga nga ki̱a̱jín niꞌínsée̱n kjo̱a̱ndokjo̱a̱ti xi kitikjo̱a̱, ko̱jo xi jmí ni chjíjiín, ngatꞌa̱ jè yé ji nga kuí nii̱ xi tsꞌénkjánná.

2 Timoo̱ 2:25

Chjiéngá ni̱ma̱kjo̱a̱ ka̱ma ji nga si̱ꞌinchji̱ni̱ xota̱ xi kondra̱ síndoo̱ ni xi tibokoyé ji. Tsi̱ꞌe̱ nga tsi ta̱ꞌa nga Néná xí mejeén tsja̱á kjo̱a̱nda kui xota̱ kondraa̱, nga sa̱ꞌínkꞌoyà yojoo̱, tsi̱ꞌe̱ nga sku̱i̱e̱ ni xi ja̱koxi̱i̱,

Xo̱jo̱o̱n Sandiyaá 1:1

Án boá xi ꞌmína Sandiyá, mosoo̱ Néná xí Na̱ꞌmii̱ ko̱jo Ndi̱a̱ná Jesukristoo̱, tsꞌentindejnúꞌun jún xi tiejó xota̱ tji̱e̱e̱ Israee̱l xi kastsojoboajnú ngayeje són nga̱sondiee̱.

2 Xo̱jo̱o̱n Peé 1:3

Néná katsꞌénkjién ngaꞌniuú nga katsjáná ngayeje ni xi chjiénná, kó ta̱kó tsꞌéntsjáná tsi̱ꞌe̱ nga ku̱i̱ndyión xikótsꞌèn mejeén kui, kó katsjáná ngayeje kui nii̱ kjiꞌanga kamáyà Jesukristoo̱. Ngatꞌa̱ nga tsíchji̱a̱ná, bo̱a̱ katsꞌén, tsi̱ꞌe̱ nga ki̱a̱ ko̱ndókjo̱a̱ ñá nínga botixómá kui.

2 Xo̱jo̱o̱n Peé 3:11

Kó nga ngayeje kui nii̱ bo̱a̱ tsꞌén kju̱i̱e̱, a chjiénjín nga tsjie tsꞌén ku̱i̱ndyionjnú ko̱jo nga xcha̱ndikónjnú Néná,

1 Xo̱jo̱o̱n Juaa̱ 2:23

Kó ta̱ ꞌyání xi tsꞌenjóꞌojín ndií, tikónjinjiín Na̱ꞌmii̱. Ta̱nga ta̱ ꞌyání xi ka̱tso̱yà nga Kjisoo̱ xi ndií Néná, ti̱ tikónjii̱n Na̱ꞌmii̱ nga.

Ni xi akakoo̱ 1:1

Kuí bí ni xi akó Jesukristoo̱, kui ni xi Néná katsjaá, tsi̱ꞌe̱ nga kui ko̱ko̱ó mosoo̱ kjo̱a̱a̱ ni xi sꞌe̱ je tsá ka̱ma, Jesukristoo̱ katsangiya ngo ndítsjiee̱ tsi̱ꞌe̱ nga akoó mosoo̱ xi ꞌmí Juaa̱ ni xi sꞌe̱ je tsá ka̱ma,