Én xí nda xi ꞌniú tsjatsó ngasee̱ 3:11 - Xo̱jo̱n eén Néná

¹¹ ¡Tja̱tjójnú ínchjín xí chji̱a̱ni na̱xi̱ńdáꞌniú Jerusalee̱n! ¡Ja̱bítsitsíjenjnúu̱ nda̱ re Salomoo̱! Tikón maá to̱ko̱ kui korona̱ xi katsꞌéndaa̱ na̱aa̱n ni̱xtjin nga ixán, ¡kui ni̱xtjin xi ꞌniú tsjá ngase kamaá nga kisꞌijña kui nga̱sondiee̱!

Én xí nda xi ꞌniú tsjatsó ngasee̱ 3:11 Iomraidhean Croise

Xo̱jo̱n Salmoo̱ 48:11

Tsjangatamaa̱ na̱xi̱ Sioo̱n, tsjangatamaa̱ xota̱ tji̱e̱e̱ Jundáa̱ ta̱ngatꞌanii̱ nga kixi̱ niꞌínjé jí.

Xo̱jo̱n Salmoo̱ 9:14

Tsi̱ꞌe̱ nga ka̱ma sa̱ꞌintsjaá ji ngindyi̱ko̱n ngayeje xotaa̱, ki̱a̱ nga̱ntjo̱a̱a̱ na̱xi̱ńdáꞌniú Sioo̱n, kó achichí tsjakꞌuiéna kjo̱a̱a̱ nga ji kaꞌnaxiéꞌéní.

Én xí nda xi ꞌniú tsjatsó ngasee̱ 1:5

¡Jún ínchjín xo̱ngo̱ò xí chji̱a̱ni na̱xi̱ńdáꞌniú Jerusalee̱n! Na̱ jmá boá an, kó tsjákjiꞌi an, na̱ jmá án, xikó maá ndiꞌańjño xi síndo nangi Kendaa̱r. Na̱ jmá án, xikó maá ńjño kortinaa̱ ndiꞌaa̱ re Salomoo̱.

Én xí nda xi ꞌniú tsjatsó ngasee̱ 2:7

Jún ínchjín xo̱ngo̱ò xí chji̱a̱ni na̱xi̱ńdáꞌniú Jerusalee̱n, mejénna nga si̱ꞌankjatjosónjnúꞌun ngo ni, kó ta̱ngatꞌanii̱ ndí ndí ínchjiín ndi̱kꞌijñaá, nga si̱ꞌanxtijínjnúu̱ na̱ xi mejénna an, ti̱nde si̱ꞌankjaꞌájínjnúu̱ nga kjiꞌifé, ngaskande nga kui xi kjo̱a̱ꞌá soboaá.

Én xí nda xi ꞌniú tsjatsó ngasee̱ 7:11

Ja̱bíꞌi̱n ji xota̱ tjóna, tjián nínga jno̱ jàn, kó ki̱a̱ ku̱i̱tjá ni̱xtji̱e̱e̱n nínga síndo ndiꞌaa̱ xotaa̱.

Én xí nda xi ꞌniú tsjatsó ngasee̱ 8:5

ꞌYá kuií bo̱a̱ xi̱ꞌbi̱ xi tsꞌéndibá xtji̱e̱e̱n nangi kixií, xi tjiaa̱ xota̱ xi tjoó kjitꞌaa̱ to̱ko̱. Ngindiee̱ ngo yámásana̱ katsꞌenkjaꞌaá jí. Ki̱a̱ boá nínga kisꞌiee̱ tsi̱ndi̱o̱ na̱áa̱n, ki̱a̱ boá nínga kisꞌiee̱ tsi̱ndi̱o̱ xota̱chjo̱on xí yeꞌeé.

Matioo̱ 12:42

Kó na̱ re xi atíxomaa̱ nangi Sabaa̱ kjo̱stjíe̱n kondraa̱ kui xota̱ xi̱ꞌbi̱ kó ti̱ ko̱tíjeé, ngatꞌa̱ ngaskande nínga fetꞌaa̱ tꞌanangii̱ kjindibáni nga tsintꞌieé kjo̱a̱kjínkoón Salomoo̱, kó ngotꞌe̱ ꞌne̱ kꞌi̱e̱ tikónjo̱jnú ngo nda̱ xi nkꞌa ngase xaá ta̱bo̱a̱jiín Salomoo̱.

Rkaa̱ 15:32

Ta̱nga chjiéngá katsꞌen an kui sꞌueé, tsi̱ꞌe̱ nga tsja kamána, ngatꞌa̱ ntsꞌie, jè kꞌien katsaki, ta̱nga ngotꞌe̱ ꞌne̱ jè jaꞌáꞌyaá, kichajá katsaki, ta̱nga ngotꞌe̱ ꞌne̱ jè kasakona.”

Juaa̱ 15:11

Kuí nii̱ xi kixiyajnúꞌun, tsi̱ꞌe̱ nga kꞌuiéjnú kjo̱a̱tsjana, kó kjo̱tjosón kjo̱a̱tsjajnú.

Juaa̱ 3:29

Kjiꞌanga ma ngo ndiꞌibixan, kuí nda̱ xi ku̱i̱xaa̱n xi tsi̱ꞌe̱ ka̱ma na̱ xi ku̱i̱xaa̱n, ta̱nga nda̱ amingoo̱ nda̱ xi ku̱i̱xaa̱n xi tikóntꞌaa̱ ntꞌieé, kó ꞌniú tsja maá ni xi tsó nda̱ xi ku̱i̱xaa̱n, bo̱a̱ tsꞌén nga je kjimando̱jo kjo̱a̱tsjana ngotꞌe̱.

Xota̱ Kolosa̱ 1:18

Kristoo̱ boá xi tikóntjoón xota̱ na̱ngo̱xi̱i̱, kó xota̱ na̱ngo̱xi̱i̱ kuí boá xi yojoo̱ Kristoo̱. Kristoo̱ boá xi tjón jaꞌáꞌyaá ngi̱jii̱n xota̱ xi je jesoón, tsi̱ꞌe̱ nga kui xi nkꞌa ngase kꞌuijñaá ngayeje ni xi tjiín.

Xota̱ Ebreo̱ 13:13

Tjianchóo̱n Kjisoo̱ tsobo̱a̱ ki̱a̱ ndi̱tsee̱n kui ṉdi̱a̱a̱, kó nijan ku̱i̱tja̱tió kuí kjo̱a̱soboá xi jaꞌatio kui.

Xota̱ Ebreo̱ 2:9

Ta̱nga yàjne̱ xikótsꞌèn Kjisoo̱ chiboa ngase kiniꞌán ngotjón, ta̱bo̱a̱jiín ndítsjiee̱, kó nga kuí xí tikoón kjo̱a̱jee̱, ko̱jo kjo̱a̱yandikoón kjo̱a̱a̱ kui kjo̱a̱ni̱ma̱a̱ xi jaꞌatio nga kiniꞌánkꞌién. Jaꞌajin kjo̱a̱bo̱yaa̱ ta̱ngatꞌanii̱ nga kꞌientjé ngayeje xotaa̱, kó bo̱a̱ tsꞌén katsꞌénkjatjosón kjo̱a̱ndaa̱ Néná.

Ni xi akakoo̱ 1:7

Jéꞌe̱n, kꞌi̱e̱ tsꞌéndibájin ngi̱jin ṉdi̱i̱, kó ngayeje ndyikon xi sku̱i̱e̱, ngaskande xota̱ xi katsꞌénꞌoón, ko̱jo ngayeje tji̱e̱e̱ xota̱ xi tjín kuí tꞌanangii̱, kó skja̱ndá ta̱ngatꞌanii̱ kui. Jo̱o̱n, bo̱a̱ kjiꞌi.

Ni xi akakoo̱ 19:12

Ndyi̱ko̱n ꞌna̱ kamá xikoó tsi ngo ndiꞌí, kó achichí kjín korona̱ kisꞌińdoo̱ to̱ko̱, kó ngo jaꞌén kisitꞌaa̱, xi ta̱ ngototo kui xi be,

Ni xi akakoo̱ 19:7

Tsja ngatamaná, nga tsie máná kjo̱a̱tsja, kó ko̱e̱ꞌée̱ kjo̱a̱je, ngatꞌa̱ jè jachó chi̱bo̱a̱a̱ nga ku̱i̱xan ndií cho̱tsa̱nga̱a̱, kó chjo̱ón jè tikónnda: