Én xí nda xi ꞌniú tsjatsó ngasee̱ 2:3 - Xo̱jo̱n eén Néná

³ Xota̱ xi tjóna, ngi̱jii̱n i̱xti xo̱ngo̱ò, kuí boá xi xikoó ngo yá masana̱, ngi̱jii̱n yá xí ꞌbé ngi̱jin kꞌijñaá. ¡Achichí tsjá kjimana nga je ki̱a̱ kotíjña̱ngi an tji̱nkꞌi̱e̱én, tsi̱ꞌe̱ nga skjíni̱e̱ an to nda chinie xi yajaá!

Én xí nda xi ꞌniú tsjatsó ngasee̱ 2:3 Iomraidhean Croise

Xo̱jo̱n Salmoo̱ 45:2

Jí boá ngo nda̱ xi ꞌniú tsjákjiꞌi ngase ngi̱jii̱n ndií xota̱ nga̱sondiee̱, achichí kjo̱a̱nda tjiín én xí ndokjo̱e̱ ji. Ngatsjéni̱xtjin nga tjítsꞌénchíkonñeé Néná.

Xo̱jo̱n Salmoo̱ 45:3

¡Tjatꞌe ji ki̱cha̱ndojóo̱ ki̱a̱ ndáyáa̱, ji nda̱ chꞌokon, kó ngatꞌieé kjo̱a̱je ko̱jo kjo̱a̱yandikón!

Xo̱jo̱n Salmoo̱ 57:1

¡Ngatamani̱ma̱a̱ an, ji Ne! ¡Ngatamani̱ma̱a̱ an! ¡Ngatꞌa̱ jí boá xi kjimaꞌniátakoón, kó ki̱a̱ kotíjña̱ nga xchínní ngindie tji̱nkꞌi̱e̱én nga̱a̱, ngaskande nga kjo̱a̱ꞌa ni xi ndajiín!

Xo̱jo̱n Salmoo̱ 89:6

ngatꞌa̱, ꞌyání xi tjín ki̱a̱ nkꞌajmii̱ xi xikoó ji Ne. ꞌYá ne xi tjiín xi xikoó ji.

Xo̱jo̱n Salmoo̱ 91:1

Kui xi tikón nga Néná xí tikón nkꞌajmii̱ skoón, ki̱a̱ kꞌuijñá ngindie nkꞌieén Néná xí tjiín ngayeje ngaꞌniuú.

Én xí nda xi ꞌniú tsjatsó ngasee̱ 1:16

¡Achichí tsjákjiꞌi ji, xota̱ xi tjóna! ¡Achichí tsjá mána ni xi niꞌínje̱ní! Xka̱ xi sa̱si̱e̱e̱ boá xi ka̱ma ṉchan nínga tsjayójo,

Én xí nda xi ꞌniú tsjatsó ngasee̱ 2:5

¡Te̱ꞌéjnúꞌun tostsi̱je̱è! ¡Te̱ꞌéjnúꞌun masana̱! ¡Tasíko̱jojnúꞌun nga sa̱kóngaꞌniú nginína, ngatꞌa̱ jè tjítsꞌénkꞌiénna kjo̱a̱tjoó!

Én xí nda xi ꞌniú tsjatsó ngasee̱ 4:13

Chikíi̱ bo̱a̱ má kón xikoó ngo ngi̱ndie nínga tjitjíe̱ to ngrananda̱ xi nda chiniee̱, kuí boá xi xikoó tsi tjiín naxó aleña̱, ko̱jo naxó narndo̱,

Én xí nda xi ꞌniú tsjatsó ngasee̱ 4:16

¡Ji tjo̱ xi ndibánií nínga ta̱ꞌin, ti̱sítji̱n ji! ¡Ja̱bíꞌi̱n tjo̱ xi ndibánií nínga na̱ngi! ¡Tjatsièe̱ nga̱soón ngi̱ndie nínga tjitji̱e̱na naxoó, kó ngatjaꞌándá sije̱n sije̱n! ¡Ja̱bíꞌi̱n ji xota̱ xi tjóna, kó chítꞌe ji kui to xi nda chiniee̱!

Én xí nda xi ꞌniú tsjatsó ngasee̱ 5:16

Achichí ixi tsꞌoa, achichí tsjá mána kui. ¡Bo̱a̱ kjíꞌí kui xota̱ xi tjóna an, jún ínchjín xi chji̱a̱ni na̱xi̱ńdáꞌniú Jerusalee̱n! ¡Bo̱a̱ kjíꞌí kui xota̱ xi mejénna an!

Én xí nda xi ꞌniú tsjatsó ngasee̱ 7:13

Yámandrángoraa̱ je kjifoaꞌándá naxó xí boajaá, kó tꞌa nga̱ntjo̱a̱ná je tjín ngayeje to̱ko̱ya to xi nda chinie, to xi sꞌe̱ kichꞌieje̱n má, ko̱jo to xi je tsienii̱ nga kaꞌnaje̱n, jí boá xi tsꞌénfoaꞌatjoó kui too̱, ji xota̱ xi tjóna.

Én xí nda xi ꞌniú tsjatsó ngasee̱ 8:11

Salomoo̱ kisꞌijñaa̱ ngo ngi̱ndie nínga tjitjíe̱ tostsi̱je̱è ki̱a̱ Baa̱l-Amoo̱n, kó xota̱jun xi kondaa̱ katsjá chjínangií, kó nga ngo nga ngo kui xotaa̱, ngo mi̱ to̱ntiboa tsꞌenkꞌásꞌieén kjo̱a̱a̱ to xi ꞌboje̱n.

Én xí nda xi ꞌniú tsjatsó ngasee̱ 8:12

Ji Salomo̱, ka̱má chjábé jí kui xi ngo mi̱ to̱ntiboaa̱, te̱ꞌée̱ jó úchán kui xota̱jun xi kondaa̱, ta̱nga kui ngi̱ndie nínga tjitjíe̱ tostsi̱je̱è, án tsa̱ꞌa̱n.

Én xí nda xi ꞌniú tsjatsó ngasee̱ 8:5

ꞌYá kuií bo̱a̱ xi̱ꞌbi̱ xi tsꞌéndibá xtji̱e̱e̱n nangi kixií, xi tjiaa̱ xota̱ xi tjoó kjitꞌaa̱ to̱ko̱. Ngindiee̱ ngo yámásana̱ katsꞌenkjaꞌaá jí. Ki̱a̱ boá nínga kisꞌiee̱ tsi̱ndi̱o̱ na̱áa̱n, ki̱a̱ boá nínga kisꞌiee̱ tsi̱ndi̱o̱ xota̱chjo̱on xí yeꞌeé.

Xota̱ Ebreo̱ 12:2

Ta̱ ngo tsí Kjisoo̱ xi si̱ꞌansée̱n, kui xi ítsꞌi̱yanii̱ nga kisꞌijña, ko̱jo nga kamá xi chjiéngá nga ka̱ma kjo̱a̱sꞌijii̱n, ko̱jo jaꞌatio kjo̱a̱ni̱ma̱ tꞌa kroo̱, kó ndasénjín kamaá kjo̱a̱soboaá nga bo̱a̱ tsꞌén kꞌien, ta̱ngatꞌanii̱ nga askoyá, nga sa̱ko̱ó kjo̱a̱tsjaa̱. Kó ngotꞌe̱ ꞌne̱ ki̱a̱ tikón nga fojnií Néná xí botixómaá.