Én xí nda xi ꞌniú tsjatsó ngasee̱ 1:2 - Xo̱jo̱n eén Néná

² ¡Ai, xi̱ꞌin xi tsa̱ꞌa̱n, achichí mejénna nga ko̱ti̱ndseꞌéní katsaki! Tsja ma ngasena nga si̱ꞌindajìnní, to̱bo̱a̱jínnii̱ tsi bino̱ kꞌuí an.

Én xí nda xi ꞌniú tsjatsó ngasee̱ 1:2 Iomraidhean Croise

Jenesii̱s 45:15

Kósꞌe̱ Kosiee̱ katsjaá ngo ndsó tꞌanijon ngayeje já ntsꞌi̱e̱ sꞌe̱ askjandájo̱, kó kjiꞌá boá nga ngayeje já ntsꞌi̱e̱ kamá tsíchji̱a̱jo Kosiee̱.

Xo̱jo̱n Salmoo̱ 2:12

¡Ti̱ꞌantsjàjnúu̱ Néná, tatíndsoꞌájnú sé ndií, ngatꞌa̱ tsita̱ sa̱ꞌínxchán, kó sa̱ꞌínkꞌiénjnú ngi̱ya ndi̱ya̱à, ngatꞌa̱ ta̱niján má ꞌniú tsꞌénxchán! ¡Achichíra̱tsjaa̱ ngayeje xota̱ xi kui mongase nga kui xi skoón!

Xo̱jo̱n Salmoo̱ 36:7

Ji Ne, ¡Achichí tsjákjiꞌi kjo̱a̱ni̱ma̱takóo̱n! Kuíni nga xota̱ nga̱sondiee̱ ki̱a̱ ꞌbíndongí ngindie nkꞌieén nga̱a̱.

Én xí nda xi ꞌniú tsjatsó ngasee̱ 1:4

¡Tsáyè ji, kó tꞌenje̱ní nínga tindyin ji! ¡Tꞌenje̱ní ki̱a̱ ngi̱yaꞌmàa̱, re xi tsa̱ꞌa̱n! Tsjangatꞌiéná ji ko̱jo an, kó tsjá ngase ngatamana nga si̱ꞌinmejénní, ta̱bo̱a̱jiín binoo̱. ¡Ta̱ngatꞌanii̱ kui nii̱ nga ínchjín xo̱ngo̱ò, achichí mejeén ji!

Én xí nda xi ꞌniú tsjatsó ngasee̱ 2:4

Xota̱ xi tjóna, ki̱a̱ kijíjo̱na ndiꞌa nínga tsie nichinie tjiín, kó achichí tjó katsꞌénjo̱na.

Én xí nda xi ꞌniú tsjatsó ngasee̱ 4:10

¡Achichí tsjatsꞌèn niꞌíndajìnní, jí ndí ndíchja, jí ndí chjo̱onna! ¡Ixi ngase niꞌínje̱ní, ta̱bo̱a̱jiín xikótsꞌèn ixi binoo̱, kó sije̱n ngase ji, ta̱bo̱a̱jiín ngayeje ndásíje̱n xi tjiín!

Én xí nda xi ꞌniú tsjatsó ngasee̱ 5:16

Achichí ixi tsꞌoa, achichí tsjá mána kui. ¡Bo̱a̱ kjíꞌí kui xota̱ xi tjóna an, jún ínchjín xi chji̱a̱ni na̱xi̱ńdáꞌniú Jerusalee̱n! ¡Bo̱a̱ kjíꞌí kui xota̱ xi mejénna an!

Én xí nda xi ꞌniú tsjatsó ngasee̱ 7:12

Jñóyà ku̱i̱stjíe̱n, kó tjián nínga kjiꞌi tostsi̱je̱è, stsitsíjée̱n tsi je kjiꞌbíńtsꞌién, ko̱jo tsi je tjixó, tsi je tjixó yángranandaa̱, ¡ki̱a̱ sa̱ꞌinkꞌasꞌiee̱n kjo̱a̱tjóna!

Én xí nda xi ꞌniú tsjatsó ngasee̱ 7:6

¡Achichí tsjákjiꞌi ji, kó achichí ixi ndokjo̱e̱ ji! ¡Achichí tsjákjiꞌi nga tsꞌéntjó xkjín xotaa̱!

Én xí nda xi ꞌniú tsjatsó ngasee̱ 7:9

kó ngi̱yaa̱ ndso̱ꞌbe ji ngatama xikoó bino̱ xi ndaa̱, kui xi inda inda ꞌbi xota̱ xi tjóna, kui xi inda inda mongajon tsꞌoa ko̱jo ṉꞌni̱u̱.

Matioo̱ 26:26

Kó tji̱e̱nga ndyi̱kjinie nichiniee̱, Kjisoo̱ iskjíbé ngo pan, katsꞌénchikonñé, akjángá, sꞌe̱ katsjaá xota̱ tsi̱ꞌe̱, kó bi̱ katsoó: –Chjábéjnú kó chi̱ni̱e̱jnú, kuí xi̱ꞌbi̱ xi yojona.

Rkaa̱ 15:20

Sꞌe̱ kijí nginí ndiꞌaa̱ na̱ꞌmii̱. Ti̱ sꞌe̱ kjin tsꞌéndibání nga kamábe na̱ꞌmii̱, kó ni̱ma̱ kamaá, sꞌe̱ kijíkjaꞌáyíndi̱yà, janíkjá, kó ngo ndsó katsjaá tꞌanijon.

Ni xi kamá 21:7

Kó ngije jetꞌajne̱ nga tsangínjne̱ ngi̱jin ndáchíkoón nga tsangínni ji̱n na̱xi̱ńdáꞌniú Tiroo̱ ngaskande na̱xi̱ńdáꞌniú Tolemainda̱, nínga kiniꞌántindejne̱ já ntsꞌiee̱, ngo ni̱xtjin kamájne̱ nga kixindyionjo̱jne̱ ki̱a̱a̱.

1 Xo̱jo̱o̱n Peé 5:14

Ti̱ꞌantindéjnú ja̱kꞌi̱e̱ ja̱ngaján xingi̱jnú. Ngatꞌiéjnú kjo̱a̱xió ngayejejnú xi ndokjo̱a̱nijnú Kristoo̱.