Rkaa̱ 4:22 - Xo̱jo̱n eén Néná

²² Kó ngayeje xotaa̱ nda tsíchji̱a̱ kjo̱a̱a̱ Kjisoo̱, kó kijíndikoón kjo̱a̱a̱ kui én tsjatsó xi tsíchji̱a̱, kó bi̱ katsó nga asíyá ja̱kꞌi̱e̱ ja̱ngajaán xkjín: –A kuijín xi̱ꞌbi̱ xi ndií Kosiee̱.

Rkaa̱ 4:22 Iomraidhean Croise

Xo̱jo̱n Salmoo̱ 45:2

Jí boá ngo nda̱ xi ꞌniú tsjákjiꞌi ngase ngi̱jii̱n ndií xota̱ nga̱sondiee̱, achichí kjo̱a̱nda tjiín én xí ndokjo̱e̱ ji. Ngatsjéni̱xtjin nga tjítsꞌénchíkonñeé Néná.

Xo̱jo̱n Salmoo̱ 45:4

Ngatꞌieé kjo̱a̱yandikón, kó ti̱ꞌin ji, ta̱ngatꞌanii̱ ni xi kixi̱i̱, ko̱jo kjo̱a̱ndaꞌyáꞌeén, ko̱jo kjo̱a̱kixi̱i̱, Kó ngaꞌniúu̱ boá xi kjo̱joo̱ nga si̱ꞌin ji ni xi yiꞌi.

Énkjínkón 10:32

Tsꞌoa xota̱ xi kixi̱i̱, ni xi tsjatsó boá chji̱a̱, ta̱nga tsꞌoa xota̱ xi ꞌniú ndajiín, én chꞌo tsó boá xi chji̱a̱.

Énkjínkón 16:21

Xota̱ xi tjiín kjo̱a̱kjínkón ngi̱jin ini̱ma̱a̱ nga tsꞌénkjó ngo ni, kuí boá xi xota̱ kjínkón ꞌmií, kó kjiꞌanga ixi tsꞌén chji̱a̱ ngo xota̱, nda ngase tsꞌénꞌíndatakón.

Énkjínkón 25:11

Ngo én xí kjiꞌa má nga chjién nga ko̱ndókjo̱a̱, xikónií ngo masana̱ to̱nsinié xi ni to̱ntiboa kiniꞌánchonnii̱.

Eklesiastee̱ 10:12

Achichí tsjá máná én xí chji̱a̱ nda̱ xi kjínkoón, ta̱nga ni xi chji̱a̱ tsꞌoa nda̱ xi kitikjo̱a̱a̱, ti̱kuíní yojoo̱ xi tsꞌénchájá.

Én xí nda xi ꞌniú tsjatsó ngasee̱ 5:16

Achichí ixi tsꞌoa, achichí tsjá mána kui. ¡Bo̱a̱ kjíꞌí kui xota̱ xi tjóna an, jún ínchjín xi chji̱a̱ni na̱xi̱ńdáꞌniú Jerusalee̱n! ¡Bo̱a̱ kjíꞌí kui xota̱ xi mejénna an!

Rkaa̱ 2:47

Kó ngayeje xota̱ xi tsintꞌieé ndí nda̱chí Kjisoo̱, achichí kijíndikoón kjo̱a̱a̱ nga ta̱nisién kjínkón, ko̱jo kjo̱a̱a̱ ngayeje ni xi tsíchji̱a̱.

Rkaa̱ 2:48

Kó ngije kasako Kjisoo̱, na̱ꞌmii̱ ko̱jo na̱aa̱n, ta̱ bi̱ ta̱ kamaá, kó na̱aa̱n, bi̱ katsoó: –Ndí xiánna, ánní nga bi̱ kjiꞌi ni xi kiniꞌínje̱jne̱. Na̱ꞌmíi̱ ko̱jo an achichí nda̱ kjimajne̱ nga ndyi̱mindyiséjne̱ ji.

Rkaa̱ 21:15

ngatꞌa̱ ti̱ ánní xi tsja an én ko̱jo kjo̱a̱kjínkón, kó kui eén nde ngojín kondra̱jnú xi sa̱ꞌiín.

Rkaa̱ 4:21

Kó ítsꞌi̱yanii̱, nga bi̱ katsoó xotaa̱: Ngotꞌe̱ ꞌne̱ nga ngindyikónjnú, nga je jatjosón ni xi tsó xo̱jo̱n eén Néná.

Juaa̱ 1:45

Kó Ngiripee̱ kasakoo̱ Natanaee̱l, kó bi̱ katsoó: –Jè kasakojne̱ kui nda̱ xi tsíchji̱a̱ Moisee̱ nga katsꞌénꞌindó xo̱jo̱n kjo̱a̱kitii̱, ko̱jo xi tsíchji̱a̱ já chji̱ni̱e̱ꞌe̱én Néná: Kjisoo̱ boá, ndií Kosiee̱, xi chji̱a̱ni Nasaree̱t.

Juaa̱ 6:42

kó bi̱ katsoó xkjín: –A kuijín xi̱ꞌbi̱ xi Kjisoo̱, ndií Kosiee̱. A yàjín ñá ꞌyání xi na̱ꞌmii̱ ko̱jo na̱aa̱n. Ja̱ kótsꞌèn bo̱a̱ tsóni nga ndiꞌakꞌajmi jàn xò kjindibáni.

Juaa̱ 7:46

Sꞌe̱ bi̱ katsó jájún xi kondaa̱: –Kji̱e̱ ngo nda̱ xi bo̱a̱ tsꞌénchji̱a̱ xikótsꞌèn chji̱a̱ kui nda̱a̱.

Ni xi kamá 6:10

kó kamájín xi katsꞌeén, ngatꞌa̱ nga tsíchji̱a̱, kisꞌiee̱ kjo̱a̱kjínkón ko̱jo A̱si̱énni̱xtjii̱n Néná.

Titoo̱ 2:8

Én nda ndókjo̱e̱ ji, kó nde ngojín xi ka̱maa̱ ku̱i̱chji̱a̱taꞌii̱n, tsi̱ꞌe̱ nga soboá ka̱maa̱ kondraa̱, kó bo̱a̱ tsꞌén nga nde chií ka̱májiín chꞌo ka̱tso̱ná.