Rkaa̱ 4:2 - Xo̱jo̱n eén Néná

² kó yichán ni̱xtjin kisꞌijña ki̱a̱a̱, sꞌe̱ xindajín ndiabloo̱ askotꞌayákón. Kó jmí ni iskjiniejín kui ni̱xtjii̱n, kó ngije jaꞌa kui ni̱xtjin xi yichaán, kamábojoó.

Rkaa̱ 4:2 Iomraidhean Croise

Jenesii̱s 3:15

»Kó án xí sa̱ꞌin an nga ji ko̱jo naa̱ kondra̱ ka̱manijnú xingi̱jnú, ko̱jo kondra̱ ka̱manii̱ xkjín tji̱e̱ tse̱ ko̱jo xota̱ tji̱e̱ tsi̱ꞌe̱ naa̱, kó ngo kui xota̱ tji̱e̱e̱ xi sa̱ꞌínꞌoón taki ji, kó ji si̱ꞌinꞌíi̱n tji̱ngi̱ se».

Na̱ Estee̱r (Ebreo̱) 4:16

«Tꞌen ji kó tꞌítikí jí ngayeje xota̱ jundío̱ xi síndo na̱xi̱ńdáꞌniú Susa̱, kó ti̱ꞌankjaꞌájnú kjindiá yojojnú ngatꞌaa̱ an, kó ngata̱ jmí ni chiniejínjnú, ko̱jo ngata̱ jmí ni ꞌyójínjnú ján ni̱xtjii̱n ján ni̱xtji̱e̱n. Kó an ko̱jo ínchjín xo̱ngò moso̱na ti̱ si̱ꞌankjaꞌajne̱ kjindiá yojojne̱ nga, kósꞌe̱ kjiꞌá boá nga kjuínkóo̱n ree̱, ndatsi tsjandièjín kjo̱a̱kitii̱ ni xi sa̱ꞌin an. ¡Kó tsi sa̱ꞌínkꞌiénna ree̱, ja̱ ngatꞌien an!»

Éksondo̱ 24:18

Kó Moisee̱ tsꞌasꞌienjin kui ṉdi̱i̱, kó ki̱a̱ kisꞌijñajin yichán ni̱xtjin, yichán ni̱xtji̱e̱n.

Éksondo̱ 34:28

Kó Moisee̱ ki̱a̱ kisꞌijñajo̱ Néná ki̱a̱ na̱xi̱i̱ yichán ni̱xtjin ko̱jo yichán ni̱xtji̱e̱n nga kisꞌijña kjindiá nga jmí ni iskjiniejín, ti̱nde jmí ni katsꞌejín. Kó ki̱a̱ boá nínga kiniꞌánꞌindó nga̱són ndi̱jo̱ tiee̱ nga tie kjo̱a̱botíxomaa̱.

Jonaa̱ 3:7

Kósꞌe̱ kui nda̱ ree̱, tji̱e̱nmá katsangiyaa̱ ngo kjo̱a̱botíxoma ngayeje xota̱ xi chji̱a̱ni na̱xi̱ńdáꞌniú Nínibe̱, nga bi̱ katsoó: «Ngo kjo̱a̱botíxoma tsꞌéntsangiyajnúꞌun an ko̱jo já xí nijan tsꞌénxájo̱na: Nga ngojín xi ni skji̱ni̱e̱. Ngayeje xotaa̱, ko̱jo cho̱yojoo̱, ko̱jo cho̱tsa̱nga̱a̱ nga ngojín xi kjinie nichinie, ti̱nde nga jmí ndáfoa ꞌbijín.

Matioo̱ 21:18

Kó nga ta̱jño̱ó, Kjisoo̱ kijí nginí na̱xi̱ńdáꞌniú Jerusale̱n, kó kamábojoó.

Matioo̱ 4:2

Kó ngije yichán ni̱xtjin ko̱jo yichán ni̱xtji̱e̱n nga kisꞌijña kjindiá, kamábojoó.

Rkaa̱ 4:3

Kósꞌe̱ xindajín ndiabloo̱, bi̱ katsoó: –Tsi ja̱koxi̱ nga ji xi ndií Néná, bo̱a̱ tꞌíi̱n kui ndi̱jo̱o̱ nga pan ngatama.

Juaa̱ 4:6

Kó ki̱a̱ kisꞌijña ngo ndáńchꞌi̱ xi tsi̱ꞌe̱ Jako̱b. Kósꞌe̱ Kjisoo̱ achichí je jenda kjo̱a̱a̱ ndi̱ya̱à, sꞌe̱ xió kisꞌijñatꞌa ndáńchꞌií, jera̱ mején má ndisꞌué kuí chi̱bo̱a̱a̱.

Ndeuteronomio̱ 9:18

Jaskan iskjíbé án kui ne xi kiniꞌándajnú, kó ití an, kósꞌe̱ ki̱a̱ iskjitjón an ndisoo̱ ki̱a̱ xo̱ngàndántꞌié xi tsꞌéndibájènni na̱xi̱i̱. »Jé xí kiniꞌánjnú achichí on kamána, ko̱jo ndasen kisꞌijña an, ngatꞌa̱ kui nii̱ xi katsꞌénxtií Néná. Kuíni nga ngindyi̱ko̱n Néná asien an tikóna, kó yichán ni̱xtjin ko̱jo yichán ni̱xtji̱e̱n kisꞌijña kjindiá án, jmí ni iskjíni̱e̱jín an kó jmí ni katsꞌejín an. Achichí katsꞌénxchán Néná kjo̱a̱a̱ jún ko̱jo Aaroo̱n, kó je bo̱a̱ katsó katsaki nga sa̱ꞌínkjiéjnú. »Achichí katsakjon an nga tsíchji̱a̱a̱ Néná kó bi̱ kixiáa̱n: “Ji Ne, ngata̱ niꞌínkjiéjín ji kui xota̱ na̱xi̱ńdá xi kaꞌnaxié ji ki̱a̱ nangi Ejipto̱ nga kiniꞌínkjín jí ngaꞌniú jée̱. Xota̱ na̱xi̱ńdáa̱ boá. Ngatjaꞌátsjiee̱n nga Abraa̱n, ko̱jo Isaa̱, ko̱jo Jakoo̱b ngatsjéni̱xtjin nga kamáꞌniátakoón, kó ngayeje ni xi kasée̱ tsintꞌiéꞌeén. Ti̱ꞌinchíyé ji kjo̱a̱kitikjo̱a̱a̱ kui xota̱ na̱xi̱ńdaá, ti̱ꞌinchíyé ji jeé, ti̱ꞌinchíyé ji ni xi ndajín xi katsꞌén. Tsi si̱ꞌinkjie ji, xota̱ na̱xi̱ńdá xí ngasee̱ sa̱ꞌínkjó nga kamájiín kꞌinje̱ ji nínga tikón kui tꞌanangi xi kaseyetjée̱n nga ko̱e̱ꞌée̱. Ti̱ sa̱ꞌínkjó nga tjójiín, kó nga kaꞌnaxié ji nangi Ejipto̱, tsi̱ꞌe̱ nga si̱ꞌinkjie ndo̱jò ndójo̱ jí. Kui xota̱, xota̱ na̱xi̱ńdáa̱ boá, kuí boá kui xota̱ na̱xi̱ńdaá xí kaꞌnaxié ji nangi Ejipto̱ nga kiniꞌínkjín jí ngaꞌniú jée̱”. »Ingo ndi̱yà nginí, Néná tsintꞌié nga tsíchji̱a̱a̱, kó katsꞌénjetakónjnú. Ta̱nga jmí tsi ta̱ kjiꞌá tsí bo̱a̱ nga kiniꞌánxtíjnúu̱. Ti̱ kiniꞌánxtíjnúu̱ ki̱a̱ Taberaa̱, ko̱jo ki̱a̱ Masaa̱, ko̱jo ki̱a̱ Kibroo̱t-Ataabaa̱. Kó kjiꞌanga kixindyionjnú Kandee̱-Barnea̱, Néná atíxomájnú nga kongínkixkántjéjnú nga si̱ꞌánjnú kui tꞌanangi xi katsóyàtjón nga tsja̱ajnú, ta̱nga jún kisꞌijinjínjnú ni xi katsóyàtjón, ti̱nde kandaꞌyáꞌénjínjnúu̱. ¡Ndeskande koó nga kamábejnúꞌun jún, be an nga ngatsjéni̱xtjin nga xota̱ kitikjo̱a̱jnú ko̱jo nga ndaꞌyáꞌénjínjnú!»

Ndeuteronomio̱ 9:9

An ki̱a̱ kijínijíngí an na̱xi̱i̱, tsi̱ꞌe̱ nga si̱ꞌankꞌasꞌienna ndi̱jo̱ tie nínga kjitꞌa kjo̱a̱ꞌbínda xi katsꞌénjo̱jnú Néná. Ki̱a̱ kisꞌijña an yichán ni̱xtjin ko̱jo yichán ni̱xtji̱e̱n nga kisꞌijña kjindiá án, nga jmí ni iskjíni̱e̱jín an ti̱nde jmí ni katsꞌejín an.

Xota̱ Ebreo̱ 2:18

Kó xikótsꞌèn nga jaꞌatio kjo̱a̱ni̱ma̱ nga kachjatꞌayákón, ngotꞌe̱ ꞌne̱ tjiín ngaꞌniú, tsi̱ꞌe̱ nga ko̱síko̱jo ngayeje xota̱ xi tjíchjatꞌayákoón.

Xota̱ Ebreo̱ 4:15

Ngatꞌa̱ tikónná ngo chináꞌmi xi ꞌniú nkꞌa xaá xi ma ni̱ma̱a̱ kjo̱a̱ꞌindaná, kui xi je kachjatꞌayákón xikoó ñá, ta̱nga katsꞌénjéjín.