Rkaa̱ 16:2 - Xo̱jo̱n eén Néná

² Kó kui nda̱ cho̱o̱n tsíchji̱a̱a̱, kó bi̱ katsoó: “Míkjo̱a̱a̱ nga bi̱ kjiꞌi ni xi tsꞌéntꞌie an kjo̱a̱a̱ ji. Ti̱ꞌinkꞌasꞌinní xki̱ kjo̱a̱a̱ ngayeje ni, ko̱jo to̱n xi tjínna, ngatꞌa̱ jè ngiti̱ ka̱májín nga moso̱na ka̱ma ngase ji.”

Rkaa̱ 16:2 Iomraidhean Croise

Eklesiastee̱ 12:14

Ngatꞌa̱ Néná boá xi ku̱i̱ꞌaná xki̱ kjo̱a̱a̱ ngayeje nii̱, ko̱jo ngayeje ni xi tjiꞌmaá, tsi nda ko̱jo tsi ndajín.

Matioo̱ 12:36

Ta̱nga an xiyàjnúꞌun nga kjiꞌanga kjo̱chó ni̱xtjin nga ka̱majé, ngayeje xotaa̱ nga sa̱ꞌínkꞌasꞌien xki̱ kjo̱a̱a̱ ngayeje én xí ta̱xkiya tsíchji̱a̱.

Matioo̱ 20:8

Kó ngije kamájñoó, ndi̱a̱ xi tsi̱ꞌe̱ xaá tsíchji̱a̱a̱ nda̱ ngito̱ko̱o̱ xaá, kó bi̱ katsoó: «Ndokjoée̱ já xí ndyi̱tsꞌènxaá kó tꞌíchjíi̱, tjón má kui tꞌíchjíi̱ xi jeꞌetsꞌénxá nga fetꞌani, sꞌe̱ nga fetꞌa tꞌíchjíi̱ xi tjón jeꞌetsꞌénxaá.»

Rkaa̱ 12:20

Ta̱nga Néná, bi̱ katsoó: “Nda̱ chi̱ni, a yejín nga kui ni̱xtji̱e̱e̱n ko̱yè jí, kó ni xi je kachjeꞌétjé ji, ꞌyá xí tsi̱ꞌe̱ ka̱ma.”

Rkaa̱ 12:42

Kó Ndi̱a̱a̱, bi̱ katsó: –ꞌYá moso̱ xi kixi̱ ko̱jo xi ꞌniátakón, xi ka̱maa̱ si̱ꞌankjatjosón kjiꞌanga ndi̱a̱a̱ sa̱ꞌínkonda ndiꞌaa̱, tsi̱ꞌe̱ nga chi̱bo̱a̱a̱ má tsja̱á nichinie xotaa̱.

Rkaa̱ 16:1

Kjisoo̱, bi̱ katsoó xota̱ tsi̱ꞌe̱: –Ngo ndi̱yà kisꞌijña ngo nda̱ cho̱n xi kisꞌiee̱ ngo moso̱ xi askoo̱n ngayeje nii̱, ko̱jo xi katsꞌénxájo̱ to̱o̱n, kó kui nda̱ cho̱o̱n tsintꞌié nga mosoo̱ katsꞌénkjién to̱o̱n.

Rkaa̱ 16:3

Kósꞌe̱ nda̱ mosoo̱, bi̱ tsꞌén katsꞌénkjó: “Mí xí sa̱ꞌin an. Ngatꞌa̱ ngije ngiti̱ tsja̱axájínna ndi̱a̱na, ka̱májínna tsi tꞌanangi kokjan an, kó achichí soboána nga to̱nchji̱e̱ kuíꞌá an.

Xota̱ Roma̱ 14:12

Ja̱ kuíni nga, nga ngo nga ngo ñá si̱ꞌankꞌasꞌiée̱n xki̱ Néná kjo̱a̱a̱ ni xi kiniꞌán.

1 Xota̱ Korinto̱ 1:11

Jún ntsꞌie, kui nii̱ tꞌíxián an, ngatꞌa̱ xota̱ xi xkjín Kloee̱ katsóyàna nga ti̱ juún xò xi ndyi̱ndokjo̱a̱tijo̱jnú xingi̱jnú.

1 Xota̱ Korinto̱ 4:2

Kjiꞌanga ngo xi tjiín ngo xá, xi tsi̱ꞌe̱ xaá míꞌaá nga kixi̱ tsꞌén ko̱e̱je̱jo xaá.

1 Xota̱ Korinto̱ 4:5

Kó kuíni nga, ngata̱ júnjín bo̱a̱ ꞌmíjnú tsi nda ko̱jo tsi ndajín ndyi̱tsꞌèn xotaa̱ nga ngindie ni̱xtjin, ta̱sá chiyájnúu̱ ngaskande nga kjo̱e̱ꞌe nginí Ndi̱a̱ná, ngatꞌa̱ kuí boá xi ku̱i̱ꞌíjñátsijen ni xi tjiꞌmaá, ko̱jo ni xi niꞌánkjó nga ngo nga ngo ñá, kó ko̱kó ngayeje ni xi mejeén sa̱ꞌín ini̱ma̱a̱ xotaa̱, kósꞌe̱ bo̱a̱ tsꞌén kui ni̱xtjii̱n nga Néná nda tsꞌén ku̱i̱chji̱a̱ kjo̱a̱a̱ ni xi katsꞌén nga ngo nga ngo xotaa̱.

2 Xota̱ Korinto̱ 5:10

Ngatꞌa̱ chjiéngá ngayeje ñá ki̱a̱ konginkíndyiá ngindyi̱ko̱n Kristoo̱, tsi̱ꞌe̱ nga sku̱i̱e̱ ni xi kiniꞌán, kó nga ngo nga ngo ñá sa̱kóná ni xi tsoboáná, tsi nda ko̱jo tsi ndajín kjiꞌi ni xi kiniꞌán, tji̱e̱nga kixindyión ngi̱jii̱n kui yojoo̱.

1 Timoo̱ 4:14

Ti̱ꞌinkjìn jí kui kjo̱a̱nda xi tikoón xi katsjaá Néná kui xi katsóyàtjón já chji̱ni̱e̱ꞌe̱én, kjiꞌanga xota̱ xi xchaá na̱ngo̱xi̱i̱ íjñasoón tsja.

1 Timoo̱ 5:24

Tjín xota̱ xi ya cha̱n cha̱n jeé ngindiee̱ nga sa̱tíjeé, ta̱nga kje̱ꞌe xota̱ xi jaskan ya tsi̱ꞌe̱.

1 Xo̱jo̱o̱n Peé 4:10

Nga ngo nga ngojnú xi tjínjnú ngo kjo̱a̱nda xi katsjájnú Néná, ti̱ꞌankjiénjnú kui nii̱ ngandaa̱ xota̱ xi ngasee̱, bo̱a̱ ti̱ꞌánjnú xikoó xota̱ xi nda tsꞌénxájo̱ ngayeje to̱ko̱ya kjo̱a̱nda xi tsjá Néná ngandaa̱ xota̱ xi ngasee̱.

1 Xo̱jo̱o̱n Peé 4:5

ta̱nga kui xotaa̱, chjiéngá ki̱a̱ kjo̱chó tsjaá xki̱ kui xi je tikónndaa̱ nga ka̱tso̱yà tsi nda ko̱jo tsi ndajín katsꞌén xota̱ xi síndo ko̱jo xi je jesoón.

Ni xi akakoo̱ 20:12

Kó kamábe an ngayeje xota̱ xi jesón xi xchá xí kjindí nga ndyi̱a̱kixi̱ kje̱n nínga tikón xi botixómaá, kó katjoxꞌá kjín chꞌo̱ xo̱jo̱o̱n ko̱jo ingo xo̱jo̱n, kui xi xo̱jo̱o̱n kjo̱a̱mindyioo̱n, kó xota̱ xi je jesoón akatíjeé ta̱ xikó kjiꞌi ni xi katsꞌén ko̱jo xikó kjiꞌi ni xi kjitꞌa kui xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjii̱n.