Rkaa̱ 12:1 - Xo̱jo̱n eén Néná

¹ Tji̱e̱nga achichí kjín mi̱ xota̱ kamátikótꞌaa̱ Kjisoo̱ xi ngaskande katsjánié má xkjín, Kjisoo̱ ítsꞌi̱yanii̱ nga tjón bi̱ katsoó xota̱ tsi̱ꞌe̱: –Chónjnú yojojnú kjo̱a̱a̱ nisaa̱n nda̱ꞌyo̱paa̱n já fariseoo̱, ngatꞌa̱ kuí nii̱ xi kjo̱a̱jókje̱e̱n.

Rkaa̱ 12:1 Iomraidhean Croise

Joo̱b 20:5

nga kjo̱a̱tsjaa̱ xota̱ xi ndajiín, tsiejín ꞌbondíyaá, ko̱jo nga kjo̱a̱tsjaa̱ xota̱ xi ꞌniú ndajiín, ta̱ ngotjón tsí foaꞌa.

Joo̱b 27:8

Ngatꞌa̱ mí kjo̱a̱chiyá xi tjiín xota̱ xi ꞌniú ndajiín ko̱jo xota̱ xi chejeé, kjiꞌanga Néná sa̱ꞌínkjiesón.

Joo̱b 36:13

»Xota̱ xi jókje̱e̱n ndyi̱tsꞌènxchánjo̱ Néná, kó nga tjíbotíjeé, jmíni̱xtjin míꞌaá kjo̱a̱nda.

Rkaa̱ 11:44

¡Ni̱ma̱ xò jún já chji̱ni̱e̱kjo̱a̱kiti, ko̱jo já fariseo̱ jókje̱n! Nga jún bo̱a̱ kónjnú xikó maá ngo nga̱tsjo̱ó xí tjiꞌmá, xi xotaa̱ ndyi̱tsjánié nga nde bejín.

Rkaa̱ 12:56

¡Xota̱ jókje̱n! Ánní nga yàjnú nga nda, axa̱ ndajín ka̱ma ni̱xtjii̱n nga tsitsíjenjnúu̱ kókjiꞌi nkꞌa jàn ko̱jo tꞌanangii̱, kó ánní nga makjínjínjnú kui ni̱xtjin xi̱ꞌbi̱.

Rkaa̱ 5:1

Ngo ndi̱yà nga tikón Kjisoo̱ tꞌa ngi̱ndiò tsie xi ꞌmí Jenesaree̱t, achichí xota̱ kamátikónié xi kamámejeén kintꞌié eén Néná.

Rkaa̱ 5:15

Ta̱nga ta̱sasá ꞌniú kamáyà ngase ni xi katsꞌén Kjisoo̱, kó achichí xota̱ kamátikó xi tsintꞌieé ni xi katsó, ko̱jo xi jachókoón tsi̱ꞌe̱ nga sa̱ꞌíndaya chiꞌin xi koo̱n.

Rkaa̱ 6:17

Kó Kjisoo̱ jatjajen nginí ki̱a̱ tji̱ngi̱i̱ ko̱jo xota̱ tsi̱ꞌe̱, kó ki̱a̱ nínga soón kixindyia, kó achichí má xota̱ xi kisꞌiṉtso̱matjingii̱ xi chji̱a̱ni ngayeje nangi Jundea̱, ko̱jo na̱xi̱ńdáꞌniú Jerusale̱n, ko̱jo na̱xi̱ńdá xí síndotꞌa ngi̱ndi̱o̱ò xi ꞌmí Tiroo̱ ko̱jo Sindo̱n,

Ni xi kamá 21:20

Kó ngije tsintꞌié kui xotaa̱, katsjaá kjo̱a̱je Néná, sꞌe̱ bi̱ kiꞌmií Pabloo̱: –Ndakjíꞌí nda̱ ntsꞌie, já jè yé ji nga ngi̱jii̱n xota̱ jundíoo̱ ta̱ mi̱jínra̱ ma xota̱ xi je kisꞌijii̱n eén Néná, kó ngayeje kui xotaa̱ achichí ndyi̱tsꞌènchíni̱tꞌaa̱ kjo̱a̱kitii̱ Moisee̱.

1 Xota̱ Korinto̱ 15:3

Ngatꞌa̱ tjón má ni xi kiniꞌánkꞌasꞌienna xi katsꞌenkꞌasꞌienjnúꞌun: Akoyájnúꞌun nga Kristoo̱, jéná xí kꞌientjé xikótsꞌèn kjitꞌa xo̱jo̱n eén Néná,

Xota̱ Ebreo̱ 12:22

Ta̱nga jún ta̱sá ki̱a̱ tsangínchon tiñajnú nínga tikón tji̱ngi̱ Sioo̱n, kui xi na̱xi̱ńdaá Néná xí tikoón, kui xi na̱xi̱ńdáꞌniú Jerusale̱n xi tikón ndiꞌakꞌajmi jàn, nínga kamátikó kjín mi̱ ndítsjie xi ndyi̱tsꞌèn ndikón Néná.

Xo̱jo̱o̱n Sandiyaá 3:17

Ta̱nga kui xota̱ xi Néná tsjaá kjo̱a̱kjínkoón, kuí boá xi tsjietsꞌén síndo ngindyi̱ko̱n Néná, kó tjiín kjo̱a̱xió, kó ndaxota̱ ma, kó ntꞌiéꞌén, kó tsie kjo̱a̱ni̱ma̱takón tjiín, kó nda ni xi tsꞌén, kó ta̱ són tsꞌénjo̱ ngayeje xotaa̱, kó jmíjiín kjo̱a̱jókje̱n.

1 Xo̱jo̱o̱n Peé 2:1

Kuíni nga chjiéngá chja̱ꞌáxínjnúu̱ yojojnú ngayeje to̱ko̱ya ni xi ndajín, ngayeje kjo̱a̱maña, ko̱jo kjo̱a̱jókje̱n, ko̱jo kjo̱a̱ꞌontakón, ko̱jo ngayeje to̱ko̱ya ényà.