Rkaa̱ 11:2 - Xo̱jo̱n eén Néná

² Kó bi̱ katsoó kui jaá: –Kjiꞌanga ko̱ndókjo̱a̱jnúu̱ Néná, bi̱ tꞌínjnú: Ji Na̱ꞌmi tsa̱ji̱n xi tindyin ji ndiꞌakꞌajmi jàn, ngachjaninkꞌa jaꞌée̱n. Ngatama kꞌi̱e̱e̱ ngo ngi̱ndie xi ji ko̱ti̱xome. Ngatama ni xi mejeén jí kꞌi̱e̱ tꞌanangii̱, xikó kjima ndiꞌakꞌajmi jàn.

Rkaa̱ 11:2 Iomraidhean Croise

Xo̱jo̱n Salmoo̱ 103:20

Jún xi ndítsjie xi tjiín ngaꞌniuú, jún xi niꞌánkjatjosónjnú kjo̱a̱botíxomaa̱, kó niꞌánkjatjosónjnú nga tsjá ngo kjo̱a̱, ¡ti̱ꞌantsjàjnúu̱ Néna!

Xo̱jo̱n Salmoo̱ 108:5

Ji Ne, jí boá xi bitjetjée̱n nkꞌajmii̱, ¡kó kjo̱a̱jèe̱ sꞌikitsieni ngayeje tꞌanangii̱!

Xo̱jo̱n Salmoo̱ 11:4

Néná ki̱a̱ tikón na̱ngo̱xi̱ tsjiee̱, kó ndiꞌakꞌajmii̱ boá nínga tikón ngi̱ndie xi botixómá, kó tsꞌénkotsijee̱n ko̱jo tsꞌénkotꞌa ni xi tsꞌén xota̱ nga̱sondiee̱.

Xo̱jo̱n Salmoo̱ 57:11

¡Ngachjaninkꞌa jaꞌée̱n ndeskande nga̱soón nkꞌajmii̱ ji Ne! ¡Kjo̱a̱je xi tjiín ngasꞌie ngayeje nga̱sondiee̱!

Eklesiastee̱ 5:2

Nga ta̱xkiya ndokjo̱e̱jín ji, ko̱jo nga ta̱xkiya niꞌínkjéjín ji ngo én xí ko̱ndókjo̱e̱ ji ngindyi̱ko̱n Néná, ngatꞌa̱ Néná nkꞌajmii̱ boá nínga tikón, kó jí, kꞌi̱e̱ tindyin ji kꞌi̱e̱ tꞌanangii̱, kuíni nga chiboa tsí én xí ti̱ꞌinkjìn jí.

Lebitiko̱ 10:3

Kósꞌe̱ Moisee̱ bi̱ katsoó Aaroo̱n: —Kuí bí kui nii̱ xi íjinkon Néná nga bi̱ katsó: “Mejénna nga ku̱i̱ntꞌiéꞌénna chináꞌmina, kó nga ngayeje xota̱ na̱xi̱ńdaá xi ngatsꞌèntsjàna”. Kó nde ngo ni katsójín Aaroo̱n.

Lebitiko̱ 22:23

Ti̱nde ngata̱ niꞌánkꞌasꞌiénjínjnúꞌun cho̱ xi kijítie too̱, ko̱jo tsi xi kijísꞌién too̱, ko̱jo tsi kiti too̱, ko̱jo tsi kachjóntindsó too̱. Tsi kui ndií cho̱yojoo̱ ko̱jo tsi kui cho̱tsa̱nga̱ xi si̱ꞌankꞌasꞌienjnúꞌun ndajínkjiꞌi yojoo̱, ka̱má si̱ꞌankꞌasꞌienjnúꞌun tsi ngayeje ini̱ma̱jnú, ta̱nga ka̱májín si̱ꞌankꞌasꞌienjnú tsi̱ꞌe̱ nga kjo̱tjosón ngo ni xi kiꞌmíyatjónjnú nga si̱ꞌánjnú.

Matioo̱ 10:32

Ngayeje xota̱ xi ka̱tso̱yà ngindyi̱ko̱n xotaa̱ nga bena, ti̱ bo̱a̱ ti̱ tsꞌén xiyà an nga be an kui ngindyi̱ko̱n Na̱ꞌmina xi tikón ndiꞌakꞌajmi jàn,

Matioo̱ 3:2

nga bi̱ katsó: –Ti̱ꞌankꞌoyàjnú yojojnú kjo̱a̱a̱ ni xi ndajínkjiꞌi xi ndyi̱niꞌánjnú, ngatꞌa̱ Néná jè ko̱tíxoma.

Matioo̱ 5:16

Bo̱a̱ tsꞌén ngatí ndiꞌíjnú ngindyi̱ko̱n xotaa̱, tsi̱ꞌe̱ nga sku̱i̱e̱ ni nda xi ndyi̱niꞌánjnú, kó ngayejejnú te̱ꞌéjnúu̱ kjo̱a̱je Na̱ꞌmijnú xi tikón ndiꞌakꞌajmi jàn.

Rkaa̱ 11:1

Kó ngo ndi̱yà nga tikón Kjisoo̱ ngo ngi̱ndie nga tsꞌénchji̱a̱a̱ Néná, ngije kamaá, ngo xota̱ tsi̱ꞌe̱ bi̱ katsoó: –Ji Ndi̱a̱, takoyèjne̱ kótsꞌèn ko̱ndókjo̱a̱jne̱ Néná, xikótsꞌèn Juaa̱ akóyaá xota̱ tsi̱ꞌe̱.

Xota̱ Roma̱ 1:7

Ngayejejnú xi tindyiónjnú na̱xi̱ńdá Roma̱, tsꞌéntsangiyajnúꞌun kui xo̱jo̱o̱n, jún xi jaꞌájinjnú Néná nga xota̱ tsjiee̱ kui ka̱majnú jún. Néná xí Na̱ꞌminá ko̱jo Ndi̱a̱ná Jesukristoo̱ nga tsja̱ajnú kjo̱a̱ndaa̱ ko̱jo kjo̱a̱xioó.

Xota̱ Roma̱ 8:15

Ngatꞌa̱ jmí tsi a̱siénni̱xtjin xi moso̱ tsꞌénná xi katseꞌéjnú tsi̱ꞌe̱ nga ko̱ndoko̱n nginíjnú, ngo a̱siénni̱xtjin xi ndií Néná tsꞌénná xí katseꞌéjnú, kuíni nga bi̱ ꞌmí: “¡Abba! ¡Na̱ꞌmi!”

1 Xota̱ Korinto̱ 1:3

Néná xí Na̱ꞌminá, ko̱jo Ndi̱a̱ná Jesukristoo̱, ngatsjájnú kjo̱a̱ndaa̱ ko̱jo kjo̱a̱xioó.

2 Xota̱ Korinto̱ 1:2

Néná xí Na̱ꞌminá, ko̱jo Ndi̱a̱ná Jesukristoo̱, ngatsjájnú kjo̱a̱ndaa̱ ko̱jo kjo̱a̱xioó.

Xota̱ Ngalasia̱ 1:4

kui xi katsjá yojoo̱ nga kiniꞌánkꞌién ta̱ngatꞌanii̱ jéná, tsi̱ꞌe̱ nga kꞌo̱xiéꞌáná kui nga̱sondie xi ndajín xi tindyión kuí ni̱xtjii̱n, xikótsꞌèn kamámejeén Néná xí Na̱ꞌmii̱.

Xota̱ Éfeso̱ 1:2

Néná xí Na̱ꞌminá ko̱jo Ndi̱a̱ná Jesukristoo̱, ngatsjájnú kjo̱a̱ndaa̱, ko̱jo kjo̱a̱xioó.

Xota̱ Filipo̱ 1:2

Néná xí Na̱ꞌminá, ko̱jo Ndi̱a̱ná Jesukristoo̱, ngatsjájnú kjo̱a̱ndaa̱ ko̱jo kjo̱a̱xioó.

Xota̱ Filipo̱ 4:20

Néná xí Na̱ꞌmii̱ kui tsi̱ꞌe̱ ngatama kjo̱a̱jee̱ ngatsjéni̱xtjin. Bo̱a̱ kjiꞌi.

Xota̱ Kolosa̱ 1:2

niꞌántindejne̱ jún xi xota̱ tsjiee̱ Néná, ko̱jo xi sꞌijinjnú Kristo̱ Kjisoo̱ xi tindyiónjnú na̱xi̱ńdáꞌniú Kolosa̱. Néná xí Na̱ꞌminá, ko̱jo Ndi̱a̱ná Jesukristoo̱ ngatsjájnú kjo̱a̱ndaa̱ ko̱jo kjo̱a̱xioó.

1 Xota̱ Tesalónika̱ 1:1

An Pabloo̱, ko̱jo Silbanoo̱, ko̱jo Timoo̱ niꞌántindejne̱ jún xi xota̱ na̱ngo̱xi̱i̱ Néná xí Na̱ꞌminá, ko̱jo Ndi̱a̱ná Jesukristoo̱, xi tindyiónjnú na̱xi̱ńdáꞌniú Tesalónika̱. Néná xí Na̱ꞌminá, ko̱jo Ndi̱a̱ná Jesukristoo̱ ngatsjájnú kjo̱a̱ndaa̱, ko̱jo kjo̱a̱xioó.

1 Xota̱ Tesalónika̱ 1:3

Ngindyi̱ko̱n Néná xí na̱ꞌminá nga ngatsjéni̱xtjin foaꞌátsjienjne̱ jún, xikótsꞌèn sꞌijinjnú Néná, kó niꞌánjnú ni xi mejeén kui, ko̱jo xikótsꞌèn tjójnú, kó bosíko̱jojnú xingi̱jnú, ko̱jo kjo̱a̱a̱ nga ndyi̱niꞌánchíkjo̱a̱jnú kjo̱a̱ni̱ma̱ xi ndyi̱bitjatiójnú nga ndyi̱chiyájnúu̱ nga kꞌo̱xiéꞌájnú Ndi̱a̱ná Jesukristoo̱.

2 Xota̱ Tesalónika̱ 2:16

Kó kuí má Ndi̱a̱ná Jesukristoo̱, ko̱jo Néná xí Na̱ꞌminá, kui xi tsꞌéntjóná, ko̱jo xi tsjáná ngaꞌniú ngatsjéni̱xtjin, ko̱jo xi tsjáná kjo̱a̱chiyá ngatꞌaa̱ kjo̱a̱ndaa̱,

Ni xi akakoo̱ 11:15

Kó xi ma yito ndítsjiee̱ katsꞌénkjanie, sꞌe̱ ꞌniú kandaꞌyá kjín nda̱ ki̱a̱ ndiꞌakꞌajmii̱ xi bi̱ katsó: Ngayeje nga̱sondiee̱ je Ndi̱a̱ná ko̱jo Kristoo̱ ko̱tíxomaa̱, kó kuí xí ko̱tíxoma ngatsjéni̱xtjii̱n.

Ni xi akakoo̱ 15:4

ꞌYá xi stsa̱kjonjiín, Ndi̱a̱. ꞌYá xi tsja̱ajiín kjo̱a̱je jaꞌée̱n. Ngatꞌa̱ ta̱ jí tsi xi tsjie ji, kuíni nga ngayeje na̱xi̱ńdaá kji̱ndi̱bá, kó sa̱ꞌíndikoón, ngatꞌa̱ jè akake ji nga ta̱nisién kixi̱ ji.

Ni xi akakoo̱ 19:6

Ti̱ tsintꞌie an ngo ni xi xikoó nda̱a̱ kjín xota̱, xikó má tsꞌén fonie ndáfoaa̱ ndejeèꞌ nga ꞌbóka, ko̱jo tsi xikótsꞌèn ꞌniú fonie cho̱ꞌo̱o̱n, xi bi̱ katsó: ¡Nganiꞌántsjaá Néná! Ngatꞌa̱ jè ítsꞌi̱yanii̱ nga ko̱tíxoma Ndi̱a̱ná, Néná xí tjiín ngaꞌniuú.

Ni xi akakoo̱ 20:4

Kó kamábe an nínga botíxoma, kó ki̱a̱ kisꞌińdosón kui xi katseꞌeé xá tsi̱ꞌe̱ nga ko̱tíjeé, kó ti̱ kamábe an a̱si̱énni̱xtjii̱n kui xota̱ xi ikichásén to̱ko̱ ta̱ngatꞌanii̱ nga jmíni̱xtjin íjñámasien ni xi akóyá Kjisoo̱ ko̱jo eén Néná, kuí xotaa̱ xi katsꞌéndikónjín cho̱ chꞌokjiꞌii̱ ko̱jo a̱sie̱én, ti̱nde katsjandièjín nga ikꞌíjñaá chi̱bo̱a̱a̱ kui cho̱o̱ xtjien ko̱jo tsja, kó kui xotaa̱ jaꞌáꞌyá nginií, kó nijan atíxomajo̱ Kristoo̱ ngo mi̱ nó.