Rkaa̱ 10:2 - Xo̱jo̱n eén Néná

² Kó bi̱ katsoó: –Nga ja̱koxi̱ achichí kamá ni xi kamáxchaá, ta̱nga chiboa tsí má xota̱ xi ndyi̱tsꞌènxaá, kuíni nga ꞌniú chji̱a̱ꞌajnúu̱ Ndi̱a̱ xi tsi̱ꞌe̱ ni xi kamáxchaá, tsi̱ꞌe̱ nga sa̱ngíyá ngase xota̱ xi sa̱ꞌínxá ngi̱jin jno̱o̱.

Rkaa̱ 10:2 Iomraidhean Croise

Xo̱jo̱n Salmoo̱ 68:11

Ji Ne, kandokjo̱e̱ ji, kó achichí kjín mi̱ ínchjín xí katsóyà kuí eén:

Xki̱ 11:17

Ngije síndo ki̱a̱a̱, an kjo̱tjajen an kó kuichjiájoo. Kó kꞌuijñájíi̱n kui xotaa̱ ti̱ kuii̱ a̱siénni̱xtjin xi íjñajii̱n ji, tsi̱ꞌe̱ nga ka̱maa̱ ko̱síko̱joo̱ nga ku̱i̱ndyintjée̱n xota̱ na̱xi̱ńdaá, kó bo̱a̱ tsꞌén nga jmí tsi ta̱ jí tsí xi si̱ꞌin ji ngayeje nii̱.

Xki̱ 11:29

Ta̱nga Moisee̱ bi̱ katsoó: —Ngata̱ ma chi̱ni̱jín ji, ti̱nde ngata̱ maꞌontakínjín ji. Achichíra̱ ndakjiꞌi tsi ngayeje xota̱ na̱xi̱ńdaá Néná sa̱ko̱ó kui a̱si̱énni̱xtjii̱n, kó nga ka̱maa̱ ku̱i̱chji̱a̱ én xí Néná tsjá.

Matioo̱ 20:1

Nínga botíxomaa̱ Néná, xikónií ngo nda̱ xi achichí ta̱jñó kijíngase já xí sa̱ꞌínxaá ngi̱ndiee̱ nínga maxchaá tostsi̱je̱è.

Markoo̱ 13:34

Xikónií ngo nda̱ xi kjin kijí, kó íjñámasien ndiꞌaa̱, kó já mosoo̱ katsjaá xá nga ngo nga ngo, kó nda̱ xi konda nga̱ntjo̱a̱a̱ katsangiya tsi̱ꞌe̱ nga skondá.

Markoo̱ 16:15

Kó bi̱ katsoó: –Tangínjnú ngayeje són nga̱sondiee̱ kó tꞌíni̱jmìjnúu̱ éntjatsi̱e̱e̱ Néná ngayeje xota̱ xi tjiín.

Markoo̱ 16:20

Kó kui jaá kijíkꞌíni̱jmì eén Néná ngayeje són nga̱sondiee̱, kó Néná asíko̱jo nga katsjángaꞌniuú eén nga katsꞌén kjo̱a̱ndikón. Bo̱a̱ kjiꞌi.

Rkaa̱ 9:1

Kó Kjisoo̱ ngije ítikó nga tiejó xota̱ tsi̱ꞌe̱, katsjaá ngaꞌniú ko̱jo xá, tsi̱ꞌe̱ nga ka̱maa̱ kꞌo̱xié ngayeje to̱ko̱ya a̱si̱énni̱xtjii̱n xindajín, ko̱jo nga sa̱ꞌíndaya ngayeje xota̱ xi tjiín chiꞌin.

Ni xi kamá 11:19

Ngotꞌe̱ ꞌne̱, xota̱ xi kastsojoboa ta̱ngatꞌanii̱ nga ikiyotji̱ngii̱ kjo̱a̱a̱ Ixtibaa̱, jaꞌa nangi Fenisia̱, ko̱jo tji̱ngi̱ Chipre̱ xi tikónjin ngi̱jin ndáchíkoón, ko̱jo na̱xi̱ńdáꞌniú Antiokiya̱. Ki̱a̱ kandokjo̱a̱jo eén Néná kui xi xota̱ jundíoo̱, ta̱nga jmí tsi ko̱jo kje̱ꞌe xota̱.

Ni xi kamá 13:2

Ngo ni̱xtjin tji̱e̱nga síndotikó nga ndyi̱tsꞌéndíkón Ndi̱a̱ná, ko̱jo nga ndyi̱tsꞌèn kjindiá, A̱si̱énni̱xtjii̱n Néná, bi̱ katsó: –Tꞌíjñitꞌaxínní Bernabee̱ ko̱jo Sauloo̱, tsi̱ꞌe̱ nga sa̱ꞌín kui xá xí tsíchji̱a̱ñàa̱.

Ni xi kamá 13:4

A̱si̱énni̱xtjii̱n Néná katsangiya Bernabee̱ ko̱jo Sauloo̱ nga kijí nangi xi ꞌmí Seleusia̱, sꞌe̱ ki̱a̱ iskjíbé nga kijíyà ngo tjotso je xi kijíjo̱ tji̱ngi̱ Chipre̱.

Ni xi kamá 20:28

Kó bo̱a̱ tsꞌén nda chónjnú yojojnú, kó chónjnú ngayeje xota̱ na̱ngo̱xi̱i̱, nínga A̱si̱énni̱xtjii̱n Néná katsjájnú ngo xá nga stsitsíjenjnúu̱, tsi̱ꞌe̱ nga jún xi xchindàjnú xota̱ na̱ngo̱xi̱i̱ Ndi̱a̱ná, kui xi jiín ndí tsi̱ꞌe̱ íchjítjéni.

Ni xi kamá 22:21

Kó Néná bi̱ katsóna: “Jè ka̱ma kꞌuin ji ꞌne̱, ngatꞌa̱ kjin nangi nínga sangiyaa ji nínga síndo xota̱ xi jundío̱jín.”

Ni xi kamá 8:4

Ta̱nga kui xota̱ na̱ngo̱xi̱ xi kastsojoboaa̱ katsóyà éntjatsi̱e̱e̱ Néná nínga jachó ko̱jo nínga kisꞌiṉtso̱ma.

1 Xota̱ Korinto̱ 12:28

Néná íjñá nga ngi̱jii̱n xota̱ na̱ngo̱xi̱i̱ tjón má já apostro̱ kꞌuié, sꞌe̱ xi ma joó, já xí chji̱a̱ én xí Néná tsjaá, sꞌe̱ xi ma jaán, já mostro̱, sꞌe̱ jaskan xota̱ xi tsꞌén kjo̱a̱ndikón, ko̱jo xi tsꞌendáyà xi oo̱n, ko̱jo xi bosikójo, ko̱jo xi ngito̱ko̱, ko̱jo xi chji̱a̱ ja̱ kje̱ꞌe ja̱ kje̱ꞌe én xí tsjá A̱siénni̱xtjin Néná.

1 Xota̱ Korinto̱ 15:10

Ta̱nga ta̱ngatꞌanii̱ kjo̱a̱ndaa̱ Néná nga án xi an, kó kui kjo̱a̱nda xi katsjána, ta̱ kjo̱a̱ndajín kamá, ta̱sá ꞌniú ngase katsꞌenxá an ta̱bo̱a̱jiín ngayeje já apostro̱ xi ngasee̱, ndatsi jmí tsi an xi bo̱a̱ katsꞌen an, kjo̱a̱nda xi katseꞌéna boá xi bo̱a̱ katsꞌén.

2 Xota̱ Korinto̱ 6:1

Kó kuíni nga ji̱n xi xaá Néná ndyi̱niꞌánjne̱, ꞌniú chjiáꞌájne̱ jún tsi̱ꞌe̱ nga ngata̱ tonjín májnú kjo̱a̱ndaa̱ Néná.

Xota̱ Filipo̱ 2:21

Ngatꞌa̱ ngayeje xota̱ xi ngasee̱ kjo̱a̱nda tsi̱ꞌe̱ xí mongase, kó jmí tsi kjo̱a̱ndaa̱ Kristo̱ Kjisoo̱ xi mongase.

Xota̱ Filipo̱ 2:25

Ta̱nga tjítsꞌenkjó án nga chjiéngá sangiya nginíjnúꞌun nda̱ ntsꞌié Epafronditoo̱, nda̱ ntsꞌie án xi nijan tjítsꞌénxájo̱na, kó tsꞌénfoaꞌatiojo̱na kjo̱a̱ni̱ma̱ ngatꞌaa̱ Kristoo̱, kui xi ti̱ juún kanangiyajnúꞌun tsi̱ꞌe̱ nga ko̱síko̱jona nga sa̱ꞌín ni xi chjiénna.

Xota̱ Filipo̱ 2:30

Ngatꞌa̱ mejeén kꞌien nga íni̱jmì éntjatsi̱e̱e̱ Kristoo̱. Ndasénjín kamaá yojoo̱, kó mejeén kꞌien, ta̱ngatꞌanii̱ nga katsjána kui kjo̱a̱bosíko̱jo xi kamájín nga jún má xi katseꞌéjnúꞌun.

Xota̱ Kolosa̱ 1:29

Ta̱ngatꞌanii̱ kui nii̱ nga ꞌniú tjítsꞌenxá án nga tsꞌenkjién án ngayeje ngaꞌniúna, ko̱jo ngayeje ngaꞌniú xi tsjána Kristoo̱.

Xota̱ Kolosa̱ 4:12

Tinde xò bo̱a̱ tsó nda̱ xi ꞌmí Epafraa̱, xi nda̱ nangijnú ma, xi ti̱ mosoo̱ Kristoo̱ nga, kui nda̱a̱ ngatsjéni̱xtjin nga ngayeje ini̱ma̱a̱ nga tsꞌénmíꞌatjéjnú jún nga chji̱a̱a̱ Néná, tsi̱ꞌe̱ nga ꞌniú ku̱i̱ndyiajnú nga ka̱mando̱jo kjin kjinjnú nga si̱ꞌánjnú ngayeje ni xi mejeén Néná.

1 Xota̱ Tesalónika̱ 2:9

Ngatjaꞌátsjienjnú jún já ntsꞌie, kótsꞌèn kiniꞌánxájne̱ ko̱jo jendajne̱, ngatꞌa̱ nga ni̱xtjin ko̱jo nga ni̱xtji̱e̱n kiniꞌánxájne̱, tsi̱ꞌe̱ nga jmí tsi jún ikꞌíniéjne̱ yojojne̱ nga ikꞌíni̱jmìjne̱ éntjatsi̱e̱e̱ Néná.

1 Xota̱ Tesalónika̱ 5:12

Jún ntsꞌie, ꞌniú chjiáꞌájne̱ jún, tsi̱ꞌe̱ nga ka̱makjínjnú nga kui xi ndyi̱tsꞌènxájinjnú, xaá Ndi̱a̱ná boá xi ndyi̱tsꞌèn, kó kuí xí síndotjónjnú ko̱jo xi ndyi̱bokoyájnú, bo̱a̱ ndyi̱tsꞌèn tsi̱ꞌe̱ nga nda tsꞌén ku̱i̱ndyionjnú.

2 Xota̱ Tesalónika̱ 3:1

Kó nga fetꞌani já ntsꞌie, kjiꞌanga ko̱ndókjo̱a̱jnúu̱ Néná ndókjo̱a̱tjéjnú ji̱n, tsi̱ꞌe̱ nga eén Ndi̱a̱ná, kjo̱chó ngayeje ngi̱ndie kó xcha̱ndikón, xikó kamá ngi̱jinjnú.

1 Timoo̱ 4:10

Ngatꞌa̱ ta̱ngatꞌanii̱ kui nii̱ nga ꞌniú ndyi̱niꞌánxá, ko̱jo nga ndyi̱bixkántjé, ngatꞌa̱ ndyi̱chiyáa̱ ni nda xi tsja̱aná kui Néná xi tikoón, kui xi ꞌboxiéꞌá ngayeje xotaa̱, ngase ma kui xota̱ xi sꞌijii̱n Néná.

2 Timoo̱ 4:5

Ta̱nga ji, ta̱jmì niní xi si̱ꞌin ji, nda tsꞌén tꞌíjñí ji kjo̱a̱kjíntakóo̱n, ko̱jo ti̱ꞌinchíkjo̱e̱ ji kjo̱a̱ni̱ma̱ xi ku̱i̱tja̱tí, ko̱jo tꞌíni̱jmì ji éntjatsi̱e̱e̱ Néná, kó nda ti̱ꞌinkjatjosén ji xáa̱.

Filemoo̱ 1:1

Án boá xi ꞌmína Pablo̱, kó tikón ꞌniú án ta̱ngatꞌanii̱ nga tsꞌénꞌbini̱jmì án Kristo̱ Kjisoo̱, ko̱jo nda̱ ntsꞌié xi ꞌmí Timoo̱ niꞌántindejne̱ ji, nda̱ ntsꞌie Filemo̱, ji xi tjójne̱ ngatꞌa̱ ti̱ xaá Kristoo̱ tiniꞌín ji nga.

Xota̱ Ebreo̱ 3:6

ta̱nga Kristoo̱, nga kui xi ndií Néná, kixi̱ tsꞌén xaá nga botixómaá ndiꞌaa̱ Néná, kó kui ndiꞌaa̱ ñá boá, bo̱a̱ ka̱ma tsi ꞌniú sꞌi̱jinná ko̱jo tsi ka̱maꞌniátakón nga tsja ka̱máná nga xchiyàa̱ ni xi tsja̱aná Néná.

Ni xi akakoo̱ 2:1

Bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Éfesoo̱: “Kui nii̱ xi tsó kui xi tikoón nga yito ńñoo ngi̱ya tsja kixi̱, ko̱jo xi tsoꞌbá ngamasiee̱n nga yito ni xi ꞌbítíyá ndiꞌí xí tsꞌentsíjen xi to̱nsinieé: