Rkaa̱ 1:51 - Xo̱jo̱n eén Néná

⁵¹ Néná katsꞌénkjién ngaꞌniuú, kó katsꞌénkjatsón ni xi katsꞌénkjó xota̱ xi nkꞌakon maá yojoo̱ ngi̱jin ini̱ma̱a̱.

Rkaa̱ 1:51 Iomraidhean Croise

Jenesii̱s 11:8

Kó bo̱a̱ tsꞌén ki̱a̱ ítsꞌi̱yanii̱ Néná nga katsꞌéntsojoboa kui xotaa̱ ngayeje són nga̱sondiee̱, kó ijñátꞌiuá na̱xi̱ńdáꞌniú xí ndyi̱tsꞌènda katsaki. Ki̱a̱ boá nínga Néná katsꞌéntsobéjii̱n én xí tsíchji̱a̱ xotaa̱ ngayeje són nga̱sondiee̱, kuíni nga Babee̱l kiꞌmí kui na̱xi̱ńdaá.

Jenesii̱s 6:5

Kó xi chjo̱on xí xi̱ꞌin xi kisꞌińdo kui nga̱sondiee̱ saꞌniú sáꞌniú ndajínkjiꞌi ni xi katsꞌén, kó ngatsjéni̱xtjin katsꞌénkjó nga ta̱soboá ni xi ndajín xí sa̱ꞌín. Kó kjiꞌanga Néná kamábe nga ta̱nisién ndajín kjima kui xotaa̱,

Jenesii̱s 8:21

Kó Néná ngije jaꞌándá sije̱n sije̱e̱n kui nii̱, bi̱ katsó ngi̱jin ini̱ma̱a̱: «Ndatsi xota̱ nga̱sondiee̱ ndajín ni xi tsꞌénkjó ngi̱jin ini̱ma̱a̱ ndeskande koó nga kjindí, nginijánjín kotijée̱ nga sa̱ꞌinkjié an tꞌanangii̱ ta̱ngatꞌanii̱ xota̱ nga̱sondiee̱, xikó je katsꞌen an.

Xo̱jo̱n Salmoo̱ 118:15

Xota̱ xi kixi̱i̱ ki̱a̱ ndiꞌaa̱, bi̱ nga tsó nga nga kjandayà tsja: «¡Néná katsꞌénkjién ngaꞌniuú, kó kuí boá xi katsꞌénni! ¡Si̱ꞌantsjà kjo̱a̱a̱ ngaꞌniú xí tjiín!»

Xo̱jo̱n Salmoo̱ 33:10

Néná tsꞌenkjié kjo̱a̱botíxomaa̱ na̱xi̱ńdaá, kó ꞌbíchjaá ni ndajín xi je tjíndaa̱ nga sa̱ꞌín xota̱ na̱xi̱ńdaá.

Xo̱jo̱n Salmoo̱ 52:9

Ji Ne, ngatsjéni̱xtjin nga tsjaa ndokꞌóchjì kjo̱a̱a̱ ngayeje ni xi je kiniꞌín ji, kó skoya sakon sakoo̱n ji ngatsjéni̱xtjin, ngatꞌa̱ achichí nda kui nii̱ ngindyi̱ko̱n xota̱ na̱xi̱ńdá tsjièe̱.

Xo̱jo̱n Salmoo̱ 63:5

¡Nda stsi̱e̱é ini̱ma̱na xikó maá tsi yojo ko̱jo tsi xinié jè iskjinie! ¡Kó ndso̱ꞌba án achichí tsjá ka̱maa̱ nga sa̱ꞌíntsjaá!

Xo̱jo̱n Salmoo̱ 89:10

Jí boá xi kiniꞌínꞌíi̱n ko̱jo xi kiniꞌínkjiékjo̱a̱ ji nangi Ejiptoo̱, kó ngaꞌniuú ndse̱ kiniꞌínkjín jí nga kiniꞌíntsojoboe ji kondra̱a̱.

Xo̱jo̱n Salmoo̱ 89:13

Jí tse̱ kui tjia ko̱jo kui ndsa̱ xi tjiín ngaꞌniuú, ndse̱ kixi̱ ji kuí boá xi bokó nga je kiniꞌín ji.

Xo̱jo̱n Salmoo̱ 98:1

¡Ndàjnúu̱ Néná ngo só tja̱tsi̱e̱! ¡Ngatꞌa̱ kuí boá xi achichí ni xi fíndikónná xi je katsꞌén! Tjia xi tsjiee̱ ko̱jo xi tjiín ngaꞌniú katsꞌénkjién nga katsꞌeén kondraa̱.

Éksondo̱ 18:11

Néná boá xi jaꞌáxínjnú ngayeje kui kjo̱a̱ni̱ma̱ xi katsꞌénkjaꞌatiójnú xota̱ Ejipto̱ xi nkꞌa kamaá yojoo̱. ¡Ngotꞌe̱ ꞌne̱ nga be an nga Nee̱ xota̱ Israee̱l xí tjín ngasee̱ ngaꞌniú ta̱bo̱a̱jiín ngayeje ne xi ngasee̱!»

Xota̱ Roma̱ 1:21

Ngatꞌa̱ ndatsi xotaa̱ ja̱bo̱a̱ je kamábe Néná, katsjájiín kjo̱a̱je xikoó nga kui xi Néná, ti̱nde katsjájiín ndokꞌóchjì, ta̱sá ni xi jmí ni chjíjiín xi katsꞌénkjó, kó ta̱sá katsꞌéntajá ini̱ma̱a̱.

2 Xota̱ Korinto̱ 10:5

Kó bo̱a̱ tsꞌén si̱ꞌanchajajne̱ ta̱jmì énní, ko̱jo kjo̱a̱nkꞌatakón xi sakó ngaꞌniuú xi ꞌbíchjaá xotaa̱ nga sku̱i̱e̱ Néná, tsi̱ꞌe̱ nga ko̱sikjoyájne̱ kjo̱a̱kjíntakoón xotaa̱, kó ku̱i̱ntꞌiéꞌeén Kristoo̱.

1 Xo̱jo̱o̱n Peé 5:5

Kó ti̱ tsꞌén míꞌájnúꞌun jún xi xo̱ngòjnú nga cha̱ndikónjnú xota̱ xi xchaá, kó ngayejejnú ja̱kꞌi̱e̱ ja̱ngaján ni̱ma̱kjo̱a̱ ngatamajnú, ngatꞌa̱ bi̱ tsó xo̱jo̱n eén Néná: Néná kondra̱ maá xota̱ xi je ꞌboxié yojoo̱, ta̱nga xota̱ xi ni̱ma̱kjo̱a̱a̱, tsjaá kjo̱a̱nda.

Ni xi akakoo̱ 18:8

kuíni nga ta̱ ngo tsi ni̱xtjin nga sa̱ko̱ó ngayeje kui kjo̱a̱ni̱ma̱a̱: Xikoó kjo̱a̱bo̱yaa̱, ko̱jo kjo̱a̱ndasee̱n, ko̱jo kjindiaá, kó ngi̱jin ndiꞌií ku̱i̱ti̱, ngatꞌa̱ achichí ngaꞌniú tjiín Néná, kui Ndi̱a̱ xi botíjeé.