Matioo̱ 8:3 - Xo̱jo̱n eén Néná

³ Sꞌe̱ Kjisoo̱ yejénnié tsja kó katsꞌénjo̱, nga bi̱ katsoó: –Mejénna, ngatamatsjiejón ji. Kó ti̱ kjiꞌa katjoꞌóxín chiꞌin xi koo̱n kui nda̱a̱.

Matioo̱ 8:3 Iomraidhean Croise

Jenesii̱s 1:3

Kó bi̱ katsó Néná: «¡Mejénna nga ka̱matsijen!» ¡Kó ti̱ kjiꞌa kamátsijen!

Xo̱jo̱n Salmoo̱ 33:9

Ngatꞌa̱ kjiꞌanga kui xi tsíchji̱a̱, kamánda nii̱, kui katsjá ngo kjo̱a̱, kó jatjosón kui nii̱.

Matioo̱ 12:13

Kósꞌe̱ Kjisoo̱, bi̱ katsoó kui nda̱a̱: –Tjintie ndse̱. Kó kui nda̱a̱ yejéntie tsja, kó kamándaya xikó má kjiꞌi tsja xi ingoo̱.

Markoo̱ 1:41

Kó Kjisoo̱ ni̱ma̱ kamaá kui nda̱a̱, yejénnié tsja, katsꞌénjo̱, kó bi̱ katsoó: –Mejénna, ngatamatsjiejón ji.

Markoo̱ 4:39

Kó jastjíe̱n Kjisoo̱, kó ꞌniú tsíchji̱a̱jo tjo̱o̱, sꞌe̱ bi̱ katsoó ndáchíkoón: ¡Xió! ¡Xió tindyin! Kó tji̱e̱nmá kixixió tjo̱o̱, kósꞌe̱ kisꞌie xió xió nga̱són ndáfoaa̱.

Markoo̱ 5:41

Kó Kjisoo̱ iskjíbé tsja tsa̱kjìnchií, kósꞌe̱ bi̱ katsó: –Talita Kumi (Tsa̱kjìnchií, jí xí tsꞌénchji̱a̱joo, ti̱sítji̱n ji: tsó kui eén).

Markoo̱ 7:34

kó askotsijen nkꞌa jàn, iskjiendá, kó bi̱ katsoó kui nda̱a̱: ¡Efatá! (Ngatjoxꞌá, tsó kui eén).

Markoo̱ 9:25

Kó nga kamábe Kjisoo̱ nga ta̱sasá kamátikó xota̱ kjiín, katsꞌénxchánjo̱ kui a̱siénni̱xtjin xi ndajiín, nga bi̱ katsoó: –¡A̱siénni̱xtjin xi ndajín xi ni̱ma̱ ko̱jo xi xtiya, án xí bo̱a̱ tꞌíxiaán, tji̱taxi̱e̱jíi̱n ngi̱jin yojoo̱ kui nda̱chií, kó nga ngiti̱ nijánjín ki̱a̱ bitjasꞌi̱jíi̱n!

Rkaa̱ 4:27

Kó ti̱ bo̱a̱ ti̱ tsꞌén ki̱a̱ Israee̱l kjín má xota̱ xi tjiín chiꞌin xi tsꞌénkjátsón tji̱xin yojoná kisꞌie kui ni̱xtjin jàn, nga kisꞌijña nda̱ chji̱ni̱e̱ꞌe̱én Néná xi ꞌmí Eliseoo̱, ta̱nga nde ngojín kui jaá xi kamátsjiejón, ta̱kuítsí nda̱ xi ꞌmí Naamaa̱n xi chji̱a̱ni nangi Siria̱.

Rkaa̱ 5:13

Kósꞌe̱ Kjisoo̱ yejénnié tsja, kó katsꞌénjo̱, nga bi̱ katsoó: –¡Mejénna, ngatamatsjiejón ji! Kó ti̱ kjiꞌa katjoꞌóxín chiꞌin xi koo̱n kui nda̱a̱.

Rkaa̱ 7:14

Kó Kjisoo̱, tji̱e̱nmá kijíkóntiñaa̱ koxa̱ xi kjiꞌiya kui nda̱ xo̱ngò xí je kꞌiee̱n, kó katsꞌénjo̱ kui koxa̱a̱, kó já xi ndyi̱yaꞌankꞌaá xió kixindyia, kó Kjisoo̱, bi̱ katsoó nda̱ xo̱ngò xi je kꞌiee̱n: –Nda̱ xo̱ngò, jí xí bi̱ tꞌíxiaán: ¡Ti̱sítji̱n!

Juaa̱ 11:43

Sꞌe̱ ngije bo̱a̱ katsó Kjisoo̱, askjandáyà má nga bi̱ katsó: –¡Lá, ti̱tjaxi̱e̱ ji!

Juaa̱ 15:24

Tsi katsꞌénjín an ngi̱jii̱n kui xotaa̱, ni xi kji̱e̱ ngo xi tsꞌén, jmí jéjínra̱a̱, ta̱nga ngotꞌe̱ jè kamábe kui nii̱, kó ti̱ kuira xí katsꞌénchꞌóna an ko̱jo Na̱ꞌmina.

Juaa̱ 5:21

Ngatꞌa̱ xikótsꞌèn maá Na̱ꞌmii̱ nga tsꞌénkjaꞌáꞌyaá xota̱ xi je jesón, kó tsjá nginií kjo̱a̱mindyion, ti̱ bo̱a̱ ti̱ tsꞌén ndií Néná, ka̱ma tsja̱á kjo̱a̱mindyion xota̱ xi mejeén kui.