Matioo̱ 5:4 - Xo̱jo̱n eén Néná

⁴ Achichíra̱tsjaa̱ xota̱ xi ndyi̱kjandà, ngatꞌa̱ kuí xí sa̱ko̱ó kjo̱a̱niꞌándajon.

Matioo̱ 5:4 Iomraidhean Croise

Rkaa̱ 16:25

Ta̱nga Abraa̱n, bi̱ katsoó: “Ji ndí, ngatjaꞌátsjiee̱n nga kjiꞌanga kixindyin ji nga̱sondie achichí ni katseꞌeé, kó Laá achichí ni xi ndajín xi katseꞌeé kui, ta̱nga ngotꞌe̱ ꞌne̱ Laá achichí tjíniꞌándajoo̱n kꞌi̱e̱e̱, kó ji achichí tsie kjo̱a̱ni̱ma̱ tibitjatí.

Rkaa̱ 6:21

Achichíra̱ tsjajnú jún xi bojójnú ngotꞌe̱, ngatꞌa̱ sꞌe̱ stsi̱e̱jnú. Achichíra̱ tsjajnú jún xi ndyi̱chaꞌájnú ngotꞌe̱, ngatꞌa̱ sꞌe̱ ko̱jno̱jnú.

Rkaa̱ 6:25

Xi̱xꞌi̱a̱njnú jún xi ngotꞌe̱ kitsiejnú, ngatꞌa̱ sꞌe̱ ka̱mabojójnú. Xi̱xꞌi̱a̱njnú jún xi ngotꞌe̱ ndyi̱mojnó jún, ngatꞌa̱ sꞌe̱ on ka̱majnú, ko̱jo sꞌe̱ xchaꞌájnú.

Rkaa̱ 7:38

kó kisꞌijñando tꞌa se Kjisoo̱, askjandá, sꞌe̱ ítsꞌi̱yanii̱ nga ndándyíko̱n aniéjónni sé Kjisoo̱, kó tsja̱to̱ko̱ katsꞌénxíjónni, sꞌe̱ atíndsoꞌá sé, kósꞌe̱ katsangijon ndásíjee̱n.

Rkaa̱ 7:50

Kó Kjisoo̱, bi̱ katsó ngasee̱ kui naa̱: –Ta̱ngatꞌanii̱ kjo̱a̱sꞌijìi̱n, kuíni nga je jatjoꞌa ji, tꞌen xió xió ji ꞌne̱.

Xo̱jo̱o̱n Sandiyaá 1:12

Achichíra̱tsjaa̱ ngo nda̱ xi xchíkjo̱a̱a̱ kjo̱a̱chjatꞌayákón xi tsꞌénfoaꞌajin, ngatꞌa̱ ngije nda jatjo nga kachjatꞌayákón, sa̱ko̱ó kjo̱a̱mindyion ngatsjéni̱xtjii̱n, kuí boá chjí xí katsóyàtjón Néná nga tsja̱á xota̱ xi tsꞌéntjó Néná.

Ni xi akakoo̱ 21:4

Kó kuí boá xi sa̱ꞌínxíjón ngayeje ndándyíkon xi kjo̱tjoo̱ ndyi̱ko̱n kui xotaa̱, kó ngiti̱ jmíjín xi ko̱yà ngase, ti̱nde ngiti̱ jmíjín xi skja̱ndá ngase, ti̱nde ngiti̱ jmíjín xi ni̱ma̱ ka̱tso̱ ngase, ti̱nde ngiti̱ jmíjín xi on ka̱ma ngasee̱, ngatꞌa̱ ni xi kisꞌie ngasꞌe̱ jè ngiti̱ jmíjín.