Matioo̱ 5:3 - Xo̱jo̱n eén Néná

³ –Achichíra̱tsjaa̱ xota̱ xi ni̱ma̱ síndo ini̱ma̱a̱, ngatꞌa̱ kuí xí tsi̱ꞌe̱ ka̱ma nínga botixómá Néná.

Matioo̱ 5:3 Iomraidhean Croise

Joo̱b 42:6

Kuíni nga be an nga ki̱a̱jiín ni xi kixian an, tsꞌenkꞌoyà an yojona, kó ni̱ma̱kjo̱a̱ botíjña̱ an ngi̱jii̱n chojoo̱ ko̱jo ndisoo̱».

Xo̱jo̱n Salmoo̱ 1:1

Achichíra̱tsjaa̱ kui xi ki̱a̱jín ndyi̱fítji̱ngi kjo̱a̱botíxomaa̱ xota̱ xi ndajiín, ko̱jo xi ki̱a̱jín katsꞌénkamajo̱ ndi̱yà xí tjimá xota̱ xi ndyi̱tsꞌènjeé, ko̱jo xi ki̱a̱jín nijan ndyi̱tsꞌénkamajo̱ xota̱ xi ndyi̱mojnókie Néná.

Xo̱jo̱n Salmoo̱ 112:1

¡Si̱ꞌantsjàa̱ Néná! ¡Néná tsꞌénchíkonñé xota̱ xi tsꞌéntsjaà kui, ko̱jo xi tsja maa̱ nga tsꞌénkjátjosón kjo̱a̱botíxomaa̱!

Xo̱jo̱n Salmoo̱ 128:1

¡Néná tsꞌénchíkonñé ngayeje xota̱ xi ntꞌiéꞌeén, ko̱jo xi fítji̱ngi kjo̱a̱bokoyaá!

Xo̱jo̱n Salmoo̱ 146:5

¡Nee̱ xota̱ Israee̱l, tsꞌénchíkonñé xota̱ xi Néná kjimaꞌniátakón!

Xo̱jo̱n Salmoo̱ 2:12

¡Ti̱ꞌantsjàjnúu̱ Néná, tatíndsoꞌájnú sé ndií, ngatꞌa̱ tsita̱ sa̱ꞌínxchán, kó sa̱ꞌínkꞌiénjnú ngi̱ya ndi̱ya̱à, ngatꞌa̱ ta̱niján má ꞌniú tsꞌénxchán! ¡Achichíra̱tsjaa̱ ngayeje xota̱ xi kui mongase nga kui xi skoón!

Xo̱jo̱n Salmoo̱ 34:18

Néná achichí tiña tikónnii̱ xota̱ xi ndasen síndo ini̱ma̱a̱, kó ꞌboxiéꞌá xota̱ xi je ni̱ma̱ síndo a̱si̱énni̱xtjii̱n.

Xo̱jo̱n Salmoo̱ 41:1

Achichíra̱tsjaa̱ xota̱ xi nda̱ maa̱ xota̱ ni̱ma̱a̱, ngatꞌa̱ kjiꞌanga kji̱ndi̱bá ni̱xtjin xi ndajiín, Néná boá xi kꞌo̱xiéꞌá.

Xo̱jo̱n Salmoo̱ 51:17

Kjo̱a̱tjó xi tsja maa̱ Néná kuí boá ngo a̱siénni̱xtjin xi ni̱ma̱kjo̱a̱ tikón. Ji Ne, niꞌínchꞌíjín ji ngo ini̱ma̱ xi je katsꞌénkꞌoyá yojoo̱ ko̱jo xi ni̱ma̱kjo̱a̱ tikón.

Xo̱jo̱n Salmoo̱ 84:12

¡Ji Ne xi tsi̱ꞌe̱ jájuún, achichíra̱tsjaa̱ kui nda̱ xi ji kjimaꞌniátakoón!

Énkjínkón 16:19

Chjí ngasenii̱ nga ni̱ma̱kjo̱a̱ ka̱má ngi̱jii̱n xota̱ xi ni̱ma̱kjo̱a̱a̱, ta̱bo̱a̱jiín nga nijan ka̱macho̱njo xota̱ xi nkꞌakoo̱n.

Énkjínkón 29:23

Xota̱ xi nkꞌakoo̱n ni̱ma̱kjo̱a̱ si̱ꞌankꞌijñá, kó xota̱ xi ni̱ma̱kjo̱a̱a̱ kuí boá xi si̱ꞌandikón.

Énkjínkón 8:32

»Jún ndí jákjíndí, ¡nda má tasiénijónjnúꞌun! Achichíra̱tsjaa̱ xi ki̱a̱ ko̱e̱je̱tji̱ngi ndi̱yàna.

Matioo̱ 11:25

Kui ni̱xtjin jàn Kjisoo̱, bi̱ katsó: –An tjítsꞌèntsjaà Na̱ꞌmi, Ndi̱a̱a̱ ndiꞌakꞌajmii̱ ko̱jo tꞌanangii̱, ngatꞌa̱ kui nii̱ ikꞌíjñiꞌmíi̱ xota̱ xi kjínkoón ko̱jo xi makjiín, kó akakèe̱ jákjíndií.

Matioo̱ 11:6

Kó achichíra̱tsjaa̱ xi ta̱ngatꞌajiín án nga sti̱ngíni.

Matioo̱ 13:16

Ta̱nga achichíra̱tsjaa̱ ndyikonjnú, ngatꞌa̱ be, ko̱jo tji̱bo̱a̱nijónjnú, ngatꞌa̱ ntꞌié.

Matioo̱ 19:14

Ta̱nga Kjisoo̱, bi̱ katsó: –Te̱ꞌéndièjnúu̱ kui jákjíndií nga kjo̱e̱ꞌe̱kónna, kó ngata̱ ꞌbíchjájínjnúu̱, ngatꞌa̱ ndiꞌakꞌajmi nínga botíxomaa̱ Néná kuí xí ka̱ma kꞌo̱sꞌien kui xi xikoó kui jákjíndií.

Matioo̱ 24:46

Achichíra̱tsjaa̱ nda̱ moso̱ xi nga kjo̱e̱ꞌe ndi̱a̱a̱, tjítsꞌén xá xí katseꞌeé.

Matioo̱ 25:34

Kósꞌe̱ nda̱ Ree̱, bi̱ ka̱tso̱o̱ ngayeje xi síndo nga kixi̱i̱: «Ja̱bíjnúꞌun, jún xi je katsꞌénchikonñéjnú Na̱ꞌmina, chjábéjnú ngi̱ndie nínga botíxoma xi je tikónndajnú ndeskande koó nga ítsꞌi̱yanii̱ nga kamánda nga̱sondiee̱.

Matioo̱ 3:2

nga bi̱ katsó: –Ti̱ꞌankꞌoyàjnú yojojnú kjo̱a̱a̱ ni xi ndajínkjiꞌi xi ndyi̱niꞌánjnú, ngatꞌa̱ Néná jè ko̱tíxoma.

Matioo̱ 8:11

Kó xiyàjnúꞌun nga achichí má xota̱ xi kji̱ndi̱báni nínga fotjo ko̱jo nínga ꞌbosꞌien tsꞌueé, xi kꞌuíndotꞌajo̱ yámíxa̱ Abraa̱n, ko̱jo Isaa̱, ko̱jo Jako̱b ki̱a̱ nínga botíxomaa̱ Néná,

Markoo̱ 10:14

Kó nga kamábe Kjisoo̱ kui nii̱, kamáxtií, kó bi̱ katsó: –Te̱ꞌéndièjnúu̱ kui jákjíndií nga kjo̱e̱ꞌe̱kónna, kó ngata̱ ꞌbíchjájínjnúu̱, ngatꞌa̱ nínga botíxomaa̱ Néná kuí xí ka̱ma kꞌo̱sꞌien kui xi xikoó kui jákjíndií.

Rkaa̱ 11:28

Kó Kjisoo̱, bi̱ katsoó: –¡Ta̱sá tjón mára achichíra̱tsjaa̱ xota̱ xi ntꞌié eén Néná, kó tsꞌénkjátjosón ni xi tsó!

Rkaa̱ 18:14

Xiyàjnúꞌun nga kjiꞌanga jachó ndiꞌaa̱ kui nda̱ xi foaꞌáꞌyá to̱n xi machjítjé nii̱, jè kixi̱ tikón ngindyi̱ko̱n Néná, ta̱bo̱a̱jiín nda̱ xi ingoo̱, ngatꞌa̱ ta̱ꞌyaní xi je kꞌo̱xié yojoo̱, ni̱ma̱kjo̱a̱ si̱ꞌanjo̱, kó xi ni̱ma̱kjo̱a̱ kꞌo̱xié yojoo̱, kuí xí je ko̱ꞌna̱xié.

Rkaa̱ 22:29

Kó kuíni nga an, tsjajnúꞌun nga ko̱ti̱xomájnú, xikótsꞌèn katsjána Na̱ꞌmina,

Rkaa̱ 22:30

tsi̱ꞌe̱ nga xi̱ni̱e̱jnú ko̱jo sꞌi̱o̱jnú tꞌa yámíxa̱ kjiꞌanga kotixoma an, ko̱jo tsi̱ꞌe̱ nga ko̱ti̱xomájnú nga bo̱a̱ kꞌuínjnú tsi tjiín ko̱jo tsi jmíjiín jé nga tiejó tji̱e̱e̱ xota̱ xi chji̱a̱ni Israee̱l.

Rkaa̱ 4:18

A̱si̱énni̱xtjii̱n Ndi̱a̱a̱ tikónjinna, ngatꞌa̱ jè katsjáxána, tsi̱ꞌe̱ nga an xi kꞌuini̱jmìi̱ éntjatsi̱e̱e̱ ngayeje xota̱ ni̱ma̱, katsangiyana nga sa̱ꞌindaya an xota̱ xi oo̱n ini̱ma̱a̱, ko̱jo nga xiyàa̱ nga je kꞌuitsómandé xota̱ xi ndyi̱a̱ꞌya ndo̱bo̱a̱yà ko̱jo nga tsjàa̱ nga ka̱matsijee̱n xota̱ xi ti̱ka̱, ko̱jo nga kꞌuindondé án xota̱ xi ndajín tjíniꞌánjo̱,

Juaa̱ 20:29

Sꞌe̱ Kjisoo̱, bi̱ katsó: –A ngatꞌa̱ kamáyèní Toma̱, a kuíni nga kisꞌijinnii̱. Achichíra̱tsjaa̱ xota̱ xi kamábejínna, kó kisꞌijii̱n.

Ndeuteronomio̱ 8:2

»Ngata̱chiíjín niꞌánchíyájnú xikó kamájnú ndeskande nga jatjonijnú nangi Ejipto̱, ngaskande nga jéꞌe̱jnú kui ngi̱ndiee̱. Kui xi yichán noó, Néna boá xi katsꞌén nga ikitjatiójnú kjo̱a̱ni̱ma̱, tsi̱ꞌe̱ nga sku̱i̱e̱ tsi kixi̱jnú ko̱jo tsi mejénjnú ko̱nda̱ꞌyáꞌénjnúu̱.

Xo̱jo̱o̱n Sandiyaá 1:10

kó kui xi cho̱o̱n, tsjangatamaa̱, ngatꞌa̱ ni̱ma̱ tsꞌén tikón ngindyi̱ko̱n Néná, ngatꞌa̱ xota̱ xi cho̱o̱n, xikónií tsi ngo naxó, tsiejín ꞌbondíyaá.

Xo̱jo̱o̱n Sandiyaá 1:12

Achichíra̱tsjaa̱ ngo nda̱ xi xchíkjo̱a̱a̱ kjo̱a̱chjatꞌayákón xi tsꞌénfoaꞌajin, ngatꞌa̱ ngije nda jatjo nga kachjatꞌayákón, sa̱ko̱ó kjo̱a̱mindyion ngatsjéni̱xtjii̱n, kuí boá chjí xí katsóyàtjón Néná nga tsja̱á xota̱ xi tsꞌéntjó Néná.

Xo̱jo̱o̱n Sandiyaá 2:5

Jún ndí ntsꞌie xi tjóna, ndaꞌyájnú kui nii̱: A mí tsi Néná je jaꞌájin xota̱ ni̱ma̱a̱ kui nga̱sondiee̱, tsi̱ꞌe̱ nga ka̱macho̱nni ngi̱jii̱n kjo̱a̱sꞌijii̱n Néná, kó nga Néná jè katsóyàtjón nga kuí boá xi ko̱tíxomaa̱, xota̱ xi tsꞌéntjó Néná.

Ni xi akakoo̱ 19:9

Kó kui ndítsjiee̱ bi̱ katsóna: –Títꞌe ji xo̱jo̱n kui nii̱: Achichíra̱tsjaa̱ kui xi kiꞌmíyaà tsi̱ꞌe̱ nga ko̱e̱je̱ ndiꞌibixaa̱n cho̱tsa̱nga̱a̱. Kó bi̱ katsó ngase: –Én xí ja̱koxi̱i̱ Néná boá xi̱ꞌbi̱.

Ni xi akakoo̱ 22:14

Achichíra̱tsjaa̱ xi ndyi̱moniè ńjñoo̱ tsi̱ꞌe̱ nga kꞌuieé kjo̱a̱nda nga ka̱ma skji̱ni̱e̱ too̱ yaá kjo̱a̱mindyioo̱n, kó ka̱maa̱ kꞌo̱sꞌienni nga̱ntjo̱a̱a̱ na̱xi̱ńdáꞌniuú.

Ni xi akakoo̱ 3:17

Ngatꞌa̱ bi̱ tꞌísé ji: Cho̱n án, kó jè kamácho̱n an, kó nde ngojín ni chajana, kó nde yejín ji nga ta̱soboá ni xi ndajín xí kjimaa̱, nga ni̱ma̱ ji, nga jmíjiín to̱n, nga ti̱ka̱ ji, ko̱jo nga tindyin kjiꞌixtí ji.