Matioo̱ 4:25 - Xo̱jo̱n eén Néná

²⁵ Kó achichí má xota̱ xi kijítji̱ngii̱ xi chji̱a̱ni nangi Ngalilea̱, ko̱jo Ndekápoli̱, ko̱jo na̱xi̱ńdáꞌniú Jerusale̱n, ko̱jo nangi Jundea̱, ko̱jo ngayeje ngi̱ndie xi síndotꞌa ndejèꞌ Jorndaa̱n.

Matioo̱ 4:25 Iomraidhean Croise

Matioo̱ 12:15

Ta̱nga Kjisoo̱ kamákjiín kui nii̱, kó xín kijí, kó achichí má xota̱ xi kijítji̱ngii̱, kó ngayeje xota̱ xi oo̱n katsꞌéndaya,

Matioo̱ 19:2

Kó achichí má xota̱ xi kijítji̱ngii̱, kó ki̱a̱ katsꞌéndaya kjín xota̱ xi oo̱n.

Matioo̱ 4:15

Nangi Sabulo̱n, ko̱jo nangi Neftali̱, ndi̱yà xi fíni ndáchíkoón, ngándaá ndejèꞌ Jorndaa̱n, nangi Ngalilea̱ nínga tjín xota̱ xi jundío̱jín.

Matioo̱ 5:1

Nga kamábe Kjisoo̱ nga achichí má xotaa̱, ngo tji̱ngi̱ kijínijíngí nínga kisꞌijñando, kó xota̱ tsi̱ꞌe̱ kijíkóntiñaa̱,

Matioo̱ 8:1

Kó ngije jatjajen Kjisoo̱ nínga tikón tji̱ngi̱i̱, achichí má xota̱ xi kijítji̱ngii̱.

Markoo̱ 5:20

Kó kui nda̱a̱ kijí, kó ítsꞌi̱yanii̱ nga íni̱jmi̱ì ngayeje xota̱ na̱xi̱ńdá xi chji̱a̱ni nangi Ndekápoli̱ kjo̱a̱a̱ ni xi katsꞌénjo̱ Kjisoo̱, kó ngayeje xotaa̱ achichí kijíndikoón.

Markoo̱ 6:2

Kó nga jachó ni̱xtjin ndikoón, Kjisoo̱ ítsꞌi̱yanii̱ nga akóyá ngi̱ya ndiꞌa nínga ndokjo̱a̱ eén Néná. Kó achichí má xota̱ xi kijíndikoón nga tsintꞌieé, kó bi̱ katsó nga asíyaá xkjín: –Ñá tsꞌaxiéni kui nda̱a̱ ngayeje kui nii̱. Ñá kijíkjaꞌání kui kjo̱a̱kjínkoón, ko̱jo kui kjo̱a̱ndikón xí tsꞌénní ngi̱ya tsja.

Markoo̱ 7:31

Kó ngije jatjo nginí Kjisoo̱ nangi Tiroo̱, jaꞌa xtji̱e̱e̱n nangi Sindo̱n, sꞌe̱ jachó nínga tikón ngi̱ndi̱o̱ Ngalilea̱ nga jaꞌa ki̱a̱ nangi xi tjín Ndekápoli̱.

Rkaa̱ 6:17

Kó Kjisoo̱ jatjajen nginí ki̱a̱ tji̱ngi̱i̱ ko̱jo xota̱ tsi̱ꞌe̱, kó ki̱a̱ nínga soón kixindyia, kó achichí má xota̱ xi kisꞌiṉtso̱matjingii̱ xi chji̱a̱ni ngayeje nangi Jundea̱, ko̱jo na̱xi̱ńdáꞌniú Jerusale̱n, ko̱jo na̱xi̱ńdá xí síndotꞌa ngi̱ndi̱o̱ò xi ꞌmí Tiroo̱ ko̱jo Sindo̱n,

Rkaa̱ 6:19

Kó ngayeje xotaa̱ nga kamámejeén katsꞌénjo̱ Kjisoo̱, ngatꞌa̱ ngo ngaꞌniú jatjoo̱ yojoo̱ xi katsꞌéndaya ngayeje xotaa̱.