Matioo̱ 3:7 - Xo̱jo̱n eén Néná

⁷ Nga kamábe Juaa̱ nga achichí má xota̱ fariseo̱, ko̱jo xota̱ sanduseo̱ xi jachó nínga tsꞌénbotíndá, bi̱ katsoó: ¡Xota̱ xi ja̱ kon ye̱ kónjnú! ꞌYá xi bo̱a̱ katsójnú nga ka̱ma ku̱i̱yòjnúu̱ kjo̱a̱xcha̱án Néná xí je kjimatiñaa̱.

Matioo̱ 3:7 Iomraidhean Croise

Jenesii̱s 3:15

»Kó án xí sa̱ꞌin an nga ji ko̱jo naa̱ kondra̱ ka̱manijnú xingi̱jnú, ko̱jo kondra̱ ka̱manii̱ xkjín tji̱e̱ tse̱ ko̱jo xota̱ tji̱e̱ tsi̱ꞌe̱ naa̱, kó ngo kui xota̱ tji̱e̱e̱ xi sa̱ꞌínꞌoón taki ji, kó ji si̱ꞌinꞌíi̱n tji̱ngi̱ se».

Énkjínkón 28:4

Xota̱ xi tsjánié kjo̱a̱kitii̱, kuí boá xi tsꞌéndíkón xota̱ xi ꞌniú ndajiín, ta̱nga xota̱ xi tsꞌénkjátjosoón, kuí boá xi kjánjo̱ xota̱ xi ꞌniú ndajiín.

Matioo̱ 12:24

Ta̱nga nga tsintꞌié kuí nii̱ já fariseoo̱, bi̱ katsó: –Kui nda̱a̱ nga ꞌboxié a̱si̱énni̱xtjii̱n xindajín, ngaꞌniuú ngito̱ko̱o̱ xindajín xi ꞌmí Belsebuu̱ xí tsꞌénkjién.

Matioo̱ 12:34

¡Tji̱e̱e̱ ye̱ xi bo̱a̱ kónjnú! Kótsꞌèn nda ni xi ko̱ndókjo̱a̱jnú nga ndajínjnú jún. Ngatꞌa̱ ni tsie xi tjiín ngi̱jin ini̱ma̱a̱ xotaa̱, kuí nii̱ xi chji̱a̱ tsꞌoa.

Matioo̱ 15:12

Kósꞌe̱ xota̱ tsi̱ꞌe̱ Kjisoo̱ jachókón tiñaa̱, kó bi̱ katsoó: –A je kamákjiín jí nga tsjajín kamaá já fariseoo̱ kjo̱a̱a̱ ni xi kase.

Matioo̱ 16:1

Kó já fariseoo̱ ko̱jo já sanduseoo̱ jachókoón Kjisoo̱ tsi̱ꞌe̱ nga skótꞌayákón, kó tsíꞌaá ngo chi̱bo̱a̱a̱ ndiꞌakꞌajmii̱.

Matioo̱ 16:6

Kósꞌe̱ Kjisoo̱, bi̱ katsoó: –Chónjnú yojojnú kjo̱a̱a̱ nisaa̱n nda̱ꞌyo̱paa̱n já fariseoo̱ ko̱jo já sanduseoo̱.

Matioo̱ 22:15

Kósꞌe̱ já fariseoo̱ kijíkꞌínda kótsꞌèn ku̱i̱ꞌíjñaá ngo chja̱ya̱ Kjisoo̱, tsi̱ꞌe̱ nga ngo ni xi ndajín ka̱tso̱.

Matioo̱ 22:23

Kui ni̱xtjii̱n jachókoón Kjisoo̱ já sanduseo̱, kui xota̱ xi tsó nga ngiti̱ foaꞌáꞌyájín xoò xota̱ xi je jesoón,

Matioo̱ 22:34

Ta̱nga ngije kamábe já fariseoo̱ nga Kjisoo̱ yíkjo tsꞌoa já sanduseoo̱, kamátikó, kó kijíkoón Kjisoo̱,

Matioo̱ 23:33

¡Xota̱ xi ndisojnú ko̱jo xota̱ xi ndajínjnú, xikó maá ye̱! Kótsꞌèn ka̱majnú ku̱i̱yòjnúu̱ jeé ndo̱bo̱a̱ṉkꞌi̱e̱e̱n.

Matioo̱ 5:20

Ngatꞌa̱ xiyàjnúꞌun nga tsi ku̱i̱tjátjónjínjnúu̱ já chji̱ni̱e̱kjo̱a̱kitii̱ ko̱jo xota̱ fariseoo̱ nga ni xi kixi̱ si̱ꞌánjnú ngindyi̱ko̱n Néná, jmíni̱xtjin ku̱i̱tjásꞌi̱e̱njnú nínga botixómá Néná.

Markoo̱ 12:13

Kó kanangiyachoo̱n Kjisoo̱ já fariseo̱ ko̱jo xota̱ xi majo̱ Erondee̱, tsi̱ꞌe̱ nga ku̱i̱ntꞌiè tsí ta̱ꞌa ngo ni xi ndajínkjiꞌi ku̱i̱chji̱a̱ Kjisoo̱, tsi̱ꞌe̱ nga ko̱óngítaꞌin.

Markoo̱ 12:18

Kósꞌe̱ jachókoón Kjisoo̱ já sanduseo̱ xi tsó nga ngiti̱ foaꞌáꞌyájín xoò xota̱ xi je jesoón, kó bi̱ katsó nga asíyaá:

Markoo̱ 8:15

Kósꞌe̱ Kjisoo̱, bi̱ katsoó: –Chónjnú yojojnú kjo̱a̱a̱ nisaa̱n nda̱ꞌyo̱paa̱n já fariseoo̱, ko̱jo nisaa̱n nda̱ꞌyo̱paa̱n Erondee̱.

Rkaa̱ 16:14

Kó tsintꞌié kuí nii̱ já fariseoo̱, kui xota̱ xi achichí tsjá kamaá to̱o̱n, kó tsajnókie Kjisoo̱.

Rkaa̱ 18:11

Nda̱ fariseoo̱, kasasienkixi̱, kó bi̱ katsó nga tsíchji̱a̱a̱ Néná: “Na̱ꞌmi, tsjàa̱ ndokꞌóchjì ngatꞌa̱ an, jmí tsi bo̱a̱ kon an xikoó xota̱ xi ngasee̱ nga chejé, ko̱jo nga kixi̱jín, ko̱jo nga ndyi̱tsꞌèntꞌaa̱ kjo̱a̱ xkjín, ti̱nde bo̱a̱jín kón an xikoó kui nda̱ xi foaꞌáꞌyá to̱n xi machjítjé nii̱,

Rkaa̱ 7:30

ta̱nga já fariseoo̱ ko̱jo já chji̱ni̱e̱kjo̱a̱kitii̱, katsꞌénchꞌó ni xi mejeén Néná, nga kamámejénjiín nga Juaa̱ atíndá.

Juaa̱ 1:24

Kó xota̱ xi kanangiyaa̱ Juaa̱, já fariseo̱ boá.

Juaa̱ 8:44

Na̱ꞌmijnú xindajín ndiabloo̱ boá, kó ni xi mejeén xindajín kuí ni xi mejénjnú si̱ꞌánjnú. Ngaskande koó nga ítjatsꞌennii̱ nga̱sondiee̱ nga xindajín ini̱ma̱ tsꞌenkꞌién, ko̱jo ndiso, ngatꞌa̱ jmí ja̱koxi̱jiín. Kjiꞌanga chji̱a̱ éndísó, nii̱rí xí chji̱a̱, ngatꞌa̱ ndiso kuí, kó kuí boá xi na̱ꞌmii̱ kjo̱a̱ndisoo̱.

Juaa̱ 9:40

Tjín já fariseoo̱ xi síndojo̱ Kjisoo̱ nga tsintꞌié kuí nii̱, bi̱ katsó: –A xota̱ ti̱ka̱ ji̱n ndatsa ji̱n nga.

Ni xi kamá 15:5

Ta̱nga tjín xota̱ fariseo̱ xi je kisꞌijii̱n eén Néná xi jastjíe̱n, sꞌe̱ bi̱ katsó: –Chjiéngá si̱ꞌaa̱n sirkunsisioo̱n kui xota̱ xi je kisꞌijii̱n eén Néná xi jundío̱jiín, kó ꞌniú kꞌuijñáa̱ nga sa̱ꞌínkjatjosón kjo̱a̱kitii̱ Moisee̱.

Ni xi kamá 20:31

Kuíni nga ti̱ndyiondajnú, kó ti̱ꞌankjaꞌátsjienjnú nga ján nó kamána nga ni̱xtjin ko̱jo nga ni̱xtji̱e̱n nga askjandájo̱ májnúꞌun nga atixomájnúꞌun nga ngo nga ngojnú.

Ni xi kamá 26:5

Kó ti̱ be, kó ka̱ma ka̱tso̱yà tsi mejeén, nga ndeskande koó ngasꞌe̱ nga xikótsꞌèn ꞌniú kjo̱a̱kiti xi tjiín na̱ngo̱xi̱i̱ nga kisꞌijña an xikoó ngo nda̱ fariseo̱.

Ni xi kamá 5:17

Kó já ngito̱ko̱o̱ chináꞌmi xi ꞌniú nkꞌa xaá, ko̱jo xota̱ xi chji̱a̱ni já sanduseoo̱ kamáchi̱ni̱,

Xota̱ Roma̱ 1:18

Néná ndeskande ndiꞌakꞌajmi jàn bokóní kjo̱a̱xcha̱án kondra̱ tsi̱ꞌe̱ ngayeje xota̱ xi bendikónjín, ko̱jo xi ni xi kixi̱jín ndyi̱tsꞌèn ngindyi̱ko̱n. Kuí xotaa̱ xi ndyi̱ꞌbíchjaá nga xcha̱ ni xi ja̱koxi̱i̱.

Xota̱ Roma̱ 5:9

Ja̱ kuíni nga ngotꞌe̱ ꞌne̱, Néná kꞌo̱xiéꞌáná, tsi̱ꞌe̱ nga sa̱kójínná kjo̱a̱xcha̱án, ngatꞌa̱ jè xota̱ kixi̱ katsꞌénná ta̱ngatꞌanii̱ nga kꞌien Kristoo̱.

1 Xota̱ Tesalónika̱ 1:10

kó ndyi̱chiyájnúu̱ nga ndiꞌakꞌajmii̱ kji̱ndi̱báni ndií Néná, kui xi Néná katsꞌénkjaꞌáꞌyaá ngi̱jii̱n xota̱ xi je jesoón, kui xi Kjisoo̱, kui xi kꞌo̱xiéꞌáná ni̱xtjin nga kjo̱a̱xcha̱án Néná kji̱ndi̱bánié kui nga̱sondiee̱.

Xota̱ Ebreo̱ 11:7

Ta̱ngatꞌanii̱ kjo̱a̱sꞌijii̱n Noee̱ nga kjiꞌanga Néná katsóyaà ni xi sꞌe̱ ka̱ma xi nde kji̱e̱ yàjín, Noee̱ kamándikoón, kó katsꞌénkjatjosón nga katsꞌénda ngo tjotso xi je, tsi̱ꞌe̱ nga jatjoꞌa xota̱ ndiꞌaa̱, kó ta̱ngatꞌanii̱ kui kjo̱a̱sꞌijii̱n nga Noee̱, akó nga Néná sa̱ꞌínkjié xota̱ xi ngasee̱, kó Noee̱ kasakoo̱ kjo̱a̱kixi̱i̱, kui kjo̱a̱kixi̱ xi ndibánií nga sꞌijinná Néná.

Xota̱ Ebreo̱ 6:18

Kó Néná ndisojín, ngatꞌa̱ jó ni ni nga sasíkjojín kjo̱a̱a̱ ni xi katsóyàtjón nga tsja̱a ko̱jo nga katsjá tsꞌoa. Kó bo̱a̱ tsꞌén kꞌuiéná ngo ngaꞌniú xi ꞌniú, ngatꞌa̱ ñá mejénná nga Néná skónná, kó ꞌniátakón ñá nga ndyi̱chiyá nga kui xi tsja̱aná ni xi katsóyàtjónná.

1 Xo̱jo̱o̱n Juaa̱ 3:10

Bi̱ tsꞌén nga ya ꞌyání bo̱a̱ xi ndií Néná, kó ꞌyání bo̱a̱ xi ndií xindajín ndiabloo̱. Ta̱ꞌya xota̱ní xi tsꞌénkjátjosónjín kjo̱a̱kixi̱i̱ Néná ko̱jo xi tjójiín xota̱ xi ngasee̱, jmí tsi Néná chji̱a̱ni.