Matioo̱ 3:6 - Xo̱jo̱n eén Néná

⁶ kó Juaa̱ atíndá kui xotaa̱ ngi̱jii̱n ndejèꞌ Jorndaa̱n, kó kui xotaa̱ ki̱a̱ katsóyà jeé.

Matioo̱ 3:6 Iomraidhean Croise

Xo̱jo̱n Salmoo̱ 32:5

Ta̱nga kixiyaa jéna, kó iꞌmájaán ni ndajín xi katsꞌen an. Bi̱ kixian an: Xiyàa̱ Néná ni xi ndajín xi katsꞌen an. Kó jí boá xi kiniꞌínjetakínní kuí ni xi ndajiín jé xí katsꞌen an.

Énkjínkón 28:13

Xi ꞌbíꞌmá jé xi tsꞌén, jmíni̱xtjin nda ko̱e̱je̱e̱, ta̱nga kui xi ka̱tso̱yaa̱, kó ngiti̱ sa̱ꞌínjéjín, kuí boá xi sa̱ko̱ó kjo̱a̱jetakoón Néná.

Lebitiko̱ 16:21

Ngatꞌíjñasoón nga jó tsja to̱ko̱ kui cho̱o̱, kó nga tsáyà ngayeje jé xí katsꞌén xota̱ Israee̱l, kó bo̱a̱ tsꞌén nga kui tindsoo̱ xi si̱ꞌankaꞌa jeé xota̱ na̱xi̱ńdaá. Sꞌe̱ jaskan kui tindsoo̱ ki̱a̱ kongínjo̱ nangi kixií, tsi̱ꞌe̱ nga ko̱e̱je̱jo ngayeje jé xí katsꞌén xota̱ Israee̱l.

Xki̱ 5:7

kó chjiéngá bi̱ tsꞌén sa̱ꞌíndaya yojoo̱: ngatsjá ngajo nginií ni xi jaꞌáxiín kui xotaa̱, kó ngo tíkjá nga ún ngatásoón.

Matioo̱ 3:11

An, nga ja̱koxi̱, ndáfoa xí botindá án tsi̱ꞌe̱ nga si̱ꞌankꞌoyájnú yojojnú kjo̱a̱a̱ xikótsꞌèn tindyiónjnú, ta̱nga xi jaskan an ndibá, tjín ngasee̱ ngaꞌniú, kó nde tsoboájínna nga an kjuínjòo̱ tji̱xíndieé, kó kuí boá xi A̱si̱énni̱xtjii̱n Néná ko̱jo ndiꞌí xí ko̱tíndánijnú.

Markoo̱ 1:5

Kó ngayeje xota̱ xi tjín nangi Jundea̱, ko̱jo ngayeje xota̱ xi tjín na̱xi̱ńdáꞌniú Jerusale̱n, jataxie nga tsintꞌieé. Kó Juaa̱ atíndá kuí xotaa̱ ngi̱jii̱n ndejèꞌ Jorndaa̱n, kó ki̱a̱ katsóyà jeé.

Rkaa̱ 1:16

Kó kuí boá xi sa̱ꞌín nga kjín xota̱ xi chji̱a̱ni Israee̱l xi kjo̱e̱ꞌekón nginií Néná kui xi Ndi̱a̱a̱ kui xotaa̱.

Rkaa̱ 3:16

ta̱nga Juaa̱, bi̱ katsoó ngayeje kui xotaa̱: –An, nga ja̱koxi̱ ndáfoa xí botindá án, ta̱nga sꞌe̱ ndibá ngo xi tjín ngasee̱ ngaꞌniú ta̱bo̱a̱jiín án, kui xi ngaskande tsoboájínna nga an skjíndóo̱ ńꞌniuú tji̱xíndieé, kó kuí boá xi A̱si̱énni̱xtjii̱n Néná ko̱jo ndiꞌí xi ko̱tíndánijnú.

Ni xi kamá 1:5

Ngatꞌa̱ ja̱koxi̱ boá nga Juaa̱ ndáfoa atíndání xotaa̱, ta̱nga ngi chiboa ni̱xtjin, kó jún sa̱tíndánijnú A̱si̱énni̱xtjii̱n Néná.

Ni xi kamá 11:16

Kósꞌe̱ bo̱a̱ tsꞌén jaꞌátsjienna ni xi katsóna Ndi̱a̱ná: “Ja̱koxi̱ nga Juaa̱ ndáfoa xí atíndání, ta̱nga jún A̱si̱énni̱xtjii̱n Néná xí sa̱tíndánijnú.”

Ni xi kamá 19:18

Kó achichí kjín má xota̱ xi je kisꞌijii̱n eén Néná xí katsóyà ngindyi̱ko̱n xota̱ na̱xi̱ńdaá ngayeje ni xi ndajínkjiꞌi xi katsꞌén ngasꞌe̱.

Ni xi kamá 22:16

Kó ngotꞌe̱ ꞌne̱, ngiti̱ chiyéjín ngase, ti̱sítji̱n, tatíndé jí yojòo̱, kó taníjín ngayeje jée̱ nga si̱ꞌinkaxome ji jaꞌeén Néná.”

1 Xota̱ Korinto̱ 10:2

Kó bo̱a̱ tsꞌén ngayejee̱ nga nijan kamángo Moisee̱, xikoó tsi nijan kastindá ngi̱jii̱n kui ṉdi̱i̱, ko̱jo ngi̱jii̱n kui ndáchíkoón,

Xota̱ Kolosa̱ 2:12

Kó nga kastindájnú, jún jè nijan akjanijínjnú ko̱jo Kristoo̱, kó ti̱ bo̱a̱ tsꞌén nijan jaꞌáꞌyájnú ko̱jo kui nga, ngatꞌa̱ kisꞌijinjnú ngaꞌniuú Néná, kui xi katsꞌénkjaꞌáꞌyaá Kristoo̱ ngi̱jii̱n xota̱ xi je jesoón.

Xota̱ Ebreo̱ 6:2

ko̱jo kjo̱a̱a̱ kjo̱a̱bokoyá xi chji̱a̱ni nga botíndaá, ko̱jo kjo̱a̱a̱ nga ꞌbíjñasoón ndsa̱ xota̱ xi sꞌijii̱n Néná, ko̱jo kjo̱a̱a̱ kjo̱a̱foaꞌáꞌyaá xota̱ xi je jesoón, ko̱jo kjo̱a̱a̱ kjo̱a̱botíjé xí jmíni̱xtjin kju̱i̱e̱e̱.

Xota̱ Ebreo̱ 9:10

Kui kjo̱a̱botíxomaa̱ kjo̱a̱a̱ nichiniee̱, ni ꞌyoó ko̱jo xikótsꞌèn tsꞌéntsjie yojoo̱ xotaa̱ ngindyi̱ko̱n Néná tsí bo̱a̱, kui kjo̱a̱botíxomaa̱ chjírií ta̱nga ngaskande tsí nga Néná ko̱síkjo nii̱.

Xo̱jo̱o̱n Sandiyaá 5:16

Kuíni nga ja̱kꞌi̱e̱ ja̱ngaján tꞌíyájnúu̱ xingi̱jnú jé xí kiniꞌánjnú, kó ja̱kꞌi̱e̱ ja̱ngaján ndókjo̱a̱tjéjnú xingi̱jnú, tsi̱ꞌe̱ nga ka̱mandayajnú. Kjiꞌanga ngo xota̱ xi kixi̱ ku̱i̱chji̱a̱a̱ Néná tjínrií ngaꞌniú ni xi ku̱i̱chji̱a̱.

1 Xo̱jo̱o̱n Peé 3:21

Kuí ndáfoaa̱ xi akó tjón tjón xikótsꞌèn tsꞌaxiéꞌájnú ndáfoaa̱, ngatꞌa̱ kjiꞌanga satíndá ngi̱jin ndáfoaa̱, fotjoꞌa ñá ta̱ngatꞌanií nga jaꞌáꞌyaá Jesukristoo̱. Kjo̱a̱botíndaá jmí tsi kui xi tsꞌéntsjie yojoná, ta̱sá tsi̱ꞌe̱ nga ndyi̱mindyisé nga nda kꞌuijñá kjo̱a̱kjíntakónná ngindyi̱ko̱n Néná.

1 Xo̱jo̱o̱n Juaa̱ 1:9

Ta̱nga tsi ndyi̱niꞌánkié yojoná nga tjínná jé, ka̱ma ka̱maꞌniátakón ñá nga kixi̱ boá Néná, tsi̱ꞌe̱ nga sa̱ꞌínjetakón jéná ko̱jo nga sa̱ꞌíntsjiejónná ngayeje ni xi ndajín xi tikónjinná.