Matioo̱ 3:12 - Xo̱jo̱n eén Néná

¹² Jè tsꞌényaꞌa ngi̱ya tsja ni xi sa̱ꞌíntsjie to ndso̱ko̱a̱n ṉño̱paa̱n nga xín sa̱ꞌínkjaꞌa xtjieé. Kó kjo̱a̱ꞌátjó to ndso̱ko̱a̱n ṉño̱paa̱n ngi̱ndie nínga xi̱ndyiá, kó ku̱i̱ꞌítí xtjieé ngo ngi̱jii̱n ndiꞌí xi jmíni̱xtjin kꞌo̱.

Matioo̱ 3:12 Iomraidhean Croise

Joo̱b 21:18

Kji̱e̱ ngo ndi̱yà jè kamáyà nga tjo̱o̱ kijíjo̱ xikoó tsi ngo xtjié, ko̱jo tsi ngo tjo̱ꞌniú iskjifé.

Xo̱jo̱n Salmoo̱ 1:4

Ta̱nga xota̱ xi ꞌniú ndajiín, bo̱a̱jín maá kui, ¡kuí boá xi bo̱a̱ maa̱ xikoó xtjié xí fíjo̱ tjo̱o̱!

Xo̱jo̱n Salmoo̱ 35:5

¡Bo̱a̱ ngatamaa̱ xikó maá xtjié xí fíjo̱ tjo̱o̱! ¡Kó ndítsjiee̱ Néná tsá ngatangatji̱ngii̱!

Matioo̱ 13:30

Ta̱sá te̱ꞌéndièjnúu̱ nga nijan ngatamaxchá ngaskande nga je ka̱ma ko̱ꞌna̱je̱n to ndso̱ko̱a̱n ṉño̱paa̱n, kósꞌe̱ kjiꞌa bi̱ xiáa̱n já xí kꞌo̱je̱n: Tjón mára tꞌítikójnú xka̱ xi ndajiín, sꞌe̱ tꞌíꞌniújnú tsi̱ꞌe̱ nga kꞌuití, kó to ndso̱ko̱a̱n ṉño̱paa̱n ngi̱ya ndiꞌa nínga mindyia tindyiàjnú.»

Matioo̱ 13:41

kó ndií nda̱ xi̱ꞌii̱n sa̱ngíyá ndítsjiee̱, kó kjo̱a̱ꞌáxín ki̱a̱ nínga botixómá ngayeje kui xota̱ xi ta̱ngatꞌanii̱ kui nga kje̱ꞌe xí tsꞌénjé, ko̱jo xi ndyi̱tsꞌèn ni xi ndajiín,

Matioo̱ 13:42

kó ngo ngi̱ya orjno̱ xi tjítí ko̱na̱ngísꞌién, kó ki̱a̱ boá nínga skja̱ndá ko̱jo nínga skji̱ni̱e̱ya ṉꞌni̱u̱ kui xotaa̱.

Matioo̱ 13:43

Kósꞌe̱ ngayeje xota̱ xi kixi̱i̱ kꞌuieé ndiꞌí xikoó tsꞌueé ki̱a̱ nínga botixómá Na̱ꞌmii̱. Xi tjín tji̱bo̱a̱nijon nga ku̱i̱ntꞌiè, ngatasiénníjón kui eén.

Rkaa̱ 3:16

ta̱nga Juaa̱, bi̱ katsoó ngayeje kui xotaa̱: –An, nga ja̱koxi̱ ndáfoa xí botindá án, ta̱nga sꞌe̱ ndibá ngo xi tjín ngasee̱ ngaꞌniú ta̱bo̱a̱jiín án, kui xi ngaskande tsoboájínna nga an skjíndóo̱ ńꞌniuú tji̱xíndieé, kó kuí boá xi A̱si̱énni̱xtjii̱n Néná ko̱jo ndiꞌí xi ko̱tíndánijnú.

Rkaa̱ 3:17

Jè tsꞌényaꞌa ngi̱ya tsja ni xi sa̱ꞌíntsjie to ndso̱ko̱a̱n ṉño̱paa̱n nga xín sa̱ꞌínkjaꞌa xtjieé. Kó kjo̱a̱ꞌátjó to ndso̱ko̱a̱n ṉño̱paa̱n ngi̱ndie nínga xindyiá, kó ku̱i̱ꞌítí xtjieé ngo ngi̱jii̱n ndiꞌí xí jmíni̱xtjin kꞌo̱.

Juaa̱ 15:2

Ngayeje tjia xi tjiín yojona xi jmí to tsjájín, na̱ꞌmina kjo̱a̱ꞌáxín, kó ngayeje tjia xi tsjá to, sa̱ꞌíntsjie tsi̱ꞌe̱ nga kjín ngase to tsja.