Matioo̱ 27:2 - Xo̱jo̱n eén Néná

² kó ítaꞌniú nga kijíjo̱, sꞌe̱ kiniꞌánkꞌasꞌiee̱n nda̱ xtitjón Ponsio Pilatoo̱.

Matioo̱ 27:2 Iomraidhean Croise

Jenesii̱s 22:9

Kó nga jachó ngi̱ndie xi katsoó Néná, Abraa̱n ki̱a̱ katsꞌénda ngo ṉchandikón, kó ki̱a̱ índonda chikiín tsi̱ꞌe̱ nga ku̱i̱ꞌítí, kó ítaꞌniú tsja Isaa̱, sꞌe̱ yíjñasón nga̱soón chikín xí síndo nga̱soón ṉchandikoón.

Matioo̱ 20:19

kó si̱ꞌankꞌasꞌiee̱n xota̱ xi jundío̱jín, tsi̱ꞌe̱ nga ko̱jno̱kie, ko̱jo ko̱ꞌon, ko̱jo ko̱ótꞌa kro, ta̱nga xi ma jaán ni̱xtjin kjo̱a̱ꞌáꞌyaá.

Matioo̱ 28:14

Kó tsi ku̱i̱ntꞌiè kuí nii̱ nda̱ xtitjoón, ji̱n xí yàjne̱ kó kꞌuínjne̱, kó jmí kjo̱a̱xti kꞌuiéjínjnú.

Rkaa̱ 13:1

Ti̱ kuii̱ ni̱xtjin ki̱a̱a̱, tjín já xí katsóyaà Kjisoo̱ nga nda̱ xtitjón xi chji̱a̱ni Roma̱ xi ꞌmí Pilatoo̱, kjín xò má xota̱ xi chji̱a̱ni nangi Ngalilea̱ xi katsꞌénkꞌién, kó jiín ki̱a̱ xò katsꞌénkꞌájii̱n cho̱ xi katsꞌénkꞌién nga katsꞌénkꞌasꞌien kjo̱a̱tjó.

Rkaa̱ 20:20

Kó kanangiyachoo̱n xota̱ xi askondá, xi ti̱xꞌi̱a̱n xota̱ xi kixi̱ sa̱ꞌín yojoo̱, tsi̱ꞌe̱ nga ku̱i̱ntꞌiè ngo én xí ndajín xi ka̱tso̱, kó bo̱a̱ tsꞌén sa̱ꞌínkꞌasꞌien Kjisoo̱ ngi̱ya ngaꞌniuú, ko̱jo xaá nda̱ xi xtitjoón kui ngi̱ndiee̱.

Rkaa̱ 23:1

Kó nga jastjíe̱n ngayeje xota̱ kjiín, tsangínjo̱ Kjisoo̱ ngindyi̱ko̱n xtitjón Pilatoo̱.

Rkaa̱ 23:12

Kó Erondee̱ ko̱jo Pilatoo̱ kamátjoó xkjín kuí ni̱xtjii̱n, ngatꞌa̱ kamáchꞌómararií xkjín ngasꞌe̱.

Rkaa̱ 3:1

Nó tjiꞌún nga kisꞌijña xá nda̱ xi ꞌmí Tiberio̱ Sesaa̱, nda̱ xi ꞌmí Ponsio Pilatoo̱ kisꞌijña xtitjoón nangi Jundea̱, Erondee̱ atíxoma nangi Ngalilea̱, kó ntsꞌi̱e̱ xi ꞌmí Ngiripee̱ atíxoma nangi Iturea̱ ko̱jo Trakonite̱, kó Lisaniaa̱ atíxoma nangi Abilene̱,

Juaa̱ 18:12

Kósꞌe̱ jájuún nda̱ ngito̱ko̱o̱ jájuún, ko̱jo jájún xi konda ndiꞌaa̱ já jundíoo̱ katsoboá Kjisoo̱, kó ítaꞌniú,

Juaa̱ 18:24

Sꞌe̱ Anàa̱ ta̱kó tjitáꞌniuú Kjisoo̱ nga katsangiya nínga tikón nda̱ xi ꞌmí Kaifaa̱, nda̱ chináꞌmi xi ꞌniú nkꞌa xaá.

Juaa̱ 18:28

Tsangínjo̱ Kjisoo̱ ngindyi̱ko̱n Kaifaa̱, ki̱a̱ ndiꞌa nínga niꞌánjeé xotaa̱, nínga tikón nda̱ xtitjón xi chji̱a̱ni Roma̱. Kó kui jaá tsꞌasꞌienjín ndiꞌa nínga niꞌánjeé xotaa̱, tsi̱ꞌe̱ nga ka̱ma ndándíjín, kó bo̱a̱ tsꞌén ka̱ma skji̱ni̱e̱ ṉño̱o̱ sꞌué paskuaa̱.

Ni xi kamá 12:6

Kó ngo ni̱xtji̱e̱n ngindiee̱ nga Erondee̱ sa̱ꞌínjeé Peé ngindyi̱ko̱n xota̱ na̱xi̱ńdaá, Peé kjiꞌifé ngamasiee̱n jó jájún, nga tjitáꞌniú jó ńꞌniúki̱cha̱, tji̱e̱nga jájún xi ngasee̱ ndyi̱konda nga̱ntjo̱a̱ ndo̱bo̱a̱ya̱à.

Ni xi kamá 21:33

Kósꞌe̱ nda̱ ngito̱ko̱o̱ jájuún kijíkóntiñaa̱, kó katsoboá Pabloo̱, sꞌe̱ katsjaákjo̱a̱ jájuún nga jó ńꞌniúki̱cha̱ ikꞌítꞌaꞌniú, kó asíyá ꞌyá kuií bo̱a̱, ko̱jo mí ni xi katsꞌén.

Ni xi kamá 22:25

Ta̱nga ngije tjitáꞌniú tsi̱ꞌe̱ nga kjoaá, Pabloo̱ bi̱ katsó nga asíyaá nda̱ ngito̱ko̱o̱ jájuún xi nkꞌa ngase xaá xi tikónjin ki̱a̱a̱: –A tsjandièjnú kjo̱a̱kitii̱ nga ka̱ma kjoájnúu̱ ngo nda̱ Roma̱, kó ngase nga kji̱e̱ sakójínjnú ngo jé xí katsꞌén.

Ni xi kamá 22:29

Ta̱nga ngije bo̱a̱ katsó, kui já xí ko̱ꞌon Pabloo̱ katsaki, tji̱e̱nmá kitsjuien, kó ngaskande ti̱ kui nda̱ ngito̱ko̱o̱ jájuún, ngije tsintꞌié nga Pabloo̱ nda̱ Roma̱ boá, katsakjónní ngatꞌa̱ ngaskande ńꞌniúki̱cha̱ má ikꞌítꞌaꞌniú.

Ni xi kamá 24:27

Jó nó jaꞌa nga bo̱a̱ kamá, sꞌe̱ Firii̱ jaskan je xaá, kó ngajoo̱ kisꞌijña nda̱ xi ꞌmí Porsio Festoo̱, kó Firii̱ kamámejeén nga nda kisꞌijñajo̱ xota̱ jundíoo̱, kuíni nga ndo̱bo̱a̱yà íjñára Pabloo̱.

Ni xi kamá 28:20

Kó kuíni nga tsíchji̱a̱ yejejnúꞌun jún, tsi̱ꞌe̱ nga skuiejnúꞌun kó xiyàjnúꞌun, ngatꞌa̱ ta̱ngatꞌanii̱ kui ni xi ndyi̱chiyáa̱ ñá xí xota̱ Israee̱l, kó kuíni nga bi̱ tsꞌén tjitáꞌniú án kꞌi̱e̱e̱.

Ni xi kamá 3:13

Néná xí tsi̱ꞌe̱ Abraa̱n, ko̱jo xi tsi̱ꞌe̱ Isaa̱, ko̱jo xi tsi̱ꞌe̱ Jako̱b, Néná xí tsi̱ꞌe̱ xota̱ tji̱e̱ xcháná, kui xi katsjaá kjo̱a̱je Kjisoo̱, kui xi ndií, kui nda̱ xi jún kiniꞌánkꞌasꞌienjnú ko̱jo xi kiniꞌánchꞌójnú ngindyi̱ko̱n xtitjón Pilatoo̱, kjiꞌanga ja̱bo̱a̱ je bo̱a̱ katsó nga ku̱i̱ꞌíjñandé.

Ni xi kamá 4:27

Ngatꞌa̱ nga ja̱koxi̱ nga ngo tjín katsꞌén yojoo̱ Erondee̱, ko̱jo Ponsio Pilatoo̱, ko̱jo xota̱ xi Israee̱ljín, ko̱jo xota̱ Israee̱l, kꞌi̱e̱ kui na̱xi̱ńdáꞌniuú nga kondra̱ kijií nda̱ tsjie, ko̱jo moso̱ xi ꞌmí Kjisoo̱, kui xi ji kachjeꞌéjin ji nga Kristoo̱ ka̱ma,

Ni xi kamá 9:2

kó jachókíꞌá ngo xo̱jo̱n tsi̱ꞌe̱ nga ko̱e̱ꞌéndieè nga ko̱e̱je̱ ki̱a̱ ndiꞌa nínga ndokjo̱a̱ eén Néná xi tjín na̱xi̱ńdáꞌniú Ndamasko̱, kó nga ko̱ngase xi chjo̱on xí xi̱ꞌin xi tjimátji̱ngi ndi̱yà tja̱tsi̱e̱e̱ Néná, tsi̱ꞌe̱ nga ko̱e̱je̱jo ndo̱bo̱a̱yà ki̱a̱ na̱xi̱ńdáꞌniú Jerusale̱n.

1 Timoo̱ 6:13

Be Néná kui xi katsjaá kjo̱a̱mindyion ngayeje ni xi tjiín, kó ti̱ be Jesukristo̱ xi katsóyà ꞌyání kui, kjiꞌanga akatíjeé ngindyi̱ko̱n Ponsio Pilatoo̱, nga an tsꞌénbotixomaa̱ ji kui nii̱,

2 Timoo̱ 2:9

Kó ta̱ngatꞌanii̱ kui éntjatsi̱e̱e̱ nga tjítsꞌenchíkjo̱a̱ an tsie kjo̱a̱ni̱ma̱, ngaskande nga tjítꞌa an ngo ńꞌniúki̱cha̱ xikoó ngo nda̱ xi tjiín jé, ta̱nga eén Néná tjitáꞌniújín.

Xota̱ Ebreo̱ 13:3

Ngatjaꞌátsjienjnú nga ko̱si̱ko̱jójnú xota̱ xi síndoyá ndo̱bo̱a̱ya̱à, xikó maá tsi jún nijan tindyionjo̱jnú ndo̱bo̱a̱yà, ko̱jo ti̱ ngatjaꞌátsjienjnú nga ko̱si̱ko̱jójnú xota̱ xi ndajín tjíniꞌánjo̱o̱ nga, xikó maá tsi jún xi bo̱a̱ kjimataꞌinjnú.