Matioo̱ 24:3 - Xo̱jo̱n eén Néná

³ Kó kjiꞌanga Kjisoo̱ tikónndo nínga tikón tji̱ngi̱ nínga tjín yáꞌoliboo̱, xota̱ tsi̱ꞌe̱ jachókoón, sꞌe̱ tsíchji̱a̱jo soboá, nga bi̱ katsoó: Tꞌíyéjne̱, kjiꞌání nga ka̱ma kui nii̱, kó mí chi̱bo̱a̱ xi sꞌi̱jña nga kji̱ndi̱bé ji, ko̱jo nga kju̱i̱e̱ nga̱sondiee̱.

Matioo̱ 24:3 Iomraidhean Croise

Matioo̱ 13:36

Kósꞌe̱ ngije katsꞌénkjí Kjisoo̱ xotaa̱, tsꞌasꞌien ngi̱ya ndiꞌaa̱, kó xota̱ tsi̱ꞌe̱ kijíkóntiñaa̱, sꞌe̱ bi̱ katsoó: –Tꞌíyé cha̱n cha̱njne̱ kjo̱a̱a̱ ni xi mejeén tsó énkjiín xka̱ xi ndajín xi ikꞌítji̱e̱ ngi̱jii̱n jno̱o̱.

Matioo̱ 13:49

Bo̱a̱ ti̱ ka̱ma nga kju̱i̱e̱ nga̱sondiee̱: Kji̱ndi̱bá ndítsjiee̱, kó kjo̱a̱ꞌájin xota̱ xi kixi̱i̱, kó xín ku̱i̱ꞌíndo xota̱ xi ndajiín,

Matioo̱ 15:12

Kósꞌe̱ xota̱ tsi̱ꞌe̱ Kjisoo̱ jachókón tiñaa̱, kó bi̱ katsoó: –A je kamákjiín jí nga tsjajín kamaá já fariseoo̱ kjo̱a̱a̱ ni xi kase.

Matioo̱ 16:27

Ngatꞌa̱ ndií nda̱ xi̱ꞌii̱n, kji̱ndi̱bá nga kji̱ndi̱bájo̱ kjo̱a̱jee̱ Na̱ꞌmii̱ ko̱jo ndítsjiee̱, kó kjiꞌá boá nga tsja̱á nga ngo nga ngo xotaa̱ ta̱ xikó kjiꞌi ni xi katsꞌén.

Matioo̱ 16:28

Ja̱koxi̱ ni xi xiánjnúꞌun, nga tjín káꞌá xi síndojinná kꞌi̱e̱e̱, xi ko̱yàjín tsi tjónjín sku̱i̱e̱ nga ndií nda̱ xi̱ꞌii̱n kjo̱e̱ꞌekatixómá.

Matioo̱ 17:19

Kósꞌe̱ xota̱ tsi̱ꞌe̱ Kjisoo̱ tsíchji̱a̱jotꞌaxín Kjisoo̱, kó bi̱ katsó nga asíyaá: –Ánní nga ji̱n kamájínjne̱ kaꞌnaxiéjne̱ kui a̱siénni̱xtjin xi ndajiín.

Matioo̱ 21:1

Kó ngije ma kjachó tiña na̱xi̱ńdáꞌniú Jerusale̱n, jachó na̱xi̱ńdáꞌniú Betfaje̱, kó ki̱a̱ kisꞌińdo tji̱ngi̱ nínga tjín yáꞌoliboo̱, kó Kjisoo̱ katsangiya jó xota̱ tsi̱ꞌe̱,

Matioo̱ 24:27

Ngatꞌa̱ xikó maá nga foaꞌatꞌe nga ꞌbítsi̱yanii̱ nínga fotjo tsꞌueé, sꞌe̱ fetꞌanii̱ nínga ꞌbotjé, bo̱a̱ má ka̱ma ni̱xtjin nga kjo̱e̱ꞌe ndií nda̱ xi̱ꞌii̱n.

Matioo̱ 24:30

Kósꞌe̱ kjiꞌá boá nga xcha̱ chi̱bo̱a̱ xi ko̱kó nga je kjo̱e̱ꞌe ndií nda̱ xi̱ꞌii̱n, kó achichí stsa̱kjonní ngayeje xtín xota̱ xi tjín kui tꞌanangii̱ nga skja̱ndá, kó sku̱i̱e̱ ndií nda̱ xi̱ꞌii̱n nga ngo ṉdi̱ kji̱ndi̱bájinni ndiꞌakꞌajmi jàn, kó achichí ngaꞌniú kꞌuieé ko̱jo tsie kjo̱a̱jee̱ kjindibájo̱,

Matioo̱ 24:37

Ngatꞌa̱ xikó kamá ni̱xtjin nga kisꞌijña Noee̱, bo̱a̱ má ka̱ma nga kjo̱e̱ꞌe ndií nda̱ xi̱ꞌii̱n.

Matioo̱ 24:39

kó kamákjínjiín kui xotaa̱ ngaskande nga kjindibá stsé ꞌniuú, sꞌe̱ jesón ngándá ngayejee̱, bo̱a̱ má ka̱ma nga kjo̱e̱ꞌe ndií nda̱ xi̱ꞌii̱n.

Matioo̱ 24:43

Ta̱nga ngatamakjínjnú kui nii̱: Tsi nda̱ xi tsi̱ꞌe̱ ndiꞌaa̱ sku̱i̱e̱ mí chi̱bo̱a̱ nga kjo̱chó chejeé ndiꞌaa̱, nde kjóféjín, kó nde tsja̱ndièjínraa̱ nga kꞌo̱sꞌien chejeé tsobo̱a̱.

Matioo̱ 28:20

kó takoyajnúu̱ nga sa̱ꞌínkjatjosón ngayeje ni xi akoyájnúꞌun, kó an ngatsjéni̱xtjin kotíjña̱jojnúꞌun, ngaskande nga kju̱i̱e̱ nga̱sondiee̱. Bo̱a̱ kjiꞌi.

Rkaa̱ 21:7

Kó bi̱ kiꞌmií Kjisoo̱: –Mostro̱, kjiꞌání nga ka̱ma kui nii̱. Kó mí chi̱bo̱a̱ xi sꞌi̱jña ngije ma ka̱ma kui nii̱.

Ni xi kamá 1:7

Kó Kjisoo̱, bi̱ katsoó kui jaá: –Júnjín tsoboájnú nga xcha̱jnú chi̱bo̱a̱, ko̱jo ni̱xtjin nga sa̱ꞌínkjatjosón Na̱ꞌmii̱ ni xi je índa, ni xi ngototo kui botixómaá nga sa̱ꞌín,

Xota̱ Ebreo̱ 9:26

Tsi bo̱a̱ kamá, Kristoo̱ achichíra̱ kjín ndi̱yà kꞌien, ndeskande koó nga kijítjatsꞌee̱n kui nga̱sondiee̱, ta̱nga ngotꞌe̱ ꞌne̱, ngije kjifetꞌaa̱ ni̱xtjii̱n, Kristoo̱ ta̱ ngo tsí ndi̱yà jeꞌe, nga ti̱ kuii̱ katsjá yojoo̱ nga kiniꞌánkꞌién tsi̱ꞌe̱ nga kjo̱a̱ꞌáxín jeé.