Matioo̱ 23:7 - Xo̱jo̱n eén Néná

⁷ ko̱jo mejeén nga ndikóntsꞌèn si̱ꞌantindé ndi̱tse̱e̱n, ko̱jo nga xotaa̱ mostro̱ ka̱tso̱o̱.

Matioo̱ 23:7 Iomraidhean Croise

Matioo̱ 11:16

Ta̱nga, mí xí bo̱a̱ má kón, xi kókón kui xota̱ xi tjín kuí ni̱xtjin xi̱ꞌbi̱. Bo̱a̱ má kón xikoó já xo̱ngò xí síndo ngi̱ya ndi̱yàtié xi bi̱ ndyi̱tsó nga ndyi̱kjandàyaá xkjín:

Matioo̱ 23:8

Ta̱nga jún ngata̱ chiyájínjnúu̱ nga mostro̱ ka̱tso̱jnú xotaa̱, ngatꞌa̱ ta̱ ngo tsí má Mostroo̱, kó ngayejejnú ta̱ ngo ntsꞌiejnú.

Matioo̱ 26:25

Kósꞌe̱ bi̱ katsó Jundaa̱, nda̱ xi katsꞌénkꞌasꞌien Kjisoo̱: –A án boá Mostro̱. Sꞌe̱ Kjisoo̱, bi̱ katsó: –Ti̱ jíní xi bo̱a̱ kase ji.

Matioo̱ 26:49

Kó Jundaa̱ tji̱e̱nmá jachókón tiñaa̱ Kjisoo̱, kó bi̱ katsoó: –¡Tinde Mostro̱! Kó ngo ndsó katsjaá tꞌanijon.

Markoo̱ 10:51

Kó Kjisoo̱, bi̱ katsó nga asíyaá: –Mí ni xi mejeén nga sa̱ꞌin an nganda tse̱. Sꞌe̱ nda̱ ti̱ka̱a̱, bi̱ katsó: –Mostro̱, mejénna nga ka̱matsijenna.

Markoo̱ 11:21

Kósꞌe̱ Peé jaꞌátsjiee̱n ni xi kamaá, sꞌe̱ bi̱ katsoó Kjisoo̱: –Ji Mostro̱, jànꞌa̱n kui yáꞌingo̱ xi kiniꞌínxchínje̱ je kixí.

Markoo̱ 12:38

Kó bi̱ katsó ngase Kjisoo̱ nga akóyá eén Néná: –Chónjnú já chji̱ni̱e̱kjo̱a̱kitii̱, ngatꞌa̱ achichí tsjá máa nga ꞌbítso̱ma nga boajá ńjñondio tsjakon, kó tsja máa nga ndikóntsꞌèn niꞌántinde nínga síndo ndi̱tse̱n,

Markoo̱ 14:45

Kó Jundaa̱ nga jachókón tiñaa̱ Kjisoo̱, kó bi̱ katsoó: –¡Mostro̱, Mostro̱! Kó ngo ndsó katsjaá tꞌanijon.

Markoo̱ 9:5

Kósꞌe̱ Peé, bi̱ katsoó Kjisoo̱: –Mostro̱, ¡ata̱ ndakjíꞌí nga kꞌi̱e̱ tindyión xtín! Ka̱ma si̱ꞌanda ján ndiꞌańkꞌién: Ngo tse̱, ngo tsi̱ꞌe̱ Moisee̱, sꞌe̱ ngo tsi̱ꞌe̱ Eliyaa̱.

Rkaa̱ 11:43

¡Ni̱ma̱ xò jún já fariseo̱! Nga tjójnú kui yáxíríe̱ xi tjón síndo ndiꞌa nínga ndokjo̱a̱ eén Néná, ko̱jo mejénjnú nga ndikóntsꞌèn si̱ꞌantindéjnú ndi̱tse̱e̱n.

Juaa̱ 1:38

Kó nga katsꞌénkꞌafóyá Kjisoo̱, nga kamábe já xí yajángií, bi̱ katsó: –Mí xí ndyi̱mindyiséjnú. Sꞌe̱ kui jaá bi̱ katsó: –Rabí (Mostro̱ tsó kui eén), ñání tindyin ji.

Juaa̱ 1:49

Sꞌe̱ bi̱ katsó Natanaee̱l: –Mostro̱, jí xí ndií Néná, jí xí nda̱ Ree̱ Israee̱l.

Juaa̱ 11:8

Kó xota̱a̱ Kjisoo̱, bi̱ katsó: –Mostro̱, a foaꞌátsjienjiín nga xota̱ jundíoo̱ kamámejeén tsꞌayaa̱ ndi̱jo̱, kó a ti̱ mején nginií kꞌuin jí ki̱a̱a̱.

Juaa̱ 20:16

Sꞌe̱ bi̱ katsó nginí Kjisoo̱: –¡Na̱ Riya̱! Katsꞌénkꞌafóyá nginí na̱ Riyaa̱, kó bi̱ katsoó nga tsíchji̱a̱jo én ebreo̱: –¡Raboni! (Mostro̱, tsó kui eén).

Juaa̱ 3:2

kui nda̱a̱ kijíkatsijee̱n Kjisoo̱ nga jñoó, kó bi̱ katsoó: –Mostro̱, jè yàjne̱ nga Néná katsangiyaa ji nga mostro̱ ji, ngatꞌa̱ jmíjín xi sa̱ꞌín kui chi̱bo̱a̱ ndikón xí niꞌín ji tsi Nénájín tikónjo̱.

Juaa̱ 3:26

Kó kui jaá kijíkoón Juaa̱, kó bi̱ katsoó: –Mostro̱, kui nda̱ xi tikónjoo̱ ji xi ingoboaá ndejèꞌ Jorndaa̱n kui xi kandokjo̱e̱jejne̱, tsꞌénbotíndá, kó ngayeje xota̱ xi ndyi̱fochókoón.

Juaa̱ 4:31

Tji̱e̱nga kjima kui nii̱, xota̱ tsi̱ꞌe̱ índasee̱n Kjisoo̱, nga bi̱ katsoó: –Mostro̱, chi̱ni chií nichinie.

Juaa̱ 6:25

Kó nga kasakoo̱ Kjisoo̱ xi ingoboaá ndáchíkoón, bi̱ katsoó: –Mostro̱, kjiꞌání jéꞌe̱ ji kꞌi̱e̱e̱.

Juaa̱ 9:2

Kó xota̱ tsi̱ꞌe̱, bi̱ katsoó Kjisoo̱: –Mostro̱, kjo̱a̱a̱ nga ti̱ka̱ kui nda̱a̱ nga katsen, a kuí nda̱a̱ xi katsꞌénjé, axa̱ xi xchaári.