Matioo̱ 2:2 - Xo̱jo̱n eén Néná

² kó bi̱ katsó nga asíyá: –Ñá tikón re xi tsi̱ꞌe̱ xota̱ jundío̱ xi je katsee̱n. Ngatꞌa̱ kamáyà ji̱n nga jatjo ńñoo, xtji̱e̱e̱n nínga fotjo tsꞌueé, kuíni nga jéꞌe̱niꞌándikón ji̱n.

Matioo̱ 2:2 Iomraidhean Croise

Xo̱jo̱n Salmoo̱ 2:6

Kó bi̱ tsó Néná nga mindyiandíkoón: «Án má xi je jaꞌajin an ngo re xi ko̱tíxoma ki̱a̱ tji̱ngi̱ Sioo̱n, kui xi na̱xi̱ ndikónna».

Xo̱jo̱n Salmoo̱ 45:11

Ree̱ ka̱mamejeén kjo̱a̱tsjakjiꞌii̱ yojòo̱, che̱ndikín jí, ngatꞌa̱ kuí boá xi Ndi̱a̱a̱ ka̱ma.

Xki̱ 24:17

»Ni xi akóna Néná, kji̱e̱ fotjosónjín, sꞌe̱ tsí ka̱ma kui nii̱. Sꞌe̱ kꞌuijñá ngo nda̱ re ki̱a̱ na̱xi̱ńdá Israee̱l, kui xi ꞌna̱ ka̱ma xikoó ngo ńño. Kuí boá xi sa̱ꞌiín nga skjánjo̱ xotaa̱ nangi Moaa̱b, kó sa̱ꞌínkjié kui xi je ki̱a̱ katsꞌén ndiꞌaa̱ nangi kjitiyaa̱.

Matioo̱ 2:3

Nga tsintꞌié kuí nii̱ nda̱ re Erondee̱, achichí nda̱ kamaá kui ko̱jo ngayeje xota̱ na̱xi̱ńdáꞌniú Jerusalee̱n.

Matioo̱ 21:5

Bi̱ tꞌínjnúu̱ xota̱ na̱xi̱ńdáꞌniú Jerusale̱n: «Jànꞌa̱n, ki̱a̱ tsꞌéndibákoón nda̱ Rée̱, nda̱ xi ntꞌiéꞌeén, kó ngo bórró tikónsoón, ngo ndí bórró, ndií cho̱ xi bonkꞌá chꞌià.»

Matioo̱ 27:11

Kó Kjisoo̱ jachó kje̱n nda̱ xtitjón xi ꞌmí Pilatoo̱, kó kui nda̱a̱, bi̱ katsó nga asíyaá Kjisoo̱: –A jí xí nda̱ Ree̱ xota̱ jundíoo̱ ji. Sꞌe̱ Kjisoo̱, bi̱ katsó: –Ja̱ bo̱a̱ kjiꞌi ni xi tꞌísé ji.

Rkaa̱ 19:38

bi̱ katsó nga askjandáyà: –¡Ngatamachikonñé nda̱ re xi kjindibáni ngajoo̱ Ndi̱a̱ná, xió ngatjaꞌbé ndiꞌakꞌajmii̱, kó ngatꞌieé kjo̱a̱je Néná nkꞌa jàn!

Rkaa̱ 2:11

Nga ngotꞌe̱ ꞌne̱ je katsen na̱xi̱ńdáꞌniuú Ndabii̱ ngo xi kꞌo̱xiéꞌájnú, kui xi KRISTOO̱, xi Ndi̱a̱jnú.

Rkaa̱ 23:3

Kósꞌe̱ Pilatoo̱, bi̱ katsó nga asíyaá: –A jí xí nda̱ Ree̱ xota̱ jundíoo̱ ji. Kó Kjisoo̱, bi̱ katsó: –Ja̱ bo̱a̱ kjiꞌi ni xi tꞌísé ji.

Rkaa̱ 23:38

Kó to̱ko̱ kroo̱ kisitꞌa ngo yátie xi bi̱ tsó: “KUI XI̱ꞌBI̱ XI NDA̱ REE̱ XOTA̱ JUNDÍOO̱.”

Juaa̱ 1:49

Sꞌe̱ bi̱ katsó Natanaee̱l: –Mostro̱, jí xí ndií Néná, jí xí nda̱ Ree̱ Israee̱l.

Juaa̱ 12:13

kó iskjíbé tjiaa̱ xka̱jèn, sꞌe̱ jataxie nga kijíkjaꞌáyíndi̱yà Kjisoo̱, kó bi̱ katsó nga askjandáyà: –¡Néná ngatꞌaxiéꞌáná! ¡Ngatamachikonñé xi ndibání ngajoo̱ Ndi̱a̱ná, nda̱ Ree̱ Israee̱l!

Juaa̱ 18:37

Sꞌe̱ bi̱ katsó nginí Pilatoo̱: –Áa̱n, ja̱ re jí tsobo̱a̱. Sꞌe̱ Kjisoo̱, bi̱ katsó: –Jí xí bo̱a̱ tꞌísé nga re an. Ja̱ kuí xá katsen an, kó ja̱ kuíni nga jéꞌe̱ an kui nga̱sondiee̱, tsi̱ꞌe̱ nga xiyà an ngayeje ni xi ja̱koxi̱i̱. Ngayeje xota̱ xi chji̱a̱ni ni xi ja̱koxi̱i̱, ntꞌié nda̱na.

Juaa̱ 19:19

Kó Pilatoo̱ ngo yátie katsꞌénꞌindó xi íjñaá nkꞌaa̱ kro xi kisitꞌa Kjisoo̱, xi bi̱ tsó én xí kisitꞌaa̱: “KJISO̱ NDA̱ XI CHJI̱A̱NI NASAREE̱T, NDA̱ REE̱ XOTA̱ JUNDÍOO̱.”

Juaa̱ 20:28

Sꞌe̱ Tomaa̱, bi̱ katsó: –¡Jí xí Ndi̱a̱na ji, kó jí xí Néná jí!

Juaa̱ 5:23

tsi̱ꞌe̱ nga ngayeje xota̱ sku̱i̱e̱ndikón ndií xikótsꞌèn bendikón Na̱ꞌmii̱. Xi bendikónjín ndií, bendikónjín Na̱ꞌmi xi katsangiya kui nga.

Juaa̱ 9:38

Kó bi̱ katsó kui nda̱a̱: –Sꞌijinna Ndi̱a̱. Kó katsꞌéndikón.

Xota̱ Ebreo̱ 1:6

Kó kjiꞌanga katsangiya ndí xí tjoón kui nga̱sondiee̱, bi̱ katsó: Ngayeje ndítsjiee̱ Néná ngatsꞌéndíkón.

Ni xi akakoo̱ 22:16

–An, Kjisoo̱, katsangiya an ndítsjiena tsi̱ꞌe̱ nga ka̱tso̱yaa̱ ngayeje kui nii̱ ngayeje xota̱ na̱ngo̱xi̱i̱. Án boá xi ja̱ma̱a̱ ko̱jo xi xota̱ tji̱e̱e̱ Ndabii̱, án boá xi ńño ꞌna̱ xi ꞌbíjñá nga ndibáꞌásie̱én.