Matioo̱ 18:10 - Xo̱jo̱n eén Néná

¹⁰ Tsitsíjenjnúu̱ nga ngojín xi sa̱ꞌínchꞌó ngo kui ndí jákjíndií, ngatꞌa̱ xiyàjnúꞌun nga ndiꞌakꞌajmi jàn ndítsjiee̱ kui kotsijen síkijií kje̱n Na̱ꞌmina xi tikón ndiꞌakꞌajmi jàn.

Matioo̱ 18:10 Iomraidhean Croise

Xo̱jo̱n Salmoo̱ 91:11

Ngatꞌa̱ Néná sa̱ngíyá ndítsjiee̱ tiña nínga tindyin ji, tsi̱ꞌe̱ nga skoón ngayeje ndi̱yà nínga ku̱i̱ńtje̱ ji.

Xota̱ Ebreo̱ 1:14

A mí tsí ngayeje ndítsjiee̱ nga kui xi ndyi̱tsꞌèn xaá Néná, kó nga kuí xí kanangiya tsi̱ꞌe̱ nga kui xi sa̱ꞌiín kjo̱a̱nda kui xota̱ xi sa̱ko̱ó kjo̱a̱ꞌnaxiéꞌaá.

Xo̱jo̱n Salmoo̱ 34:7

Ndítsjiee̱ Néná boá xi konda nga ngo foaꞌatjiyajoo̱n xota̱ xi bendikón Néná, kó ꞌboxiéꞌá, tsi̱ꞌe̱ nga jmí ni ka̱májiín.

Rkaa̱ 16:22

Ti̱chaa̱n jachó ni̱xtjin nga kꞌien Laá, kó ndítsjiee̱ Néná kijíjo̱ ngi̱ndie nínga tikón Abraa̱n, kó ti̱ kꞌien nda̱ cho̱o̱n nga, kó akjanijín kuí.

Matioo̱ 24:31

kó kuí xí sa̱ngíyá ndítsjiee̱, tsi̱ꞌe̱ nga sa̱ꞌínkjanie tjioo̱, kó ku̱i̱ꞌítikó xota̱ xi je jaꞌájin nga nijón tji̱ngi̱i̱ kui nga̱sondiee̱, ndeskande nínga ꞌbítsi̱yanii̱, kó ngaskande nínga fetꞌanii̱.

Rkaa̱ 1:19

Sꞌe̱ bi̱ katsó ndítsjiee̱: —Án xí ꞌmína Ngabrie̱, kó ngatsjéni̱xtjin nga ngindyi̱ko̱n Néná tikòn an, kó án xí kanangiyana tsi̱ꞌe̱ nga kꞌuini̱jmiì jí kui éntjatsi̱e̱e̱.

Matioo̱ 18:14

Ti̱ bo̱a̱ ti̱ tsꞌén, Na̱ꞌmijnú xi tikón ndiꞌakꞌajmi jàn, mejénjiín nga ngo kui ndií xcha̱ja.

Matioo̱ 18:6

Kó ta̱ꞌya xota̱ní xi sa̱ꞌín ngo ni, tsi̱ꞌe̱ nga tjín káꞌá kui jákjíndí xí sꞌijii̱n an sa̱ꞌínjé, ta̱sá ngo ndi̱jo̱je ngatítꞌa kjásén, sꞌe̱ ngatꞌajmijin yojoo̱ ngi̱jin nínga na̱nga̱a̱ ndáchíkoón.

Matioo̱ 2:19

Ta̱nga ngije kꞌien Erondee̱, ngo ndítsjiee̱ Néná tsíchji̱a̱jo Kosiee̱ ngi̱jin ńjñaá ki̱a̱ nangi Ejipto̱, kó bi̱ katsoó:

Matioo̱ 2:13

Kó ngije kijí já kjínkoón, ngo ndítsjiee̱ Néná jeꞌechji̱a̱jo ngi̱jin ńjñaá Kosiee̱, kó bi̱ katsoó: –Ti̱sítji̱n ji, kó ti̱yíje̱ ndií ko̱jo na̱aa̱n, kó tangínjnú nangi Ejipto̱, sꞌe̱ ki̱a̱ ti̱ndyiónjnú ngaskande nga an xi bo̱a̱ xian án, ngatꞌa̱ Erondee̱ ko̱ngase ndií tsi̱ꞌe̱ nga sa̱ꞌínkꞌién.

Matioo̱ 1:20

Ta̱nga tji̱e̱nga tjítsꞌénkjó kuí nii̱, ngo ndítsjiee̱ Néná tsíchji̱a̱jo ngi̱jin ńjñá jàn, kó bi̱ katsoó: –Kosiee̱, ji xi xota̱ tji̱e̱e̱ Ndabii̱, ngata̱ ndakinjín má ji nga ku̱i̱xenje̱ ji na̱ Riyaa̱, chjóo̱n, ngatꞌa̱ ndí xí yaꞌa, A̱si̱énni̱xtjii̱n Néná boá xi katsjaá.

1 Xota̱ Tesalónika̱ 4:8

Kó kuíni nga, kui xota̱ xi ꞌbijñátꞌaxín kui ni xi tjibókoyaá, jmí tsi xotaa̱ xi ꞌbijñátꞌaxín, Néná boá xi ꞌbijñátꞌaxín, kui Néná xi je katsjájnú A̱si̱énni̱xtjii̱n.

1 Xota̱ Korinto̱ 11:22

A jmíjínjnú ndiꞌa nínga ka̱ma xi̱ni̱e̱ ko̱jo nínga ka̱ma sꞌi̱o̱jnú. Míkjo̱a̱a̱ nga niꞌánchꞌójnú xota̱ na̱ngo̱xi̱i̱ Néná, kó mejénjnú ko̱e̱ꞌéjnúu̱ kjo̱a̱soboá xota̱ xi ta̱ jmíjín ni xi tjiín. Mí xí xiánjnúꞌun. A tsjatsꞌèn kuichjiájojnúꞌun. ¡Kjo̱a̱a̱ kui nii̱, jmí!

1 Xota̱ Korinto̱ 16:11

Kó kuíni, ngata̱ boeꞌéndièjínjnú nga tjín xí sa̱ꞌínchꞌó kui nda̱a̱, ta̱sá tasíko̱jojnú tsi̱ꞌe̱ nga xió tsꞌén kji̱ndi̱bákónna, ngatꞌa̱ an tsꞌénkoyàa̱ kui ko̱jo já ntsꞌie xi nijan ndibájo̱.

Xota̱ Roma̱ 14:10

Ta̱nga ji, míkjo̱a̱a̱ nga titsitsijinkóo̱n tsi nda ko̱jo tsi ndajín tjítsꞌén ntsꞌie. Axa̱ ji, míkjo̱a̱a̱ nga tiniꞌínchꞌí ji ntsꞌie. Ngayeje ñá nga kongín ngindyi̱ko̱n Kristoo̱ tsi̱ꞌe̱ nga kui ka̱tso̱yà tsi nda ko̱jo tsi ndajínkjiꞌi ni xi kiniꞌán,

Ni xi kamá 27:23

Ngatꞌa̱ kó ni̱xtji̱e̱n ngo ndítsjie xi katsangiya Néná tsíchji̱a̱jona, kui Néná xi chjiá an ko̱jo xi tjítsꞌen an xaá,

Ni xi kamá 12:23

Ti̱ kuii̱ chi̱bo̱a̱ ngo ndítsjiee̱ Néná katsjaá ngo chiꞌin Erondee̱, ngatꞌa̱ katsjájiín kjo̱a̱je Néná, kó chi̱ndo katsꞌénkjié nga kꞌien.

Ni xi kamá 12:15

Ta̱nga kui jaá, bi̱ katsoó kui tsa̱kji̱ín: –¡A tsobeéri! Ta̱nga ja̱koxi̱ nga Peé, katsó. Kó kui jaá bi̱ katsó: –Kuijín bo̱a̱, ta̱ ndítsjiee̱ boá.

Ni xi kamá 10:3

Ngo ni̱xtjin nga mara̱ tsi ta̱ chi̱bo̱a̱ ján nga kamángixón akakoo̱ ngo ni: kamábe xikoó tsi ngi̱jin ńjñá jàn nga ngo ndítsjiee̱ Néná tsꞌénꞌbosꞌien nínga tikón, kó bi̱ katsoó: –¡Kornie̱!

Ni xi kamá 5:19

Ta̱nga ngo ndítsjiee̱ Néná iskjíxꞌá nga̱ntjo̱a̱ ndo̱bo̱a̱ya̱à nga jñoó, sꞌe̱ índondé, kó bi̱ katsoó:

Xo̱jo̱n Salmoo̱ 17:15

Ta̱nga an ki ji Ne, skuié án kje̱n ji nga tjiín kjo̱a̱kixi̱. ¡Nga kjo̱a̱ꞌána, achichí tsjá ka̱mana nga skotsijee̱n ji!

Xo̱jo̱n Salmoo̱ 15:4

kui xi tsꞌenchꞌó xota̱ xi Néná tsꞌenchꞌó, ta̱nga bendikón xota̱ xi ndyi̱bendikón Néná, kui xi tsꞌénkjátjosón ni xi chji̱a̱, ndatsi ndajín fotjoo̱ ni xi tsꞌén,

1 Timoo̱ 4:12

Ngata̱ boeꞌéndièjín ji nga ta̱ ton xchaa̱, ngatꞌa̱ xo̱ngò ji. Ta̱sá chjiéngá chi̱bo̱a̱ ka̱maa̱ ji xota̱ xi sꞌijii̱n Néná kjo̱a̱a̱ xikótsꞌèn ndokjo̱e̱, ko̱jo xikótsꞌèn tindyin, ko̱jo xikótsꞌèn tjiín kjo̱a̱tjó, ko̱jo xikótsꞌèn sꞌijii̱n Néná, ko̱jo xikótsꞌèn tsjie tindyin ji ngindyi̱ko̱n Néná.

1 Xota̱ Korinto̱ 9:22

Ngi̱jii̱n xota̱ xi kji̱e̱ ꞌniújín sꞌijii̱n Néná, xikoó tsi ngo kui xotaa̱ katsꞌen an yojona, tsi̱ꞌe̱ nga asiko̱jo an nga ꞌniú ngase sꞌi̱jii̱n. Xi kókón ngayeje to̱ko̱ya xotaa̱, bo̱a̱ kon katsꞌen an yojona, tsi̱ꞌe̱ nga ti̱ kuí xí kjo̱tjoꞌani kaꞌa xota̱.

Xota̱ Roma̱ 15:1

Ñá xi je tajá tindyión nga sꞌijinná Néná, chjiéngá si̱ꞌanchíkjo̱a̱a̱ xota̱ xi tajájín síndo, kó chjiénjín nga ti̱ña̱á si̱ꞌán ni xi tsja so̱bo̱a̱ ka̱máná.

Xota̱ Roma̱ 14:21

Ta̱sá ndatsi jmí yojo xi̱ni̱e̱ jàn, ko̱jo tsi jmí bino̱ sꞌi̱o̱ jàn, ko̱jo tsi ta̱ jmíjín ni xi si̱ꞌán tsi ngo ntsꞌié kꞌo̱ka nga sa̱ꞌínjé, ko̱jo tsi chꞌo ka̱maa̱ ko̱jo tsi ngiti̱ sꞌi̱jinjiín Néná.

Ni xi akakoo̱ 8:2

Kó kamábe an nga yito ndítsjie xi ndyi̱a̱kixi̱ kje̱n Néná, kó kuí katseꞌeé yito tjio.

Xota̱ Ngalasia̱ 6:1

Jún ntsꞌie, tsi ngo xi kamáyà nga ngo jé tjítsꞌén, jún xi je tindyiónjnú xikótsꞌèn mejeén A̱si̱énni̱xtjii̱n Néná, chjiéngá ni̱ma̱takón ka̱majnú nga ko̱si̱ko̱jójnú, tsi̱ꞌe̱ nga sa̱ꞌíndaya yojoo̱ kui xi tjítsꞌénjeé, ta̱nga chónjnú yojojnú nga ngo nga ngojnú, tsi̱ꞌe̱ nga jmí tsi ko̱jo jún chjátꞌayákónjnú.

2 Xota̱ Korinto̱ 10:10

ngatꞌa̱ nga ja̱koxi̱ tjín xota̱ xi tsó, nga xo̱jo̱nna achichí xò tajá ko̱jo ꞌniú xò chji̱a̱, ta̱nga nga an má xò xí tikónjinjnúꞌun inda xò an, kó nga chꞌo xò énna.

2 Xota̱ Korinto̱ 10:1

Ngindyi̱ko̱n Kristo̱ xi tjoó, ko̱jo xi nda tsꞌénjo̱ xotaa̱, an Pabloo̱, ngo ni kuichjiájojnúꞌun ngatꞌa̱ tjín xota̱ xi tsó nga chi̱ni xò án nga ki̱a̱ tikónjinjnúꞌun, ta̱nga tajá xò chji̱a̱ an nga ki̱a̱jín tikónjinjnúꞌun.

Rkaa̱ 10:16

Kui xi ku̱i̱ntꞌièjnú jún, ndyi̱ntꞌièna án nga, kó xi sa̱ꞌínchꞌójnú jún, ti̱ tjítsꞌénchꞌóna an nga, kó xi tjítsꞌénchꞌóna an, tjítsꞌénchꞌó kui Néná xí katsangiyana nga.

Matioo̱ 12:20

Skjítꞌójín ngo yáxá xi je kjiꞌikjojó, kó sa̱ꞌínkꞌójín ndiꞌií ngo ńchjónsién xi je ta̱ ṉdi̱i̱ xí tjitjó, ngaskande nga sa̱ꞌín ni xi tjiín kjo̱a̱kixi̱i̱.

Na̱ Estee̱r (Ebreo̱) 1:14

Kó xi ꞌniú asíko̱jo, kuí boá xi ꞌmí Karsenaa̱, ko̱jo Setaa̱r, ko̱jo Andmataa̱, ko̱jo Tarsii̱, ko̱jo Meree̱, ko̱jo Marsenaa̱, ko̱jo Memukaa̱n. Nga yito kui xotaa̱, kuí boá xi ngito̱ko̱o̱ xota̱ Persiaa̱ ko̱jo xota̱ Mendiaa̱, kó kuí boá xi kisꞌińdo kje̱n nínga ꞌbíjñá ree̱.

Xota̱ Ebreo̱ 9:24

Ngatꞌa̱ Kristoo̱ jmí tsi tsꞌasꞌien ngi̱yaa̱ kui na̱ngo̱xi̱ ndikón xí katsꞌénda tsja xotaa̱, kui xi ta̱ ni xi katjoꞌótꞌa na̱ngo̱xi̱ ndikón xí ja̱koxi̱i̱ boá. Kristoo̱ boá xi ki̱a̱ má ndiꞌakꞌajmii̱ tsꞌasꞌien, tsi̱ꞌe̱ nga jachó ngindyi̱ko̱n Néná, kó kuí boá xi tsꞌénmíꞌá nganda tsa̱ñá.