Matioo̱ 11:5 - Xo̱jo̱n eén Néná

⁵ tꞌíni̱jmìjnúu̱ nga xota̱ xi ti̱ka̱a̱ je kamátsijee̱n, xi ni̱ma̱ see̱ je ma fí, xi tjiín chiꞌin xi tsꞌénkjátsón tji̱xin yojoná je kamándaya, xi xtiyaa̱ je tsintꞌié, xi kꞌiee̱n je jaꞌáꞌyaá, ko̱jo nga xota̱ ni̱ma̱a̱ je tjíꞌmíyaá éntjatsi̱e̱e̱ Néná.

Matioo̱ 11:5 Iomraidhean Croise

Xo̱jo̱n Salmoo̱ 146:8

Néná boá xi tsꞌentsíjen nginií xota̱ xi ti̱ka̱a̱, kó tsꞌénkjastjíe̱n nginí xi ngindie jàn kjiyojotꞌa, kó tsꞌéntjó xota̱ xi kixi̱i̱.

Xo̱jo̱n Salmoo̱ 22:26

Xota̱ ni̱ma̱a̱ skji̱ni̱e̱ ko̱jo kꞌuí, kó stsi̱e̱ cha̱n cha̱a̱n, kó xota̱ xi mongase Néná, ngatsꞌèntsjaà. ¡Ngatsjéni̱xtjin ngatꞌíjñá ini̱ma̱jnú!

Éksondo̱ 4:11

Kó Néná bi̱ katsoó: —Ndaꞌyéní Moisee̱, ¡Án boá xi sa̱ꞌinkíchji̱a̱a̱ ko̱jo tsi sa̱ꞌinkíchji̱a̱jaán! ¡Án boá xi sa̱ꞌin an nga ko̱nda̱ꞌyé ji, ko̱jo tsi ko̱nda̱ꞌyéjín ji! ¡Án boá xi sa̱ꞌintsijeen ko̱jo tsi ka̱matsijenjiín!

Matioo̱ 10:8

Ti̱ꞌandayajnú xota̱ xi oo̱n, ko̱jo ti̱ꞌankjaꞌáꞌyájnúu̱ xota̱ xi je jesón, ko̱jo ti̱ꞌantsjiejnú xota̱ xi tjiín chiꞌin xi tsꞌénkjátsón tji̱xin yojoná, ko̱jo ꞌna̱xiéjnú a̱si̱énni̱xtjii̱n xindajín. Kó ngata̱ chjeꞌéchjíjínjnú nga si̱ꞌánjnú ngo kjo̱a̱nda, ngatꞌa̱ Néná ta̱ katsjájnú kui kjo̱a̱ndaa̱.

Matioo̱ 11:4

Kó Kjisoo̱, bi̱ katsoó kui jaá: –Tangínjnú, kó tꞌíyájnúu̱ Juaa̱ ni xi je kamáyàjnú ko̱jo ni xi je kandaꞌyájnú,

Matioo̱ 12:13

Kósꞌe̱ Kjisoo̱, bi̱ katsoó kui nda̱a̱: –Tjintie ndse̱. Kó kui nda̱a̱ yejéntie tsja, kó kamándaya xikó má kjiꞌi tsja xi ingoo̱.

Matioo̱ 21:14

Kó xota̱ xi ti̱ka̱ ko̱jo xi fí ni̱ma̱ tꞌa, jachókoón Kjisoo̱ ki̱a̱ na̱ngo̱xi̱i̱, kó katsꞌéndaya.

Matioo̱ 5:3

–Achichíra̱tsjaa̱ xota̱ xi ni̱ma̱ síndo ini̱ma̱a̱, ngatꞌa̱ kuí xí tsi̱ꞌe̱ ka̱ma nínga botixómá Néná.

Matioo̱ 9:30

Kó kamátsijee̱n nga jó kui jaá, sꞌe̱ Kjisoo̱ ꞌniú íjñaá tsi̱ꞌe̱ nga jmíjín xi ka̱tso̱yaa̱.

Markoo̱ 7:37

Kó achichí kijíndikoón xotaa̱ kui nii̱, kó bi̱ katsó: –Ngayeje nii̱ xi nda tjítsꞌén. ¡Ngaskande tsꞌénkíntꞌié xota̱ xi xtiya, ko̱jo tsꞌénkíchji̱a̱ xota̱ xi ni̱ma̱!

Markoo̱ 9:25

Kó nga kamábe Kjisoo̱ nga ta̱sasá kamátikó xota̱ kjiín, katsꞌénxchánjo̱ kui a̱siénni̱xtjin xi ndajiín, nga bi̱ katsoó: –¡A̱siénni̱xtjin xi ndajín xi ni̱ma̱ ko̱jo xi xtiya, án xí bo̱a̱ tꞌíxiaán, tji̱taxi̱e̱jíi̱n ngi̱jin yojoo̱ kui nda̱chií, kó nga ngiti̱ nijánjín ki̱a̱ bitjasꞌi̱jíi̱n!

Rkaa̱ 4:18

A̱si̱énni̱xtjii̱n Ndi̱a̱a̱ tikónjinna, ngatꞌa̱ jè katsjáxána, tsi̱ꞌe̱ nga an xi kꞌuini̱jmìi̱ éntjatsi̱e̱e̱ ngayeje xota̱ ni̱ma̱, katsangiyana nga sa̱ꞌindaya an xota̱ xi oo̱n ini̱ma̱a̱, ko̱jo nga xiyàa̱ nga je kꞌuitsómandé xota̱ xi ndyi̱a̱ꞌya ndo̱bo̱a̱yà ko̱jo nga tsjàa̱ nga ka̱matsijee̱n xota̱ xi ti̱ka̱, ko̱jo nga kꞌuindondé án xota̱ xi ndajín tjíniꞌánjo̱,

Juaa̱ 10:25

Sꞌe̱ Kjisoo̱, bi̱ katsó: –Jè kixiyajnúꞌun, ta̱nga sꞌijinjínjnú, ngayeje ni xi tsꞌen an nga tsꞌenkjién án jaꞌeén Na̱ꞌmina, kuí xí bokó ꞌyání án,

Juaa̱ 10:38

ta̱nga tsi sa̱ꞌin an, ndatsi sꞌi̱jinjínjnú an, sꞌijin ngatamajnú ni xi tsꞌen an, tsi̱ꞌe̱ nga xcha̱jnú, kó ka̱makjínjnú nga Néná xí Na̱ꞌmii̱ tikónjinna, kó an tikónjìi̱n kui.

Juaa̱ 2:23

Tji̱e̱nga kisꞌijña Kjisoo̱ na̱xi̱ńdáꞌniú Jerusale̱n ni̱xtjii̱n sꞌué paskuaa̱, achichí má xota̱ xi kisꞌijii̱n jaꞌeén nga kamábe ngayeje kjo̱a̱ndikón xí katsꞌén,

Juaa̱ 3:2

kui nda̱a̱ kijíkatsijee̱n Kjisoo̱ nga jñoó, kó bi̱ katsoó: –Mostro̱, jè yàjne̱ nga Néná katsangiyaa ji nga mostro̱ ji, ngatꞌa̱ jmíjín xi sa̱ꞌín kui chi̱bo̱a̱ ndikón xí niꞌín ji tsi Nénájín tikónjo̱.

Juaa̱ 5:36

Ta̱nga an tikónná ngo én chistiko̱ xi je ngase, ta̱bo̱a̱jiín xi tsíchji̱a̱ Juaa̱ kjo̱a̱a̱ an, ngatꞌa̱ kuí xá xí katsjána Na̱ꞌmina xi katsangiyana, tsi̱ꞌe̱ nga kjo̱tjosón ni xi tsꞌen an ngotꞌe̱, kuí xí chji̱a̱ kjo̱a̱a̱ ni xi tsꞌen an.

Juaa̱ 9:7

kó bi̱ katsoó: –Tꞌenkaníjín ndyikin nínga tikón ti̱xa̱ je xi ndyi̱a̱ ndáfoa xi tikón Siloe̱ (xi kanangiyaa̱, tsó kui eén nga én arameo̱). Kijí kui nda̱a̱, kó aniéjón ndyi̱ko̱n, kó nga jachó nginí, je kamátsijee̱n.

Ni xi kamá 2:22

Jún bo̱a̱ já xí chji̱a̱ni Israee̱l, ndaꞌyájnú kui én xí xian an: Kjisoo̱ nda̱ xi chji̱a̱ni na̱xi̱ńdáꞌniú Nasaree̱t, ngo nda̱ xi Néná akójnú nga kisꞌiee̱ ngaꞌniú, ko̱jo nga tsie kjo̱a̱ndikón xí katsꞌén ngi̱ya tsja nga kisꞌijñajo̱jnú, xikótsꞌèn ti̱ juún je yàjnú,

Xo̱jo̱o̱n Sandiyaá 2:5

Jún ndí ntsꞌie xi tjóna, ndaꞌyájnú kui nii̱: A mí tsi Néná je jaꞌájin xota̱ ni̱ma̱a̱ kui nga̱sondiee̱, tsi̱ꞌe̱ nga ka̱macho̱nni ngi̱jii̱n kjo̱a̱sꞌijii̱n Néná, kó nga Néná jè katsóyàtjón nga kuí boá xi ko̱tíxomaa̱, xota̱ xi tsꞌéntjó Néná.