Matioo̱ 11:4 - Xo̱jo̱n eén Néná

⁴ Kó Kjisoo̱, bi̱ katsoó kui jaá: –Tangínjnú, kó tꞌíyájnúu̱ Juaa̱ ni xi je kamáyàjnú ko̱jo ni xi je kandaꞌyájnú,

Matioo̱ 11:4 Iomraidhean Croise

Matioo̱ 11:3

kó bi̱ katsoó tsi̱ꞌe̱ nga bi̱ tsꞌén ko̱síyaá Kjisoo̱: –A jí boá kui nda̱ xi kjo̱e̱ꞌe̱é, axa̱ xchiyá xò ji̱n kje̱ꞌe.

Matioo̱ 11:5

tꞌíni̱jmìjnúu̱ nga xota̱ xi ti̱ka̱a̱ je kamátsijee̱n, xi ni̱ma̱ see̱ je ma fí, xi tjiín chiꞌin xi tsꞌénkjátsón tji̱xin yojoná je kamándaya, xi xtiyaa̱ je tsintꞌié, xi kꞌiee̱n je jaꞌáꞌyaá, ko̱jo nga xota̱ ni̱ma̱a̱ je tjíꞌmíyaá éntjatsi̱e̱e̱ Néná.

Matioo̱ 15:30

Kó achichí má xota̱ xi jachókoón Kjisoo̱ xi jachójo̱ xota̱ xi fí ni̱ma̱ tꞌa, ko̱jo xota̱ xi ti̱ka̱, ko̱jo xota̱ xi ni̱ma̱ tsja, ko̱jo xota̱ xi májín chji̱a̱, ko̱jo achichí xota̱ xi ndajín tjiín, kó Kjisoo̱ ngayejee̱ nga katsꞌéndaya,

Matioo̱ 21:14

Kó xota̱ xi ti̱ka̱ ko̱jo xi fí ni̱ma̱ tꞌa, jachókoón Kjisoo̱ ki̱a̱ na̱ngo̱xi̱i̱, kó katsꞌéndaya.

Matioo̱ 8:3

Sꞌe̱ Kjisoo̱ yejénnié tsja kó katsꞌénjo̱, nga bi̱ katsoó: –Mejénna, ngatamatsjiejón ji. Kó ti̱ kjiꞌa katjoꞌóxín chiꞌin xi koo̱n kui nda̱a̱.

Juaa̱ 14:11

Sꞌijin ngatamaa̱ nga Na̱ꞌmii̱ tikónjìi̱n, kó nga Na̱ꞌmii̱ tikónjinna an, kó tsi jmí, sꞌijin ngatamaa̱ ni xi tjítsꞌen an.

Juaa̱ 5:36

Ta̱nga an tikónná ngo én chistiko̱ xi je ngase, ta̱bo̱a̱jiín xi tsíchji̱a̱ Juaa̱ kjo̱a̱a̱ an, ngatꞌa̱ kuí xá xí katsjána Na̱ꞌmina xi katsangiyana, tsi̱ꞌe̱ nga kjo̱tjosón ni xi tsꞌen an ngotꞌe̱, kuí xí chji̱a̱ kjo̱a̱a̱ ni xi tsꞌen an.