Matioo̱ 11:1 - Xo̱jo̱n eén Néná

¹ Kó ngije kamaá Kjisoo̱ nga tsíchji̱a̱jo nga tiejó xota̱ tsi̱ꞌe̱, kijíkakoyá ko̱jo kijíkꞌíni̱jmì eén Néná na̱xi̱ńdaá kui jaá.

Matioo̱ 11:1 Iomraidhean Croise

Matioo̱ 28:20

kó takoyajnúu̱ nga sa̱ꞌínkjatjosón ngayeje ni xi akoyájnúꞌun, kó an ngatsjéni̱xtjin kotíjña̱jojnúꞌun, ngaskande nga kju̱i̱e̱ nga̱sondiee̱. Bo̱a̱ kjiꞌi.

Matioo̱ 4:23

Kó Kjisoo̱ kijí ngayeje na̱xi̱ńdá xí chji̱a̱ni nangi Ngalilea̱, nga akóyá éntjatsi̱e̱e̱ Néná ki̱a̱ ndiꞌa nínga ndokjo̱a̱ eén Néná, kó íni̱jmì kjo̱a̱a̱ nínga botixómá Néná, ko̱jo katsꞌéndaya ngayeje xota̱ xi tjiín ngo chiꞌin, ko̱jo xi oo̱n.

Matioo̱ 7:28

Kó ngije kamaá Kjisoo̱ nga katsóyà kui eén, xotaa̱ índikón xikótsꞌèn akóyá,

Matioo̱ 9:35

Kó Kjisoo̱ kijí ngayeje na̱xi̱ńdáꞌniú ko̱jo ndí nangi, kó akóyá ngi̱ya ndiꞌa nínga ndokjo̱a̱ eén Néná, kó íni̱jmì éntjatsi̱e̱ xi chji̱a̱ kjo̱a̱a̱ kjo̱a̱botíxomaa̱ Néná, kó katsꞌéndaya ngayeje chiꞌii̱n ko̱jo xi so xi ndakjaa̱n xota̱ na̱xi̱ńdaá.

Markoo̱ 6:12

Kó kijí xota̱ tsi̱ꞌe̱ Kjisoo̱ nga kijíkꞌini̱jmi̱ì xotaa̱ nga sa̱ꞌínkꞌoyà yojoo̱ kjo̱a̱a̱ jé xí ndyi̱tsꞌèn.

Rkaa̱ 23:5

Ta̱nga kui jaá ꞌniú katsꞌén, nga bi̱ katsó: –Indyiátsobeé xota̱ na̱xi̱ńdaá nga akóyá ngayeje nangi Jundea̱, ki̱a̱ ítsꞌi̱yanii̱ nangi Ngalilea̱ ngaskande kꞌi̱e̱e̱.

Rkaa̱ 8:1

Kó jaskan ngije kamá kui nii̱, Kjisoo̱ kijí ngayeje na̱xi̱ńdáꞌniú ko̱jo ndí nangi, nga katsóyà éntjatsi̱e̱e̱ kjo̱a̱a̱ nínga botixómá Néná. Nga tiejó xota̱ tsi̱ꞌe̱ ki̱a̱ nijan kistsoꞌbájo̱,

Juaa̱ 15:10

Tsi si̱ꞌankjatjosónjnú kjo̱a̱botíxomana, kjo̱a̱tjóna ku̱i̱ndyionjinjnú, xikótsꞌèn tjítsꞌenkjatjosóo̱n kjo̱a̱botíxomaa̱ Na̱ꞌmina, kó kjo̱a̱tjó tsi̱ꞌe̱ tikónjìi̱n.

Juaa̱ 15:14

Amingo̱na má jún, tsi si̱ꞌánjnú ni xi xian an.

Ni xi kamá 1:2

ngaskande ni̱xtjin nga kijí ndiꞌakꞌajmi jàn, ngije ja̱bo̱a̱ je katsjaá kjo̱a̱botíxoma já apostro̱ xi je jaꞌájin nga A̱si̱énni̱xtjii̱n Néná katsꞌénkjién,

Ni xi kamá 10:38

ko̱jo nga Néná katsjaá ngaꞌniú ko̱jo A̱si̱énni̱xtjii̱n Néná kui Kjiso̱ xi chji̱a̱ni Nasaree̱t, kó kuí Kjisoo̱ xi kistsoꞌbá nga katsꞌén ni xi nda, ko̱jo nga katsꞌéndaya ngayeje xota̱ xi tsie kjo̱a̱ni̱ma̱ ndyi̱foaꞌa, xi kjimaniꞌii̱n ta̱ngatꞌanii̱ xindajín ndiabloo̱, ngatꞌa̱ Kjisoo̱ Néná kistsoꞌbájo̱,

Ni xi kamá 10:42

Kó kuí xí atíxomajne̱ tsi̱ꞌe̱ nga kꞌuiníjmi̱jne̱ xota̱ na̱xi̱ńdaá nga kuí Néná xi katsjaá xá Kjisoo̱ nga kui xi nendiꞌamasiee̱n xota̱ xi síndo, ko̱jo xi je jesón ka̱ma.

1 Xota̱ Tesalónika̱ 4:2

Ngatꞌa̱ jún jè yàjnú kui kjo̱a̱botíxoma xi je katseꞌéjne̱ jún, kui xi íjñá Ndi̱a̱ná Kjisoo̱.

2 Xota̱ Tesalónika̱ 3:10

Ngatꞌa̱ kjiꞌanga kixindyionjinjne̱ jún, katseꞌéjne̱ ngo kjo̱a̱botíxoma xi bi̱ tsó: Tsi tjín xi mejénjiín sa̱ꞌínxá, jmíjiín kjo̱a̱nda nga ka̱ma skji̱ni̱e̱ nichinie.

2 Xota̱ Tesalónika̱ 3:6

Jún ntsꞌie, ngo kjo̱a̱botíxoma ko̱e̱ꞌéjne̱: Ngi̱yaa̱ jaꞌeén Ndi̱a̱ná Jesukristoo̱, xín ti̱ꞌankjaꞌajnúu̱ yojojnú ngayeje ntsꞌié xi mejénjiín sa̱ꞌín xá xí nda ko̱jo xi fítji̱ngijín kui kjo̱a̱bokoyá xi ji̱n katseꞌéjne̱ jún.

1 Timoo̱ 6:14

tsi̱ꞌe̱ nga si̱ꞌinkjatjosén yeje ji kui kjo̱a̱botíxoma xi tsꞌéntsjaa. Tsjietsꞌén ti̱ꞌinkjatjosén ji kui nii̱, kó nga jmíjín xi ngo ni ko̱óngítaꞌii̱n, ngaskande nga ko̱kó nginí yojoo̱ Ndi̱a̱ná Jesukristoo̱.