Matioo̱ 10:1 - Xo̱jo̱n eén Néná

¹ Kó Kjisoo̱ ngije tsíchji̱a̱a̱ nga tiejó xota̱ tsi̱ꞌe̱, katsjaá xá tsi̱ꞌe̱ nga ka̱maa̱ kꞌo̱xié a̱siénni̱xtjin xi ndajín, ko̱jo tsi̱ꞌe̱ nga ka̱maa̱ sa̱ꞌíndaya ngayeje to̱ko̱ya chiꞌin.

Matioo̱ 10:1 Iomraidhean Croise

Matioo̱ 19:28

Kó Kjisoo̱, bi̱ katsó: –Ja̱koxi̱ ni xi xiánjnúꞌun nga, nga kjo̱chó ni̱xtjin nga ngayeje nii̱ ka̱matja̱tsi̱e̱ya, kjiꞌanga ndií nda̱ xi̱ꞌii̱n ko̱tíxoma nínga tikón kjo̱a̱jee̱, jún xi timatji̱ngijnúꞌun, ki̱a̱ ku̱i̱ndyionsónjnú nga tiejó yáxíríe̱ nínga botíxomaa̱, tsi̱ꞌe̱ nga bo̱a̱ kꞌuínjnú tsi tjiín ko̱jo tsi jmíjiín jé nga tiejó tji̱e̱e̱ xota̱ xi chji̱a̱ni Israee̱l.

Matioo̱ 26:20

Kó nga kamángixoón, Kjisoo̱ ko̱jo nga tiejó xota̱a̱ kisꞌińdotꞌa yámíxa̱.

Matioo̱ 26:47

Kó ti̱ tsꞌénchji̱a̱ ngase Kjisoo̱ nga jachókoón nda̱ xi ꞌmí Jundaa̱, ngo nda̱ xi chji̱a̱ni nga tiejó xota̱ tsi̱ꞌe̱, kó kjín xota̱ tji̱e̱njo xi ndyi̱yaꞌa ki̱cha̱ ko̱jo yá, kó kui xotaa̱, já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱, ko̱jo já xchá ngito̱ko̱o̱ na̱xi̱ńdaá xí katsangiya.

Matioo̱ 4:23

Kó Kjisoo̱ kijí ngayeje na̱xi̱ńdá xí chji̱a̱ni nangi Ngalilea̱, nga akóyá éntjatsi̱e̱e̱ Néná ki̱a̱ ndiꞌa nínga ndokjo̱a̱ eén Néná, kó íni̱jmì kjo̱a̱a̱ nínga botixómá Néná, ko̱jo katsꞌéndaya ngayeje xota̱ xi tjiín ngo chiꞌin, ko̱jo xi oo̱n.

Matioo̱ 6:13

Kó ngata̱ boeꞌéndièjín ji nga chjátꞌayákónjne̱, xín ti̱ꞌinkjeꞌejne̱ ni xi ndajín, ngatꞌa̱ jí tse̱ ngi̱ndie nínga botíxomaa̱, ko̱jo ngaꞌniuú, ko̱jo kjo̱a̱jee̱, ngatsjéni̱xtjin. Bo̱a̱ kjiꞌi.

Matioo̱ 9:35

Kó Kjisoo̱ kijí ngayeje na̱xi̱ńdáꞌniú ko̱jo ndí nangi, kó akóyá ngi̱ya ndiꞌa nínga ndokjo̱a̱ eén Néná, kó íni̱jmì éntjatsi̱e̱ xi chji̱a̱ kjo̱a̱a̱ kjo̱a̱botíxomaa̱ Néná, kó katsꞌéndaya ngayeje chiꞌii̱n ko̱jo xi so xi ndakjaa̱n xota̱ na̱xi̱ńdaá.

Matioo̱ 9:38

Kuíni nga ꞌniú chji̱a̱ꞌajnúu̱ Ndi̱a̱ xi tsi̱ꞌe̱ ni xi kamáxchaá tsi̱ꞌe̱ nga sa̱ngíyá ngase xota̱ xi sa̱ꞌínxá ngi̱jin jno̱o̱.

Rkaa̱ 10:19

Tsitsíjenjnú nga án boá xi tsꞌéntsjájnúꞌun ngaꞌniú tsi̱ꞌe̱ nga ka̱ma kongínjinjnú ye̱ ko̱jo cho̱ndáyá, ko̱jo tsi̱ꞌe̱ nga si̱ꞌánjnúu̱ ngayeje ngaꞌniuú kondraa̱, kó nga jmí ni ka̱májínjnú jún.

Rkaa̱ 21:15

ngatꞌa̱ ti̱ ánní xi tsja an én ko̱jo kjo̱a̱kjínkón, kó kui eén nde ngojín kondra̱jnú xi sa̱ꞌiín.

Rkaa̱ 24:49

Kó ngotꞌe̱ ꞌne̱, sangiyájnúꞌun ni xi katsóyàtjón nga tsja̱a Na̱ꞌmina, ta̱nga kꞌi̱e̱ ti̱ndyiónjnú na̱xi̱ńdáꞌniú Jerusale̱n, ngaskande nga sa̱kójnú ngaꞌniú xí kji̱ndi̱báni ndiꞌakꞌajmi jàn.

Rkaa̱ 6:13

Kó nga kisisie̱èn, tsíchji̱a̱a̱ ngayeje xota̱ tsi̱ꞌe̱, kó tiejó má já xí jaꞌájin xi já apostro̱ katsoó.

Juaa̱ 17:2

xikótsꞌèn katseꞌéní xá nga án kotixomáa̱ xotaa̱, ko̱jo tsi̱ꞌe̱ nga an tsjàa̱ kjo̱a̱mindyion ngatsjéni̱xtjii̱n ngayeje xota̱ xi ji katseꞌée̱.

Juaa̱ 3:27

Sꞌe̱ bi̱ katsó Juaa̱: –Nde ngojín xota̱ xi skjíbé ngo ni, tsi ndiꞌakꞌajmii̱jín xi tsja̱á.

Juaa̱ 3:35

Néná xí Na̱ꞌmii̱ tjoó ndií, kó ngayeje nii̱ ngi̱ya tsja íjñá.

Juaa̱ 6:70

Sꞌe̱ Kjisoo̱, bi̱ katsó: –A ánjín xi jaꞌajinjnúꞌun nga tiejójnú. Ta̱nga ngo jún xi xindajín ndiabloo̱ chji̱a̱ni.

Ni xi kamá 1:8

ta̱nga kjiꞌanga kjo̱e̱ꞌe̱kónjnú A̱si̱énni̱xtjii̱n Néná, sa̱kójnú ngaꞌniuú, kó ka̱ma chistiko̱na ka̱majnú, kó jmí tsi ta̱ na̱xi̱ńdáꞌniú Jerusale̱n tsi, ko̱jo ngayeje nangi Jundea̱, ko̱jo nangi Samaria̱, ko̱jo ngaskande nínga fetꞌaa̱ tꞌanangii̱.

Ni xi kamá 19:15

Ta̱nga kui a̱siénni̱xtjin xi ndajiín, bi̱ katsoó nga tsíchji̱a̱: –Be án Kjisoo̱, kó ti̱ be án ꞌyání xi Pabloo̱, ta̱nga jún, ꞌyání jún.

Ni xi akakoo̱ 12:1

Kó kamáyà ndiꞌakꞌajmi jàn ngo chi̱bo̱a̱ xi ta̱nisién je: Ngo na̱ xi tjítsakjájón tsꞌueé xikoó tsi chi̱nga̱a̱, kó saá ngindie se kui naa̱ kisꞌijña, kó ngo korona̱ xi tjiín tiejó ńño kisꞌijñaa̱ to̱ko̱,